معقوله أنساك "فال الله ولا فالك"..
وانا من الشوق بعيوني يشوفونك..
لاتطري الهجر لا يطري على بالك..
إن المشـاعر تتغــير يـوم وأخونــك..
يالله قلـي وعـلمنـي وش أحوالـك.؟
نسيت من فرحتي لاقول وشلونك..

*.*.*

قرب جهاز القلب فالصدر لحظات،،
تطلـع وتــنزل نبضتـه بأمنـيــاتـك،،
يطلع معك تقرير تخطيـط نبضـات،،
نبـضات قلبـي ماتبـي غيـر ذاتـك،،
دقات قلبي فالصـدر عـشر دقـات،،
خمس تبيك وخمس تفدا حياتــك،،

*.*.*

شـرواك جـوده فـوق مـدات "يمنـاه"..
والطيـب شـرب لـك مـع كـل "زادي"..
وبعض البشر نادر تعين له " أشـباه"..
مـثل الأصـابــع تخـتلــف "فالأيــادي"..
احــدن إلـى منـه تــوارى "فـقدنــاه"..
وأحدن كذا اب أو حضر شي "عادي"..
وانــت القلــيل الــنادر بكـل "معــناه"..
مـزروع فيك الطيب وفعلك "حصادي"..

*.*.*

لجــل حبـك عفــت أنا كــل المــلا..
واحتضنت الشوق في ليل السهر..
اللــه اللـه لــي ذكـرت اسـمك أنـا..
يمتلــي كونـي علـى ذكـرك عـطر..
انــت مــحبـــوبــي بهــالـدنـيــا ولا..
أنظـــر لغيـــرك مــن العالــم بشــر..

*.*.*

يارفيق الخير منك "مااشتكيــت"،،
غـالي قـدرك وعنـدي "ماتهــون"،،
عالوفا باقي وعهدي "مانسـيت"،،
والوفى هـيهات ياخلـي "يخـون"،،
لا حشا والـله عنـك "ماسليــت"،،
مــنزلك عالـي وتفـداك "العـيون"،،

*.*.*

يمكن تقول ان الرسايل حكي فاضـي
مجـرد كــلام نكتـــبـه ويتــم الإرسـال
لكن أقسم انك معي حاضر وماضــي
تبقى حبيب وصورتك دايم علـى البـال
افــــرح فـالــدنـــيا اذا صــرت راضـــي
غالي علي واللي خلق شمس وظلال

*.*.*

تدري من انـت.؟
انت الرصيد اللي للأيام مذخـور
وانت الذي لاضاق وقتي عزيتك
وتدري من انـا.؟
انا رفيقك في الليالي المعاسير
وإلا الرخـا كلـن يســد بمكــاني

*.*.*

ان غبت ليله تهـل العــين لـك عــبـره،.
و القلب توقــف علــى فرقــاك دقاتــه،.
والعقل يتلف و حالـي ينتهــي صبــره،.
والصدر فـي غيبــتك يا كـثر ضيــقاتــه،.
شفت الوطن يالطيف الروح وش كبـره،.
تضيق فيني بعــد هــجرك مسـاحاتـه،.

*.*.*

ماعنـك الأيام تبعــد قلبـي الـشـافـي.،
ومعزتك فـي حنــايـا الصـدر ملـفوفـه.،
أسري مـع البــدر وأتبــع كـل براقــي.،
ياعل في نوضته مـن لمعتـك شوفــه.،
وأسهر مع النجم وأطلب ربي الواقي.،
يحفظك من شــرور الوقـت واصـدوفه.،

*.*.*

كــــل الخــصــال الطـيـــبه فـيــك..
يعجز عن وصفـها حــبر الأقلامــي..
لاغبت عنـي أشـغل البـال طاريـك..
ويحرم على عيني لذيذ الـمنامــي..
بموازين الغلا احترت ويش أسميك..
لاقلت (...) قالوا عاشت الأسامـي..

*.*.*

يا حلم وردي لــك مواثيــق ولـزوم،،
مانفـترق إلا فـــي يـــوم مـماتـي،،
ياشمعــة للقلــب يـاورد مشمـوم،،
يانرجس ويابسمة فــي شفاتــي،،
انـت الغـلا لــك فالقــلب مرســوم،،
فيك الحسن وفيك أحلى الصفاتي،،

*.*.*

انت الذهب مهما عـلا فوقـه غـبـار..
يبقـى مـدى الأيـام سلـعـه ثميـنـه..
ومثل المطر مهما المطر هل مدرار..
لو غاب عام صاحوا الـنــاس ويــنــه..
ومثل البحر غلطان من قــال غــدار..
وموجه يعـالـج كـل عبــره حزيــنـه..

*.*.*

مايموت الـود فــي قلــب الكريـم.،
ولاتـمــوت العاطـفه عنــد الكـرام.،
مثل ضي النـور فـي ليـل العتـيم.،
الصـــداقــه باقيــه مـثل الوشــام.،
تحتويني حكمة الشخص الحكيم.،
كـن بيــنـــه والأدب حــب وغــرام.،
كل طير مثـل جنــسه لــه نديــم.،
ماتخاوى الحر مع طـــير الحمــام.،

*.*.*

ويـنــك.؟
يامن رسـت لـك كـل المحـبه رضايـــف،.
وأرخـيـت لـك حرفـن مـن الغـلا مذبــوح،.
ترى الغلا مب شرط تنطـقه الـشفايــف،.
بس شرط تشعر به لو المسافه سفوح،.

*.*.*

يامن عليه أوله وكل لحظه أشتــاق..
وحرف اسـمـه بيـن روحـي نقشـته..
لاضاق بي الكون وحســيت برهــاق..
انسى التعب لامن طرالـي وذكـرتـه..
والــله ماغــيرك تـرى لـلنفــس لاق..
انت العمر كلــه عشــانـك رخصـتــه..

*.*.*

("من عيوني") خذ مراسيل الغرام،،
كان تفهم فـي لغــة حــب العيــون،،
معك انا ماقـدر علــى لفــظ الـكلام،،
من غلاك اللي وصـل حـد الجــنون،،
لاتغلــى تـذبـــح العــاشــق حـرام،،
يارفيق العـــمر خلــك لـي حــنون،،

*.*.*

سافرت ناوي أترك الطيف لحظات،.
لقيت طيفـك بالسفــر محتوينــي،.
حاولت أبعد عن خيالـك مسافـات،.
الله حسيبك وين مارحــت فيــني،.
غيرك نسيته ماطرى كــل حـذات،.
إلا انت دايم كل دقيــقه تجيــنـي،.

*.*.*

أحـ ـ ـبـ ـ ـك..
لاتحسـب كلمتــي زلــة لســان..
الغــلا مايحتمـــل شــك ويقــين..
اللسـان بساعـة الشـده حصـان..
والخجل مايبعـده مسـح الجبيـن..
معك ينساب الحكي حب وحنان..
وكــل شــدة باس قـدامـك تليـن..
مابقى للصمت في صدري مكان..
إيه :: أحـبك :: قلتها والـله يعيـن..

*.*.*

هلا وغلا بك لو مـع الحلـم مريــت.،
لو زار طيفك ناظــري يــوم صدفـه.،
يا واحـد فـــوق الأمانـــي تعليــت.،
قـــدرك بقلبـــي يالغالـي تعــرفـه.،
لو لاك فـي دنـيا البشـر ماتهنــيت.،
الناس في كف وغلاك لحاله بكفه.،

*.*.*

ياللي حرمت القلب مبطـي مـن الصــوت،،
لا تــحـــرمــــه هـالحـــيـن رد الرســالــه،،
أيــام عــمري معـــك لحظــات وتـفـــــوت،،
وش تنـتــظـــر لاضـــاع عـمـــري بـدالـــه،،
يعني عشان اسمك علـى القلب منحـوت،،
ماعـــاد تســـأل لــيـه وش هالقطـــاعـــه.؟


أتمنى ان المسجـات عجبتكم:منقوووول

يسلم غاليك نايف

تحياااتي

الله لا يهينك يالغالي على المسجات الرائعه

ولا آروع اخوي نايف

يعطيك الف عافيه

تحييه

تسلم يمناك يا نايف على هالمسجات الروعه....

مسجااااات حلووه مشكوور اخوي نايف

مسجات حلوه
مشكوررررر يااخوي نايف

يعطيك العافيه اخوي .. ننتظر مزيداً من مواضيعك المميزة ..

دمتـ لنا ..

اختك : الــ..ــعــ..ــنــ..ــود 20

ــ

مشكووور اخوي عالمسجات

يعطيك العافيه


دمت بود

رائعة ..
.
.
الف شكر لك..

..مشكور اخوي على المسجات الرووووووووعه..والله يعطيك العافيه..