هذا المطلوب .. لازم تثبت على صدرك كل مره ... - شبكة القناص

العتيبي2005 · 19-11-2005, 06:34 AM

السلام عليكم ...

كل عام والجميع بخير رغم انها متأخره لكن وش نسوي ..

الكل هالايام يناظر الحمله القويه اللي تواجه ياسر من جمهور الهلال وانا منهم .. ولااحد يستغرب اذا كان مابين هالجمهور مندسين كما يحلو لنا اننا نسميهم ... مايهم .. لكن فعلا فيه هجوم قوي ضد ياسر هالايام .. وهو ان المبلغ اللي اشترى فيه الهلال عقده كان خيالي .. ومستوى ياسر في المباريات اللي لعبها مع الهلال الى مبارة البارح مع الوحدة .. ماهوب ذاك المستوى الي يرصدون له ادارة الهلال 22 مليون ...

بصراحه انا يعجبني هالهجوم على ياسر .. لانه بيكون وسيلة ضغط على ياسر عشان يشد حيله ويقدم مستوى جيد
يرجع ايام ياسر سواء مع المنتخب او مع القادسيه سابقا .. ثاني شي وهذا الاهم انه راح يبعد الغرور عن ياسر بشكل نهائي ونفس هالمرحله اللي يمر فيها ياسر مر فيها سامي قبله ورجع سامي رغم ان الضغط كان عليه اقوى من الضغط الي على ياسر .. بس سامي قبل لايمر بهالمرحله كان فيه شوية غرور .. وهالمرحله هي الي قضت على الغرور ..

اللي يلاحظ مستوى ياسر بكل المباريات اللي لعبها مع الهلال من انتقل .. يلقاه متذبذب .. مره فوق مره تحت ..
واقصد بمتذبذب يعني ( متذبذب في نفس المباراه ) .. يعني مبارى الطائي شفنا ياسر ضيع فرص وصنع وسحب
( وتزحلق عند الركنيه ) :D وكان صياح الجمهور ضده ومعه .. مبارة البارح مع الوحده ياسر كان نفس الشي
سدد هاجم ضيع استهبل شوي مع هذيك الفرصه اللي قدام الباب :p

اتحداكم تقولون متذبذب عشر مرات ورى بعض يثقل اللسان :D

بس احسن شي بمبارة البارح .. ان الثقه الي كان فاقدها ياسر لما لعب مع الهلال بدت ترجع شوي شوي ..
ولو انه واضح عليه الضغط يوم قعد يهاوش بالحكم لما طلعت الكوره وماحسبها ركنيه .. بصراحه البارح اول
مره اشوف ياسر مثل مبارة الكويت اللي بكاس الخليج الي بقطر .. يثبت على صدره .. يرفع راسه .. مايحاول
يثبت انه جدير بقيمة العقد .. يعني مثل اللي واثق ان اللي اندفع قيمته فيه .. تحس انه بدا يعرف ان هالضغط
اذا استسلم له ياسر بينتهي بدري .. ويمكن مايرجع للقادسيه بس الا يرجع لضمك :p

وبنفس الوقت يومه يلعب ماكانه مهتم بشي .. يعني كانه يلعب من زمان بالهلال .. وهذا شي جميل وايجابيه
كبيره تنبيء بان ياسر بدا يرجع .. مبارة الطائي على الرغم ان المستوى كان جميل من ياسر رغم الاخطاء
بس كان ياسر مرتبك وواضح عليه هالشي .. ويحاول يستعرض باي كوره تجيه ... كانه يبي يثبا شي معين ..

عموما .. ياسر .. عودته فعليا لمستواه السابق .. هو بعودة المباريات بشكل مستمر يعني مايصير فيه دعايات :D
ومع عودة سامي الجابر .. راح تكون الثقه 100% عند ياسر .. بحكم ان ياسر وسامي متفاهمين داخل وخارج
الملعب .. وهالشي بيفيد ياسر كثير .. ايضا لما ينسجم ياسر اكثر مع جو الفريق اللي هو الى الان جديد عليه ..

الكثير يقولون .. شفنا رونالدو وزيدان وفيقو وغيرهم .. لما اندفع فيهم ملايين الدولارات لعبو وبدعو من اول مباراه
لعبوها مع ريال مدريد وغيرهم من اللاعبين .. المبلغ الكبير اللي يندفع باللاعب يعطيه دافع انه يقدم ويبدع ويطور من
ادواته في الملعب .. ومهارته الفرديه .. صحيح هالكلام ومن قاله صح لسانه ..

بس المشكله ان بعض الناس مافهمو ان احنا هنا غير عن برا .. لما يتنافس فريقين على لاعب يحطون سعر معين ..
لايمكن ان تكون هناك مزايدات ابدا .. مب مثل ماصار عندنا من الجانب الاتحادي .. وهالمشكله اثرت بشكل كبير ..
الهاله الاعلاميه اللي سبقت توقيع ياسر للعقد هي السبب في اللي فيه ياسر الحين من ارتباك داخل الملعب ..
لو هي على المبلغ وانتقاله للهلال ماكان صار فيه كذا .. لو مادخل احد يمزايده كانت انتهت السالفه ووقع ياسر ولعب
مثل مالعب قبله محمد الدعيع والخثران وعبداللطيف الغنام ... لكن المشكله قبل توقيع العقد ... على فكره قبل لايوقع
الخثران والغنام والاخير بالذات لان مبلغ انتقاله فاق الـ 5 ملايين هل احد فيكم سمع عن انتقاله او صار شد ومد بين
الهلال والشباب ولا بين الهلال وبين اي فريق ثاني .. مادرينا الا الغنام موقع .. وهذا هو الغنام بدع قبل الاصابه والحين
بعد الاصابه بدا يستعيد مستواه بشكل تدريجي والبارح ماشاء الله عليه لعب بمستوى راقي جدا ....

اذا ... الصبر بس على ياسر فتره الشهرين هذي .. والوعد من بعد 15/12 وان شاء الله تبون تشوفون مستوى غير
لياسر وانا ابصم على العشره انكم راح تشوفون مستوى غير غير وفوق مستوى ياسر اللي تخبرونه ...

على الطاير :

@ لو اني مكان ياسر .. كان مالتفت لحركات البزارين الي يسويها منصور البلوي .. واذا وصلت لمرحلة انهم
يلاحقوني للفندق .. ماعليش المثل يقول ( مادون الحلق الا اليدين ) :D اتوطى في بطنهم واعلمهم ان الله حق
بصراحه محد قادر يهظم هالحركات حقت البزارين ذكرتني بايام المتوسط يوم نستقعد لواحد ونرسله اخويانا
ولا يقدر يشتكي على الادارة عشان عارف ان هاذا اشتكانا ضربناه بالطلعه :D

@ المطلوب من ياسر يطور مهاراته الفرديه بشكل كبير .. ويستغل فترة الانقطاع بتطوير مهاراته الفرديه .. صدقني
ياياسر اذا انت الحين تشوف نفسك انك وصلت لمستوى بس يخليك تتمرن وتلعب دون ماتلفت لادواتك الخاصه اللي
تستخدمها داخل الملعب تراك غلطان .. وتراك بتصير فتره وبعدين يبي يروح نجمك .. هالصغار للي طالعين تراهم فنانين
وكل واحد حافظ له على الاقل 6 او 7 حركات من حركات ريفالدو ورونالدو ويطبقها زين زين .. طور مهاراتك ياياسر
وبالذات قبل لاتطلع المانيا لانه من الممكن جدا انه بعد الماانيا تكون محترف خارجيا ان شاء الله .. اتمنى تفهم قصدي ..

@ ياكابتن ياسر دارين انك فنان والله وتعرف تسحب ومافيه منك 2 بس لاجاتك كوره قدام المرمى ركبها بالمرمى لاتقعد
تسحب بالحارس ولا الدفاع .. هالحركات قديمه .. انت الحين لاعب محترف وتفكيرك بالاول والاخير هو فوز فريقك ..
وهالحركات ماتتصلح الا اذا كنت فايز ومتقدم باكثر من هدف .. عشان لو ضاعت ماراح يكون لها تأثير على النتيجه ...
والله لو مافاز الهلال اليوم وسجل تفاريس هدف الفوز كان شفت عليك هجوم ارض جو من جمهور الهلال وغيرهم ;)

اخيرا يشهد الله كل حرف كتبته هو في مصلحة ياسر وحب في ياسر .. اتمنى مايكون ضايق احد عضو او ادارة ..
واخيرا وليس اخرا .. الاختلاف لا يفسد للود قضية ..

مع التحية ..

**آزهلها** · 19-11-2005, 04:20 PM

هلا بـك أخـوي العتيبـي .

وليـه يضيـق الصـدر !! إنت صحـيت في بعـض ما كـتبت ... ونصـه الأخر غلطـان مليون بالميـه ,,

ياسـر وأعتقـد الشي الوحيـد ولله الحمـد الي ماهو فيـه .. الغرور ..

وسـامي بعـد ؟؟

الغـرور ما شفتـه في سامـي أبدن .. ولا ياسـر .. ويا ليت تذكـر لي وش الشي الي شفتـه في ياسـر من الغـرور ؟

ما أدري إذا تتابـع قنـوات ما نشـوف فيه حركـات الغرور الي بياسـر وسامـي . شي ثانـي ؟؟

الشي الثـاني :

ما راح نقـوول مثل أول بإن ياسـر ما تاقلـم مع الفريـق .. لـكن مثـل ما قلـت الإعـلام قبل عقـد الصفقـه بين ياسـر والهلال كان له دور كـبير في هبـووط المستـوى .. والغنـام كلنـا شفنـاه أنتقـل .. وصار أفضـل مع الهـلال .. وبمبلـغ قيـاسي ..

لـكن الأعـلام ما لعـب لعبـته المعتـادة ,,!!

فيقـو أول إنتقـاله للريال مـدريد .. وصفوه باللاعـب الفاشـل .. والحـين كلنـا شفنا وش مسـوي ..

وفيقـو إنتقـل لإنتر ميـلان قبل فـترة .. وراح يسـوي نفـس الي مسويه مع ريال مـدريد في البـدايه .. ومع وجـود هائل إعـلامي كـبير عليـه ,,

الأمثلـه كـثيره .. والـدورس أكـثر .. لـكن يا ما كسـل الطلبـه ,,

تمنيـاتي بالتوفيـق للكابتن ياسـر .. وإن شاء اللـه نشـوفه من أساطـير الكـورة السعـوديه ,,

وأنت عطيتنـا رايـك .. فـتقبل رايئ ,,

أحلـى تحيييه,,

no0ona · 19-11-2005, 04:52 PM

سؤال ليه كل مااحد كتب عن ياسر قال المبلغ اللي دفعناه له؟؟؟؟؟؟؟؟؟

لايكون مسوين قطه وانامدري :confused: :confused:

معليش بس انااشوف بالموضوع تجريح واضح للاعب وللهلال

عموما هذا رايك بس اتمنى انه تخفوا شوي على ياسر...غرووور؟؟؟؟!!!!!!!!!!!!!!! :confused: :confused:
@ ياكابتن ياسر دارين انك فنان والله وتعرف تسحب ومافيه منك 2 بس لاجاتك كوره قدام المرمى ركبها بالمرمى لاتقعد
تسحب بالحارس ولا الدفاع .. هالحركات قديمه .. انت الحين لاعب محترف وتفكيرك بالاول والاخير هو فوز فريقك ..
وهالحركات ماتتصلح الا اذا كنت فايز ومتقدم باكثر من هدف .. عشان لو ضاعت ماراح يكون لها تأثير على النتيجه ...
والله لو مافاز الهلال اليوم وسجل تفاريس هدف الفوز كان شفت عليك هجوم ارض جو من جمهور الهلال وغيرهم

يعني على اساس ياسر بكيفعه مايبي يسجل ويبي يستعرض لك؟؟؟!!!!!!!!!!!!!

1
بصراحه الموضوع شككني بهلاليتك(رايي) :cool:

أهم هلاليه · 19-11-2005, 05:52 PM

.

.

مسـاء الخيـر ..

تشرفني المشـاركه معك من خلال إبـداء رأيي حول طرحك ..
راح أتكلم بكل جديه .. وأتمنى أن كلامي مايضايق أحد ..

بالنسبه للمبلغ اللي دُفـع نظير انتقـال الكابتن ياسر للهلال ..
أنـا ماراح أتكلم أو أضيف أي شي ..
لإنه وبإختصـار لاناقة لي ولا جمل في هالأمر بالتحديد ..

أمـا مايخص مستوى اللاعب ياسر .. أنـا ايضـا ألحظ تغيير
في مستواه .. .!
ياسر الهلالي غير ياسر فيمـا مضى من زمن .. .!
قد يكون يعاني من ظرف أو لم يتأقلم بعد مع نـاديه الجديد ..
وهذا من أبسط حقوقه .. وكلنـا في إنتظـار ياسر لـ يعود لمسـتواه الأصلي ..
ونعلم يقين العلم بـ إن انتظـارنـا لن يطول أبــداً ..

أخي الكريم .. لن أضيف أكثر على ماكتبته أنت هنــا .. .!
خشية أن أُفسـد نقـاوة طرحك ..
الذي لو خلى من أمرين .. أعتقد أن نقاوته ستصبح أكبـر وأروع ..

الأمر الأول / لي اعتراض على نعتك سـامي بالغرور ..
طبعاً لاأعرفه إلا من وراء الشاشه وفي المستطيل الأخضر حين يشدنـا إليه ..
لكن بشهـادة الجميع .. لاعبين / إداريين / معلقين / صحفيين / جمـاهير ..
الكل يشهد لـ سامي بالأخلاق والتواضع الجم .. .!
( عذرا لو خرجتُ في أمري هذا عن صلب الموضوع .. لكن إحقـاقـا للحق .. ولكلمـات
وُلدت في نفسي وأنـا أقرأ طرحـك أضفت هذا التعليق وهذا الرأي لتعقيبي )

الأمر الثاني / موضوعك رائع .. وأحيي فيك جرأتك ..
ونقدك البنــاء لـلكابتن ياسر .. لكن تمنيت أن أرى ماكتب ..
طُرح بجدية أكثـر .. .!
بعيـداً عن تصنع أسلوب الإضحـاك والذي قد يراه البعض تجريح في يـاسر ..
كمـا شاهدت أنـا في أحد التعقيبات هنـا ..
( أتمنى أن يكون القصد واضح )

هذا ماأردت أن أضيفه لطرحك المتميز .. إن أنــا وفقت
فـ من الله .. .!
وإن جانبت ذلك فـ من الشيطـان وأهم هلاليه .. .!

وأتمنى أن تتقبل ماكتبته لك هنـا .. بصدرٍ رحب وهذا ماأتصوره
وأعتقده منك بإذن الله ..
دمت أخي ودام قلمك ..

.

.

إحترامي
أهم هلاليه ..

20 الحلو · 19-11-2005, 06:38 PM

كلامك رائع ومعك حق باللي تقوله
وان شاء الله القحطاني يقرا ويشوف
بس ماينلام بعد لأني أحس انه مضغوط
هالأيام
جهده راح يكون بعد كاس العالم ان شاء الله

عــ20ــاشــق يــ20ــاســر · 19-11-2005, 07:46 PM

وييين الغرور يبعد عن ياسر بشكل نهائي يعني انت شايفه مغرور عشان تقول يبعد الغرور بشكل نهائي

والله الظاهر انت مندس من المندسين .... كما يحو لنا ان نسمييييه كجماهير هلاليه

soso30 · 19-11-2005, 10:40 PM

تمنوا الله يوفقه بس

متيمة ياسر · 19-11-2005, 11:22 PM

ماشاء الله علييك كفييت ووفييت
بس الصرااحه مو كل اللي قلته صح
يعني ياسر مو مغروور عشاان تقوول الغروور بيروح بشكل نهائي :eek:
يعني يمكن عشاانك شفته مهتم بالدعاايه والاعلان اكثر من الكووره والله هو ما مسك حقين بيبسي وغصبهم يسوون معه دعايه:D

ومشكوووووور على الموضووووع الخطييير;)

تقبل مروري:
تمتوووووووومه:p

~غريق~ · 20-11-2005, 01:32 AM

بصراحه انا يعجبني هالهجوم على ياسر .. لانه بيكون وسيلة ضغط على ياسر عشان يشد حيله ويقدم مستوى جيد
يرجع ايام ياسر سواء مع المنتخب او مع القادسيه سابقا .. ثاني شي وهذا الاهم انه راح يبعد الغرور عن ياسر بشكل نهائي ونفس هالمرحله اللي يمر فيها ياسر مر فيها سامي قبله ورجع سامي رغم ان الضغط كان عليه اقوى من الضغط الي على ياسر .. بس سامي قبل لايمر بهالمرحله كان فيه شوية غرور .. وهالمرحله هي الي قضت على الغرور ..
7
7
7
وبنفس الوقت يومه يلعب ماكانه مهتم بشي .. يعني كانه يلعب من زمان بالهلال .. وهذا شي جميل وايجابيه
كبيره تنبيء بان ياسر بدا يرجع .. مبارة الطائي على الرغم ان المستوى كان جميل من ياسر رغم الاخطاء
بس كان ياسر مرتبك وواضح عليه هالشي .. ويحاول يستعرض باي كوره تجيه ... كانه يبي يثبا شي معين ..

الصراحه انواع التنااااقض في الكلام .. لاتعليق ..

العتيبي2005 · 20-11-2005, 08:35 AM

مرحبتين اخوي ازهلها وحياك الله ..
شاكر لك مقدما جمال اخلاقك وسعة صدرك وردك الرائع ..

اقتباس: