..[ باي باي سكول ،، قود مورننج صيفيه ] .. - شبكة القناص

**HeShAm _20** · 27-06-2008, 02:33 AM

السلام عليكم

هلا والله فيكم جميع ، شلونكم عقب الاختبارات اخباركم

من زمان عن المجلس احس ان ما كتبت الا موضوع واحد بس يعني مقصر فقلت خلني اكتب وش وراي فاضي
طبعا هنا موضوعي فضفضه للي راح في فترة الاختبارات وللي بيجي في المستقبل
من سفريات وجمعات وطلعات

مدخل :/

باي باي سكول

طبعا بدت الصيفيه وصار وقت الفراغ واجد ولله الحمد ووقت النوم كثير والحريه زادت

يعني الوضع فله .. يعني طلعت الافكار وطلعت المواضيع اللي في تالي الفجريه

ابتكلم عن الاختبارات ، طبعا كلنا مرينا بفتره يعني انا من وجهة نظري
من اسوا فترات السنه
فذي الفتره كلش ممنوع من نت وطلعات واكس بوكس وسوني وكلش
فطبيعي جدا تكون فتره
سيئه على الواحد خصوصا الشعب السعودي الكريم اللي تلقاه فاتح الكتاب ومافهم شئ يقرا شئ

ومخه يهوجس ويفكر وش يسوي في العطله ، المهم مهب وقته نتكلم عن الاختبارات لانها خلصت
بشهرا وخيرها ..

ابي اتكلم عن الصيفيه والفتره الجايه اللي من الحين ابقولكم والله بتملون منها

ان ما نظمتوا وقتكم وعرفتوا وش تسوون وخططتو لها

فاذا كانت الصيفيه نوم واكل ونت وتلفزيون صدقوني في البدايه
بتفلون امها بس
بعدين بتزق معكم ، وبتطفشون يعني لازم تدبرون عمركم من اول الصيفيه ولازم تخططون

على شئ يعني مثلا تسجيل في مركز صيفي ولا تاخذ لك كم درس انقليزي وللعاطلين يشتغلون

في فتره الصيفيه ، طبعا هذي الصيفيه بتكون طويله وعلى حسب معلوماتي انه ما قد

صارت بهالمده من عشر سنين فاتت ومهب صايره في 10 سنين جايه يعني بتكون اطول

صيفيه في عشرين سنه انا اتوقع خلوها كذا عشان يصير رمضان داخله في الاجازه في

الاجازات الجايه طبعا هذا القرار زين وشين في نفس الوقت قلو ليش انا اقولكم

زين لانه يريحك من تعب الصيام وتروح للمدرسه وانت صايم طبعا هنا تحس بمتعه الصيام وعذابه

اما شين لانه استغفر الله ما تقدر تسافر ولا شئ لانه صعبه شوي تسافر في رمضان الا لمكه او المدينه

او الدمام او جده او ابها يعني اي مدينه قريبه تقعد فيها ثلاث ايام وترجع
يعني بيروح شهر كامل

في الاجازه ما تقدر تسافر فيه ولا شئ يعني حتى رمضان منت حاس فيه سهر في الفجريه

ونوم في الظهريه يعني تقوم الساعه 2 او بعض الناس 3 يعني تقعد ثلاث ساعات صايم

يعني فتره قصيره مرة ، المهم نرجع للصيفيه الكل يعرف ان في الصيفيه تكثر العروس والمتزوجين في الصيفيه فهذا تراها ميزه في

الاجازه يعني تفلها بالعروس تكشخ وترسم وفي الاخير تدق في ذا المفطح ، يعني في الاجازه فيه اشياء كثير تصير من سفرات وطلعات وسفرات

يعني ودي تتكلمون عن قصصكم في الصيفيه سفراتكم واحلى ايام عشتوها في الاجازه والى الحين في ذاكرتكم

ودي انا ابدا بقصه صارت لنا السنه اللي فاتت

كنا ناوين نسافر لالمانيا وسويسرا وحجزنا وكلش

رحنا نقص التذاكر من الخطوط السعوديه قال الموظف لابوي

ان يمكن ما يكربونك الطياره لان جوازك بقى عليه اقل من 6 شهور

لان فيه نظام في المانيا انه مافيه شخص يعني سايح يدخل لالمانيا وجوازه اقل

من 6 شهور مدري ليش هالنظام المهم ان هذا الكلام العصر وبكره الصبح طيارتنا

يعني مافيه وقت نجدد الجواز رحنا الجوازات مالقينا احد العصر قالوا لابوي تعال بكره

الصبح ويمكن يقدرون يجددونه لك وعطوا ابوي ورقه بيانات قالو عبها وتعال بكره

طبعا ابوي دق على كم شخص في الجوازات والحمدلله لقينا واحد ينقذنا

وعطانا رقم واحد قال دقوا عليه بكره الصبح وهو بيساعدكم لان خوي ابوي دق على

الموظف وفهمه كلش طبعا شروط تجديد الجواز لازم تسدد المخالفات

ابوي رراح يسدد بس بالصدفه صرافات الراجحي خربانه وابوي ما يحب ياخذ

بطاقات صراف واجده يعني ما يحب بطاقات الصراف المهم درنا كل صرفات

شمال الرياض كلها خربانه ، طبعا اذا ما سددنا المخالفات بتروح علينا السفره

تخيلو يعني دفعنا كلش ايجارات فنادق وكلش طبعا كل هذا

كان الساعه 1 الفجر يعني العالم نايمه ابوي حاول يدق على احد عنده بطاقه صراف

بنك الرياض كلن نايم الفجر المهم انها زقت معي اخر شئ ذكرت ان معي بطاقه صراف بنك

الرياض قلت لابوي بغى يمسح فيني الارض

رحنا وسددنا وكلش يوم جا بكرة الصبح من صباح الله رحنا الجوازات

وجددنا وكلش والحمدلله مرت السفره على خير

طبعا هذا من اصعب المواقف اللي مرت علي في الصيفيه

دوركم انت تقولون لنا مواقف مرت عليكم سواء طريفة ولا صعبة ولا حزينة

خلاص معد عندي حتسي خلصت دوركم تجاوبون علي اسئلتي :/

سـ1 / حليت صح في اختباراتك ولا لا ؟

سـ2 / فيه مشاريع وافكار ناوي تسويها في الاجازه ولا لا ؟

سـ3 / وش رايك في قرار ان رمضان يصير من ضمن الاجازه ؟

سـ4/ بما ان الاختبارات خلصت والناجحين واجد والهدايا كثرت ،
هل جتك هدية ؟ من مين ؟ واذا ما جتك انت اهديت لاحد ؟

مبروك للناجحين وان شاء الله يستانسون في الاجازه

مخرج /
قود مورننج صيفيه

اعذروني على القصور بس تراني
منب واجد اكتب في المجلس لا تشرهون

هشـآم

27-06-2008, 02:33 AM	#1
HeShAm _20 . . : زعيم القناصين : . .	..[ باي باي سكول ،، قود مورننج صيفيه ] .. السلام عليكم هلا والله فيكم جميع ، شلونكم عقب الاختبارات اخباركم من زمان عن المجلس احس ان ما كتبت الا موضوع واحد بس يعني مقصر فقلت خلني اكتب وش وراي فاضي طبعا هنا موضوعي فضفضه للي راح في فترة الاختبارات وللي بيجي في المستقبل من سفريات وجمعات وطلعات مدخل :/ باي باي سكول طبعا بدت الصيفيه وصار وقت الفراغ واجد ولله الحمد ووقت النوم كثير والحريه زادت يعني الوضع فله .. يعني طلعت الافكار وطلعت المواضيع اللي في تالي الفجريه ابتكلم عن الاختبارات ، طبعا كلنا مرينا بفتره يعني انا من وجهة نظري من اسوا فترات السنه فذي الفتره كلش ممنوع من نت وطلعات واكس بوكس وسوني وكلش فطبيعي جدا تكون فتره سيئه على الواحد خصوصا الشعب السعودي الكريم اللي تلقاه فاتح الكتاب ومافهم شئ يقرا شئ ومخه يهوجس ويفكر وش يسوي في العطله ، المهم مهب وقته نتكلم عن الاختبارات لانها خلصت بشهرا وخيرها .. ابي اتكلم عن الصيفيه والفتره الجايه اللي من الحين ابقولكم والله بتملون منها ان ما نظمتوا وقتكم وعرفتوا وش تسوون وخططتو لها فاذا كانت الصيفيه نوم واكل ونت وتلفزيون صدقوني في البدايه بتفلون امها بس بعدين بتزق معكم ، وبتطفشون يعني لازم تدبرون عمركم من اول الصيفيه ولازم تخططون على شئ يعني مثلا تسجيل في مركز صيفي ولا تاخذ لك كم درس انقليزي وللعاطلين يشتغلون في فتره الصيفيه ، طبعا هذي الصيفيه بتكون طويله وعلى حسب معلوماتي انه ما قد صارت بهالمده من عشر سنين فاتت ومهب صايره في 10 سنين جايه يعني بتكون اطول صيفيه في عشرين سنه انا اتوقع خلوها كذا عشان يصير رمضان داخله في الاجازه في الاجازات الجايه طبعا هذا القرار زين وشين في نفس الوقت قلو ليش انا اقولكم زين لانه يريحك من تعب الصيام وتروح للمدرسه وانت صايم طبعا هنا تحس بمتعه الصيام وعذابه اما شين لانه استغفر الله ما تقدر تسافر ولا شئ لانه صعبه شوي تسافر في رمضان الا لمكه او المدينه او الدمام او جده او ابها يعني اي مدينه قريبه تقعد فيها ثلاث ايام وترجع يعني بيروح شهر كامل في الاجازه ما تقدر تسافر فيه ولا شئ يعني حتى رمضان منت حاس فيه سهر في الفجريه ونوم في الظهريه يعني تقوم الساعه 2 او بعض الناس 3 يعني تقعد ثلاث ساعات صايم يعني فتره قصيره مرة ، المهم نرجع للصيفيه الكل يعرف ان في الصيفيه تكثر العروس والمتزوجين في الصيفيه فهذا تراها ميزه في الاجازه يعني تفلها بالعروس تكشخ وترسم وفي الاخير تدق في ذا المفطح ، يعني في الاجازه فيه اشياء كثير تصير من سفرات وطلعات وسفرات يعني ودي تتكلمون عن قصصكم في الصيفيه سفراتكم واحلى ايام عشتوها في الاجازه والى الحين في ذاكرتكم ودي انا ابدا بقصه صارت لنا السنه اللي فاتت كنا ناوين نسافر لالمانيا وسويسرا وحجزنا وكلش رحنا نقص التذاكر من الخطوط السعوديه قال الموظف لابوي ان يمكن ما يكربونك الطياره لان جوازك بقى عليه اقل من 6 شهور لان فيه نظام في المانيا انه مافيه شخص يعني سايح يدخل لالمانيا وجوازه اقل من 6 شهور مدري ليش هالنظام المهم ان هذا الكلام العصر وبكره الصبح طيارتنا يعني مافيه وقت نجدد الجواز رحنا الجوازات مالقينا احد العصر قالوا لابوي تعال بكره الصبح ويمكن يقدرون يجددونه لك وعطوا ابوي ورقه بيانات قالو عبها وتعال بكره طبعا ابوي دق على كم شخص في الجوازات والحمدلله لقينا واحد ينقذنا وعطانا رقم واحد قال دقوا عليه بكره الصبح وهو بيساعدكم لان خوي ابوي دق على الموظف وفهمه كلش طبعا شروط تجديد الجواز لازم تسدد المخالفات ابوي رراح يسدد بس بالصدفه صرافات الراجحي خربانه وابوي ما يحب ياخذ بطاقات صراف واجده يعني ما يحب بطاقات الصراف المهم درنا كل صرفات شمال الرياض كلها خربانه ، طبعا اذا ما سددنا المخالفات بتروح علينا السفره تخيلو يعني دفعنا كلش ايجارات فنادق وكلش طبعا كل هذا كان الساعه 1 الفجر يعني العالم نايمه ابوي حاول يدق على احد عنده بطاقه صراف بنك الرياض كلن نايم الفجر المهم انها زقت معي اخر شئ ذكرت ان معي بطاقه صراف بنك الرياض قلت لابوي بغى يمسح فيني الارض رحنا وسددنا وكلش يوم جا بكرة الصبح من صباح الله رحنا الجوازات وجددنا وكلش والحمدلله مرت السفره على خير طبعا هذا من اصعب المواقف اللي مرت علي في الصيفيه دوركم انت تقولون لنا مواقف مرت عليكم سواء طريفة ولا صعبة ولا حزينة خلاص معد عندي حتسي خلصت دوركم تجاوبون علي اسئلتي :/ سـ1 / حليت صح في اختباراتك ولا لا ؟ سـ2 / فيه مشاريع وافكار ناوي تسويها في الاجازه ولا لا ؟ سـ3 / وش رايك في قرار ان رمضان يصير من ضمن الاجازه ؟ سـ4/ بما ان الاختبارات خلصت والناجحين واجد والهدايا كثرت ، هل جتك هدية ؟ من مين ؟ واذا ما جتك انت اهديت لاحد ؟ مبروك للناجحين وان شاء الله يستانسون في الاجازه مخرج / قود مورننج صيفيه اعذروني على القصور بس تراني منب واجد اكتب في المجلس لا تشرهون هشـآم التوقيع: BB PIN :212D2ECA