السلام عليكم يا اخ رامي سهام


موضوعك بالبداية خلاني اتحمس وبعدين جرحني


انت جبت موضوع يتكلم عن اغلي بلد


شوف مافي مكان الا فيه الشين والزين


وهذا الكاتب معرف ليه كتب مقال زي كذا يقروه حتى الاجانب


ما احب شي فينا حت لو كان شين احد برى يقراه


احنا نقراه اوكيه اما الاجنبي لا والف لا


نشوف اخاطئنا ونشوف لها حل


اما احد اجنبي يشوفها ويقول ايه صح هذا فيهم لااااااااااااا

وشكرا

؟؟؟؟؟؟؟؟؟؟؟؟؟؟؟؟؟؟
بصراحه كلامه صحيح 100%

أوكيه في من الكلامه الصح وفي منه لك عليه

نحنا مجتمع مثلنا مثل غيرنا لابد يكون عندنا أخطاء

ولله الحمد الله منعم علينا

في منهم من يظهر هذي النعمه صح وفي منهم .....

بس

اهلا رامي السهام

مدري وش عندك هاليومين منتب تواطنا نازل فينا حش الله يصلحك لهالدرجة طحنا من عينك


بعد المزح جاء وقت الجد..!!


انا قبل ما اعرف الكاتب اشوف المقال احكم على المقال بغض النظر عن الكاتب حتى لاتتغير نظرتي للمقال نفسه

وعليكم السلام ورحمة الله وبركاته

أقتباس

ابي اعرف رأيكم في هذا المقال للدكتور صعب بن محمد الزعيمر الشراري ويا ترى هو حقيقة ولا خيال ....

ياخي من بدايتها يحتك فيني زعيم وشراري على وزن هلالي يدوّر عن الشهرة ولا وش عنده

أقتباس

حنا السعوديين أكثر شعب في العالم يمتلك بترول . وحنا اللي تبرعنا لأغلب دول العالم . وحنا اللي إكتفينا من القمح وصدرناه للعالم . وحنا اللي أخذنا كأس أسيا ثلاث مرات . ووصلنا لكاس العالم ثلاث مرات . وحنا اللي هزمنا العراق في حرب الخليج . .

تأهلنا لكاس العالم 4 مرات هذا اول شيئ، ثاني شيئ ماهزمنا العراق..!! هزمنا صدّام حسين الطاغية فهتلر غرر بشعبه لكن مو كل شعبه مسؤول عن خطاياه كذلك صدّام وان كنت افضل في حكم صدّام امر واحد احتفظ به لنفسي يعني تقريبا كلامه الى الحين مضبوط

أقتباس

حنا السعوديين أول من طلع الفضاء من العرب . وحنا أكثر شعب في المنطقة وحنا أكثر شعب عنده ستالايت . وحنا اللي نمتلك قناة mbc وقناة art ... وحنا أكثر من يتصل على القنوات الفضائية ونلعب مع المذيعات الحلوات ونمزح معاهم .

ليش اشم ريحة المكر في الكلام الملوّن؟

أقتباس

حنا اللي أرسلنا أكثر المجاهدين لأفغانستان والبوسنة والشيشان . وحنا اللي ماأحد يغار على الدين مثلنا ، رغم إن أغلبنا مايصلي كل الفروض . وحنا اللي مافي شعب يضايق الكفار مثلنا . والتكفير عندنا مثل شرب الماء وألذ من العسل .

يضايق الكفار؟ لم يوضح هذه النقطة جيدا وياخوفي تكون اللي في بالي..!! مسألة تكفير هنا اشوفه قام يخورها الدكتور اللي يحتك فيني

التكفير له ضوابط فابن باز رحمه الله لم يكفر هكذا او كفّر سائر جماعة ضالة بل كفّر اسادها والجماعة مثلا في ضلالة مالم تقم عليهم الحجة وممكن ابحث في ارشيفي الخاص واتعمّق في مسألة التكفير، لكن اغلبنا مايصلي ارتحت انه ماعمم لكن لو تلاحظون حنا الدولة الوحيدة اللي تغلق فيها المحلات التجارية وقت الاذان غيرنا مادروا هو أذن ولا لا..!!

أقتباس

حنا السعوديين مافي أطيب وأكرم مننا . حنا اللي نرمي نصف أكلنا في الز بالة من زود الكرم . وحنا من تفوق على غيرنا في كبر الكروش والكسل .

في هذي صدق في كل نقطة عدا التعميم كانه نسى اللي يودون الزائد عن الحاجة للجمعيات الخيرية

أقتباس

حنا من أكثر شعوب العالم إستهلاكا للدخان والشيشة . وحنا اللي عندنا مدينة جدة رابع أكبر مدينة تلوث في العالم . وحنا اللي قضينا على الحياة البرية في السعودية من كثرالصيد والقنص. ثم رحنا على مصر والسودان نقضي على الباقي .

مسألة القنص عاد لاتكلموني فيها :rolleyes: لكن القنص باعتدال ونظام بس امّا سودان ومصر علشان قنص كثر لي منها..!!

أقتباس

حنا أكثر من يطارد بنات العالم في الخارج . وحنا أكثر ناس في العالم ننفق على السياحة . وحنا اللي تبكي وتتحسف علينا بانكوك وبتايا من بعدها عنا .

لاتعليق..!!

أقتباس

حنا أكثر شعب في العالم عنده عمالة أجنبية . وأكثر الأشياء اللي نستخدمها من صنع غيرنا . ومانرضى نشتغل في المطاعم والمطابخ والمخابز والمغاسل . لأننا نشوفها أقل من مستوانا .

صدق في هاللي قاله صراحة..!!

أقتباس

حنا اللي نحافظ على تقاليدنا حتى لو كانت غلط . وحنا اللي مانشوف أحسن من قبايلنا . ونشوف الأجانب أقل مننا . إلا من رحم ربي .

للاسف صحيحة هالعبارة..!!

أقتباس

حنا اللي نشوف البنت مخلوق ناقص ومالها رأي . ماهي مسؤولة عن نفسها ، لكن مسؤولة عن أفعالها . ماتأكل في العزايم إلا من بقايا أكلنا . محجوزة عندنا في البيت مثل الغنم . ماتطلع إلا لزيارة الجارة أول للعمل . حتى زاد عليها الهم والغم . وحتى صارت في الوزن مثل الجمل . وبعد هذا نمنعها من ممارسة الرياضة لأن الرياضة بس للولد ..!!

هنا عاد اشوفه من جد مصخها..!!

صحيح هو دكتور لكن كلامه ماعجبني صراحة شخصيا وجهة نظر..!!

اجل نخلي الحرمة تروح لكل مكان بدون اذن وبدون مايردها شيئ علشان نكون free ؟

بئس التشبيه بالغنم قال الباري في كتابه الكريم:

{وَلَقَدْ كَرَّمْنَا بَنِي آدَمَ وَحَمَلْنَاهُمْ فِي الْبَرِّ وَالْبَحْرِ وَرَزَقْنَاهُم مِّنَ الطَّيِّبَاتِ وَفَضَّلْنَاهُمْ عَلَى كَثِيرٍ مِّمَّنْ خَلَقْنَا تَفْضِيلاً }الإسراء70

هل المقصود من كلامه الدعوة لقيادة المرأة؟

الرياضة على سبيل المثال المشي

كثيرا مانرى النساء يمشون وهذا الشيئ اشوفه اذا ودّيت اهلي للممشى يعني هالنقطة ماتمشي عليّ ابدا..!!

أقتباس

حنا اللي الحرمة عندنا ماتكشف حجابها لنا وتكشفه للأجنبي .وحنا نترك الحرمة تركب السيارة لوحدها مع السواق الأجنبي .

كل اناء بما فيه ينضح..!!

أقتباس

حنا أول من إبتكر مطاردة البنات في الشوارع بالسيارات. وإذا شفنا بنت راكبة السيارة مع سواقها تجمعنا بسياراتنا حولها مثل الغنم . نبغا منها كلمة حتى لو تتفل في وجيهنا أو ترمينا بحجر.

للمرة الثانية يوصف البشر بالغنم

{وَلَقَدْ كَرَّمْنَا بَنِي آدَمَ وَحَمَلْنَاهُمْ فِي الْبَرِّ وَالْبَحْرِ وَرَزَقْنَاهُم مِّنَ الطَّيِّبَاتِ وَفَضَّلْنَاهُمْ عَلَى كَثِيرٍ مِّمَّنْ خَلَقْنَا تَفْضِيلاً }الإسراء70

كلامه فيه نوع من الصحة لكن مو على الكل والاخ عمم

أقتباس

حنا اللي عندنا أغلى المهور في العالم . ومانشوف ولا نعرف العروس إلا بعد الزفاف (شختك بختك) . وبسبب هذا ثلث الزيجات عندنا تنتهي بالطلاق ..!! .

صحيح لازم نعيش قصص حب ونصير فلم رومنسي امريكي او مصري علشان نكون متحضرين..!!

ليش احس ان الكاتب يلمّح للسفور والغاء الحجاب والدعوة الى الاختلاط او انا متوهم ياجماعة الخير؟

أقتباس

رغم الحقيقة والألم ..

حنا السعوديين أحسن المسلمين والعرب.(هيّن بس) .!!

اقول حسبي الله على من عطاك الجنسية جاي تسب السعوديين ماملوا عينك؟

الله يخلف على ام جابتك قال دكتور قال..!!

دكتور في التهجم والسب اللي ماله داعي..!!

نعم السعوديين افضل العرب والمسلمين ومن لم يرضى بهذه الحقيقة فليشرب من ماء البحر..!!

يعني اذا كنت غير كذا تكلم عن نفسك لاتدخلنا معك..!!

أقتباس

والسوأل هنا


هل الله راضي عننا

الله يرضى عن المسلمين اجمعين وكيف لنا ان نعلم الغيب؟


رامي السهام جعلك للجنة قل آمين من وين طبيت على ذا؟

تبي الجد رامي السهام؟ هالمقال مادخل ولا راح يدخل مزاجي اطلاقا وبتاتا البتة وكل النفي حطه في هالجملة

(اذا) كان قصده شريف يحسّن الاسلوب لانه تهجّمي بعض الشيئ الا كل الشيئ ماخلا السعوديين في حالهم

ليش تذكرت عدنان جستنية؟

ومازالت دولة الاسلام محاربة للاسف حتى من الذين يحسبون كابنائها...!!

كلمة للدكتور:

لو مافي بلادنا خير ماكان شفناك فيها وتاكل من خيرها..!!

ظنكم انفع اصير ضده في الاتجاه المعاكس بس ياخوفي يجيني كوب في الجبهة العزيزة من التحجير

بصراحه انا عندي وطنيه بشكل كبير 00 وهالمقال فيه الصحيح وفيه المبالغ فيه بزياده 00
والصحيح فيه قليل 000
0
انا من وجهة نظري ارى المرأة في مجتمعنا معززه مكرمه اكثر من اي امراة على وجه الارض ولها مكانه كبيره في ديننا 00
فالمراة نفقتها واجبه على ولي امرها وزوجها 00 هنا في هذا البلد الطاهر لم تعمل المراة في بنشر سيارات 00
او مضيفه في مطعم 00 او خادمة في البيوت 00 او سائقة تكسي 00 لم تعمل في كازينو 00 لم تبيع شرفها من اجل المال 00
0
0
المرأة قال فيها رسول الرحمه : (( رفقا بالقوارير )) ووصفنا بالقوارير لرقة المراة وعاطفيتها 00
0
ديننا جعل الجنه تحت اقدام الامهات 00
0
فالمرأه في ديننا كالجوهره تجدها في اماكن بيعها تحت الزجاج لا تلمسها الا اذا كنت ستشتريها واذا اشتريتها حافظة عليها 0
0
0
واتأسف على الاطاله 0
0
0
لكم مني كل الحب والتقدير يا أبناء هذه البلاد الطاهره <<<< الدلوعه

تسلم يمينك الغالي المبدع دائما ً رامي السهام على نقل هذا المقال . .
.
.
.
و المقال فيه الصح و فيه بعض الحقائق لكن مبالغ فيها قليلا ً مثل ما ذكروا الإخوان . . .
.
.
لا هنت و تسلم يمينك . . .

للأسف ان المقال حقيقي مو خياااال ..
.
.
ولكن يمكن انا مو مع المقال بفقرة وحدة وهي الخاصة بالمرأة .. بصراحة يمكن شوي من التعاملات مع المرأة تكون خاطئة ..
بس حنا هنا بالمملكة ولله الحمد والشكر .. ماخذين اغلب حقوقنا ..
.
.
اخوي رامي .. طرح حلو ومميز .. واختيارك منااسب ..
لاعدمناك..

مشكووووووووووراخوي رامي السهام على المقال
ومثل ماقالوا اخواني اللي قبلي
الموضوع في حقائق واشياء لاتوجد واشياء مبالغ فيها

وندعو الله ان يرضى عنا وعن الامه الاسلاميه

عوافي اخوي رامي السهام عالموضوع...

وفي كل مكان في الصالح وفيه الطالح...

ومشكور اخوي زعيم هلالي.. عالتوضيحات..


روان القحطاني
مرت من هنا.