/// حتــى النـــسيم .... غــزاهـ عطـــرهـ !~ - شبكة القناص

**الملاك الحالم** · 25-06-2008, 10:56 AM

|||’. , ’.‘

بسم الله الرحمن الرحيم

|||’. , ’.‘

|||’. , ’.‘

مرحـــبا ~
مع بدايه الاجازه ...!

وبعيد عن الادب واللغه العربيــه الفصحى وبكل عفويــه جيت اسولف معاكم بلهجتي المكسره !

عن احنا عن مشاعرنا وعن ايش ممكن نكون في حياااتنا ~

واذا ممكن تتغيير او نغير اشيااء فينا ~

يوم الخميس /

جدتي / ليــه ما صرتي تجي لي ؟!

المــلاك / اختبارات و... و........................... فقـــــدتيني ؟!

جدتـــي / ايــــــــه والله ~

يا لبى قلبك جدتـــي ~ ربـــي يخليك لـــي يا رب !

سرحت مع نفسي شوي ! وقلت في خاطري ايش السر !

جدتي وانا !!!

سواليفنا كانت شي غير كل شي ... شوي في الماضي ... شوي في الحاضر !

شوي تقرى على وجهي علامة استفااهم وترجم لي كلمات اهل نجــد اللي اعشقها واموووت فيها ... وافهم المضمون وارد عليها باللي افهمه !

احبها واحب حرصها وعنادي ~

احب المؤامرات مع الخدامه لما تغصبني على الاكل ~
يا فرحت امي هذاك الوقت على قولتها ما ينفع لك الا هي (بيخلوني قد الفــيله ) !

احب اذا جت تسالني شتسوين ! وانا جالسه اسوي شي شــرير !

احب اقهويها على طريقتي ما يهمني يسار والا يمين !

<---مدري متى بتصير حرمه !

واحبها اذا قالت لي اقدعي ! يا لبى قلب القدوع ومسميه ~

احبها اذا سالتني عن مسلسلات القناة الاولى ...

احب اقنعها بتخصصي كل مرة مع انها ما تقتنع والى اليوم مو عاجبها

و تحب قسم الانجلش ... <-- مين قدكم ؟!

احبها اذا قلت لها تصبحين على خير ... وردت على غير الناس وقالت / وانت على مثله واخير ~

وتزيد حيرتي ... انا ايش عطيتها و اقول في خاطــري هي عطتني اكثر ~

وهي اللي تقول لي فقدتني !~
يا بعدهم يا جدتي يا عساي ما افقدك من شر !

|||’. , ’.‘

في السياااره وفي الطريق كالعاده ~ اذا ما كنت نايمه !

طبعا الكل يعرف زحمة الرياض !

وعند بــابتي العزيز ~ ما في غير الملاك المتسبب الرئيسي في زحمة الرياض !

طبعا حضرتها ما تطلع بدري ~ و.... و..... >>> يهديها ربي الملاك الشريره الله يسامحها بس لو عرفت الرياض انها سبب الزحمه قضت عليها !

وطبعا علشان ما يعصب علي يعصب على الناس ! >>> مو دايما ...

والناس نايمه في الصباح والكل مكشر وما له خلق وطفشان وماله نفس المكان اللي رايح له و ابوي الله يطول بعمره معصب جنبي ~

طبعا معصب وما بيده الا الكلام ! ويا ربي الصبرمن عندك ~

وفجأه تجي لي نوبه ضحك !

ولا عاد اقدر امسك نفسي ~

واجلس اضحك اضحك اضحك ~

وبعدها ابوي يضحك معي مع انه معصب وقبل شوي مكشر !
يضحك مشاركه وجدانه يا لبى قلبه !

ويســـالني انت ليه تضحكيــــن

؟!

وطبعا ما في شي يضحكني وقتها غيره وكلامه وهو معصب !

وعبد العزيز القحطاني في الراديو !

بعدها نبدى نحلل قضية الزحمة وكيف نحلها ! وطبعا نتطرق لمواضيع غير قابله للنشر !

هذا اذا ما تضاربنا وسكـــتني !

طبعا ما في احد يرفع الضغط وينرفز في الدنيــا غيري ! بابتي تدري ولي الشرف !

ويخطر على بالي لو كل واحد ابتسم ايش راح يصير !

>>> ما اعرف ليه جا لي احسااس ان هذاك اليوم راح تمطر !

صحيح اني انسانه غالبا عندها المود الصبااحي ضارب و شي ما ينطاق !

بس لو فكرنا شوي انا وانتم ايش ممكن يتغير ؟!

|||’. , ’.‘

|||’. , ’.‘

يوم من الايام كنا بالطريق ~ ووقفنا عند الاشاره ~

كان جنب السياره على اليمين سيارة فيها بنوته كيوووت ربي يحفظها ( يابانيه او صينيه ) تطل علي من الشباك ~

رايحه للمدرسه مع اخوها وابوها ~

ما انتبهت لها ~
طالعها ابوي وجلس يضحك عليها !
قال لي شوفي على اليمين فيه وحده تطالعك !

ضحكت !

قال لي اكشفي وجهك خليها تشوفك هي مستغربه السواد اللي انت فيه ! (يقصد العباايه )

ضحكت وكشفت لها وجهي واشرت لها بيدي ( باااي ) انبسطت وصارت تقول لي باااي و تنادي اخوها يطالع معها ~ (اخوها طايره عيونه الظاهر مستغرب )

وكل اللي اذكره في هذاك اليوم اني حبيتها

وصارت سالفتي اللي سولفت فيها على كل احد و سبب من اسبااب سعادتي ~

ولما نفكر فيها اشياء بسيطه ولا تخطر على البال ! غيرت علينا مودنــا !

دوروا حواليكم اكيد بنلاقي اللي يبسطنا ؟!

|||’. , ’.‘

|||’. , ’.‘

كلنا عندنا اشياء نحبها اللي يحب يرسم ... يكتب ...يقرا ... يصمم ... يخترع ... ~

وانا من الاشياء اللي احبها واحس لها جوهــا ~ الزراعـــه !

احب ازرع ... شي بسيط بس يسلي ... مع انه ما عمره عاش لي نبته ...

مرة زرعت بذور قرع في كوبي ! ويوم اسقي وعشره انسى ~

بس يا كبر فرحتي لما طلع برعم صغنون من الكوب ...

وبدت تكبر قدام عيوني ...

وسميتها " lucky" لانها فعلا محظوظه اللي عاشت وانا ما اهتميت فيها كويس !

واكتشفت ان مامتي الله يخليها لي ... تكفلت في الموضوع وانها حطت لي بذور في الكوب غير حقتي اللي اظن انها ماتت وانا مو عارفه ... وانها كانت تسقيها عني !

فليش احنا ما نزرع بذور للناس اللي نحبهم~ ونخليهم يحبونا اكثر ~

ازرعــوا ~ ما بيضركم شي ... طبعا هذا غير الاجر !

كم اعطينا وكم اخذنــا ؟!

بعدوا الطفش عنكم شوي ... بعدها نقدر نتفاهم مع نفسنا اكثر ... !

|||’. , ’.‘

جيبوا ورقه وقلم خربشوا عليها ... حطوا افكاركم ~

لا تخافون احد يقرى بعدكم ايش كتبتوا ... او يطالع رسماتكم الغريبه !

اخترعوا رموزكم الخاصه ! والا اكتبوا بخط ما احد يعرف يترجم طلاسمه غيركم ! >>>حركاتي ...

احيانا احس ان احنا عندنا خوف من الورق الابيض ! ما ااعرف ليه ~

اكتبوا ارسموا ولو ما في شي في بالكم ... اكتبوا بالمايل... بالوان ... بحبر ما يهم غيروا طريقتكم ~

حتى لما نرسم ارسموا بعدوا المساحه عنكم حتى لو ما كنت تعرفون عادي ~ بدل الورقه عشره ~

شخبطوا وعدلوا عليها حاولوا تتعاملون وتتعلمون من اخطائكم ~

اذكر كنت مرة في الـ class وطلبت مننا المس كل احد ياخذ ورقه من الورق الملون ويسوي فيها ورده !

وبمااني اعشق الاورقاامي (فن طي الورق ) حبيت الفكره بس وقتها اختر ورقه باللون الاحلى في نظري !
وما كان لي نفس ابغى اخلص واطلع وبس !

وطويت الورق واعطيتها ...
ثبتناها في المزهريه اللي تجمع كل الوردات ~

بس لما جلست اتفرج لقيت وحده لفتت نظري بغض النظر عن جمالها ...

لقيت الورده فيها شي من روحها ~ كانت كاتبه عليها وملوتنها ببساطه ~

حبيت الفكره ~ وتمنيت لو اغير وردتي وارجع اعدل على دزاينها بشي فيه مني ويشااابهني اكثر ~

احينا خوفنا وحبنا للاشياء تكون نظيفه ~ يمنعنا نستمتع ~
ونمتعها معنا ~

حتى اجهزتنا واشياءنا الخاصه عندنا الكثير نسويه ونترك فيه اثر مننا ~

(قبل كم يوم دلعت لاب توبي وزينه باستكرات أوطط وسموكات مرة كيوت وناويه ازوجه قريب من تشوكلت بينهم قصه حب

)

بس ياما حرمت نفسي من المطر لا يخرب علي شعري ويبلل لي ملابس ~

وياما منعت نفسي العب بالرمل لا يوسخني ~

وكم مرة كنت اتردد في الكتابه في دفتر جديد علشان ما يخرب شكله ~

وكم مرة منعت نفسي اسبح في المسابح مع الناس علشان ( يـــاع )

وكم مرة اقول لا نروح البر والا المزرعه علشان لا يجوني الحشرات ! ولا ياكلوني الناموسات !

وكم مرة اشيل هم الشي قبل لا يصير ! وافكر في بكره قبل اليوم ! واحرم نفسي اكثر واكثر !

صحيح هذي افكار بسيطه بس صدقوني لها وقع خاص في النفس ~

فكروا وشوفوا كم مرة منعتوا نفسكم من اشياء تحبونها !
بسبب اشيااء اقل اهميه ؟!

يا كبر فرحتي لما كتبت حرف الطاء من دون قصد ~

ما كنت اعرف الحروف ولا اعرف كيف اكتبها كويس ~

وطلع معي حرف الطاء ~
رحت اركض اوريه لامي اني كتبته ومن دون ما دري وكان الخط حلو وواضح ...
وكل هذا كان بسبب شخبطه !

|||’. , ’.‘

جدتي وانا ... مره جالسين عند التلفزيون نتابع الشيخ ... نسيت اسم البرنامج ... يمكن سؤال على الهاتف !

المهم هو الشخ اللي بالقناة الاولى !

الا واحنا نطالع جابو صورة لمويه تتحرك صوره ثري دي !

المهم يا ملحها جدتي تقول هذا بحر جده !

قلت : هاه

... لا يمه مو بحر جده !

قالت : الا بحر جده ... شوفي !

قلت : لا لا يمه مو بحر جده !

بعدين فكرت شوي ...!

وقلت ليه ازعلها ... ولا يهمك بحر جده... بحر جده !

تبغين يصير بحر الرياض بعد ما في مشااكل !

وجلست اضحك على حالي ... وعلى طبعي !
يعني لازم ادقق ... خلاص كنت عديتها من الاول !

فكم مرة ...! علقت في مخكم شغله ورفضتوا تتنازلون (عناد باختصاار

) ؟

احيانا نحتااج نتنازل عن اشيااء كثير علشان تمشي الحيــاة !

يمكن ذكرت لكم مشهد بسيط لكن لما نرجع لمشااكلنا !
راح نلاقي احياانا نركب راسنا ولا ابن امه يغير راينا وتكبر المشكله اكثر !!!

صحيح الواحد يحتاج يكون عنده استقلاليه بشخصيته بس احيانا نزودها حبتين ! والا ؟!

وتجي لنا عزة نفس تساااعد شوشو

( شوشو تدليع الشيطان

) ..!
ووقتها الله على الشي البسيط راح يكون مصيبه !

اللهم اخزيك يا شوشو ! <--شوشو المذكور اعلاه

يعني عدوها ... وخلي الحياة تمشي ! مرة انت ومره هم !

|||’. , ’.‘

|||’. , ’.‘

الصغار ... ياملحهم عصاافيري ~

على فكره اللي عنده صغنون لا يوريني ايااه علشان لا اتبنااه !

احس رحمة ربي متجسده فيهم و كانها تمشي على الارض !

مشااعرهم صادقه ولا يعرفون يكذبون ... وكذبهم خفيف دم ومكشوف ... كله خياال وتاليف !

واللي يشوفونه يعبرون عنه بصراحــه !

اذا شكلنا عجبهم ...عطرنا ... طلتنا ... احيانا يقلدونا وحركاتنا وكلامنا ... بس بلغتهم واحرفهم المأكوله !

يمكن تكون تعاابيرهم ومصطلحاتهم بسيطه بس صادقه !

لما يجي يقول لك احبك ! غصب عنك تصدقه !

والا لبسك حلو ... وشكلك عاجبه !

والا تلتفت فجأه تلاقيه لاصق فيك ... ولما تطالعه يقو لك ريحتك حلوه !

يا حبي لهم ... هذا يباشر عليك والثاني يدافع عنك ... والثالث يطير من الفرحه لما تقول له تعال اجلس بحضني وسولف علي ايش سويت ~

وكل هذا راس ماله ...اكيـد المحبه ! مع شوية دلع على كم كلمه حلوة ... و شويه طولة باال ... ( وبعض الاحيان كم حكه

)

ما يحتااج مننا شي ! فليه ما نتعلم منهم كيف نعبر اكثر !

يعني اليوم امي ابوي اختي اخوي اصحاابنا ~ شفنا عليهم شي حلو .. ليه ما نفرحهم ونقول !

اليوم شكلك حلو ... هذا اللون لايق لك ! تسريحتك حلوة !
يعني ترى كلنا بشر وكلنا نحب غيرنا يعجب فينا يرفع لنا من معنويااتنا !

وصدقوني ما هي قـــصة غلا وبس !
ترى مع الوقت تصير للروح اقرب !

|||’. , ’.‘

يعني في النهايه وبعد كل هالكلام ... حاولوا تعيشون حيااتكم ببساطه اكثر ~

بدون كلفه ! ... حاولوا تاثرون على اللي حواليكم فرحوهم ولو بكلمه ~ حسسوهم انكم موجودين !

اخلقوا لكم جوكم في البيت ! لو بالمضااربه !

اعطوا نفسكم حريه اكثر في التعبير !

دلعوا نفسكم اكثر ! روحي تسوقوا اشتروا لكم اشيااء تحبون لو ما كانت اشيااء ظاهره للناس !
المهم تعني لكم !

اذا حسيتوا بالتعب وجسمكم تعبان سووا مسااج !

ولا تنسون ترى الكــشخه ... من جد تغير لكم مزااجكم !

اطلعوا مع اصحاابكم غيروا جوا العزله !

اهتموا بنفسكم !

واعطوا اللي حواليكم من حبكم اكثر !

بينوا لهم اهتمامكم... بطريقتكم الخاصه !

بكل اختصاار استمتعوا بحيـــاتكم !

وخلوا اللي حواليكم يستمتعون فيها معكم وبوجودكم !

خططوا لاجاازتكم باسلووبكم !

وخلوا تجااربكم مليــانه بروحكم !

لكم ودي !

*هلاليه منذ مبطي * · 25-06-2008, 11:50 AM

يــــــــآآآآآآآآآآآآآي

مررررررره رووعـهـ ,

اووما ذا اليابانيه مدري الصينيه .. ههههههه

يوميآت رآئـعـهـ ,

لاعدمنـآك ,

تقبلي دعمتي

**Khlil** · 25-06-2008, 12:31 PM

..

نـ ع ـم !
فلـنفرح بـ " الاجازه " ,,

فلنطامر كما طامروا اهل الجامعه من قبلنا ,,

اليست هذه الاجازه اللي كنا نتمناه طوال الـ 6 شهور التي مضت ؟

’،

الملاك الحالـ مـ ,, !

ابدعتي فكتبتي ,,

كل الشكر لـ قلمك ,,

" اعتذر عن هذا الرد القصير لكني مستعجل

"

خ ـليل

متألقة20 · 25-06-2008, 01:03 PM

يوميات فعلا رائعة
صراحة إبداااااااااااااااااااااااااع
تقبلي مروري
أختك" متألقة20

الخـــــــــالدي · 25-06-2008, 01:31 PM

فعلا يوميات رائعه
بس تعبت وانا اقرا والون مو مساعد
عوافي على الموضوع

احترامي

**رامي السهام** · 25-06-2008, 01:54 PM

بسم الله الرحمن الرحيم

ومع بدااية الإجاازة .. نرحب بها
ونرحب بك أنت ولهجتك المكسرة
ونقول يا هلا والله ويا مرحبا والمنكسر ينجبر كسره ..!

|||’. , ’.‘

أنت وجدتك ..
يا حليلها جدتك والله يطول بعمرها ويختم لها على خير
واللي مثلها وبمن هو بعمرها أكثر احتياجا لأن نغير
من حياتنا واطباعنا لأجلهم ونتقرب منهم ونستمع اليهم
ونحسسهم بالوجود ونشعرهم به ونبين لهم المحبة والإبتسامه
وأن لهم مكاانة كبيرة في حيااتنا ...!

يقول العقااد :

اذا سااءت الدنيا ففى الحب مهرب
ونحسن دنيا من أحااط به الحب ..!!
فبالحب تدرى الحسنى والقبح عندها
وفى الحب علم لا تعلمه الكتب ..!!
طبعا الحب ليس بالمفهوم المتعاارف عليه
محلياً عندنا والمتمثل بالعااشق والعشيق
والحبيب ومحبوبته .. !
ولكن يقصد الحب بشكل عااام وليس
بالتقسيط المريح وحسب الحااجه ..!

أنت وأبوك ..
مشهد يمر ويتكرر أمام أغلبيتنا كل صبااح مع تغيير
بسيط لأمااكن التصوير وبعض الإكسسوااراات

وبمثل ما قلتي بأشيااء بسيطه قد لا نعيرها أدنى
اهتماام لو نفعلها لأعطت مفعول سحرها بالحاال
ولأدخلت البهجه والسرور لنا ولمن حولنا ..!
ولكن ...! وش عااد ودك ..
القلب حتف .. والمشااعر جروح
والوقت سيفن .. طعنته بيميني ..!

أقتباس كلنا عندنا اشياء نحبها اللي يحب يرسم ... يكتب ...يقرا ... يصمم ... يخترع ... ~

يا سلام عليك يا الملاك ..!

كل الأشيااء اللي ذكرتيها تسااعد على خلق جو صحي
وحيااة هادئة ..! وتدرين وش علينا حنا ألحين ..
هو توفير الأقلام والدفااتر والألواان والكتب
لأخوااننا الصغاار واطفاالنا وندعهم يكتبون ويرسمون
ويشخبطون ويفرغون طااقااتهم في أشيااء مفيدة وذلك
بتوفير الأدواات والمتطلباات وتعليمهم بلطف ومحبة
والنتيجة في الأخير بنفتك من كتاابتهم وشخبطتهم على
الجدراان في بيوتنا او في الشاارع ..

هي اشيااء بسيطة في الحياة تحتااج لشئ من الفهم
والتفكير وبنقضي على الكثيييييير من المشااكل ..!

أنت والزرااعه ..
وأنا أقول وش دهور الزرااعه بالمملكة وعجز الخبرااء
يعرفون سبب ذلك ..!!!

أهلك ألحين لساان حاالهم يقول : يا من شرااله من حلاله عله
وليتنا من حجنا ساالمين ..!!

لا زرعتي زرع ولا خليتي الزرع الأول يستمر
وفوق هذاا كله حرمتي الطيور من خشااش الأرض

كاانت تخطط على البذور وجاات الملاك ودفنت أبوها ..

أقتباس جدتي وانا ... مره جالسين عند التلفزيون نتابع الشيخ ... نسيت اسم البرنامج

ذكرتيني بحكااية لجدة وااحد من الشبااب ..
وكنت عندهم ونتاابع برناامج مساابقاات على
ما اعتقد اسمه حروف أو ما شاابه ذلك .. المهم
كاانت الجدة جاالسه وتتاابع وتسمعنا كل ما جااوب
واحد صحنا وقلنا صح عليك ويا جني ومن هيك..
جااء سؤاال لحرف الفااء وعلى ما أظن يقول نبته من البقولياات
ومدري وش .. يعني فول .. المهم صااحت العجيييييييز وقاالت
زنجبيل ... عااد هي قاالته ولا ما قاالته من اولنا تقولين مرشوشين
بكيمااوي ومنصرعين من الضحك .. وعااد صحنا وقلنا ممتاازة يا الجنية

وأنا اقول أحفاادك جاايبين الذكااء هذاا من فين يا مداام كوري ..

ولها موااقف عجيبه غريبه تودي في ستين دااهية .. بس مو وقتها

وأنت كذاا كويس انك مااشيتيها وتناازلتي عن عناادك اللي مال أمه دااعي
حتى جدتك يا المفترية ..

والحيااة بطبيعتها عاامة لابد لها من بعض التناازلات لكي تستمر..!!
وهنااك من يصر ويعااند على أشيااء لو تناازل عنها ما بتضره وقد
تفيده أو تفيد غيره ولكن تأخذه العزة بالإثم ويعااند ومنهم من قد كون
لديه حسد لإستفاادة غيره من هالتنازلات ..!!!

أقتباسالصغار ... ياملحهم عصاافيري ~

عندما تنظرين للأطفاال وتصرفااتهم فإنك تشاهدين
الجمال البريئ والصدق الجريح ..!!
فالأطفاال كالشموع .. تنير الحيااة ..!

|||’. , ’.‘

الملاك الحاالم
موضوعك كـ روشتة طبيب لـ مريض بها علاجه ..!
فضفضه وبوح بإحسااس صاادق يغطيه البيااض ..!
كالصبااح ونساايمه الباارده لتنعش الروح ..!
مدري أقول حروف الملاك أم ملاك الحروف ..!
الف شكر ويعطيك العاافية وربي يسعدك
ويوفقك دنيا وأخره وإجاازة سعيدة خاالية
من المنغصاات مليئة بالفرح والمسراات ..
لك أعذب تحية .. ودمتي بود

CC

**بيلســــــــان** · 25-06-2008, 03:18 PM

موضوع خفيف ولذيذ مثل اللي كاتبته

مثبت ..
ولي عوده .. بس بودع اهلي

**الملاك الحالم** · 25-06-2008, 07:28 PM

اقتباس:

المشاركة الأصلية كتبت بواسطة نور القناص

يــــــــآآآآآآآآآآآآآي

مررررررره رووعـهـ ,

اووما ذا اليابانيه مدري الصينيه .. ههههههه

يوميآت رآئـعـهـ ,

لاعدمنـآك ,

تقبلي دعمتي

اهلا وسهلا فيــك نور القناص ~

شفتي كيف ؟! بسم الله عليها لو شفتيها حبيتيها اكثر !

شكرا لك ولمروورك ودعمك !

**الملاك الحالم** · 25-06-2008, 07:41 PM

اقتباس:

المشاركة الأصلية كتبت بواسطة || ابوابرآهيم ||

..

نـ ع ـم !
فلـنفرح بـ " الاجازه " ,,

فلنطامر كما طامروا اهل الجامعه من قبلنا ,,

اليست هذه الاجازه اللي كنا نتمناه طوال الـ 6 شهور التي مضت ؟

’،

الملاك الحالـ مـ ,, !

ابدعتي فكتبتي ,,

كل الشكر لـ قلمك ,,

" اعتذر عن هذا الرد القصير لكني مستعجل

"

خ ـليل

حياك ربي ابوا ابراهيم ~

وافرح بالاجااازه وانبسط فيها انت واصحاابك !

نعم هي الاجازة التي كنا ننتظرها قبل الـ 6 شهور التي مضت ~

شكرا لك ولحضورك !

ولا يهمك قصير والا طويل يكفي مرورك !

**الملاك الحالم** · 25-06-2008, 08:05 PM

اقتباس:

المشاركة الأصلية كتبت بواسطة متألقة20

يوميات فعلا رائعة
صراحة إبداااااااااااااااااااااااااع
تقبلي مروري
أختك" متألقة20

اهلا وسهلا فيك متألقه ~

تسلمين ~

شكرا لك على هالمرور ~

LuckyMan_20 · 25-06-2008, 09:27 PM

هلا والله الملاك الحالم
اسمحي لي اقول لك موضوعك حلو بجد .. قلم يعزف اجمل معزوفه معزوفه الامل والتفائل والحياه في
دنيا جمعت اصناف عده من البشر .. اهتممتي كثير بالناس وبالنفس .. ساعدتي على ان تغيري مابداخلنا
من افكار .. تصرفات .. ولو بابتسامه

جدتك
ياحليلهم والله الله يخليها ويطول بعمرها
احب اقعد معهم مدري ليش
تحس ان عندهم تجارب حياه
عاشوا وكافحوا حتى بس يعيشوا ويثبتوا وجودهم
الله يخلي ويطول بعمر جداتنا واجدادنا

الزحمه والمود الصباحي
انا مثلك اخلاقي الصبح اعوذ بالله
لدرجه ان البيت يعني اهلي مايحبوا يشوفوني الصبح
بس لما اكون صاحي رايق يكون حتى باقي يومي غير
لو نفكر فيها بعقل ممكن نغير مود اليوم كامل بمجرد رواق في الصباح

اليابانيه او الصينيه
ممكن يصير لك موقف يخليك تحب تعيش
شوفي انتي شفتيها تبتسم لك انبسطي
واعتقد بالنسبه لك بالدنيا كلها
كذا مره صار لي موقف وكان بالنسبه لي بالدنيا كلها
واغلب المواقف تجمع اطفال على وجوههم براءه

الانسان ومايحب
صح كلنا مبدعين بس ننتظر يجي الوقت المناسب ويطلع الابداع
كل انسان ناجح كل انسان ربي عطاه موهبه ..
في واحد امه عاقبته لانه فاشل بالمدرسه وكان راسب
قفلت عليه الغرفه وهو صار حزين اكتشف انه شاعر
فقال جمله (لاتحسبوني مبدعاً فان الاحزان قد تجاوزت حدودها ثم ابدعت )
من فاشل الى شاعر

الزراعه والملاك
الزراعه مااقتصرت على نبته فقط
بل ممكن تزرع الامل في يائس من الحياه
والسعاده في حزين
والفرح والبهجه على طفل/ه
خلونا نزرع الخير في الدنيا ..

الاوراق ومايكتب عليها
انا من هواه الكتابه
اوقات امسك ورقه وقلم
واشخبط اشخبط
بعدها ارتاح احس جزء مني مرتاح
قد تكون وسيله للفضفضه
الكتابه .. ملاذ الحياه

جدتك مره ثانيه
يعني عدوها ... وخلي الحياة تمشي ! مرة انت ومره هم !
اعجبتني الجمله كثير
اكتفي بالتعليق على هذا القدر

الاطفال
احلى شي بالدنيا
اذكر مره صار لي موقف مستحيل انساه
اثر في بشكل كبير
احنا مدرستنا فيها دمج (الفكريه )
كانت فسحه وكنا نازلين على الدرج انا واصحابي
فشفت واحد يبكي (يصيح) من الفكريه سألناه وش فيك
قال اخذوا الجلكسي حقي .. المهم خلينا واحد من الشله يشتري له جلكسي
وجلسنا نسكته بس شاف الجلكسي سكت واخذه وراح
وقتها ظليت يمكن 10 دقايق مبتسم
تمنيت اني بزر وبالجلكسي افرح وامسح دمعتي
الاطفال .. اصحاب الوجوه الملائكيه
دائم اسأل لما كنت صغير كنت كذا ؟؟

الدنيا
تجارب وحياه والدنيا حلوه بس يبغى لها صبر
لو كل انسان زرع في الثاني حب الحياه
واتحدنا وتعاونا .. كان كلنا مبسوطين
ارجع اقول
الحياه حلووه بس يبغى لها شويه صبر

الملاك الحالم
موضوعك قمه في الروعه
كنت ارد على موضوع في منتدى ثاني وكتبته وخلصته بس مانزلته
لسه قريت موضوعك ورديت عليه .. لانه بحق رائع

تقبلي مروري المتواضع
اخوك
LuckyMan_20

H A M S · 25-06-2008, 11:07 PM

موضوع بطل

لي عوده ياعسل ،،،

تـ ع ـب · 25-06-2008, 11:30 PM

الملاكـ

أحبكـ يا شيخهـ

موضوع جاء بوقتهـ ، مدري وش فيني ذي الأيامـ ضايق صدري على ولاشي !!

أول كنت ألهي نفسي المذاكرهـ ، بس الحين ماعندي شيء

اليوم من الزهق والفضاوهـ ما نمت الا الساعهـ ٦ كان ودي اسوي شي يغير الروتين اللي أنا عايشهـ فيهـ مس مدرس وشو ؟؟!!

ودي اسوي شي بذي الاجازهـ ، شيـ غير ، شيء احسهـ فيدني ، شي يبقى معي طول حياتيـ

أدري طلعت عن الموضوع حبتين ، بس ارتحتـ يوم قريت موضوعكـ ،

خلاني اتحمس اسوي شيـ

ملاكـ /

شوكراً كتير

H A M S · 26-06-2008, 04:04 AM

باك

اهلا بالغلا ..
منورهـ المجلس

موضوعك رااايق ..
الله يخليلك جدتك ويطول بعمرهـا ,
وربي كنها جدتي تشيل همي : (

هاهـ عسى كلتي ..
اهم شي انا .. على قولتها راس المال والا الباقي يدلون المطبخ

وربي الجلسه معها تسوى الدنيا ومافيها ..
بس اجلس اسمع لها وسواليفها اللي توسع الصدر ..
وهـ بس الله لايحرمنا ..

/

الابتسامه ..
انا الاحظ نفسي ..
حتى لو كنت متضايقه لاابتسمت احس يروح الهم ..
ونفس الشي مع غيري ..
لو قابلني بابتسامه حتى لو متضايقه اقابله بمثلها ..
احس انها تصفي النفوس ..

/
نجي للعصافير ..

( السمك )

ايه والله انك صادقه ..
صح اني احياناً اكرهـ بثارتهم ..
بس ولو .. مرهـ كنت ابكي وجاني عصفورك

يبتسم والله انسى الصياح اضمه واضحك ..
الله لا يحرمني منه شوفته تنسي الواحد الدنيا ومافيها ..

الملاك الحالم ..

يالبى قلبك موضوعك يهبل مثلك ..

ويخلي الواحد يتحمس انه يتغيّر ويغيّر من روتينه الممل :/

لاهنتي يا قلبي ..

**ـأَوْطَـانٌ .** · 26-06-2008, 09:10 AM

..

اهلا بالملاك

مواقفك مع اهلك روعة
خاصة جدتك الله يحفظها

انا مثلك جتني فترة ودي ازرع فيها
وللحين ما عاش عندي شي

فكرة الموضوع ممتازة
وتلفت الانتباه لشي اساسي بالحياة
التفاصيل الصغيرة او ملح الحياة
دائم نتطلع للغالي والكثير والاشياء البسيطة اللي تكمن فيها السعادة مهمولة

نفرفش ليه ما نفرفش
تحياتي

..

25-06-2008, 10:56 AM	#1
الملاك الحالم . . : زعيم القناصين : . .	/// حتــى النـــسيم .... غــزاهـ عطـــرهـ !~ \|\|\|’. , ’.‘ بسم الله الرحمن الرحيم \|\|\|’. , ’.‘ \|\|\|’. , ’.‘ مرحـــبا ~ مع بدايه الاجازه ...! وبعيد عن الادب واللغه العربيــه الفصحى وبكل عفويــه جيت اسولف معاكم بلهجتي المكسره ! عن احنا عن مشاعرنا وعن ايش ممكن نكون في حياااتنا ~ واذا ممكن تتغيير او نغير اشيااء فينا ~ يوم الخميس / جدتي / ليــه ما صرتي تجي لي ؟! المــلاك / اختبارات و... و........................... فقـــــدتيني ؟! جدتـــي / ايــــــــه والله ~ يا لبى قلبك جدتـــي ~ ربـــي يخليك لـــي يا رب ! سرحت مع نفسي شوي ! وقلت في خاطري ايش السر ! جدتي وانا !!! سواليفنا كانت شي غير كل شي ... شوي في الماضي ... شوي في الحاضر ! شوي تقرى على وجهي علامة استفااهم وترجم لي كلمات اهل نجــد اللي اعشقها واموووت فيها ... وافهم المضمون وارد عليها باللي افهمه ! احبها واحب حرصها وعنادي ~ احب المؤامرات مع الخدامه لما تغصبني على الاكل ~ يا فرحت امي هذاك الوقت على قولتها ما ينفع لك الا هي (بيخلوني قد الفــيله ) ! احب اذا جت تسالني شتسوين ! وانا جالسه اسوي شي شــرير ! احب اقهويها على طريقتي ما يهمني يسار والا يمين ! <---مدري متى بتصير حرمه ! واحبها اذا قالت لي اقدعي ! يا لبى قلب القدوع ومسميه ~ احبها اذا سالتني عن مسلسلات القناة الاولى ... احب اقنعها بتخصصي كل مرة مع انها ما تقتنع والى اليوم مو عاجبها و تحب قسم الانجلش ... <-- مين قدكم ؟! احبها اذا قلت لها تصبحين على خير ... وردت على غير الناس وقالت / وانت على مثله واخير ~ وتزيد حيرتي ... انا ايش عطيتها و اقول في خاطــري هي عطتني اكثر ~ وهي اللي تقول لي فقدتني !~ يا بعدهم يا جدتي يا عساي ما افقدك من شر ! \|\|\|’. , ’.‘ \|\|\|’. , ’.‘ في السياااره وفي الطريق كالعاده ~ اذا ما كنت نايمه ! طبعا الكل يعرف زحمة الرياض ! وعند بــابتي العزيز ~ ما في غير الملاك المتسبب الرئيسي في زحمة الرياض ! طبعا حضرتها ما تطلع بدري ~ و.... و..... >>> يهديها ربي الملاك الشريره الله يسامحها بس لو عرفت الرياض انها سبب الزحمه قضت عليها ! وطبعا علشان ما يعصب علي يعصب على الناس ! >>> مو دايما ... والناس نايمه في الصباح والكل مكشر وما له خلق وطفشان وماله نفس المكان اللي رايح له و ابوي الله يطول بعمره معصب جنبي ~ طبعا معصب وما بيده الا الكلام ! ويا ربي الصبرمن عندك ~ وفجأه تجي لي نوبه ضحك ! ولا عاد اقدر امسك نفسي ~ واجلس اضحك اضحك اضحك ~ وبعدها ابوي يضحك معي مع انه معصب وقبل شوي مكشر ! يضحك مشاركه وجدانه يا لبى قلبه ! ويســـالني انت ليه تضحكيــــن ؟! وطبعا ما في شي يضحكني وقتها غيره وكلامه وهو معصب ! وعبد العزيز القحطاني في الراديو ! بعدها نبدى نحلل قضية الزحمة وكيف نحلها ! وطبعا نتطرق لمواضيع غير قابله للنشر ! هذا اذا ما تضاربنا وسكـــتني ! طبعا ما في احد يرفع الضغط وينرفز في الدنيــا غيري ! بابتي تدري ولي الشرف ! ويخطر على بالي لو كل واحد ابتسم ايش راح يصير ! >>> ما اعرف ليه جا لي احسااس ان هذاك اليوم راح تمطر ! صحيح اني انسانه غالبا عندها المود الصبااحي ضارب و شي ما ينطاق ! بس لو فكرنا شوي انا وانتم ايش ممكن يتغير ؟! \|\|\|’. , ’.‘ \|\|\|’. , ’.‘ يوم من الايام كنا بالطريق ~ ووقفنا عند الاشاره ~ كان جنب السياره على اليمين سيارة فيها بنوته كيوووت ربي يحفظها ( يابانيه او صينيه ) تطل علي من الشباك ~ رايحه للمدرسه مع اخوها وابوها ~ ما انتبهت لها ~ طالعها ابوي وجلس يضحك عليها ! قال لي شوفي على اليمين فيه وحده تطالعك ! ضحكت ! قال لي اكشفي وجهك خليها تشوفك هي مستغربه السواد اللي انت فيه ! (يقصد العباايه ) ضحكت وكشفت لها وجهي واشرت لها بيدي ( باااي ) انبسطت وصارت تقول لي باااي و تنادي اخوها يطالع معها ~ (اخوها طايره عيونه الظاهر مستغرب ) وكل اللي اذكره في هذاك اليوم اني حبيتها وصارت سالفتي اللي سولفت فيها على كل احد و سبب من اسبااب سعادتي ~ ولما نفكر فيها اشياء بسيطه ولا تخطر على البال ! غيرت علينا مودنــا ! دوروا حواليكم اكيد بنلاقي اللي يبسطنا ؟! \|\|\|’. , ’.‘ \|\|\|’. , ’.‘ كلنا عندنا اشياء نحبها اللي يحب يرسم ... يكتب ...يقرا ... يصمم ... يخترع ... ~ وانا من الاشياء اللي احبها واحس لها جوهــا ~ الزراعـــه ! احب ازرع ... شي بسيط بس يسلي ... مع انه ما عمره عاش لي نبته ... مرة زرعت بذور قرع في كوبي ! ويوم اسقي وعشره انسى ~ بس يا كبر فرحتي لما طلع برعم صغنون من الكوب ... وبدت تكبر قدام عيوني ... وسميتها " lucky" لانها فعلا محظوظه اللي عاشت وانا ما اهتميت فيها كويس ! واكتشفت ان مامتي الله يخليها لي ... تكفلت في الموضوع وانها حطت لي بذور في الكوب غير حقتي اللي اظن انها ماتت وانا مو عارفه ... وانها كانت تسقيها عني ! فليش احنا ما نزرع بذور للناس اللي نحبهم~ ونخليهم يحبونا اكثر ~ ازرعــوا ~ ما بيضركم شي ... طبعا هذا غير الاجر ! كم اعطينا وكم اخذنــا ؟! بعدوا الطفش عنكم شوي ... بعدها نقدر نتفاهم مع نفسنا اكثر ... ! \|\|\|’. , ’.‘ جيبوا ورقه وقلم خربشوا عليها ... حطوا افكاركم ~ لا تخافون احد يقرى بعدكم ايش كتبتوا ... او يطالع رسماتكم الغريبه ! اخترعوا رموزكم الخاصه ! والا اكتبوا بخط ما احد يعرف يترجم طلاسمه غيركم ! >>>حركاتي ... احيانا احس ان احنا عندنا خوف من الورق الابيض ! ما ااعرف ليه ~ اكتبوا ارسموا ولو ما في شي في بالكم ... اكتبوا بالمايل... بالوان ... بحبر ما يهم غيروا طريقتكم ~ حتى لما نرسم ارسموا بعدوا المساحه عنكم حتى لو ما كنت تعرفون عادي ~ بدل الورقه عشره ~ شخبطوا وعدلوا عليها حاولوا تتعاملون وتتعلمون من اخطائكم ~ اذكر كنت مرة في الـ class وطلبت مننا المس كل احد ياخذ ورقه من الورق الملون ويسوي فيها ورده ! وبمااني اعشق الاورقاامي (فن طي الورق ) حبيت الفكره بس وقتها اختر ورقه باللون الاحلى في نظري ! وما كان لي نفس ابغى اخلص واطلع وبس ! وطويت الورق واعطيتها ... ثبتناها في المزهريه اللي تجمع كل الوردات ~ بس لما جلست اتفرج لقيت وحده لفتت نظري بغض النظر عن جمالها ... لقيت الورده فيها شي من روحها ~ كانت كاتبه عليها وملوتنها ببساطه ~ حبيت الفكره ~ وتمنيت لو اغير وردتي وارجع اعدل على دزاينها بشي فيه مني ويشااابهني اكثر ~ احينا خوفنا وحبنا للاشياء تكون نظيفه ~ يمنعنا نستمتع ~ ونمتعها معنا ~ حتى اجهزتنا واشياءنا الخاصه عندنا الكثير نسويه ونترك فيه اثر مننا ~ (قبل كم يوم دلعت لاب توبي وزينه باستكرات أوطط وسموكات مرة كيوت وناويه ازوجه قريب من تشوكلت بينهم قصه حب ) بس ياما حرمت نفسي من المطر لا يخرب علي شعري ويبلل لي ملابس ~ وياما منعت نفسي العب بالرمل لا يوسخني ~ وكم مرة كنت اتردد في الكتابه في دفتر جديد علشان ما يخرب شكله ~ وكم مرة منعت نفسي اسبح في المسابح مع الناس علشان ( يـــاع ) وكم مرة اقول لا نروح البر والا المزرعه علشان لا يجوني الحشرات ! ولا ياكلوني الناموسات ! وكم مرة اشيل هم الشي قبل لا يصير ! وافكر في بكره قبل اليوم ! واحرم نفسي اكثر واكثر ! صحيح هذي افكار بسيطه بس صدقوني لها وقع خاص في النفس ~ فكروا وشوفوا كم مرة منعتوا نفسكم من اشياء تحبونها ! بسبب اشيااء اقل اهميه ؟! يا كبر فرحتي لما كتبت حرف الطاء من دون قصد ~ ما كنت اعرف الحروف ولا اعرف كيف اكتبها كويس ~ وطلع معي حرف الطاء ~ رحت اركض اوريه لامي اني كتبته ومن دون ما دري وكان الخط حلو وواضح ... وكل هذا كان بسبب شخبطه ! \|\|\|’. , ’.‘ جدتي وانا ... مره جالسين عند التلفزيون نتابع الشيخ ... نسيت اسم البرنامج ... يمكن سؤال على الهاتف ! المهم هو الشخ اللي بالقناة الاولى ! الا واحنا نطالع جابو صورة لمويه تتحرك صوره ثري دي ! المهم يا ملحها جدتي تقول هذا بحر جده ! قلت : هاه ... لا يمه مو بحر جده ! قالت : الا بحر جده ... شوفي ! قلت : لا لا يمه مو بحر جده ! بعدين فكرت شوي ...! وقلت ليه ازعلها ... ولا يهمك بحر جده... بحر جده ! تبغين يصير بحر الرياض بعد ما في مشااكل ! وجلست اضحك على حالي ... وعلى طبعي ! يعني لازم ادقق ... خلاص كنت عديتها من الاول ! فكم مرة ...! علقت في مخكم شغله ورفضتوا تتنازلون (عناد باختصاار ) ؟ احيانا نحتااج نتنازل عن اشيااء كثير علشان تمشي الحيــاة ! يمكن ذكرت لكم مشهد بسيط لكن لما نرجع لمشااكلنا ! راح نلاقي احياانا نركب راسنا ولا ابن امه يغير راينا وتكبر المشكله اكثر !!! صحيح الواحد يحتاج يكون عنده استقلاليه بشخصيته بس احيانا نزودها حبتين ! والا ؟! وتجي لنا عزة نفس تساااعد شوشو ( شوشو تدليع الشيطان ) ..! ووقتها الله على الشي البسيط راح يكون مصيبه ! اللهم اخزيك يا شوشو ! <--شوشو المذكور اعلاه يعني عدوها ... وخلي الحياة تمشي ! مرة انت ومره هم ! \|\|\|’. , ’.‘ \|\|\|’. , ’.‘ الصغار ... ياملحهم عصاافيري ~ على فكره اللي عنده صغنون لا يوريني ايااه علشان لا اتبنااه ! احس رحمة ربي متجسده فيهم و كانها تمشي على الارض ! مشااعرهم صادقه ولا يعرفون يكذبون ... وكذبهم خفيف دم ومكشوف ... كله خياال وتاليف ! واللي يشوفونه يعبرون عنه بصراحــه ! اذا شكلنا عجبهم ...عطرنا ... طلتنا ... احيانا يقلدونا وحركاتنا وكلامنا ... بس بلغتهم واحرفهم المأكوله ! يمكن تكون تعاابيرهم ومصطلحاتهم بسيطه بس صادقه ! لما يجي يقول لك احبك ! غصب عنك تصدقه ! والا لبسك حلو ... وشكلك عاجبه ! والا تلتفت فجأه تلاقيه لاصق فيك ... ولما تطالعه يقو لك ريحتك حلوه ! يا حبي لهم ... هذا يباشر عليك والثاني يدافع عنك ... والثالث يطير من الفرحه لما تقول له تعال اجلس بحضني وسولف علي ايش سويت ~ وكل هذا راس ماله ...اكيـد المحبه ! مع شوية دلع على كم كلمه حلوة ... و شويه طولة باال ... ( وبعض الاحيان كم حكه ) ما يحتااج مننا شي ! فليه ما نتعلم منهم كيف نعبر اكثر ! يعني اليوم امي ابوي اختي اخوي اصحاابنا ~ شفنا عليهم شي حلو .. ليه ما نفرحهم ونقول ! اليوم شكلك حلو ... هذا اللون لايق لك ! تسريحتك حلوة ! يعني ترى كلنا بشر وكلنا نحب غيرنا يعجب فينا يرفع لنا من معنويااتنا ! وصدقوني ما هي قـــصة غلا وبس ! ترى مع الوقت تصير للروح اقرب ! \|\|\|’. , ’.‘ يعني في النهايه وبعد كل هالكلام ... حاولوا تعيشون حيااتكم ببساطه اكثر ~ بدون كلفه ! ... حاولوا تاثرون على اللي حواليكم فرحوهم ولو بكلمه ~ حسسوهم انكم موجودين ! اخلقوا لكم جوكم في البيت ! لو بالمضااربه ! اعطوا نفسكم حريه اكثر في التعبير ! دلعوا نفسكم اكثر ! روحي تسوقوا اشتروا لكم اشيااء تحبون لو ما كانت اشيااء ظاهره للناس ! المهم تعني لكم ! اذا حسيتوا بالتعب وجسمكم تعبان سووا مسااج ! ولا تنسون ترى الكــشخه ... من جد تغير لكم مزااجكم ! اطلعوا مع اصحاابكم غيروا جوا العزله ! اهتموا بنفسكم ! واعطوا اللي حواليكم من حبكم اكثر ! بينوا لهم اهتمامكم... بطريقتكم الخاصه ! بكل اختصاار استمتعوا بحيـــاتكم ! وخلوا اللي حواليكم يستمتعون فيها معكم وبوجودكم ! خططوا لاجاازتكم باسلووبكم ! وخلوا تجااربكم مليــانه بروحكم ! لكم ودي !

25-06-2008, 11:50 AM	#2
هلاليه منذ مبطي قنــاص فعــال	رد: /// حتــى النـــسيم .... غــزاهـ عطـــرهـ !~ يــــــــآآآآآآآآآآآآآي مررررررره رووعـهـ , اووما ذا اليابانيه مدري الصينيه .. ههههههه يوميآت رآئـعـهـ , لاعدمنـآك , تقبلي دعمتي التوقيع: آلـلـهـ يـحـفـظـك

25-06-2008, 12:31 PM	#3
Khlil مشرف قسم بـــانـورامـــا	رد: /// حتــى النـــسيم .... غــزاهـ عطـــرهـ !~ .. نـ ع ـم ! فلـنفرح بـ " الاجازه " ,, فلنطامر كما طامروا اهل الجامعه من قبلنا ,, اليست هذه الاجازه اللي كنا نتمناه طوال الـ 6 شهور التي مضت ؟ ’، الملاك الحالـ مـ ,, ! ابدعتي فكتبتي ,, كل الشكر لـ قلمك ,, " اعتذر عن هذا الرد القصير لكني مستعجل " خ ـليل التوقيع: Follow me : @KhlilAlHarbi التعديل الأخير تم بواسطة Khlil ; 25-06-2008 الساعة 12:39 PM

25-06-2008, 01:03 PM	#4
متألقة20 قناص جديد	رد: /// حتــى النـــسيم .... غــزاهـ عطـــرهـ !~ يوميات فعلا رائعة صراحة إبداااااااااااااااااااااااااع تقبلي مروري أختك" متألقة20 التوقيع: كي تكون عظيماً عليك أن تبتسم عندما تكون دموعك على وشك الإنهيار

25-06-2008, 01:31 PM	#5
الخـــــــــالدي قناص جديد	رد: /// حتــى النـــسيم .... غــزاهـ عطـــرهـ !~ فعلا يوميات رائعه بس تعبت وانا اقرا والون مو مساعد عوافي على الموضوع احترامي التوقيع:

25-06-2008, 01:54 PM	#6
رامي السهام . . : زعيم القناصين : . .	رد: /// حتــى النـــسيم .... غــزاهـ عطـــرهـ !~ بسم الله الرحمن الرحيم ومع بدااية الإجاازة .. نرحب بها ونرحب بك أنت ولهجتك المكسرة ونقول يا هلا والله ويا مرحبا والمنكسر ينجبر كسره ..! \|\|\|’. , ’.‘ أنت وجدتك .. يا حليلها جدتك والله يطول بعمرها ويختم لها على خير واللي مثلها وبمن هو بعمرها أكثر احتياجا لأن نغير من حياتنا واطباعنا لأجلهم ونتقرب منهم ونستمع اليهم ونحسسهم بالوجود ونشعرهم به ونبين لهم المحبة والإبتسامه وأن لهم مكاانة كبيرة في حيااتنا ...! يقول العقااد : اذا سااءت الدنيا ففى الحب مهرب ونحسن دنيا من أحااط به الحب ..!! فبالحب تدرى الحسنى والقبح عندها وفى الحب علم لا تعلمه الكتب ..!! طبعا الحب ليس بالمفهوم المتعاارف عليه محلياً عندنا والمتمثل بالعااشق والعشيق والحبيب ومحبوبته .. ! ولكن يقصد الحب بشكل عااام وليس بالتقسيط المريح وحسب الحااجه ..! أنت وأبوك .. مشهد يمر ويتكرر أمام أغلبيتنا كل صبااح مع تغيير بسيط لأمااكن التصوير وبعض الإكسسوااراات وبمثل ما قلتي بأشيااء بسيطه قد لا نعيرها أدنى اهتماام لو نفعلها لأعطت مفعول سحرها بالحاال ولأدخلت البهجه والسرور لنا ولمن حولنا ..! ولكن ...! وش عااد ودك .. القلب حتف .. والمشااعر جروح والوقت سيفن .. طعنته بيميني ..! أقتباس كلنا عندنا اشياء نحبها اللي يحب يرسم ... يكتب ...يقرا ... يصمم ... يخترع ... ~ يا سلام عليك يا الملاك ..! كل الأشيااء اللي ذكرتيها تسااعد على خلق جو صحي وحيااة هادئة ..! وتدرين وش علينا حنا ألحين .. هو توفير الأقلام والدفااتر والألواان والكتب لأخوااننا الصغاار واطفاالنا وندعهم يكتبون ويرسمون ويشخبطون ويفرغون طااقااتهم في أشيااء مفيدة وذلك بتوفير الأدواات والمتطلباات وتعليمهم بلطف ومحبة والنتيجة في الأخير بنفتك من كتاابتهم وشخبطتهم على الجدراان في بيوتنا او في الشاارع .. هي اشيااء بسيطة في الحياة تحتااج لشئ من الفهم والتفكير وبنقضي على الكثيييييير من المشااكل ..! أنت والزرااعه .. وأنا أقول وش دهور الزرااعه بالمملكة وعجز الخبرااء يعرفون سبب ذلك ..!!! أهلك ألحين لساان حاالهم يقول : يا من شرااله من حلاله عله وليتنا من حجنا ساالمين ..!! لا زرعتي زرع ولا خليتي الزرع الأول يستمر وفوق هذاا كله حرمتي الطيور من خشااش الأرض كاانت تخطط على البذور وجاات الملاك ودفنت أبوها .. أقتباس جدتي وانا ... مره جالسين عند التلفزيون نتابع الشيخ ... نسيت اسم البرنامج ذكرتيني بحكااية لجدة وااحد من الشبااب .. وكنت عندهم ونتاابع برناامج مساابقاات على ما اعتقد اسمه حروف أو ما شاابه ذلك .. المهم كاانت الجدة جاالسه وتتاابع وتسمعنا كل ما جااوب واحد صحنا وقلنا صح عليك ويا جني ومن هيك.. جااء سؤاال لحرف الفااء وعلى ما أظن يقول نبته من البقولياات ومدري وش .. يعني فول .. المهم صااحت العجيييييييز وقاالت زنجبيل ... عااد هي قاالته ولا ما قاالته من اولنا تقولين مرشوشين بكيمااوي ومنصرعين من الضحك .. وعااد صحنا وقلنا ممتاازة يا الجنية وأنا اقول أحفاادك جاايبين الذكااء هذاا من فين يا مداام كوري .. ولها موااقف عجيبه غريبه تودي في ستين دااهية .. بس مو وقتها وأنت كذاا كويس انك مااشيتيها وتناازلتي عن عناادك اللي مال أمه دااعي حتى جدتك يا المفترية .. والحيااة بطبيعتها عاامة لابد لها من بعض التناازلات لكي تستمر..!! وهنااك من يصر ويعااند على أشيااء لو تناازل عنها ما بتضره وقد تفيده أو تفيد غيره ولكن تأخذه العزة بالإثم ويعااند ومنهم من قد كون لديه حسد لإستفاادة غيره من هالتنازلات ..!!! أقتباسالصغار ... ياملحهم عصاافيري ~ عندما تنظرين للأطفاال وتصرفااتهم فإنك تشاهدين الجمال البريئ والصدق الجريح ..!! فالأطفاال كالشموع .. تنير الحيااة ..! \|\|\|’. , ’.‘ الملاك الحاالم موضوعك كـ روشتة طبيب لـ مريض بها علاجه ..! فضفضه وبوح بإحسااس صاادق يغطيه البيااض ..! كالصبااح ونساايمه الباارده لتنعش الروح ..! مدري أقول حروف الملاك أم ملاك الحروف ..! الف شكر ويعطيك العاافية وربي يسعدك ويوفقك دنيا وأخره وإجاازة سعيدة خاالية من المنغصاات مليئة بالفرح والمسراات .. لك أعذب تحية .. ودمتي بود CC التوقيع: وإن غبت ! .. ما غبتوا عن البال !!

25-06-2008, 03:18 PM	#7
بيلســــــــان زعيم قناصين وجنة المجلس	رد: /// حتــى النـــسيم .... غــزاهـ عطـــرهـ !~ موضوع خفيف ولذيذ مثل اللي كاتبته مثبت .. ولي عوده .. بس بودع اهلي التوقيع: أستودعكم الله الذي لاتضيع ودائعه @besoqnas

25-06-2008, 09:27 PM	#11
LuckyMan_20 Banorama Star	رد: /// حتــى النـــسيم .... غــزاهـ عطـــرهـ !~ هلا والله الملاك الحالم اسمحي لي اقول لك موضوعك حلو بجد .. قلم يعزف اجمل معزوفه معزوفه الامل والتفائل والحياه في دنيا جمعت اصناف عده من البشر .. اهتممتي كثير بالناس وبالنفس .. ساعدتي على ان تغيري مابداخلنا من افكار .. تصرفات .. ولو بابتسامه جدتك ياحليلهم والله الله يخليها ويطول بعمرها احب اقعد معهم مدري ليش تحس ان عندهم تجارب حياه عاشوا وكافحوا حتى بس يعيشوا ويثبتوا وجودهم الله يخلي ويطول بعمر جداتنا واجدادنا الزحمه والمود الصباحي انا مثلك اخلاقي الصبح اعوذ بالله لدرجه ان البيت يعني اهلي مايحبوا يشوفوني الصبح بس لما اكون صاحي رايق يكون حتى باقي يومي غير لو نفكر فيها بعقل ممكن نغير مود اليوم كامل بمجرد رواق في الصباح اليابانيه او الصينيه ممكن يصير لك موقف يخليك تحب تعيش شوفي انتي شفتيها تبتسم لك انبسطي واعتقد بالنسبه لك بالدنيا كلها كذا مره صار لي موقف وكان بالنسبه لي بالدنيا كلها واغلب المواقف تجمع اطفال على وجوههم براءه الانسان ومايحب صح كلنا مبدعين بس ننتظر يجي الوقت المناسب ويطلع الابداع كل انسان ناجح كل انسان ربي عطاه موهبه .. في واحد امه عاقبته لانه فاشل بالمدرسه وكان راسب قفلت عليه الغرفه وهو صار حزين اكتشف انه شاعر فقال جمله (لاتحسبوني مبدعاً فان الاحزان قد تجاوزت حدودها ثم ابدعت ) من فاشل الى شاعر الزراعه والملاك الزراعه مااقتصرت على نبته فقط بل ممكن تزرع الامل في يائس من الحياه والسعاده في حزين والفرح والبهجه على طفل/ه خلونا نزرع الخير في الدنيا .. الاوراق ومايكتب عليها انا من هواه الكتابه اوقات امسك ورقه وقلم واشخبط اشخبط بعدها ارتاح احس جزء مني مرتاح قد تكون وسيله للفضفضه الكتابه .. ملاذ الحياه جدتك مره ثانيه يعني عدوها ... وخلي الحياة تمشي ! مرة انت ومره هم ! اعجبتني الجمله كثير اكتفي بالتعليق على هذا القدر الاطفال احلى شي بالدنيا اذكر مره صار لي موقف مستحيل انساه اثر في بشكل كبير احنا مدرستنا فيها دمج (الفكريه ) كانت فسحه وكنا نازلين على الدرج انا واصحابي فشفت واحد يبكي (يصيح) من الفكريه سألناه وش فيك قال اخذوا الجلكسي حقي .. المهم خلينا واحد من الشله يشتري له جلكسي وجلسنا نسكته بس شاف الجلكسي سكت واخذه وراح وقتها ظليت يمكن 10 دقايق مبتسم تمنيت اني بزر وبالجلكسي افرح وامسح دمعتي الاطفال .. اصحاب الوجوه الملائكيه دائم اسأل لما كنت صغير كنت كذا ؟؟ الدنيا تجارب وحياه والدنيا حلوه بس يبغى لها صبر لو كل انسان زرع في الثاني حب الحياه واتحدنا وتعاونا .. كان كلنا مبسوطين ارجع اقول الحياه حلووه بس يبغى لها شويه صبر الملاك الحالم موضوعك قمه في الروعه كنت ارد على موضوع في منتدى ثاني وكتبته وخلصته بس مانزلته لسه قريت موضوعك ورديت عليه .. لانه بحق رائع تقبلي مروري المتواضع اخوك LuckyMan_20 التوقيع: * لغير الواحد الموجد ابــد ماينحني راســي انــا نفســي عـزيزه مــاخــلق منهــو يوطيــها

25-06-2008, 11:07 PM	#12
H A M S قناص مميــز	رد: /// حتــى النـــسيم .... غــزاهـ عطـــرهـ !~ موضوع بطل لي عوده ياعسل ،،، التوقيع:

25-06-2008, 11:30 PM	#13
تـ ع ـب قناص مميــز	رد: /// حتــى النـــسيم .... غــزاهـ عطـــرهـ !~ الملاكـ أحبكـ يا شيخهـ موضوع جاء بوقتهـ ، مدري وش فيني ذي الأيامـ ضايق صدري على ولاشي !! أول كنت ألهي نفسي المذاكرهـ ، بس الحين ماعندي شيء اليوم من الزهق والفضاوهـ ما نمت الا الساعهـ ٦ كان ودي اسوي شي يغير الروتين اللي أنا عايشهـ فيهـ مس مدرس وشو ؟؟!! ودي اسوي شي بذي الاجازهـ ، شيـ غير ، شيء احسهـ فيدني ، شي يبقى معي طول حياتيـ أدري طلعت عن الموضوع حبتين ، بس ارتحتـ يوم قريت موضوعكـ ، خلاني اتحمس اسوي شيـ ملاكـ / شوكراً كتير التوقيع:

26-06-2008, 04:04 AM	#14
H A M S قناص مميــز	رد: /// حتــى النـــسيم .... غــزاهـ عطـــرهـ !~ باك اهلا بالغلا .. منورهـ المجلس موضوعك رااايق .. الله يخليلك جدتك ويطول بعمرهـا , وربي كنها جدتي تشيل همي : ( هاهـ عسى كلتي .. اهم شي انا .. على قولتها راس المال والا الباقي يدلون المطبخ وربي الجلسه معها تسوى الدنيا ومافيها .. بس اجلس اسمع لها وسواليفها اللي توسع الصدر .. وهـ بس الله لايحرمنا .. / الابتسامه .. انا الاحظ نفسي .. حتى لو كنت متضايقه لاابتسمت احس يروح الهم .. ونفس الشي مع غيري .. لو قابلني بابتسامه حتى لو متضايقه اقابله بمثلها .. احس انها تصفي النفوس .. / نجي للعصافير .. ( السمك ) ايه والله انك صادقه .. صح اني احياناً اكرهـ بثارتهم .. بس ولو .. مرهـ كنت ابكي وجاني عصفورك يبتسم والله انسى الصياح اضمه واضحك .. الله لا يحرمني منه شوفته تنسي الواحد الدنيا ومافيها .. الملاك الحالم .. يالبى قلبك موضوعك يهبل مثلك .. ويخلي الواحد يتحمس انه يتغيّر ويغيّر من روتينه الممل :/ لاهنتي يا قلبي .. التوقيع:

26-06-2008, 09:10 AM	#15
ـأَوْطَـانٌ . مشرفة قسم المجلس	رد: /// حتــى النـــسيم .... غــزاهـ عطـــرهـ !~ .. اهلا بالملاك مواقفك مع اهلك روعة خاصة جدتك الله يحفظها انا مثلك جتني فترة ودي ازرع فيها وللحين ما عاش عندي شي فكرة الموضوع ممتازة وتلفت الانتباه لشي اساسي بالحياة التفاصيل الصغيرة او ملح الحياة دائم نتطلع للغالي والكثير والاشياء البسيطة اللي تكمن فيها السعادة مهمولة نفرفش ليه ما نفرفش تحياتي .. التوقيع: صَاحِبي .. يا حبني لكـْ , ........