السلام عليكم

كل عام وانتم بخير وصحه وسلام

وكل عام وانت يالزعيم من بطوله لبطوله

بصراحه من أول رمضان وأنا ودي أشارك معكم في منتدى الكابتن ياسر .. ولكن ضروف الوقت تمنعني من المشاركه معكم ..

طبعاً موضوعي معروف من (العنوان) ولو ان صاحبه صار في طي (النسيان) ... اللي هو فهد (الغشيان) ..

في يوم من الأيام كنت في اسواق التميمي اللي في طريق الملك عبدالله بن عبدالعزيز في اخر الليل قبل شهر رمضان تقريباً بأيام اتقضى بعض الاغراض ... المهم صادفني اللإعب (( فهد الغشيان )) ,,

سلمت عليه وباركت له برمضان .. طبعاً أخذتنا السوالف حتى وصلنا في الكورة .. بصراحه تفاجات يوم سولف في الكورة ..

وكانه لاعب هلالي إلى يومنا هذا .. ولا تقول إنه راح للنصر . أو حتى لاعب فيه ..

سالته .. متى بتعتزل يا فهد !! قال أمنيه والله أني اشوف أعضاء شرف نادي النصر يحاولان على الأقل يفعلون لي حفل أعتزل ..

بصراحه ,, تندمت يوم طلعت من الهلال .. وجالس يسولف .. ويقول .. أعتقد لو أني باقي في الهلال لاصبحت الكابتن ..

أو الأن حفل أعتزلي .. وراح يكون حالي غيرررر عن اللاعبين الباقين .. أن متندم يوم رحت للنصر .. مو نقص في الكيان النصرواي ..

لكن كنت اللاعب الصح .. في الوقت الغلط .. وجلسنا نتبادل الحديث .. قال تبي الصدق .. والله الى يومك وآنا احب الهلال .. وأحب جمهوره ..

وأشجعه بعد .. ويقـول عندي أشرطه لمباريات الهلال .. ووقتها كنت موجود .. وذكريات أشوفها والله شوي وأبكي ..

لكن اليد قصيره والعين بصيره .. والله تمنيت أني أخدمه لو بعيوني ..

طبعاً فهد أبتعد عن الووووسط الرياضي مره واحدة .. وأكتفى بالمشاهدة .. و (( تشجيع الهلال )) كما قال ..

أخواني .. الغشيان لو أنه موجود في وقتنا هذا .. وبقي في الهلال .. صدقوني بيحترف في الخارج .. وهذي ما يتناقش فيها أثنين

فهد الغشيان أعتقد أنه أفضل لاعب مهاري في السعوديه لو بقي ..


طبعاً شكله متغير بصراحه .. صار متين .. والكُبر واضح في وجهه ..

وهذي معلومات عن فهد جديدة .. الرجال متزوج .. وعنده بنتين صغار .. الله يحفضهم له ..

وموتره جيب رانج روالفر سكري .. الله يعطيه خيره ويكفيه شره ..

الله يحفضك يا فهد .. وصدقني أنت بالقلب .. ما راح ننسـاك أبداً

وأذا أنت تحب الهلال .. صدقني حتى الجماهير الهلاليه تموت فيك ..

والدليل .. لقطاتك لازالت منتشره وأنت بالطقم الأزرق والأبيض .. وباسم مواقع هلاليه

أمنيتي لك بحياه سعيده ..


@@@@@@@@@@@


(( طبعاً هذا الكلام صار لي مع فهد .. وصدقوني مافيه إي تحريف أو تزييف .. وآنا كاتب الموضوع وأنا صايم ))



@@@@@@@@@@@


+__[ ومضه سريعه ]__+

يا ترى !! هل سيكون مستقبل أحمد الدوخي وخميس العويران في طي النسيان .. كما حدث للكونكورد فهد الغشيان !!!!!!!

(( راح تثبت لنا الأيام ))


تحييه معطره لأحلى أعضاء !

واللـه صـدق .. فهـد له إيـام ما تنـسى أبـدن ..

ومثـل ما قلــت عـزيـزي سامـي .. الغشيـان بالقلــب .. ولا راح ننســاه أبـدن ,,


وآشكـــرك ع القصـه ..

دمـت بإلـف خــيرر ,,

تصدق كان يقولون لي انه مستقر في امريكا و يدير اعماله هناك !!!

عن جد مشكور على هالمعلومات و اعتقد الغشيان ما طلب شي من الهلال الا راح من ورى الهلال

اتمنى ما تأخذكم العاطفة علشان الموقف مو هو أول السبحة اللي انفرطت ؟؟!!

مو بعده كان ممكن يروح حسن ؟؟!! و الله غلطان اللي يتعاطف مع الغشيان .. و غلطان اللي ينسى كلامه على سامي

و على الهلال و اعتقد انه طال جمهور الهلال .. و يا ليت اللي عنده حواره ينزله حتى نعرف كم نحن عاطفيون

و كلمة تودينا و كلمة تجيبنا .. و الله مو حقد على فهد بس الموضوع واحد .. لعوزوا الحمهور و الادارة

و الطرق كلها غير مشروعة .. حتى التوقيع معه كان فيه إن ,, ع العموم الله ياخذ بإيد الجميع

صدقت والله شف خميس اول ما راح للاتحاد وشف الان وبنشوف الدوخي