{طلبتني دعوة ..!! [ طلبتني دعوة وأنا أقول لبيه **** غالي وترخص لك جميع المطالب ] [ يالله ياللي كل مخلوق يبليه **** هون على الأحباب كل المصاعب ] [ ويالله ياللي خالق الناس بيديه **** تشفق على قلب من الهم ذايب ] [ ويالله ياللي كل محتاج يرجيه **** ابعد عن المحتاج كل المصايب ] [ ويالله ياللي كل من ظل تهديه **** اهدي عبادك في جميع المواجب ] [ ويالله ياللي من طلب منك تعطيه **** عطني جنان الخلد ويا الحبايب ] [ ويالله ياللي عالي السحب تسجيه **** أمطر علينا من جزيل الوهايب ] [ ويالله ياللي سير الماء بواديه **** خفف على المحزون كل المتاعب ] [ ويالله ياللي كل الأوقات ندعيه **** حافظ علينا من جميع النوايب ] [ ويالله ياللي غير رجواك مابيه **** أقبل دعائي يا مجيب المطالب ] [ هذا دعائي وكلمة آمين تكفيه **** وأدعو لنا بقلوبكم يا حبايب ] !!.. بقلم // منصور العنبري }