أول شي أبي أقولكم طريقة نقل قصتي هذي إلى الجوال على شكل ملاحظة تنسخ المكتوب وتروح للمفكرة وتسوي لصق وبعدها تروح لملف وتضغط على حفظ بإسم تكتب إسم الملاحظة وتختار في المربع الثالث اللي مكتوب فيها الترميز تختار الترميز من نوع unicode‏ ‏ وتختار بعدها حفظ تروح بعد ما تحفظ الملف ترسله للجوال عن طريق البلوتوث أو عن طريق الذاكرة بالطريقة اللي تريحكم


هذي قصة فيها أكشن وكوميديا وغموض ومن تأليفي (والله على أقول شهيد) نبدأ القصة

FILM IN ARAR
العنوان:فيلم (في عرعر)
المكان:مدينة عرعر
التوقيت:12صباحا
المهمة:مواجهة الأعداء
واعذروني على طريقة الكلام لأنها مستمدة من كلام شمالي (من عرعر)
البداية
راح الشايب وكان اسمه نقطة نقطة نقطة ولقى في شوارع نيويورك خويه بسام قال بسام شفت محمد قال إيه قال بالمطعم مشى محمد وهو يمشي تذكر إنه ما أخد اسم المطعم قال خلني أرجع وآخد الإسم من بسام يوم رجع لقى بسام ميت قال وش السالفة قال أكيد إنهم مصاصين العزيزية راح محمد وهو حزين على موت بسام
بعد أن شفط المجرمين عينيه واستأصلوا قلبه وهو يمشي كان يفكر لقى خالد مندس خلف زاوية مدرسة العزيزية عاد ما صدق خبر محمد إنه لقى واحد يعرفه لأنه كان قامط العافية يوم وصل لخالد لقاه متحول إلى مصاص دماء وهو يركض ويركض ويركض وينقز المطب وهو يطيح بالمي اللي في الشارع
وهو يلقى كومار هندي بقالتهم وحتى هو متحول المهم خالد وكومار حشروا محمد بالزاوية وكا ن كومار اسرع من خالد فالتهم محمد فتحول محمد إلى هندي مضيع راتبه ولكن ماذا حدث بعرعر؟
لقد تحولوا جميعهم إلى مصاصين عزيزية ولكن لكل مصيبة أبطال أوروبا(أمزح) قصدي أبطال الديجيتال وهم
1- الجنرال:فهد
2-مهندس طيران:علي
3-كوماندز ملازم أول:مهند
ذهبوا هؤلاء لإنقاذ بسام المحتضر جنب بيتهم اللي بالعزيزية اللي عندهم مدرسة وعندهم مجلس كان الجنرال فهد جالس في بيتهم يجهز الأسلحة وكان مهندس الطيران علي يصنع طيارة تحت مسمى الشبح علي
وكوماندز مهند يتصل على جمس بوند لأن جمس بوند جاسوس والكوماندز لها علاقة بالجاسوسية وكان مهند يبي من جمس بوند إنه يساعدهم فقال تكفى يا أبو بوند إفزع لنا
قال جمس بوند والله أنا عند الطلب يا شنب وجمس بوند أصلا ما عنده شنب مسوي رجال المهم بعد مدة من إجراء المكالمة مع بوند وصلت رحلة بوند بحفظ الله ورعايته إلى مطار الجنرال فهد حفظه الله ورعاه وجعلها في موازين حسناته يا أخي والله إن فهد رجال المهم
جاء جمس بوند وكان باستقباله مهند وراحوا لبيت بسام لأن بسام بعد ما مات استحلوا بيته وخلوه مركز لعمليات القوات المسلحة لمجموعتنا المهم مهند ضيف بوند وشرب بوند القهوة وأكل عود أسنان لأن البيت ما كان فيه تمر بسام قبل لايموت أكل التمر كله
مشى مهند وبوند لبيت الجنرال فهد بعد اتصال دام أكثر من 30 ثانية لأن فهد كان معاه بالرصيد ريال واحد المهم جينا عند الجنرال فهد وضرب مهند وبوند كل واحد كف سألوه بعدها ليش ضربتنا قال الجنرال ما ادري قلنا طيب قال خلص أنا أضربكم على كيفي بعد الكف صار بوند يبكي ويقول وين أمي؟ قال مهند لبوند ما ادري وين امك ومهند بعد ما أكل كف من الجنرال زعل ونزلت دمعة حزن وقال
ياونة ونيتها أمس
خمس ونات أس ثلاث ونات ويزودن
فلما قال مهند هده الأبيات بكى أبو بوند وقال يا خي عندك مشاعر فياضة قال مهند عادي الجنرال خويي ويمون علي تدري إنه مرة طلع عيني بالسكين تدري إنه مرة قطع يدي وعلقها على مراية اللكزس حقته فلم يصدق بوند وقال يالك من كذاب قال مهند لبوند ألعن جدتك الصلعة وأمك الحولا
في هذه الأوقات بعد التاسعة مساءا كان علي مندمج على صناعة الطيارة وكانت الطيارة كاملة بس كان علي يقول باقي للطيارة حوض ددسن 87 مصدومة من قدام وما فيها درج دق علي على الجنرال فهد وقال الطيارة قيد التنفيد ولكن باقي حاجة قال الجنرال وشي قال حوض ددسن قال الجنرال ما كثر الله إلا الدداسن في العزيزية رح وتخير لك وحدة مزيونة المهم علي قال لا.لا.لا للمخدرات قال الجنرال فهد اطلع برا وخل عنك المقس قال علي الحقيقة أبي حوض ددسن وعطى الجنرال مواصفات الحوض قال الجنرال فهد ما في مشاكل والله الجنرال دق على معارفه كلهم وما لقى الحوض اللي يبيه لأن علي معقد السالفة لو قايل حوض ومريح راسه أحسن له قال فهد مافي إلا أني اتصل على خويي عبد اللطيف جميل لتأجير البروستد وبيع مكاين الحلاقة ورد عليه قاله فهد أخبارك وشلونك ورفع به فهد شوي عاد عبد اللطيف جميل من النوع اللي بسرعة يرفع به الواحد بسرعة قال فهد والله حنا ندور حوض ددسن وعطاه المواصفات اللي يبيها علي قام عبد اللطيف جميل يفكر ويقول والله انهم مجانين وشو حوض ددسن 87 ومصدومة من قدام وما فيها درج من وين أجيبها قال لفهد أوكي أنا دقايق وأجيب لك الحوض والله بعد نص ساعة جاب حوض ددسن لفهد بس مو المواصفات اللي يبيها علي راح الجنرال فهد لبيت علي دق الجنرال على باب بيتهم والله هو يطلع له واحد شعره حوسة ولونه ابيض ولابس نظارة منزلها على طرف خشمه قال فهد بقلبه من هذا مسوي نفسه عالم وقال للشخص هذا لو سمحت نادلي علي قال الشخص يا غبي انا علي طلع علي مشيب راسه من كثر ما يفكر بالطيارة ومسوي فيها عالم فهد انفشل لأنه ما عرف علي عاد سوا فهد فيها ذكي قال الا عرفتك بس ابي اتأكد بس
والله فهد يضرب علي كف أرداه صريعا وقال من الغبي؟
راح وجاب ببسي منتهي صلاحيته وفيه تراب أزرق علي جايب التراب من المريخ وهو يكبه على فهد وهو يقوم فهد ويطخ علي ويوم جا مهند لقى علي طايح وبه دم وفهد يضحك على علي وهو يقول مهند اتركوا عنكم لعب الورعان وركبو الحوض للطيارة عشان نطير بسرعه لأن مصاصين الدماء بدأو يحاصرون بيت علي والله علي قام وهو يسحب الطلقة اللي في جسمه وهو يضحك ويقول لفهد ألعب غيرها قال مهند عاد إنت يا بيكاتشو ما تنذبح إلا بإبرة عاد بعدها علي قمط العافية لأن مهند عرف نقطة ضعفه راح علي وركب الحوض وهو يعبي خزان البنزين حق الطيارة موية شرب متروكة بالخزان 6 سنين بلياليهن ونص عشان تمشي الطيارة في الأوقات هذي بدت المعركة الحقيقة واللي تلحفوها مهند وفهد والله هو يقوم الجنرال فهد ويسوي خطة بما أنه هو الجنرال يعني قائد القوات المسلحة الجوية الأرضية المائية المظلية البرية وقال لمهند دق على جمس بوند وقله يجي جا مهند يبي يدق على بوند طلع ما معاه رصيد وحتى كول مي مخلصة قال الجنرال ما دام ما معاك رصيد رح قفل الشبابيك بخشب عشان ما يدخلون علينا بعدها راح الجنرال فهد يوزع الأسلحة قال مهند للجنرال نبدا الحرب قال أوكي بس خلنا نروق رح جب لنا ببسي قال مهند حاضر والله
راح مهند يجيب ببسي والجنرال عشق السلاح بثاني والله ومهند يعطي الجنرال ببسي وهو معه ببسي ويشربون ويسولفون مادروا إلا اللي دخل عليهم مصاص دماء من مواسير الحمام وانتم بكرامة والله لو انه سبايدر مان
مهند من شاف مصاص الدماء غص بالبيبسي اما الجنرال فهد كان قوي عنده خبره اكثر منا بالملاعب الاوربية فهد بعد ما شاف مهند خايف قاله ابعد وخل مصاص الدماء هذا علي قال مهند ابشر والله وهو يقول الجنرال يا مهند جب صندوق الخشب هذاك
راح مهند وجاب الصندوق لفهد وهو يقوم فهد يلعب كراتيه هذا يضرب هذا والثاني يدغدغ هذااك وفجأة فهد ضغط على عين مصاص الدماء وهويطفي قال فهد اخس والله تطوروا صاروا يطفون بضغطة زر والله وهو يقوم فهد وياخذ مصاص الدماء ويسكر عليه بالصندوق قال فهد لمهند انتم الحين بنعمة قال مهند ليش قال مصاص الدماء الحين صار يطفي بضغطة أما اول كنت مشارك بحرب مصاصين دماء بكتيبة مقاتلي resident evil 1.2.3
وكانو ما يموتون الا بعد ما تفرغ براسه خمس طلقات قال لمهند هذا مو شي كنت مشارك قبل سنتين بحرب مصاصين دماء وكنت بكتيبة قناصين resident evil4
وهذي القصة عن resident evil5 اللي راح تصدر على البلايستيشن3
قال مهند للجنرال صراحة انا اعجبت فيك يا جنرال قالي لا يكثر هرجك قلت ابشر قالي الجنرال رح استلم الشباك الاول وباب المدخل اي واحد يجي اذبحه والجنرال استلم بموقع ثاني والله كسروا مصاصين الدماء الشبابيك ودخلو ذبح مهند الاول والثاني ورفس الثالث وبقس الرابع وخلص عليهم وراح يبي يساعد الجنرال قاله رح لمكانك قال مهند خلصت قال الجنرال ليش الاخ داخل اختبارات وش اللي خلصت رح استلم بمكانك الحين يمكن يطلع لك واحد راح مهند لمكانه وهو يناظر للجنرال فهد وهو يذبح مصاصين الدماء بيده يضغط على عيونهم ويطفون قال مهند للجنرال ليش ما تستخدم السلاح قال لا السلاح نخليه للرئيس الحسين إيفل قال مهند طيب وشلون تذبحهم بدون مسدس صعبة شوي قال الجنرال ما في شي يصعب عند ابو فيصل قال مهند اخس والله خلصت عليهم باخي والله انا احبك يا جنرال انت قوي قال الجنرال لمهند شكرا شوي مادرى مهند الا الجنرال يقوله انتبه وراك مصاص دماء يوم التفت مهند الا مصاص الدماء ضرب مسدسه وطار المسدس بعيد عنه قال مهند مالي الا اني اقلد الجنرال واضغط عيونهم يوم جا مهند يبي يضغط عين مصاص الدماء ما درى الا مصاص الدماء اكل اصبعه وطاح مهند خايف لا يكون صار مصاص دماء والله وهو يجي
الجنرال فهد يمشي مليون ويدف مصاص الدماء عن مهند وقال عاد كل شي ولا خويي مهند والله وهو يطخ مصاص الدماء طلقه اردته صريعا وجا يركض الجنرال لمهند ويقول بك شي قال مهند ما ادري احس اني ابي اموت قال لا ان شا الله ما تموت انت واحد نحتاجه بالفريق قال مهند ما اقدر شوي وهو يدخل عليهم مصاصين دماء من كل مكان قام الجنرال يبي يشيل مهند ويطلع للمختبر اللي به علي قال مهند للجنرال خلني انا الحين مالي فايده قال فهد لا ما اتركك يا نموت مع بعض يا إنا نطلع مع بعض قام ودق على علي وقال له ما خلصت الطيارة قال علي الا بس تعالو بسرعة عشان نركب بها وشال الجنرال مهند ومشى للمختبر يوم وصل وهو يحطني بالطيارة وقال لعلي جب معاك بنادول عشان نعالج مهند راح علي وجاب بنادول وركبوا كلهم وقفلوا الطيارة وجا الجنرال وعطى مهند ابرة بنادول بعدها حس مهند انه نشيط كنه ماكينة 270حصان
عاد الجنرال اعجبته الطيارة وقال لعلي يله سق بنا قال علي ما معي رخصة قيادة والله مهند يضرب علي كف طير سنونه قال تستهبل انت اخلص علينا وشغل الطيارة قال علي طيب
قام علي يدور المفتاح ما لقاه استغرب علي وين حط المفتاح وهو يتذكر انه حط المفتاح بالغرفة اللي بها مصاصين دماء قال علي من يروح قلنا كلنا اكيد انت قال علي انا قلنا لا اللي وراك يوم لف علي وشاف المنظر قام يصارخ ويقول خالد خالد قلنا له من هو خالد قال ابوي قلنا له ابعد خلنا نشوف يوم طالعنا من شباك الطيارة الا حقيقة طلع ابوه متحول المهم راح علي يجيب المفتاح عاد حنا ننتظره طول ما ندري وش فيه قال فهد خلنا نروح ونشوف وش فيه يوم رحنا لقينا علي ماسكينه مصاصين الدماء ومن ضمنهم ابوه جاء مهند يبي يهدي ابو علي قال ليش تبي تاكله ما سوا شي وبعدين هذا ولدك قال ادري انه ولدي بس يستاهل ليش يوم طلبته ببسي ما جاب لي ما دريت الا فهد متقطع ضحك من كلام ابو علي المهم فكينا علي من ابوه واتباع ابوه
ما درينا الا هشام اخو علي جاي بالابيكا قلنا كلنا بصوت واحد يا ليل الليل وش جابه هذا طلع بالاخير مو متحول نزل علي لاخوه بالشارع طلع هشام يبي يعطي علي المفتاح حق الطيارة اخذ علي المفتاح وقال لعلي ترا انا ابي امشي للشرقية تبي شي قال علي لا سلامتك في هذه الاثناء كانو فهد ومهند يحاربون مصاصين الدماء وكانوا محاصرين بالزاوية وكانو خايفين فجأة فتح صندوق الخشب وهو يطلع مصاص الدماء اللي حبسه فهد ويقول يجيلك يوم تندم على ما سويت وهو قصده على فهد لأن فهد حبس هذا مصاص الدماء بالصندوق والله وهو يجي مهند
طاير ويضرب اللي بالصندوق ضربة شقته نصين وقال هذا مصير اللي يتكلم على الجنرال والله جا علي وقال لنا امشوا قلنا وشلون وحنا محاصرين قال انا مالي شغل وهو يمشي قال فهد لمهند شف يا مهند راح نطبق قاعدة اكون او لا اكون قال مهند قدام والله صاروا يلعبون كاراتيه كسرنا وجييههم واحد واحد بس تعبنا كانو كثار ما درينا الا علي جاي ومعاه رشاش وارثه من جده الخامس عشر لويس وهو يضربهم بالرشاش وهو يصارخ شكله متحمس لين ماتوا كلهم رحنا كلنا بسرعة وركبنا الطيارة وشغلناها يوم جينا نبي نطير الا طلع ولا واحد فينا يعرف يسوق وحتى لو في احد يعرف يسوق اصلا الغبي علي مسويها تحت الارض يعني بالمختبر والمختبر كان بالقبو
نزلنا من الطيارة وحنا محزنين وقلنا مافي الا انا نروح كعابي لبيت بسام اللي كان مركز القوات المسلحة لمجموعتنا طلعنا للشارع وكان الجو مخيف اجواء مظلمة وبيوت متهدمة ومحترقة واصوات مخيفة قال مهند وش رايكم نروح لواحة الشمال ترا انا ميت جوع قالو قدام ويوم وصلنا لقينا المطعم فاضي مافي احد كلهم تحولو قال مهند لفهد وعلي انتم اجلسو واطلبوا وانا اجيب الطلبات قالو فكرة قلت لعلي وش هي طلباتك قال علي عين مصاص دماء وكثر دم مع خمس اصابع مقرمشة من يد ابو علي المتحول
اما فهد طلب ثلاث قلب مشوي واحد كلية واثنين اصبع جبت لهم الطلب قالولي انت مجنون قلت ليش قالو في احد ياكل اوادم قلت لا بس انتم طلبتو قالو والله من دلاخيتك قاموا واكلوا اكل زي الناس مو مصاصين دماء ومشينا لبيت بسام يوم وصلنا لقينا بسام متحول وحنا نمسكه ونعالجه بابرة بنادول ورجع لنا مثل اول قلنا زين في احد يعطينا خطة قال الخطه 4-4-2 ميسي يطلع على الطرف ما امداه كمل كلامه الا اللي خطفه مصاص دماء قلنا أحسن اصلا هو صاير يمقس كثير بس توقعوا من اللي خطفه؟
اللي خطفه كان الحسين ايفل هربنا من الخوف داخل المجلس اللي ببيت بسام عشان نقعد جيمس بوند عشان يفزعلنا وحنا داخلين سمعنا واحد يقول يس يس قوووول يوم دخلنا لقينا جيمس بوند حاط على القناة الاولى ويتفرج على سباق الخيل وكل ما طلع الملك عبد الله حبه على خشمه وهو اصلا يحب التلفزيون قلنا له خير يابو الشباب وش فيك والله هو اللي يقوم من الخوف ويقول لمهند من هذولي قلت لا تخاف هذولي اخوياي من الرضاعة قال اشوا قلنا له جهز اغراضك عشان نمشي قال انا جاهز بس وشلون نروح بسيارة قلنا لا نروح كعابي
قال جيمس بوند انا ما اقدر بي حساسية بالشعر قال مافي طيارة قلنا الا بس ما نعرف نسوقها قال سهلة قلنا طيب هي تحت الارض قال نفجر الجدار ونطلع والله رحنا كلنا للطيارة ركب جيمس بوند قدام وحنا وراه وهو يجهز صاروخ سكود-14 وفجر الجدار وطلعنا بالطيارة وكان مهند مستانس يحسب انه قاعد بالملاهي ويضحك ما درى الا علي يضربه كف قال مهند ليش ضربتني قال وحدة بوحدة وحنا طايرين الا الطيارة صار فيها عطل وتبي تطيح قلنا لعلي وش فيها الطيارة قال اكيد ان الحوض اللي ركبناه مو هو اللي ابيه قلنا وشلون قال شكل عبد اللطيف جميل يغشنا وحنا طايحين بالطيارة يعني متجهين للأرض شفنا الحسين ايفل حنا بلعنا العافية يوم وصلنا للأرض تفجرت الطيارة وحنا اغمى علينا بعد الحادثة هذي بيوم قعد فهد من الغيبوبة وهو يصارخ ويقول لا تاكلني قال صالح لا تخاف معاك صالحمان قال فهد متى جيت قال سمعت بالأخبار بفقرة الاحوال الجوية أن مصاصين الدماء اقتحموا عرعر وجيت ابي افزعلكم وكان صالح حاطنا بالمجلس بعد مدة صحى مهند وعلي وبوند ناظروا حولهم لقوا صالح وفهد يلعبون دوري بليستشن وقام مهند وقال حنا وين قال صالح انتم في بيتنا بأمان والله ومهند يقوم ويسلم على صالح
وكان جيمس بوند حالته خطيرة قال صالح خلوه علي قلنا ليش تبي تصارعه قال لا يا اغبياء اصلا انا معي شهادة دكتوراه ماخذها من كلية الطب بالقصيم قلنا له طيب وش فيه بوند جا صالح وفحصه قال لنا به ارتجاج بالمخ وكان مخ بوند يهتز ويقول تزززززززز مسك صالح راس بوند وقام صالح يهتز مع بوند قلنا احلى من متى تعرف ترقص والله وهو يقوم صالح ويضرب بوند ضربة رجع مخه وقال بوند بعد ما صحى شوفو انا ابي اروح لأمريكا قلنا له ليش قال ياخي انا مثلت بافلام كثيرة بس مثل اللي شفته عندكم ما شفته بعمري قلنا بكيفك مشى بعدها بوند وهو يمشي قابله الحسين ايفل قال هلا بالحبايب على وين رايحين قال بوند امانة خلني قال الحسين ايفل خير ان شا الله تبيني اخليك ان ما اكلتك ما اكون ولد ايفل والله بوند طلع ساعته اللي بها ليزر وقام يضرب الحسين ايفل بس ما نفع عصب الحسين ايفل وهو ياكل بوند وهنا انتهت مسيرة الممثل الامريكي جيمس بوند في عرعر عن عمر يناهز مدري كم طعش
في غضون هذه الاوقات كان صالح يضمد جراحنا قال الجنرال فهد الله لا يوفق عبد اللطيف جميل هو السبب باللي صار لنا حنا قايلين له حوض 87 مصدومة من قدام جايب لنا حوض مدري من وين قلنا كلنا الله على الظالم قمنا كلنا وقلنا لصالح مشكور على اللي سويته وحبينا راسه قال لا يا شباب انا ما سويت الا الواجب قلنا له لولا الله ثم انت كان رحنا في خبر كان واخواتها
قال مهند لصالح ممكن اطلب منك طلب قالي ابشر قلت نبيك تروح لروسيا تجيب لنا متفجرات قال صالح اعذروني قلنا ليش قال ما اقدر قال مهند عشان كاكا قال افكر قلنا لا بدون تفكير الحين تروح قال اوكي مشى صالح لروسيا بالمكسيما الله يوصله بالسلامة طلع مهند يشوف علي وفهد انتهت مباراتهم ولا لا كانو يلعبون دوري وكان مهند ينتظر مباراته وكانت النتيجة بين فهد وعلي 3-3 علي معاه انجلترا وفهد معاه الميلان وهم يلعبون طفى الكهرب علينا قال فهد اقول مادام الكهرب طفى خلونا نمشي نتفحص احوال الرعية من مصاصين دماء قال مهند انا تعبان ابي انام قال فهد خلاص وهو يروح فهد ويجيب فراش لمهند وفرش له بالمجلس وطلع بعدها علي وفهد من بيت فهد بعد مدة قعد مهند من النوم لقى فهد يجهز الأسلحة يوم شافوني قعدت من النوم قالو لي صباح الليل قلت صباح الفجر وأنا اناظر لجوالي الا الساعة ثنتين ونص بالليل قام مهند يغسل وراح لهم وقال يا شباب وش نسوي الحين قال فهد بما انه جنرال قال ننتظر الى صلاة الفجر نصلي ونفطر وبعدها نمشي قلنا خلاص جت صلاة الفجر وصلينا جماعة وكان الامام فهد ودعينا ان الله يساعدنا بالحرب بعد الصلاة رحنا نبي نفطر وكان الفطور خبز صامولي وشابورة وخبز لبناني وموية وحليب لونه اخضر منتهي صلاحيته قبل خمس سنوات وشاي كنا مفلسين ما عندنا اكل بعد الفطور مشينا لبيت بسام يوم وصلنا لقينا سيارة شغالة والله وحنا ركبنا بالسيارة فهد يسوق ومهند بجنبه وعلي وراهم بسيارة الابيكا رحنا ندور الحسين ايفل لأنه هو لو انذبح يموتون كل مصاصين الدماء يعني هو راس البلا وحنا ندور بالشوارع عن الحسين ايفل ما درينا الا شي يوقف قدامنا يوم ناظرنا زين الا طلعت رجل الحسين ايفل اليسار لأن رجلينه مثل ناطحات السحاب ويدينه مثل الساعة اللي بالدوار وراسه كبرالكرة الأرضية والله فهد شغل الدبل وهو يقول بسم الله ويركب على رجل الحسين ايفل وعلي ركب على الرجل الثانية يوم طلعنا على رجلة كنا نطعس بالثمامة وكنا نبي نذبحه بسياراتنا بس هو كبير وعجزنا عنه قام الحسين ايفل ضرب سياراتنا بعيد عنه وحنا نناظر له وهو يقول لنا ما راح تأتلوني يا مجرمين قال علي اخس مصاص دماء مصري قال فهد هذا الحسين اللي بصفنا قال علي ايييه عرفته قال فهد خلونا نهرب قبل لا ياكلنا يوم لفينا نبي نهرب الا حنا محاصرينا مصاصين دماء قالوا وشلون نطلع قال مهند لفهد ما لنا الا صالح قال فهد صالح بروسيا قلنا ما في الا عبدالله قال مهند لفهد دق على عبد الله قال فهد جوالي ما فيه رصيد وحنا نناظر على علي وقال وش في قلنا معاك رصيد قال لا قلنا طيب ما في الا انا نرسل كول مي فهد قال ما معي خلصت الكول مي قال مهند انا ارسل لعبد الله كول مي شوي الا عبد الله يدق علينا قلنا له الحق علينا قال وش في قلنا الحين نموت قال طيب الحين اجيكم بس انتم وين قلنا حنا عند كودو قال ما عليكم وهو يقفل حنا جلسنا ننتظره خمس دقايق الا عبد الله جا بس حنا كنا نحسبها خمس ساعات من الخو ف
قال فهد شوفوا عبد الله راكب حصان ومعه سيف ودرع ورشاش mk-17 قلنا لا حول ولا قوة الا بالله حصان وش يبي يسوي قال فهد ولا بعد يمشي بالريوس قلنا يا حبيبي وبريوس يوم وصل عبد الله سلمنا عليه وقلنا له من وين جبت الحصان هذا قال لقيته بالشارع العام قلنا له يعطيك العافية على المساعدة قال الله يعافيك قلنا له طيب ليش جيتنا بحصان لو جاي بسيارة احسن وهو يعصب عبد الله ويقول هذا الحصان اللي مو عاجبك مواصفاته حلوة قلنا وش مواصفاته قال
مواصفات الحصان كالتالي:
1-الجري بالريوس لمسافات طويلة تصل الى 120كيلومتر في الساعة
2-قفز الزبايل (وانتم بكرامة) لإرتفاعات عالية تصل الى ثلاث امتار
3-السباحة والغوص في الشعيب لفترة لا تقل عن ربع ساعة
4- دوران حي العزيزية بخمس دقائق
5-يوجد في الحصان قير ارضي اتوماتيك وعادي يحتوي على سبع غيارات
6- يتم تشغيل الحصان باللمس دون البحث عن المفتاح
7-ماكينة قوة 500ديناصور (يعني متوحش)
8-شاشة وديفيدي وسي دي
9-يحتوي على مدافع ورشاشات وأجهزة رادار
10-امكانية التحليق في الاجواء لمدة ساعة ونصف لكن هذي الخاصية ما تشتغل الا كل يومين مرة
فأعجبنا بالحصان وقلنا لعبد الله نبي دورة بالحصان قال بخمس ريالات قلنا ما نبي قال عبد الله اركبوا الحصان وحنا نركب وهو يشغل صاروخ سكود-14 ويطلقه على راس الحسين ايفل وما صار فيه شي قال عبد الله ما في الا اننا نهرب عنه لفينا للجهة الثانية الا مصاصين الدماء والله عبدالله شغل الرشاش ويضربهم واحد واحد بس اعجبنا صوت الرشاش كان صوت صهيل حصان المهم يوم ماتوا كلهم هربنا ورحنا لبيت عبد الله دخلنا لقينا ابو عبدالله وقالنا هلا بابا ادخلو عن مصاصين الدماء وجلسنا وشربنا قهوة وركبنا بعدها قلنا نبي نتمشى وحنا نمشي لقينا الحسين ايفل يبكي قلنا له وش فيك قال امي ماتت قلنا لاحول ولا قوة الا بالله قال فهد وقفوا الحسين لا تخلوهن يكمل صياح الحين نغرق بدموعة ما هي الا خمس دقاق الا عرعر صايرة مدينة بحرية تشوفها تقول الشرقية والله وحنا نرجع لبيت عبد الله قال علي طيب وشلون نمشي الحين بالبحر قال مهند انا الحين ادق على ولد خالتي اللي بالبحرية اخليه يرسل لنا سفينة والله وهو يدق مهند ويقول لولد خالته نبي سفينة قال خلاص بعد يوم اجيبها لكم انتظرنا يوم الا ولد خالة مهند جا ومعاه السفينة واخذناها منه وقال الحين انا ابي ارجع للشرقية وشلون
السفينة معكم والسيارة ما تقدر تمشي بالبحر قال فهد عندي فكره قال اتصل على صقر اخليه يمرك بطيارة f-15 وكلم فهد اخوه صقر وقاله السالفه قال صقر اوكي الحين اجي بالطيارة انتظرنا حنا صقر نص الا هو جاي اخد ولد خالة مهند ووداه للشرقية راح عبد الله يبي يخبي الحصان عن البحر عشان ما يغرق بعد ما خبا الحصان رحنا كلنا وركبنا بالسفينة وكان علي يسوق لأنه عنده خبره بالبحر والله وهو يدز بالسفينة كان فهد يقرا كتاب مادري وش الكتاب ومهند وعبدالله يصيدون سمك وعلي طربان مشغل راديو اف ام وحنا مستانسين ما درينا الا السفينة تضرب بالارض وندور البحر ما لقيناه طلع الحسين شرب البحر كله نزلنا من السفينه ورحنا ركبنا الحصان والحصان كان يركض وياكل كل مصاصين الدماء اللي قدامه وفجأة طلع لنا الحسين ايفل وسد علينا الطريق عاد عبدالله شغل خاصية الطيران اللي بالحصان وطار الحصان وحنا ندخل بين رجلين الحسين ايفل يوم دخلنا كنا داخلين الكوبري اللي بشارع خريص اللي بالرياض بعد ما دخلنا كوبري بالحسين طرنا ورا ظهره عاد الحسين ايفل حط راسه بين رجلينه يبي يشوفنا فقد الحسين توازنه وطاح طيحة هزت عرعر كلها هربنا بالحصان وحنا نضحك على الحسين عاد فهد كان مصور طيحة الحسين ايفل بجوالهn-82
وارسلها بلوتوث لنا وحنا نضحك عليه شوي حنا نسمع صوت زئير ونباح وصهيل وهديل الحسين ايفل وكان معصب وراح لبيت مهند وحط عينه على الشباك وشافنا وحنا جالسين حنا انهبلنا وقلنا وش هذا كل هذا عين طلعنا وركبنا الحصان وحنا نطير وكان باقي في مدة الطيران ربع ساعة يعني يمكن توصلنا لبيت بسام وحنا طايرين نفخ علينا الحسين ايفل نفخة خلت حصان عبدالله يضرب بالبيت اللي قدامه وانكسرت رقبة الحصان ومات قام عبد الله يصيح وينيح ويقول بيت الشعر هذا
حصاني ابني كبر
بالبيت صفق ومات
وقال مقولته اشهيرة أشكيلج آنا رحنا بعدما مات الحصان رحنا ودفناه بالمقبرة وخلينا راس الحصان طالع عبدالله قال لا تدفنون راس الحصان قلنا لعبد الله امش معنا قال عبد الله لا انا ابي اجلس عند قبر الحصان قلنا له امش نبي نحارب قال لا ابي اموت عند حصاني قلنا بكيفك مشينا وتركنا عبد الله لحاله وكان فهد مشغول باله سأله مهند وش فيك قال ناقصين واحد قال مهند وش رايك ندق على صالح أرسل مهند كول مي لصالح شوي دق صالح قال مهند لصالح تعال نبيك قال انا الحين في ملعب السان سيرو اشوف مباراة الميلان والانتر قال مهند والمتفجرات قال صالح قالولي تلقاهن بإيطاليا وانا راح اجيبهن بعد اسبوع قلت خلاص وهو يقفل قال مهند مافي الا خلف وانا ارسله كول مي وهو يدق علي قلنا له افزعلنا قال ابشروا والله شوي وهو يجي بالجيب حق ابوه ونركب ونروح لبيت بسام يوم وصلنا لقينا مصاصين الدماء محاصرين بيت بسام والله ويقوم خلف ويسحب الرشاش من فهد ويدعس بنزين وهو يدعس مصاصين الدماء اللي قدام بيت بسام كلهم نزلنا من السيارة ودخلنا حوش بسام لقيناه مليان فل كله مصاصين دماء قال خلف عندي خطة قلنا وش هي قال نطلع برا البيت ونقفل الباب واذا جا صالح ناخذ المتفجرات ونفجر البيت البيت قال فهد لا خلونا نبدأ الحرب لأنكم لو انتظرتوا صالح راح نموت كلنا قلنا كلنا قدام والله فهد يوزع الاسلحة علينا وبدت الحرب خلف طايح ذبح فيهم وكل ما ذبح واحد قطع راسه وحطه بكيس
فهد كعادته يلعب كاراتيه عليهم اما علي يذبحهم ويصارخ متحمس اما مهند فكان يقلد فهد وكان مع مهند السيف اللي كان بحصان عبد الله وصار يقطع روسهم ويقول الويل لكم دامت المعركة ساعة الا ربع وحنا نذبح فيهم يوم خلصنا الا الحوش صاير مسبح دم والله علي يطبح بالمسبح ومستانس وحنا نناظر له ونضحك المهم رحنا بالجيب وهالمرة كان فهد يسوق وحنا نمشي الا هذا عبد الله يقول وقفوا وقفوا وقفنا له وقال لنا ابي احارب معكم قلنا غريبة والحصان قال الحصان ما يهم ما راح يرجع من الموت والله وهو يركب المهم وحنا نمشي قلنا لفهد ترا حنا ما معنا اسلحة قال فهد انا معي بس ما يكفي لأن فهد ما كان يستخدم الأسلحة حقته يبي يخبيهن للرئيس قال ما في مشاكل والله وهو يكلم لواء ركن سابق بالجيش وقال له نبي اسلحة قال اوكي شوي الا الاسلحة جت بالفيدكس اخذناهن ووزعهن فهد علينا بعدها ارسل فهد رسالة وسائط لصالح قاله اسرق طيارة من روسيا ومعها ديناميت بالصدفة راحت الرسالة مع اننا مفلسين ما معنا رصيدبعدين دق علينا صالح وقالح خلص المغرب اكون عندكم وقتها كان الظهر جلسنا نضبط الأسلحة بعدين غفينا كلنا مادرينا الا صالح يقعدنا هو وكاكا يوم قعدنا تفاجئنا كلنا متى جا كاكا وش يسوي هنا عاد صالح ضحك وقال تذكرون يوم قلتلكم اني بالسان سيرو قلنا ايه قال اخذت كاكا معي قلنا ما يفهم عليك قال صالح لا معي لغة قلنا يا حركات يا خطير والله هو يقول اركبوا الطيارة وقام الجنرال فهد يوزع المجموعات قال بما انك يا مهند كوماندز فأنا اعطيك خلف وعلي والمجموعة الثانية صالح وكاكا وعبد الله طرنا بالطيارة والغريب ان اللي يسوق الجنرال فهد قلنا له وشلون صرت تعرف تسوق قال تذكرون يوم كنا بالسفينة قلنا ايه قال كنت اقرا كتاب عن الطيران قلنا اييييه والله وحنا نروح للموقع اللي فيه الحسين ايفل يوم جينا الا الحسين ايفل واقف والجنرال فهد بدأ يعطي الأوامر قال فرقة الكوماندز تنزل على راس الحزين وازرعوا متفجرات على راسه والله خلف زرع اربع متفجرات على راسه ومهند دخل داخل اذن الحسين ايفل كان يبي يزرع ديناميت بقلب الحسين اما علي زرع ديناميت على اذن الحسين ايفل يوم جا مهند يبي يطلع لقا اذن الحسين كلها ديناميت قال مهند مالي الا اني اطلع مع فمه والله وهو يعلق
الحبل على مريئ الحسين واتعلق لين وصل لفمه وطلع وكان الحسين يركض ويصيح لأنه مو داري من اللي قاعد على راسه جا فهد واخذ فريق الكوماندز وقال المجموعة الثانية تنزل ونزل صالح وكاكا وعبدالله وقال لهم حاولو تشتتون انتباه الحسين وابعدوه برا المدينة عشان ما نفجره داخل المدينة راح صالح يضرب الحسين ايفل بالقناصة بكل دقة اما كاكا كان هو الطعم يعني كان الحسين كل ما شاف كاكا صار يلحقه عشان ياكله اما عبد الله كان ينكت على الحسين والحسين يضحك مع ان الحسين من النوع العصبي يعني ما تقدر تضحكه
بعد ربع ساعة صار الحسين خارج عرعر جينا نبي نفجره قال الجنرال فهد لا انا ابي افجره والله وهو يضغط فهد جهاز التفجير الا الحسين تفجر وكان راسه مثل الكرة الارضية بعد التفجير صار راسه بالفضاء ويده كانت مثل الساعة اللي بعرعر بعد التفجير يده رجعت للدوار ورجلينه كانت مثل المملكة والفيصلية رجله اليمين بعد التفجير راحت مكان برج المملكة ورجله اليسار بعد التفجير راحت مكان الفيصلية بعد ما مات الحسين قام فهد ومهند وعلي وعبدالله وصالح وخلف وكاكا دقوا تحية للحسين ايفل ووقفوا عليه دقيقة صمت حزنا على موته لأنه كان خوينا بالصف
بعد الحرب اللي انتهت بانتصارنا رحنا لبيت فهد وجلسنا نسولف ونتذكر اللي صار قام كاكا شغل التلفزيون وكان طالع على القناة الأولى الأخبار وكانوا يمدحون فينا حنا ما صدقنا قلنا حنا بالتلفزيون كنا مستانسين من قدنا طلعنا بالتلفزيون
بعد الحرب هذي بيومين أقروا مجلس الوزراء التالي:
1-يعين خلف رئيسا للقوات المسلحة
2-يعين مهند في القوات الجوية رئيسا لكتيبة الكوماندز
اما صالح فعرض عليه رتبه عالية بكتيبة القناصين بعدما ابدى دقة عالية في التصويب على الحسين ايفل لكنه رفض وقال يبي يلعب للنصر هو وكاكا
اما فهد فحب انه يتقاعد بعد ما خاض خمس حروب كلها انتهت بانتصاره وقال ابي اصير رئيس روما وعضو شرف بالنصر
اما عبدالله صار مخرج افلام كوميدية بعدما كان السبب الرئيسي بضحك الحسين ايفل المعروف بخشونته وعصبيته ووحشيته
اما علي فتح شركة لصناعة الطائرات ام حوض ددسن وصار عقد شراكة بينه وبين السلاح الجوي السعودي
اما فهد فنجح مع روما بجلب لاعبين كبار مثل كريستيانو رونالدو وروبينهو ورونالدينهو وبيرلو وحقق روما بقيادة رئيسها فهد ابطال اوروبا 7مرات وكأس ايطاليا 13 مرة والدوري الايطالي 15 مرة
اما النصر حقق جميع البطولات في السعودية وحقق ايضا بطولة كأس اسيا وتأهل بعدها الى كأس العالم للأندية وحققها بعد فوزه على تشلسي 4-0 بفضل اللاعب الدولي المخضرم صالح وكاكا
وكان صالح افضل لاعب بالعالم عام 2018 ميلادي وكاكا حل ثانيا خلف صالح اما حارس النصر محمد شريفي فكان ثالث افضل لاعب بالعالم
اما عبدالله انتج الكثير من الافلام الكوميدية ومن ضمنها اطفال مدرسة يأكلون الملاعق وايضا مسلسل اشكيلج آنا وغيرها الكثير من الافلام الرائعة واشترى بيت في هوليوود بقيمة 200مليون دولار وكان سعيدا جدا لأنه عالج حصانه الذي لم يكن ميتا بل كان به عطل فني
اما نادي الهلال السعودي اصبح يلعب بدوري ابطال اوروبا وحقق البطولة خمس مرات
اما مهند وخلف شاركوا في الحرب العالمية الثالثة وانتهت بانتصار قواتهم المسلحة

وفجأة يدخل فيصل اخو فهد ويقول قم يا فهد المدرسة قال فهد احترم نفسك انا الجنرال قال فيصل امحق جنرال شكلك حلمان لا بعد النصر ياخذ بطولة والهلال يلعب بابطال اوربا صدق فاضي انت وحلمك قام فهد من النوم وتعوذ من الشيطان على هالحلم وقال لفيصل وش دراك بالحلم قال فيصل طلعوه بالتلفزيون قال فهد وشلون شفتنا بالتلفزيون قال فيصل اصلا انتم ما طلعتوا بالتلفزيون انت واخوياك الخايسين قال فهد احترم نفسك ترا هم اخوياي قال فيصل انا آسف المهم قال فيصل سمعتك وانت نايم تقول جنرال وبوند واذبحه وحصان والله قال عبدالله لفهد قم جهز نفسك عشان اوديك انت وخلف للمدرسة قال خلص وهم راكبين بالسيارة قال فهد لخلف تدري وش شفتك بالحلم قال خلف وش شفتني قال شفتك قوي وتذبح مصاصين الدماء وصرت رئيس القوات المسلحة وشاركت انت ومهند بالحرب العالمية الثالثة قال خلف بس الحرب العالمية الثالثة ما بدت قال فهد ياغبي بالحلم بدت قال خلف اما عاد انا ومهند شاركنا بالحرب العالمية الثالثة قوية هذي
يوم وصل فهد للصف قال لمهند وعلي وعبدالله وبسام الحلم مادروا الا خويهم الحسين داخل عليهم وكله دم قال فهد الحلم صار حقيقة والله حنا نهرب من الشباك والحلم صار حقيقة من أول وجديد

القصة من تأليف:
مهند (عاشق كريستيانو رونالدو) وهذا إيميلي
C.ronal777do@hotmail.com
أهدي هذه القصة لكل من شجعني على كتابة هذه القصة وهم:
صديق عمري (فهد)
وأصدقائي بسام وعلي وعبد الله وصالح وخلف

يرجى نقل مصدر القصة أنها عني
وشكرا لقرائتكم قصتي التي تعتبر الأولى لي
FILM IN ARAR
فيلم (في عرعر)

يا شباب حرام عليكم ماحد معبرني
على قولوا شكرا

شكرا <<<<<<<<<< ارتحت

لا تزعلين مني أختي بس أنا مقهور يعني موضوع تاعب عليه
وبعدين كلمة شكرا طالعة منك بالغصب
يا إخواني أنا ما أبي منكم شي اللي عاجبه الموضوع يرد واللي موعاجبه لا يرد
ومشكووورين على القراءة

الحمد لله ريحتيني والله يا أختي
أهم شي الموضوع عجبك

هلا اختي هلاليه
هههههههههههههههههههههههه
شكلك من يوم وانتي صغيرة تحبين تضربين الهنود ههههههههههههههه
لا تزعلين أنا أمزح معاك أتغشمر

الله يعطيك العافيه والله قصه خطييييييييييييره

مشاالله عليك عندك مخيله خرافيهـ

يعطي العافية أخوي مرسدس وبصراحة أحرجتني بمجاملتك
بس تبي الصراحة يا زين وهم يردون على موضوك وقاموا يرفعون فيك

ومشكور أخوي على مرورك اللي أتحفني

يا زين الأعضاء إذا قاموا يرفعون فيك تحس إنك متحمس وودك تكتب مواضيع لين تتعب

ههههههههههههههههههههههههههه
مشكووووووووووووور اخووووووي مره خطيرررة ويعطيك العاااااااااااااااااااااااااااافيه
تقبل مروووووووووووووووووووووووووري

هلا أختي الزعيمة
ومتقبل وشاكر لك مروري

خخخخخخخخخخخخخ
لديك مخيله جيده

لاتحرمنا جديدك


ت ق ب ل م ر و ر ي

مشكوووور أخوي مجنون9 على مرورك الرائع

مشكـــــــــــــــــور اخوي
عاشق كريستيانو رونالدو
موضوع رائع