بدون مقدمات بدخل في الموضوع على طول

بصراحه ما اقدر استحمل اكثر من كذا ادري انكم مستغربين وش اقصد

البنات. الفصل. المدرسه. كل مكاااااااااااااااااان. خلاص

فصلي كله يكلم الى من رحم ربي ويسب ويضايق و يسب بكلام وصخ

ومن جد انا اامن ب الماسك على دينه كالماسك على جمر

والي صدمني اكثر ان كانت عندنا حفله وانا نزلت ادرب يوم طلعت جاتني لسعة شقاوه وقالت لي شفتي فلانه وفلانه باسو بعض قلت عادي قالت لاء المكان الثاني

وانا وقفت

والي اتقول بابا يقولي ارقصي لي مصري وادفع لكي 50ريال وهي تضحك ومبسوطه

والي اتقول صديقي يقولي غنيلي كل ما كلمني وصديصي وصديقي وتكتب اسمه على الجدار+الطاوله+الكرسي من ورا ...الخ

وانا الحين مضايقه ولي يومين مارحت من كثر ما انا حايمه كبدي ومالي خلق اشوف اشكالهم ولو بروح بروح بس عشان صديقتي المقربه

حتى وحده قعدت مع بنت منهم وصارت اتكلم زيها وتطلع معاها وامها شكت فيها وهي خافت وحطت نغمة جوالها اية الكرسي <<هاذا كله خوف

س|
وش تنصحوني فيه اترك الدراسه واقعد في البيت ؟!

ولا اروح انغم واضيق صدري وارجع ؟!

انا اعترف اني مني ملتزمه ولا شي بس ما احب الغلط والحمد لله ما اكلم ولا اسوي حركات قلت حيه

واترك التعليق لكم

يشرفني أكون أول من يرد ع موضوعك

بصراحه حتى أنا أشكي من هالشيء كثير
أشوف قدامي أشياء أحس أني بحلم ذاك الوقت
كل وحده وحبيبتها ولا اللي تقول أنا طلعت مع صديق أخوي
طيب وين غيرة أخوها مدري كيف يترك أخته مع خويه
أشياء بجد أنا ما أتشرف أقولها لكن الله يهديهم بس

شوفي خيتو أحسن حلّ لكـ إذا ماتبين المدرسة هذي
أنقلي لمدرسه ثانيه وهذا اللي بيصير معي ان شاء الله

وش تنصحوني فيه اترك الدراسه واقعد في البيت ؟!
قلتلك أنقلي لمدرسه ثاااانيه ولا تضيعين مستقبلك بسبتهم

(موضوعك في الصميم)

مشكووره اختي على طرحك لهالموضوع الحساس شوي ..

بصراحه شيئ يقرف !! مدري وين طلعوا منه ذا الجيل الجديد
>>>>>>>>>>> ارحمنا ياكبيير

بس من جد لو انا مكانك طفشت ..

اممممممممممممممممممم
الله يعينك ويصبرك عليهم ..
بعدين انتبهي لمستقبلك وداومي وبلا غياب ولا يهمونك (( خليك ياجبل مايهزك ريح ))

بس نصيحتي انقلي لمدرسه محترمه اكثر من هذي انتي وصديقتك المقربه ..

دمتم في حفظ الله

شوفي حياتي في كل مكان في ناس تخاف الله ومتربيه وفي ناس ولاخوف ولا تربيه
يعني انتي لو قعدتي تقولي يضايقوني
حياتي لازم تتعودي على الوضع وتصبري لين ماتتخرجي وتحقيقي هدفك في الحياه
ولا انتي ماعندك حلم تبين تحقيه عشان جذي متهاونه بالدراسه
ابي انصحك نصيحة اخت لختها
لاتتركين الدراسه وتمسكي بأخلاقك ولا تصيرين حساسه
ترى الحساس بها لزمن مايقدر يعيش وانتي حياتي مره حساسه
ترى انا بمدرسه بالجبيل مره قليلة أدب وبناتها ريحين فيها اعجاب
وحركات ماصخه مرهوتخيلي تصير مشاكل مره جايده بس انا ما أتأثر مره أحاول قد ماأقدراني انا الي اخليهم يتأثرون بأخلاقي وانصحهم
المهم حبي لاتتركي الدراسه وماعليكي من هالبنات وادعيلهم بالهدايه ولاتتجلسي معهم وتسمعين سواليفهم عشان ما تتكدرين ولا تتضايقينوخليك بحالك

اسفه حياتي على الاطاله بس حبيت انصحك
والله يوفقك يارب بالدراسه ويكفيك شرهم ويحفظك من ها الاشكال الي ماتخاف الله
تحياتي بستان الشوق

طيب طيب ...

مشكوووره على تفاعلك مع الموضوع ..

انا بقولك .. حتى انا مب مرتاح فالمجتمع اللي انا عايش فيه (( راحه تامه ))
بس لازم نتأقلم ونحاول نمشي انفسنا ..
انتي شوفي وش الأشياء الحلوه اللي فالبنات وانسي الباقي (( حاولي تنسين ))
بعدين مثل ماقالت اختي بستان الشوق ( فكل مكان فيه ناس تخاف الله )
يعني وسعي صدرك واذكري الله ولاتخلين الشيطان يلعب في راسك عشان تتركين الدراسه ..

بالتوفيق للجميع

آآآآآآآآآآه يالمدرسه وأنا أعاني كل يوم مضاربه
وصلت بدرجه انه كل يوم مضاربه واليوم بالذات 3مضاربات
وإذا على المدرسه راح أقولك أنقلي لمدرسه ثانيه
ولا على صاحبتك خليها تنقل معاك ؟..

هلا و الله ..
بصراحه موضوع قوي..
وموضوع لو بنتكلم فيه مانخلص ولا يكره ليه..
لانه خلاص ألحين اغلبيت الشباب و البنات يسوين هل أشياء..
فا أنا أتوقع إنه هل شي راجع للتربيه !!
يعني المحترمه محترمه لنفسهـا وقليلت الأدب نفس الشي..
أما بالنسبه لتكتب أسامي فلان وفلانه على الجدار و الكرسي و الطاولات فا هذي بندي أدمه (( ضعيفت نفس))
أو بالأصح تحسب إنه إللي تسويه شي حلو ومن قدهـا..
فا هذي تجيكي ناقصة عقل لانه ماهما كان ومهاما صار كلها بالنهايه (( خرابيط ))
وبالنسبه لنقطة غنيلي وما غنيلي..خليها تغنيله ..وعقبال ماتغني بجهنم إنشالله..
لانه هذا يكون أحياناَ سؤا تربيه..
أما في ناس يكونو أباءهم وامهاتهم محترمين جدا..
بس للأسف تسوي هل حركات .. وأكثر..يعني أهلك معطينك الثقه!! تخونينها عيني عينك..
وهذا النوع إللي يكونون أهلها متربين..وهي طالعه كذا بينهم أتوقع من المدرسه وعلى قولهم
((الصاحب ساحب ))
أما على الرد على اسألتكي
وش تنصحوني فيه اترك الدراسه واقعد في البيت ؟!
لا ماتتركين المدرسه..
يعني أكيد المدرسه نصهـا مثل هذولي البنات..
بي فيه المحترمه يعني إنتي (( بنات الناس )) وصاحبيهم أحسن لكي!!
ولا اروح انغم واضيق صدري وارجع ؟!
ولا تضيقين صدرك ولا شي..
هذولي مايسوان الواحد يضيق صدره على شانهم..

*
*

تسلمين أختي على الموضوع الحلو ..
وموضوع هادف بصراحه..
يعطيكي ألف عافيه..

هلا بك اختي
والله بصراحه كلنا نعاني اجل لو تجين لمدرستنا وش تشوفين البلا والشلا
الله يقرفهم ياشيخه والله انهم يلوعون الكبد بس انا اقولك اذا ماقدرتي تنقلين من المدرسه خلك وقت الفسحه بالفصل ولاتطلعين خلك مثلي اجلس انا وصديقاتي ولا اشوف هالاشكال
الله يعينك ويعيننا
تقبلي مروري اختك/قحطانيه كيووت