بسم الله الرحمن الرحيم
صباح ومساء الخير..!
كيفكم ..؟ أخباركم مع البرد ..!
.
.
...نمشي على كف القدر ولاندري عن المكتوب...
.
.
عندي نقاط اود أن أطرحها على القناصين والقناصات وأود تفسيره..
*الهجوله .. التفحيط .. الهروب من الأمن ( عشان يقولون أخوياي رجال محد قدر يمسكه.. ) ولايعرف أنه قد يؤدي بحياته ...
.
.
**مقاطع بلوتوث مثيره عن الهجوله (شباب تعالوا هجولة ابوسيف - هجولة ابو خليف - ابوفيصل...الخ) والله العضيم قهر إذا ماتكلم عنها الشاب تكلم عنها الطفل ..
.
.
***الجولات كل الشباب أعمارهم مابين 13 سنه الى 20 سنه
وكل جوالاتهم مقاطع تفحيط (والله حتى السياره تتقلب يقولون هذا مايعرف يسوق موقدها)..
.
.
****شارع التحليه او الخزان (بالرياض) مشهور بالتفحيط..
طريق اللي أمام هافمون (الطعوس بالدمام) مشهور بالتفحيط..
مخطط جي تي (بالدمام) مشهور بالتفحيط..
لا والمرور يساند يتفرج ..
والله حرام ليش يصير بالدنيا كذا ..!
موقف :
هذا موقف سمعته من أخوي صار بالعيد ..
يقول...
كان واحد من أخوياي يتمشى بحايل هو وولد عمه وكانوا يمشون مستعجلين يبون يروحون لصلاة العيد ..
وفجأه..! كان أحد الأولاد يفحط بقرب من مجمع تقريبا عمره 14سنه وكانت الشرطه تلاحقه دخل الولد هذا المجمع ولم توفق الشرطه بأمساكه يقول رجع الولد يفحط ..
ومر خويي ولد عمه بس للأسف ماكانوا منتبهين للي يفحط .. وكانت الصدمه صار حادث تقلبت السياره اللي يفحط ماصار فيه شي بس أخوياي
أنصابوا واحد طلع والثاني باقي بالمستشفى للحين ..!!
تكسر بجسمه .. والسبب طفل كان ينفذ هوايته المحرمه..
والله حرام شذنب الشباب اللي دخلوا بالمستشفى بسببه..!
( أسأل الله أن يشفيه )
.
.
أسئلة اتمنى الكل يجاوب..
س: مارأيك بالتفحيط..؟
س: وهل جربته ..؟!
س: سجل/ي دعائك للشاب الذي مازال بالمستشفى..!
س: أذكر لنا موقف..؟؟!
.
.
أسأل الله أن يشفيك ياولد شمر..
اتمنى أني وفقت بالطرح..!
.
.
آميره القحطاني