..[ باي باي سكول ،، قود مورننج صيفيه ] ..
السلام عليكم هلا والله فيكم جميع ، شلونكم عقب الاختبارات اخباركم :$ من زمان عن المجلس احس ان ما كتبت الا موضوع واحد بس يعني مقصر فقلت خلني اكتب وش وراي فاضي :d طبعا هنا موضوعي فضفضه للي راح في فترة الاختبارات وللي بيجي في المستقبل من سفريات وجمعات وطلعات P9 p13 مدخل :/ باي باي سكول :d :TN طبعا بدت الصيفيه وصار وقت الفراغ واجد ولله الحمد ووقت النوم كثير والحريه زادت يعني الوضع فله .. يعني طلعت الافكار وطلعت المواضيع اللي في تالي الفجريه :d ابتكلم عن الاختبارات ، طبعا كلنا مرينا بفتره يعني انا من وجهة نظري من اسوا فترات السنه فذي الفتره كلش ممنوع من نت وطلعات واكس بوكس وسوني وكلش :d فطبيعي جدا تكون فتره سيئه على الواحد خصوصا الشعب السعودي الكريم اللي تلقاه فاتح الكتاب ومافهم شئ يقرا شئ ومخه يهوجس ويفكر وش يسوي في العطله :d ، المهم مهب وقته نتكلم عن الاختبارات لانها خلصت بشهرا وخيرها .. ابي اتكلم عن الصيفيه والفتره الجايه اللي من الحين ابقولكم والله بتملون منها ان ما نظمتوا وقتكم وعرفتوا وش تسوون وخططتو لها p18 فاذا كانت الصيفيه نوم واكل ونت وتلفزيون صدقوني في البدايه بتفلون امها بس بعدين بتزق معكم :d ، وبتطفشون يعني لازم تدبرون عمركم من اول الصيفيه ولازم تخططون على شئ يعني مثلا تسجيل في مركز صيفي ولا تاخذ لك كم درس انقليزي وللعاطلين يشتغلون في فتره الصيفيه ، طبعا هذي الصيفيه بتكون طويله وعلى حسب معلوماتي انه ما قد صارت بهالمده من عشر سنين فاتت ومهب صايره في 10 سنين جايه يعني بتكون اطول صيفيه في عشرين سنه P9 :d انا اتوقع خلوها كذا عشان يصير رمضان داخله في الاجازه في الاجازات الجايه طبعا هذا القرار زين وشين في نفس الوقت قلو ليش انا اقولكم p7 زين لانه يريحك من تعب الصيام وتروح للمدرسه وانت صايم طبعا هنا تحس بمتعه الصيام وعذابه P9 اما شين لانه استغفر الله ما تقدر تسافر ولا شئ لانه صعبه شوي تسافر في رمضان الا لمكه او المدينه او الدمام او جده او ابها يعني اي مدينه قريبه تقعد فيها ثلاث ايام وترجع :d يعني بيروح شهر كامل في الاجازه ما تقدر تسافر فيه ولا شئ يعني حتى رمضان منت حاس فيه سهر في الفجريه ونوم في الظهريه يعني تقوم الساعه 2 او بعض الناس 3 يعني تقعد ثلاث ساعات صايم p6 يعني فتره قصيره مرة ، المهم نرجع للصيفيه الكل يعرف ان في الصيفيه تكثر العروس والمتزوجين في الصيفيه فهذا تراها ميزه في الاجازه يعني تفلها بالعروس تكشخ وترسم وفي الاخير تدق في ذا المفطح P9 ، يعني في الاجازه فيه اشياء كثير تصير من سفرات وطلعات وسفرات يعني ودي تتكلمون عن قصصكم في الصيفيه سفراتكم واحلى ايام عشتوها في الاجازه والى الحين في ذاكرتكم :$ ودي انا ابدا بقصه صارت لنا السنه اللي فاتت :d كنا ناوين نسافر لالمانيا وسويسرا وحجزنا وكلش رحنا نقص التذاكر من الخطوط السعوديه قال الموظف لابوي ان يمكن ما يكربونك الطياره لان جوازك بقى عليه اقل من 6 شهور لان فيه نظام في المانيا انه مافيه شخص يعني سايح يدخل لالمانيا وجوازه اقل من 6 شهور مدري ليش هالنظام المهم ان هذا الكلام العصر وبكره الصبح طيارتنا يعني مافيه وقت نجدد الجواز رحنا الجوازات مالقينا احد العصر قالوا لابوي تعال بكره الصبح ويمكن يقدرون يجددونه لك وعطوا ابوي ورقه بيانات قالو عبها وتعال بكره طبعا ابوي دق على كم شخص في الجوازات والحمدلله لقينا واحد ينقذنا وعطانا رقم واحد قال دقوا عليه بكره الصبح وهو بيساعدكم لان خوي ابوي دق على الموظف وفهمه كلش طبعا شروط تجديد الجواز لازم تسدد المخالفات ابوي رراح يسدد بس بالصدفه صرافات الراجحي خربانه وابوي ما يحب ياخذ بطاقات صراف واجده يعني ما يحب بطاقات الصراف المهم درنا كل صرفات شمال الرياض كلها خربانه ، طبعا اذا ما سددنا المخالفات بتروح علينا السفره تخيلو يعني دفعنا كلش ايجارات فنادق وكلش طبعا كل هذا كان الساعه 1 الفجر يعني العالم نايمه ابوي حاول يدق على احد عنده بطاقه صراف بنك الرياض كلن نايم الفجر المهم انها زقت معي اخر شئ ذكرت ان معي بطاقه صراف بنك الرياض قلت لابوي بغى يمسح فيني الارض :d رحنا وسددنا وكلش يوم جا بكرة الصبح من صباح الله رحنا الجوازات وجددنا وكلش والحمدلله مرت السفره على خير :d طبعا هذا من اصعب المواقف اللي مرت علي في الصيفيه دوركم انت تقولون لنا مواقف مرت عليكم سواء طريفة ولا صعبة ولا حزينة :$ خلاص معد عندي حتسي خلصت دوركم تجاوبون علي اسئلتي :/ سـ1 / حليت صح في اختباراتك ولا لا ؟ سـ2 / فيه مشاريع وافكار ناوي تسويها في الاجازه ولا لا ؟ سـ3 / وش رايك في قرار ان رمضان يصير من ضمن الاجازه ؟ سـ4/ بما ان الاختبارات خلصت والناجحين واجد والهدايا كثرت ، هل جتك هدية ؟ من مين ؟ واذا ما جتك انت اهديت لاحد ؟ :d مبروك للناجحين وان شاء الله يستانسون في الاجازه P9 :d مخرج / قود مورننج صيفيه :d P9 اعذروني على القصور بس تراني منب واجد اكتب في المجلس لا تشرهون :$ هشـآم :$ |
رد: ..[ باي باي سكول ،، قود مورننج صيفيه ] ..
*
* * تصدق أحسن شيء سويته بالعطلة هـ( العنوان ) .. :dP9 !! كل كلام قلته صادق فيه .. يعني بالأختبارات كأنك سويت جريمة قبلها وحطوك بالسجن .. :d أما ترتيب العطلة فهو جامد بالنسبة لي هالسنة .. وان شاءالله عاد يتحقق لي اللي أبي .. P9 وهشام ياهالعروس هالصيفية كثيرة .. لازم التكشخ وتحس انك بعيد بجد .. :d بس تعال من هالخبل بيحط مفطح بالعرس .. ياحبيبي بوفيه الحين .. ويقولون عند الحريم يحطون أندومي .. صدق ولا لا :| .. ؟ جاء وقت الأجوبة .. / 1- ان شاءالله حليت صح .. P9 2- ايه كثير .. P9 3- قرار جامد ميه بالميه .. :dP9 4- لا جاني شيء ولا عطيت أحد .. :d ( هشام ) .. P9 تصدق يا تبن أنك بتسوي شيء بالصيفية بالمجلس مب طبيعي .. P9 يعطيك العافية .. (F) |
رد: ..[ باي باي سكول ،، قود مورننج صيفيه ] ..
.~.
العطلة وما ادراك ماالعطلة قوة نوومـ + قوة سوووني + قوة افلام http://www.yaser20.com/vb/attachment...1&d=1214524422 ياخي العطله اطلق شيء بالدنيا تحس انك انسان جديد انسان free < - - لايشيخ :d نجي للاسئلة/ اوه تستهبل هشام وليش مااحل زين مادام ورا هالحل ذا شيء منتاز والله علشان ماكون تسذاب النسبة ان شاء الله يوم الاثنين تطلع :d والله من ناحية مشاريع لازم واكيد بس الى الحين المخ المقفل يالله ينفتح السبت الجاي للمشاريع http://www.yaser20.com/vb/attachment...1&d=1214524422 والله شف هو له ترى ايجابيات وسلبيات ايجابياته/ * انه مافيه عطش لانك تعرف تقوم للمدرسه من صباح الله خير ما يذن المغرب الا لسانك نعله (( وانتم بكرامه :$ )) * انك تتفرغ بعد صلاة التراويح لمينن اذان الفجر يعني بالعربي تاخذ راحك قوووة مسلسلات (( باب الحارة P9 )) سلبياته/ * انه ماراح يكون التفرغ للعباداة مثل ايام الدراسه لان العالم اذا قامت مع اذان العصر زين هذا اذا ماقاموا وهو يذن المغرب :d * وراح العالم تقضي باقي اليوم سهر وطلعات والله الهدايا ما بعد جتن لمين الحين لان النسبه مابعد جت :d ولا اهديت احد ولا يحزنون http://www.yaser20.com/vb/attachment...1&d=1214524422 الله يبارك بك يالغالي وان شاء الله انت بعد تستانس بهالاجازة برايفت هشوم/ ياخي انت انسان خوراافي ..(F) بس عليكم شطحات انت وزياد غبيه شوي :d http://www.yaser20.com/vb/attachment...1&d=1214524422 الف شكر يابعدي والف مليون مبروك على الاجازة .~. |
رد: ..[ باي باي سكول ،، قود مورننج صيفيه ] ..
أهليـن [[ هشـــآم ]] .. P9 يا حلو عنوان الموضوع ويا حلو الإجازهـ تحس أنك بشـر بجد .. p18 :d الحمدللـه .. :$ أكيـــد ,, p13 بدوا يحسون في معاناتنا مع هالحر .. :d قرار أحلى قرار .. P9 جت كثير وبهدى أكثر .. p13 * .. [[ هشــآم ]] .. أحبـك يا بطـل وعسـاك تقضى أروع وأجمل عطله .. P9 |
رد: ..[ باي باي سكول ،، قود مورننج صيفيه ] ..
آآآآآآآآهـ يالعطله أحسن شيء بالدنيا P9
نوم على كيفك مافيه أحد يقولك يالله قومي تأخرتي ع المدرسه:d أطلع حرتي بالكمبيوتر أجلس إلى ما أشوف عيوني تفحط يمين ويسارp6 يعني رااااااااااااحه مابعدها راحهp30 أما عن تخطيطي للأجازه مافيه شيء محدد أسويه كل اللي تبي سـ1 / حليت صح في اختباراتك ولا لا ؟ أوووووووهـ كلش صح بس أخر يوم خربناهاp11 سـ2 / فيه مشاريع وافكار ناوي تسويها في الاجازه ولا لا ؟ لا والله مافيه شيء كل شيء راح أسويه سـ3 / وش رايك في قرار ان رمضان يصير من ضمن الاجازه ؟ والله هو حلو وبنفس الوقت مو حلو حلو أنك تقوم وماباقي شيء ع المغرب يعني الفطور جاهز وموحلو أنك تسهر وأنت تعرف السهر لازم فيه طبخ مثل صديقه العطله الاندومي يعني بتجوع وودك تاكل بس ماتقدر p7 سـ4/ بما ان الاختبارات خلصت والناجحين واجد والهدايا كثرت ، هل جتك هدية ؟ من مين ؟ واذا ما جتك انت اهديت لاحد ؟ والله ماطلعت النتيجه خلها تطلع وتجيك أم الهدايا :d هشام (F) كثر من المواضيع العطله جايه :d |
جيتي ياايام الهناء جيتي جيتي ولاادري كم بقاء يوم بحياتي
بسم الله الرحمن الرحيم السلام عليكم ورحمة الله وبركاته جيتي ياايام الهناء جيتي جيتي ولاادري كم بقاء يوم بحياتي اهلا وسهلا بكم اعضاء منتدى ياسر (قسم المجلس) طاب يوم الجميع بالحب والمسرات الكل يعرف بعد عناء طويل من الدراسه (الاختبارات) اعلن العالم باسره بالتوقف عن الجهد والاجتهاد ودوامات الصباح فتررررررره يمكن نعدها طويله لاكن هي لعالم الكسلان قصيررررررره كنها اسبوع من كثر ماوده يستانس بالحياه يااخي اول شي استانس بالدراسه عشان تستانس بالحياه تقريبا الاغلبيه نجح والحمد لله توفق ولاكن ماننسى ان في بعض منهم اخفق ومنهم من عاد السنه ومنهم من حمل مواد ياحمل ظهره فيها الاحين الكل طبعا باول شي يفكر فيه هيا الهديه ويمكن الكل مانجح الا بدف الهديه يعني انجح واعطيك الهديه اكيييييييد ان الكل بينجح اجل احد وده يرسب ومايخذ هديته ياحلوها من ضربتين بالراس (نجاح وهديه) يوم الاربعاء الموافق 1429/6/21 انتهت المدرسه بالنسبه لي واعلنت فيها اعتزالي ورحيلي لاتحسبوني تخرجت لا لسى بعد عشان لااشوف احد يقلي ارسلي لبيلسان انك تخرجتي وكانت اخر اختباراتي الساعه 9 وطلعنا من القاعه11 ورجعت البيت للنووووووم طبعا من فرحة اني خلصت ماقدرت انام حطيت راسي على هالكنبه وضليت اتابع (سنوات الضياع) ياحبي لك يالميس يوم اشوفك احس كاني اشوف نفسي ^والله لو تسكتين لاتربحين ذهب وينك ووين لميس ^ خلصت من سنوات الضياع شميت ريحت اخواني قاموا من النوم قلت اجل يابنت مالك الا السرير دخلت نمت ونمت ونمت نوم نوم يعني موب اي نوم خلاص تقولون ضامنه النجاح بايدي واحسب اني باتهناء بالنووووووم اثاريهم مايحسون ان الواحد يلزمه نوم كثير بعد الاختبارات وراحه تامه والخدمه اربع وعشرين ساعه مثل فندق (خمسه نجوم) واذا طلعت النتيجه كيفهم يكرشووني ماعندي مشكله بس قبل راعوا شعوري توني مخلصه اجل لو ان لي اسبوع وش سويتم فيني http://up5.m5zn.com/photos/00040/1p30xqu8rx9r_th.jpg تدروون يوم شفت الصوره ذي اشتهيت بالدراسه قلت معقوله بتمر الشهور ذي بدون دراسه مو حب بس احس اني كنت عايشه (اجل اللي تهذري معنا ذي مين ) تذكرت موقف لا ايام مراجعة الاختبارات احب اسردها لعل نفرفش بالاجازه يوم من الايام وبضيق مراجعة الاختبارات كانت في حصص فراغ فطلعت انا ووحده نتمشى ببالساحه الداخليه وكانت وحده من العزيزات فاسخه جزمتها وكانت بجنبها قالت ابي رجلي تتنفس يومتها شكيت انها جزمة اخوها مو جزمتها طبعا مدري اش اللي طرالنا نلعب الله يكرمكم {بالجزم} طيرناها لين برا لعبنا وقمنا نشوتها (تقولون ياسر) بس انا اشهد ان شافنا ياسر مايصير وده يحترف طبعا لين ماصحبتي رفعتها رفعة (من شافها قال الشلهوب) طيرتها للدور اللي تحت وطاحت مابين ابلتين كانوا يمشوا ويسولفوا طاحت بالوسط استقصاد كملوا الابلات طريقهم لاكن الدادا موب عاجبها الوضع الا وتبي تنتقم تقول تعالي انتي تعالي وتتطلع لين عندنا اش في سوي تحت انا روح علم مديره قلنا يلا روحي الا والله من جدها تروح تعلم وحنا بحصة مراجعة الانقلش الا ويجي خطاب استدعاء بنتين باسماهم للمديره نزلنا لها وقالت ليهه لعبتوا واحد يلعب بالشكل ذا وبالجزمه حنا وين فيه عندكم مواهب طلعوها بساحة اللعب مو هناء بدينا شوي نهرب وماقدرنا ننكر لان التهمه كانت موثوقه كان عادي عندنا بس تخيلوا وجهي يوم قالت يوم جينا نوقع التعهد {ترا انتوا ارفع من انكم تلعبون بالجزم والا كلامي غلط} عاد دورونا ماتلقونا مرررررررره تفشلنا والله مشى الامور على مايرام نرجع ليوم الاربعاء (يالليل مطولك عدي) ماما تقول قومي نجحتي الحمد لله استغربت كيف عرفت وانا نتايجي يوم الاثنين طلعت النتجه تسربت لي قبل استلام الشهادات طبعا قمت مفزوعه وفرحانه واصارخ وودي ابكي ولبست ورحنا للسوق وحبيت بهالمناسبه اني اشتري هديه لبابي ودخلت المحل الرجال يقول مافي احس من عطر حياة قلبي يوم شميته بغيت اخق قلت خلاص ابيه ومافي كلام وامي تقول نشم غيره لا غيره ولاشي خلاص انا صممت ذا يوم حطيته بالكيس الا ويجي خويه يوريني عطر اسمه نور الدنيا عاد عند ذا تهت وحلفت اني اشريه وكلامي لارجعة فيه طبعا رجعت ذاك وشريت الاخير واهديته بابي بالليل بمناسبة نجاحي ورد لي بابي متشكررررره يابنتي وخلاص انا بشريلك لاب توب جديد بمناسبة نجاحك عاد قمت اناقز من الفرحه دخلت نمت وقمت بالصباح يوم الخميس حوالي تسعه وكانت اول بداياتي من هالسفره http://up5.m5zn.com/photos/00040/kr0m38rjdwmn_th.jpg http://up5.m5zn.com/photos/00040/liwitg2by8jm_th.jpg لااشوف احد يحش ترى ذا فطوري دايم مااحب الخرابيط اللي ياكلونها افطرت وجلست اتفرج شوي تلفزيوووووون ورجعت كملت نومي ويوم نمت على حوالي العصر اسمع الماما عم بتقووووول يلا اومي رايحين لعند ستك ستك (مصطلح لكلمة جده) قمت من النوم وابتدت رحلة1000 ميل {مدري وين قد سمعت فيها } لبسنا وتجهزناء وطلعنا من البيت ولبست هاللبس http://up5.m5zn.com/photos/00040/dfkkfujljfq2_th.jpg وكانت العصريه بالشكل ذا وناسه بس رزعونا في يت جدتي اجل ذاك وقت تسجنونا في بيوووت كن حد دعاء علينا http://up5.m5zn.com/photos/00040/e3o59e0qqmqn_th.jpg ركبنا السياره واتجهنا للحي المتوقع نزولنا فيه ودخلنا للبيت وكان بصحبتنا الاكياس والشنط وباستضافتنا جدتي والشغاله دخلنا المجلس وشربنا عصير وتقهوينا وترى ذا الباقي من القهوه لاتلوموني http://up5.m5zn.com/photos/00040/hrpalzm15vw2_th.jpg http://up5.m5zn.com/photos/00040/7pzdgi1u5jc4_th.jpg http://up5.m5zn.com/photos/00040/hyoti3x185cx_th.jpg ترى الفناجيل تكسرت وتبهذلت والسبه ولد خالتي الصغير كفى ووفى وطبعا راح جدي يستلم خالاتي وحده من جده ووحده من الرياض حاولت اخذ صوره للجلسه اللي كان جالس فيها وعلى ايش كان يتفرج فانظروا وفتحوا عيونكم زين http://up5.m5zn.com/photos/00040/26nxns8bfzr3_th.jpg وبما ان الجد مدير بالاعلام شوفوا الجرايد الي كل يوم ياخذها هاذا وهو بعد قراء نصها http://up5.m5zn.com/photos/00040/znki8fsai4nl_th.jpg وهاذا اللي كان يتفرج فيه http://up5.m5zn.com/photos/00040/5ce0atfxh9fe_th.jpg ترى كان يتفرج كواليس يوم مباراة الهلال والاتحاد وحسمناها يوم جاء هدف ياسر قال جدي والله والنعم بامثالك ووصلوا بالسلامه هم واعيالهم {تدرين اننا نسينا السالفه ادري بس تصبروا} وعم الرخاء علينا ورجعنا البيت بالليل اول ماوصلت مدروووخه يمكن الساعه ثلاث بالفجر جيت وحطيت لبسي وجلست على السرير وكالعاده اسند المخده لان لازم اقراء شي قبل لا انام ولا مايجيلي النوم وكان هالشي اللي قريته قبل لاانام http://up5.m5zn.com/photos/00040/ulzlr0o2g5sp_th.jpg وانتهت يومين مني بالشكل ذا شو رايكم فيني عساء مامللت ابو جدكم ترى ادري فيني لااحد عطاني مجال يرحم اهله مني بس حبيت اول يومين بااجازتي اقضيها معكم وبرفقتكم السعيده عشان شوي نسولف ونسعد مع بعضنا البعض ومع السلامه الى ملتقى قريب اعذروني على صغر الصوره اضغطوا عليها وراح تجي كبيره بس عشان حاولت على مركز تحميل القناص وانا عندي مشكله فيه ومدري وش سالفته فالعذر والسموحه |
رد: ..[ باي باي سكول ،، قود مورننج صيفيه ] ..
**
** شكرا لكل من نزل رده هنا P9 وباذن الله بتطفشون مني في المجلس:d ** ** |
رد: جيتي ياايام الهناء جيتي جيتي ولاادري كم بقاء يوم بحياتي
اهلين اختي النظره الخجوله P9
يسعدني اكون اول من يرد عليك اقول ياحلوك ويا حلو يومياتك كل يوم اكتبها لنا :d>>اجل تشبهين لميس ؟؟ اقول تصدقين نفس المجله عندي امي شاريتها لي تقول شفت فيها ياسر وشريتها لك P9 ياحبي لها اقول نسيت ابارك لك بالنجاح وعقبالنا يارب نتايجي يوم الاحد :(: لا بس ناجحه انشالله :d اسفه طولت عليك بس وسعتي صدري الله يوسع صدرك بالعافيه P9 تقبلي مروري اختك/قحطانيه كيووت (F) |
رد: ..[ باي باي سكول ،، قود مورننج صيفيه ] ..
مساء الخير .. والله يا قصة سفرتكم تنفع حلقه في طاش .. سـ1 / حليت صح في اختباراتك ولا لا ؟ الحمد لله اول سنه ما اختبر وياني قضيتها شماته بالطلاب::D سـ2 / فيه مشاريع وافكار ناوي تسويها في الاجازه ولا لا ؟ اوووووووه ياكثرها بس على الله اسوي نصها......< مافيه امل p7 سـ3 / وش رايك في قرار ان رمضان يصير من ضمن الاجازه ؟ ايه والله ازين على الاقل نتعبد الله واحنا مرتاحين مو مكروفين بين جامعه ومطبخ p11 سـ4/ بما ان الاختبارات خلصت والناجحين واجد والهدايا كثرت ، هل جتك هدية ؟ من مين ؟ واذا ما جتك انت اهديت لاحد ؟ :d ما بعد طلعت النتايج الله يهديك وراك مستعجل يابوي اركد شوي .. |
رد: ..[ باي باي سكول ،، قود مورننج صيفيه ] ..
سـ1 / حليت صح في اختباراتك ولا لا ؟ أكيدسـ2 / فيه مشاريع وافكار ناوي تسويها في الاجازه ولا لا ؟ لا لا لا لا لا سـ3 / وش رايك في قرار ان رمضان يصير من ضمن الاجازه ؟ قرااااااااااااااار رهيبسـ4/ بما ان الاختبارات خلصت والناجحين واجد والهدايا كثرت ، مااااااابعد جت ولا اهدتيتهل جتك هدية ؟ من مين ؟ واذا ما جتك انت اهديت لاحد ؟ :d |
الساعة الآن 12:56 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0