مساء الخيرات للكيان الهلالي الكبير

شباب وش رايكم نسوي مسابقه
المسابقه هي اتحدى عضو يكتب موضوع كامل بدون كلمة (( ياسر ))


انا بصراحه اعترف اني مقدر من الحين
عموما موضوعي ذا بشكل عام وماجيت فيه اتكلم عن لاعب معين او عن موقف او شخص
انا اطرح رؤيتي بشكل عام واحب الشموليه بكل شي

وعشان ابين لكم صحة كلامي ابتحدث بالبدايه عن الجمهور الهلالي بشكل خاص والسعودي بشكل عام


اكبر مشكله للجمهور هي (( الاندفاع ))

جمهورنا العزيز وبحكم انهم شباب ومراهقين وصغار سن دايم يكون عندهم اندفاع بكل شي
اندفاع بالعاطفه والكلام واندفاع بالرأي والنقد ,

اعطيكم مثال :-
يوم حصل ياسر القحطاني على جائزة افضل لاعب اسيوي كان هناك جمع غفير من الجماهير الهلاليه استقبلت الاعب استقبال الابطال
وصار ياسر اطلق لاعب سعودي واطلق لاعب اسيوي وبالبلاي ستيشن بعد وكل شي ومحد قده
وخلال 48 ساعه و70 دقيقه بالضبط عندما ضاع البلنتي الظاهره صار ياسر ولا شي وانقلب الرأي بسرعه مثل قلبة مؤشر الاسهم من الاخضر للاحمر


وعشان اعطيكم حل من الحلول ودرس من درس التغلب على الاندفاع
اول شي لا تكتب رأيك بعد المباراه مباشره
انتظر ساعات او يوم او ثنين ان قدرت تصبر عشان تركد وتتضح لك الرؤيه صح ويكون رأيك عقلاني ومتزن وبدون تجريح
ثاني شي اذا جيت تكتب عن المباراه لا تحصر كل تفكيرك بنقطه وحده وحاول تدرس الاشياء من كل الجوانب
وحاول تكتشف الاشياء الايجابيه والسلبيه بخصوص المباراه بشكل عام او بخصوص بلنتي ياسر

اعطيكم مثال بعد :-
رئيس الهلال بعد المباراه قال كلام كبير ورهيب بصراحه
قال (( لاعب اول موسم يشارك اساسي ويحصل على جائزة احسن لاعب ))

شفتم الزوري ياعشاق الزعيم ؟؟
الزوري بمباراه الاتحاد كان نص الفريق ياجماعه ومن جد ذاك الاعب كل مباراه يتحسن مستواه للاحسن
يكفي انه اعاد لمحمد نور شبح خالد عزيز ولو لاحظتو ترا الزوري على بلاطه سيقانه طويله ويسحب الكوره زي العسل من بين انياب الاتحاديين
غير كذا الاعب جريء ويحاول يعدي ويهاجم هذا غير موهبة الرأس الي عنده
ومع كذا مافيه احد تكلم عنه بموضوع



نقطه اخرى :-
شرايكم بالدفاع الهلالي امام اخطر فريق سعودي وصاحب المركز الاول؟
الدفاع كان متماسك وماعليه وبصراحه غلطات دفاع الاتحاد كانت اكثر
ودفاعنا اتوقع بدا يعيد الهيبه والثقه لخط الدفاع الهلالي

اعطيكم مثال خخخخ <<< حصة رياضيات موب موضوع

كيتا بعد المباراه تحسف انه لعب لانه بذل جهد عقلي وذهني كبير وهو يحاول يفك شفرة الدفاع لكن عجز !!
والدليل انه اخطر هجمات الاتي كانت من ضربات ثابته


نقطه اخرى بعد :-
الوسط الهلالي يملك اسماء لامعه ومؤثره
ومع كذا التحليل الفني بعد المباراه يقول ان وسط الاتحاد افضل
واتوقع المشكله ليست باللاعبين ولكن بطريقة استغلالهم
الخثران + الغامدي + الغنام ...هذولا ثلاث محاور ولعبو كلهم مع بعض ولو الخثران لعب بالدفاع قلنا معليش
لكن يجون كلهم بالوسط بوقت واحد هذا اتوقع شي يأثر على هجومية الفريق واذا تواجدو الاعبين الثلاثه ذولا كأن المدرب يقول تكفون نبي تعادل

نجي للاعب نواف التمياط وهذا بصراحه ودي ان يكون له موضوع خاص للنقاش فيه
لان الاعب مميز ويعطي لكن تحسه ضايع شوي ويلعب لحاله
مدري السبب من مركزه او انه مالقا لاعبين يفهمونه
عموما ماراح اتكلم عنه وبترك لكم الحكم عليه

الشلهوب فرحنا كثير قدام الاتحاد وكنه يرسل لنا اشاره بأنه بدا يعود لمستواه المميز واتوقع ان الشلهوب كان ينقصه التايب والكلثم عشان تنقلب المباراه حفله


نقطه اخرى :-
تخص الهجوم وطبعا الهجوم كله ياسر
ياسر لعب ضد خط الدفاع كامل وكان محاط بدفاع الاتحاد من جميع الجهات ومع ذالك استطاع ان يقتنص فرصتين ويسدد لكن براعة الخطير تيسير انهت الفرص
ولو فيه الصويلح المشاغب كان سحب له مدافعين واستطاع ياسر يرسل سهامه بين دفاع الاتحاد المرعوب والمرتبك

عشان كذا اقول لكل الي ضد ياسر :-
عطونا البديل الجاهز ولا تقولون العنبر لانه للحين ماوصل للمرحله الي نعتمد فيه عليها
وتذكرو سامي الاسطوره جته فتره صام عن البلنتيات وصار يضرب فيه المثل بتضييع ضربات الترجيح !!
وغير كذا تخيلو لو ان البلنتي ما انحسب ولا كان فيه بلنتي خير شر وش بتكون نظرتكم عن ياسر وبصراحه ؟


واقول لكل الي مع ياسر :-
ترا ياسر جزء من الفريق ولاعب ضمن مجموعه وكثير مباريات لعبنا بدونه وايضا كثير مباريات سجلو ناس غيره
واذا عندكم كرم زايد وكل شوي تفدون هالبطولات اجل خلوها فدوه للشعار الازرق كله مو بس لاعب واحد

نقطه اخيره بخصوص ياسر
احد الاخوان الاعضاء الاعزاء قال ان الجمهور الهلالي افسد ياسر القحطاني بالدلال والتدليع !!!
طيب اجل على كذا وش رايكم نشرشح ياسر بالمنتديات عشان يجيب اهداف ومايضيع بلنتيات
وكن ياسر الحين يتمشى بين المنتديات ويقرأ وش مكتوب
لاعب محترف وافضل لاعب باسيا ماراح ينتظر الجمهور يطبطبون عليه ويدلعونه عشان يجيب بلنتي


اخيرا :-
ترا عنوان الموضوع لكل عشاق الزعيم فقط
يعني الي يشجع له لاعب ولا ثنين رجاءا يحتفظ برايه لنفسه والي يشجع الزعيم ياليت يرد بشجاعه ومصداقيه

بسم الله الرحمن الرحيم

اختي الغاليه / هـــ20ـــلاليه

الله يعطيك العافيه على الكلام الجميل واقف احتراما لقلمك الرائع وبكل صراحه كنا في حاجه لمثل هذا الكلام لاننا راينا من جمهور و الذي عرف عنه حب الزعيم وليس حب لاعب معين نجده الان اذا غاب لاعب عن مباراة لا يحضرون السبب والله للاعب الفلاني غايب ... هل انت تشجع ذلك اللاعب وذلك اللاعب ام تشجع الزعيم ؟؟

رأينا في مباراة الشباب الاياب من كاس ولي العهد غياب من جمهور الهلال وكان الحضور على استحيا وهذا من الامور الغريبه على الجمهور الهلالي الذي كما عرفناه يحضر لاجل الزعيم وكان سبب غيابه عن تلك المباراة هو طرد اللاعبين الكبيرين ياسر القحطاني وطارق التايب ومن هولاء الجمهور من قال ان المباراة محسومه للشباب لان طارق وياسر لن يلعبو وراينا كيف رد عليهم نجوم الزعيم وتاهلو وخطفنا اللقب ...

انا لا اقلل من حجم الكبتنين ياسر وطارق ولكن احب ان اوجه كلمه للجمهور الغالي ان الهلال لا يقف على لاعب معين وذهب نجوم ما كنا لنتخيل الزعيم بدونهم مثل الاسطورة يوسف الثنيان والذيب سامي الجابر ولم يتاثر الزعيم بل حقق ثنائيه هذا الموسم والحمدلله على كل حال فيبقى الزعيم زعيم ماهما تعدد الاسامي .

والى الكبتن ياسر ومن قلل فيه وفي استحقاقه للقب افضل لاعب في اسيا بعد اضاعة ضربة الجزاء اقول لهم نجوم عالمين اضاعو ضربات جزاء فلو عدنا للوراء قليلا من سلب اللقب من ايطاليا وهو كانت قريبه منه ؟؟ لمن لا يعرف انه قايدها العضيم روبرتو باجيو .. فلم يقلل ذلك من حجم باجيو ..

اتمنى ان تكونوا قد تفهتم وجهة نضري واتمنى ان كلامي كان خفيفا عليكم .


تحياتي لكم يا ايه الشعب العضيم (( الموج الازرق ))

شكرا لك اختي مرة اخرى على الموضوع الرائع ..


تحياتي لك

:
:


أسلوب رائع ، تملكين ( الأكثر ) بأسلوب اروع : ) ...

..

موضوع مميز


تعجز الكلمات عن الزيادة او التعليق

موضوع مميز وربي انك مطلع وحبيت كلماتك يارب

يوفقك يارب

الله الله الله على هذا الاسلوووب


لاتعليق لدي ع هذا الابداااااع المتواااصل

اسلوب رائع واكثر من رائع......................................

كتابة جميلة وراائعة .....

الله يعطيك العافيه

على الموضوع



دمتٍ بود و خير

تشكرين على الطرح ..

موضوع رائع واسلوب اروع
واللة صراحة موضوع
يستحق التثبيت والل لايحرمنا
من ابداعك واللة الوفق

ررووعه الفكره يالغلا
بس
ممنوع النقل!!

اسلووووب راااائع جدا

يسلمووو خيتوو

مشكورين على المرور

موضوع مميز مثل صاحبته0000

الله يعطيك العافية000