شبكة القناص - الموقع الرسمي للاعب ياسر القحطاني

{طلبتني دعوة ..!!

[ طلبتني دعوة وأنا أقول لبيه **** غالي وترخص لك جميع المطالب ]

[ يالله ياللي كل مخلوق يبليه **** هون على الأحباب كل المصاعب ]

[ ويالله ياللي خالق الناس بيديه **** تشفق على قلب من الهم ذايب ]

[ ويالله ياللي كل محتاج يرجيه **** ابعد عن المحتاج كل المصايب ]

[ ويالله ياللي كل من ظل تهديه **** اهدي عبادك في جميع المواجب ]

[ ويالله ياللي من طلب منك تعطيه **** عطني جنان الخلد ويا الحبايب ]

[ ويالله ياللي عالي السحب تسجيه **** أمطر علينا من جزيل الوهايب ]

[ ويالله ياللي سير الماء بواديه **** خفف على المحزون كل المتاعب ]

[ ويالله ياللي كل الأوقات ندعيه **** حافظ علينا من جميع النوايب ]

[ ويالله ياللي غير رجواك مابيه **** أقبل دعائي يا مجيب المطالب ]

[ هذا دعائي وكلمة آمين تكفيه **** وأدعو لنا بقلوبكم يا حبايب ]

!!.. بقلم // منصور العنبري }