بسم الله الرحمن الرحيم
أول هدية حصلت عليها كانت من من؟ وما هي الهدية الأغلى لديك؟
كانت هدية نجاحي من أولى ابتدائي من الوالد الله يحفظه, والأغلى من الوالد بعد نجاحي من الثانوية العامة.
هل تحب القراءة؟
أحب الشعر وأهوى قرائته.
لكن الشعر ما يصنف من ظمن القراءة؟..
izeأ
عرف لكني أحب الشعر كثيرا وأقرألكن أكثر شي الشعر بالنسبةلي
يعني نقول أن هالقراءة والمتابعة الكبيرة طلعت من ياسر شاعر؟؟
(بعد شد وجذب وتأكيد ونفي بيني وبينه ) لاأنا مو شاعر بس متذوق للشعر فقط.
ومن الكتب ماذا تحب أن تقرأ؟
أحب أقرأ كتب التاريخ كثير واستمتع فيها في البيت أو في السفر.
حدثنا عن هواياتك؟
أحب البر والسفر كثير وأحب الإنتر نت أتصفح فيه المواقع الدينية والرياضية والأسرية ومواقع السيارات أحبها كثيرا..
بما أنك تحب البر أكيد لك في الصيد نصيب؟
والله مو مره يعني صيد الضبان ما اعتبره شيئ لأننا متعودين عليه أما الطيور أحبها بس ماأصيدها كثير .
تأكل الضبان ؟؟
أكيد أكلها..
طيب وصيد السمك؟
فاشل فيه كثير أذكر مره رحت أنا وولد خالتي نصيد سمك في الجبيل وكانت الساعة 12 الظهر وهالوقت يقولون محد يصيد فيه سمك أبدا مو وقت صيد ولو تشوف السنارة حقتنا عبارة عن عصى وفيه خيط حتى الإبرة مو موجوده يعني السمك أنبسط علينا نحطله الطعم وياكل ويمشي..:p
والسفر؟
لأن وقت إجازاتي قليل ما يتعدى 15 يوم أحب أسافر لدول مختلفة وأتعرف على كل شي فيها قدر الإمكان.
أطول رحلة سفر لك كم كانت مدتها؟
كانت 3 أشهر معسكر مع منتخب الشباب ما بين مصر والإمارات واليمن.
وكيف تمضي وقتك في معسكر طويل مثل هذا؟
ما اقعد.. أسبب دوار للي معاي أحب أستغل كل دقيقة فراغ لي في المعسكر أحب أعرف كل شي عن البلد اللي حنا فيه عشان إذا رجعت ما اقول اني كنت اتمرن واكل و أنام وبس .. لا أقولهم وش شفت في البلد.
يعني نقترح على المنتخب يخصصون جولة سياحية دائمة وقائدها هو ياسر ؟؟
أصلا دائما إذا قالوا فيه جولة سياحية تحصل الشباب كلهم وراي..:D
أصعب قرار اتخذته في حياتك؟
كرة القدم.
ليه؟
لأني بديت فيه وتوفقت ولله الحمد ووصلت للمنتخب وكان ارتداء شعار منتخب بلادي أكبر مسؤلية علي , أيضا موقفي أمام الجماهير اللي تحبني وتعتبرني قدوة , أيضل السفر في المعسكرات والبعد عن الأهل .
نقطة ضعفك؟
المعاقين بصراحة لما اشوفهم تنزل دمعتي مباشرة أحس أن لهم حق علينا وأبسط حقوقهم أننا ندعيلهم ونزورهم..
أين ومع من ترتاح في حياتك؟
مع اهلي.
أقرب صديق إلى قلبك؟
هو امر اعتبره واجب علي إللي هو القران الكريم لأني أبحث عن توفيق الله دائما ويلازمني في كل وقت.
ومن الأصدقاء؟
هو أخ كبير قبل لايكون صديق عزيز هو ألأمير تركي بن خالد اللي دائما يوقف ويشجعني وله فضل كبير علي بعد الله ويكفي اني أقولك أنه قبل كل مباراة ألعبها أكلم أمي وأبوي وألأمير تركي بن خالد.
من هو شاعرك المفضل؟
جرت العادة أنه يكون خالد الفيصل وبدر بن عبد المحسن لكن هم يعتبرون رموز وكلنا متفقين عليهم وانا شخصيا احب خالد المريخي وحامد زيد وضيدان بن قضعان وسعد علوش وعبد الله الفرحان وفيصل اليامي..
ما شاء الله عليك الشعراء اللي تحبهم كثير ولا شفنا أي قصيدة أو أغنية تحمل أسم ياسر.......؟
هو بصراحة في أبيات تجيني مسج على الجوال تشجيعية لي من بعض الشعراء أخرها كان من عبد الله الفرحان..
ممكن نسمع منها شيئ؟
( جلس يفكر ويحاول يتذكر شوي بعدين قال نسيت وحتى الجوال راحت منه الرسايل لأنه غير الشريحة لذالك عوضنا وعوض القراء على الله.)....
مطربك المفضل؟
أنا احب عبد المجيد عبدالله واموت براشد الماجد وأعشق رابح صقر هالثلاثة ما يغيبون عن مسجل سيارتي.
أغنية تطرب لها؟
واحشني موت لماجد المهندس...
ناديك عربيا وعالميا؟
الأهلي المصري وبرشلونه الإسباني ...
كاتبك المفضل؟
شعر الغزل الجاهلي..
جريدتك المفضلة ؟
جريدة اليوم ( التعصب للمنطقة الشرقية ممتد من راشد ورابح لجريدة اليوم قلنا له أنك متعصب وضحك كثيرا ):D:D:D
مجلتك المفضلة؟
طبعا لو قلت ((أصوات)) بيقولون يجامل لكن أقسم بالله العظيم اني أنزل كل أسبوع للسوبر ماركت واخذ خمس مجلات متعود أشتريهم دائما من ضمنهم مجلة أصوات..
وش اللي جذبك لأصوات؟
الإخلراج مختلف وجميل ويعجبني ايضا المصداقية شدتني كثير لأنكم دائما إذا كتبتوا مانشت على الغلاف افتح الموضوع في الداخل واحصل مصداقية في الطرح تعكس المانشت اللي على الغلاف .
يمكن لأنك انجرحت من العناوين الكاذبة اللي على الغلاف ( ذكرته بكذبة ابريل وقصته مع اريام) ؟؟
أنا ما ادري للحين ليه اريام تفاعلت مع الموضوع وليه ردت لأن أساس الموضوع كذبة ولا له أي داعي للتعليق عليه وانا اشره بصراحة على مجلة (( شهد )) كثير انه وضعت صورتي بهالشكل لكن ما باليد حيله ومع الأسف اني تعاونت نعهم كثير لأنهم يعتبرون من اولى المجلات اللي عملت معهم حوار لكن ما ادري كيف جا هالموضوع هل هو بحسن او سوء نية ؟؟!!!!!! وأيا كان انا لايمكن اني أقبله.
قناتك المفضلة؟
كل قنوات روتانا
ما هو لونك المفضل ؟
الأزرق.
عطرك المفضل؟
شانيل.
سيارتك المفضلة؟
أحب اللكزس وسيارتي مرسيدس ..
ما هي أكلتك المفضلة؟
ما في غير الكبسة
الكبسة رمز في الأكلات السعودية نبي غيرها..
الملوخية وأسأل طباخ المنتخب أبو احمد لأني متعبة كثير فيها..:o
أكله تجيد طبخها؟
الكبسة..
يعني إذا جينا الشرقية معزومين عندك عليها؟
أكيد بس إذا بطنك عورك مالي علاقة ( يقولها ضاحكا ) :D
هل تحب الجلوس في المنزل اكثر أم خارجه؟
ما اجلس في البيت إلا في الأوقات العادية اللي المفروض الواحد يكون فيها في البيت مثل الظهرو العصر وأحب اطلع كثير حتى ان أصدقائي يقولون لي دائما انت ماتعرف تصير مشهور تحصلني بمطعم معاهم اضحك بصوت عالي وامزح بشكل طبيعي بس أحصل منهم انتقادات انه أنا معروف عند الناس لازم ما اسوي أي شيئ في الاماكن العامة زي كذا لكن بصراحة ما اسمعلهم وعايش حياتي طبيعي مثل أي شاب..
------------------------------------------------------------------------------
انشاء الله رح انزل الجزء الثالث بكرة ..
ومعليش سامحوني اني ما قدرت أكتب اللقاء كامل بس لأنه طويل مررره..
:cool:
ومشكورين
15-11-2005, 02:16 PM
لقاء الكابتن ياسر مع مجلة أصوات ((2))
مشاركة: لقاء الكابتن ياسر مع مجلة أصوات ((2))
العرض العادي
