السلام عليكم ورحمه الله وبركاته

احب ارحب بجميع الاعضاء

شخباركم يالغالين

اليوم راح ندخل في مناقشه موضوع مهم وهو تربيه الاطفال وإعطائهم الحنان

موضوع يهم الكل ويحتاجه أطفال كثير انحرموا من هالشي


اقولكم موقف اثر فيني وحسيت فيه وتأكدت منه

حنان الام والاب لايعوض أي شي بالدنيا مهما سويت لولدك لازم تعطيه حنانك لان الحنان والحب لطفل يحسسه بان هناك ام واب يحسون فيه

فيه موقف سمعته من اقرب الناس لي تقول بنتها تقولها ماما انا ماعندنا بابا ؟؟ليش ماحسه ان فيه ابو يهتم منها او يلعبها
تقول نطلعا ونوديها واحس الملابس تلبسها يعني الناس كشخه بمعنى اصح حتى يجيبون للبنت الصغيره ماركات اصليه ومن ايطاليا يعنى مرفه البنت حتى من ناحيه الاكل وكل شي امها وابوها يحبونها ويخافون عليها بس ماعطوها الحنان اللي هي محتاجته ولازم تأخذه

لاكــــــــــــــــــــــــــــــــن مع ذاك تبغى ام واب يحسون فيها مويلعبونها شوي ويركونها باقي الوقت مع الشغاله وهي تحب الشعاله وتموت فيها لانها هي اللي حاسه فيها

لدرجه تقول لشغاله تصيرين امي يعني انا ماعندي ام زيك وعمر هالبنت تخيلو سنتين وهي صغيره شوفوا حاسه بأنها فاقده امها وابوها وما عطوها الحنان الكافي ,,,,,,

والحين الكل صاير يعتمد على الشغاله في تربيه الابناء والمفروض منا كامسلمين نربي اولادنا على المنهج الاسلامي

موعلى على الشغالات( العيال صارو يتكلمون لغه الشغاله مو لغتنا)

اتمنى من الجميع اللي راح يصرون محل الام او الاب يعطون اطفالهم الحنان الكافي حتى الطفل ماينفرط الطفل ويلجأ لغير الام والاب.....
هذي نصيحه واتمنى الكل يأخذ العبره منها

وأنا ماوفيت الموضوع حقه واللي عنده زياده يزيد<<<كاني بحـراج ( من يزيد ) خخخخ

( والموضوع مفتوح للمناقشه ) واتمنى الموضوع يتثبت




اتمنى الموضوع يعجبكم وينال على رضاكم

واسفه على الاطاله

تقبلو اجمل تحيه مني,,

؛؛؛؛ والسلااااااام خير الختام ؛؛؛؛

يسعدني اني اكون اول عضو يرد على الموضوع .. واقول
واللع اختي سارونة الموضوع حلو وشيق وابي نحنا كمسلمين الدنيا تحلي الواحد وتخلية وينسى حتى اقرب الناس له وهم عائلتة واهلة .. وحنا من عرفنا هالشغالات وهم ماخي محل الام من كثر ما يمسكون الاطفال .. خلاص الطفل خذ في نفسة فكرة ان الشغالة هي الام والاب ... يعطيك الف عافية .. والقصة مرة حزينة ..

ارسنالي متعصب وانا اكثر

الله يسلمك

صدقت والله عيالنا كلهم مع الشغلات صاروا مكان الام والاب للطفل

الله يعافيك

الف شكر على مرورك الاكثر من رائع

يسلموووو

ثبتولها اياه يا جماعه <<<<<<

... حنان الأم و الأب في هذا الزمن أصبح الذين يفقدون ليس محصوراً على الأيتام أو الذين فقدوا أحد والديهم ..


ففي هذا الزمن أصبح الأب مشغولاً عن أبناءه و لا يجلس معهم حتى أصبحت هناك الكثير من الرسميات

والحواجز بينهم >> رأيته في بعض العائلات << طبعاً هذه الحاله غالباً تكون في العائلات الغنية و التي

أشغلوا حالهم بمشاغل الدنيـــا .... و نسوا ألا ينشغلوا بما هو أهم من ذلك و هم الأبناء .....



.... الكل يعرف ماذا يحدث اذا فقد الأبناء ذلك الحنان و الحب الروحي من الوالدين والأهل ...


.....



.... النقاش في هذا الموضوع يطول و هو بلاشك مهم خاصة في هذا الزمن الذي أشغلنا عن كل شئ .....



.....

.... أشكرك جزيل الشكر على موضوع الرائع و المفيـــــد ....

اشكرك اختي على هالموضوع من جد شي يكسر الخاطر والله هذا اللي نشوفه اللحين ليش الواحد ينحرم من امه وابوه وهم موجودين ....انا عمري 20 وفي الكليه بس
انا صراحه فاقده حنان الام واحيانا كثيييييييييييير احس ان امي ماتحبني وتحب اخواتي الكبار اكثر ودايما تقارني فيهم وتقارني ببنات عمي اللي هم احسن مني في نظرها وبس سالفه طوييييييييييييييله بس ان شاء الله لمن اتزوج واكبر احاول اكون قريبه من عيالي وما انحد اجيب شغاله لهم واذا بجيب فتكون لشغل البيت مو اكثر والله جالسه اكتب من قلبي من جد والله شي يزعل

و الله صدقتي حنان الأم والأب ما يتعوض



الله يعطيك العافية على موضوعك الرائع .

هلاليه من ميلادي
يعطيك العافيه على تفاعلك وياليت يتثبت
مشكوره خيتوووو على مرورك

الــر ا ا يــق
يعطيك العافيه
صدقت تحصل غالباً في العائلات الغنية و التي أشغلوا حالهم بمشاغل الدنيـــا<<<وهذا الحاصل
وكثير مانسمع عن تجاهل الاباء والامهات لاطفالهم وعدم اشباعهم بالمحبه والحنان
لابد من تربيته الاطفال تربيه صحيه على المنهج النبوي
والنبي عليه السلام كان يهتم بالاطفال ويحبهم ويداعبهم فقد كان النبي -صلى الله عليه وسلم- يشبع حاجه الحنان والمحبه لدى الطفل ففي صحيح البخاري أن النبي -صلى الله عليه وسلم- احتضن الحسن بن علي وكان طفلاً فقال :" اللهم إني أحبه فأحبه وأحب من يحبه "(رواه البخاري)،ولما دخل عليه الأقرع بن حابس فرآه يقبل الحسن والحسين فقال الأقرع: أتقبلون صبيانكم؟ إن لي عشرة من الولد ماقبلت أحداً منهم قط قال -صلى الله عليه وسلم- :"أو أملكلك أن نزع الله من قلبك الرحمه"(متفق عليه)<<جميع الاحاديث من كتاب الدكتور عادل الشدي من {دليل الآباء في تربيه الاأبناء}
الف شكر على مرورك الاكثر من رائع
لاهنت

مشكووووووووووووورة سارونة على الموضوع
يسلموووووووووو

عسل سمراويه
العفو خيتووو
صدقتي شي يضيق الصدر حرام يتربى على يد الشغاله وينحرم في حياته صدق شي يزعل ومافيه ام ماتحب عيالنا هم من لحمها ودمها
ان شاء الله يارب <<صدقتي انا بعد زيك بس يمكن لشغل البيت و موكل شي على الشغاله كانها الام اما الشغاله تكون محل الام وهذا اكبر خطا صاير الام والاب كلهما مرتبطه المسوؤليه تربيه الابناء ويحس انه فيه احد مهتم فيه ولازم يتربى الطفل على المنهج النبوي وهذي مسؤوليه كبيره ولازم نحافظ على الابناء وهذي نعمه انعمها الله على بني البشر كقوله تعالى :(المال والبنون زينه الحياه الدنيا) الابناء زينه الحياه وتربيتهم ليست سهله وبسيطه والبعض منهم يرى أن المسؤوليتهم فقط تقتصر على اكله وشربه وهذا اكبر خطا لقول الرسول صلى الله عليه وسلم : "كلكم راع وكلكم مسؤول عن رعيته؛فالإمام راع ومسؤول عن رعيته،والرجل في أهله راعٍ،ومسؤول عن رعيته، والمرأة في بيت زوجها راعية ومسؤولة عن رعيتها " وهذهي مسؤوليه كبير ليس فقط في الحنان وإنما اهمال الطفل وعدم تربيته تربيه حسنه على ضوابط الشريعه الاسلاميه وتكون قدوتنا في حبيبنا محمد صلى الله عليه وسلم قوله تعالى :(لقد كانت لكم في رسول الله أسوة حسنه لمن كان يرجو الله واليوم الآخر )فلابد من تربيه الابناء على نهج الحبيب المصطفى عليه السلام
يعطيك العافيه خيتووو
مشكوره على مرورك
يسلمووو

عبووودي
الله يعافيك يارب
مشكور عبودي على مرورك
لاهنت

الهلاليـــRoRoـة

العفو خيتوووو

مشكوره على مرورك

لاهنتي