.
.

مرحبا زوبعه

<< الى الحين طايرة بوهته من تحليل الصوره
هذا لافهمت طايرة بوهته
....

شكلك مكبر الموضوع حبتين....

صح هالظاهره بارزه.. !


لكن اتكلم عن نفسي والي حولي تكون الصوره لها سالفه
تذكر بموقف معين ... ذكرى ....شيء من هذا

مثال : بهالبرد اهم شي الواحد يدفى ومايدري وش هو لابس وحده مدري منهي
لابسه شراب واحد غير الثاني وواحد صوف والثاني مدري وشو ...فالشكل يجبرك على
التصوير..

وداخل حدود المسن طبعا..

وماتقدر تحكم على شخص من صوره..

...

لطرحك

اهلين زوبعهـ ...

يعطيك الف عافيه عالموضوع ... فعلا ظاهره تستحق المنافشه ...


نبداء بالاسئله :

. . .

س/ هل هذه الظاهرة بارزة في الشبكة العنكبوتية أم لا
نعم ..


س/ هل ستتقبل أي نصيحة من أي مُعرف يضع صور خادشة للحياء ؟
اكيد لاء .. لاني مااظن انهم ممكن يقولون نصائح مفيدهـ ونافعهـ ... ولا كان علموا انفسهم قبل

س/ ترى مالسبب في تصوير بعض الفتيات أقدامهن أعزكم الله ووضعها كصورة ترمز لها ؟


أولا: انها تصور جزء من جسدها وتعرضها في النت هذا اكيد من ضعف الايمان ..

وثانيا : ضعف مراقبة الاهل لها .. ولتصرفاتها ..وعدم نصحها .. ويمكن يكون السبب وراء التربيه غير الصالحهـ .

. . .

انا اعرف بنت صورت نفسها وهي لابسه ومتزينه ماعدا وجهها وأرسلت الصوره لقريبتها وسائط بالجوال .. كل ذا بس عشان تبي اخو قريبتها يشوفها لأنها تموت فيه وتبيه يخطيها .. يعني بالله اذا شافها ماراح يقول عنها
الا انها ماتستحي .

واتوقع أي بنت تسوي كذا ماتستحي .. ولا تخاف ربها

. . .

ومشكور يازوبعه على هالفكر الرائع جدااااا..

فعلاا ظاااهره غريبه

وليس لهاا الا تفسير واحد وهو خلل العقل الباطني

وللاسف نحن نصنف با المركز الاول في سوء استخدام التكنولوجيا

* * * *
تصدق يا زيزو أنا مناب معترض على صور الرجلين عشانها ظاهرة و و و
أنا معترض عليها من شي واحد ....

أنت قدت شفت آدمي معجب برجله ...؟
أنت قدت شفت آدمي يشوف في رجله ذكرى ..؟

ليه حطيتي صورة يدتس و أنا أخوتس ... ؟
والله ما حتيت <-- ( لاحظ قلبت ط إلى ت عشان أواكب ستايل الدلع ) سورة يدي عشان إنووو
معجبة فيها و ألا هيك شي <--- ( ترا من تالي صار الحتسي اللبناني دلالة على الدلع و الياي)
لكن سورة يدي و الي حاته فيها مناكير تذكرني أنا و سديقتي لما كنا في المملكة مول نسوي
شوبنق <-- ( هنا قمة الحضارة و الأناقة ) و شريت مناكير <--( مدري هل تغير اسمه و الا لا زال
مناكير ) من .................. <---- ( من الأمور التي افتخر بها كوني جاهلا بأسماء الماركات ) و حتيت السورة للسديقتي عشان ذاك اليوم ..

انتهى كلام دلوعتنا حفظها الله ....

خل الكلام الي فوق اعتبره سماجة و ثقل دم ...
نجي للواقع ,,, مشكلة ربعنا سواء شباب و الا بنات شفنا مجتمع معين طاحوا في شي جينا
درعمنا وراهم و لا بعد نتفنن و نطلع بشي خاص فينا ...
نجي للردود الي قالت إنها حرية شخصية و تعبير ذاتي ... أوكي ما نختلف و الحرية الشخصية
مكفولة للجميع "" لكم دينكم و لي دين "" ...

لكن بسأل سؤال ...
هل فعلا ترين أن ما يعبر عن شخصك هو صورة رجلك ...؟
هل فعلا ترين أن ما يعبر عن شخصك هي صورة لكوعك و الا يدك ..؟

يعني الي ما يمانع بالشي هذا ليته يكرمنا و يحط صورة وجهه
على الأقل الوجه يشمل جميع التعابير و الناس تعرف بوجيهها
مهوب برجولها .
شف و أنا أخوك و للأخوان الي معترضين ...
مالك حق أنك تتدخل في الي يعرضه أي شخص في ايميله و تجي تقوله
ليه ,, هو حر نفسه و حر خيارته و هو انسان عاقل مثل ما أنت إنسان
عاقل ...
لكن فيه حل بسيط و هذا الحل أنا أتبعه هو عدم عرض صورة المستخدم ...
عشان ترتاح و هو يرتاح ....

ادعو الله أن يرزقكم السعادة
و يرزقكم المزيد و المزيد من صور الأرجل

روبـن ذات سخرية

* * * *

^

يالله حيه بقتبس

اقتباس:

المشاركة الأصلية كتبت بواسطة روبـن هـود هل فعلا ترين أن ما يعبر عن شخصك هو صورة رجلك ...؟ هل فعلا ترين أن ما يعبر عن شخصك هي صورة لكوعك و الا يدك ..؟ يعني الي ما يمانع بالشي هذا ليته يكرمنا و يحط صورة وجهه على الأقل الوجه يشمل جميع التعابير و الناس تعرف بوجيهها مهوب برجولها . شف و أنا أخوك و للأخوان الي معترضين ... مالك حق أنك تتدخل في الي يعرضه أي شخص في ايميله و تجي تقوله ليه ,, هو حر نفسه و حر خيارته و هو انسان عاقل مثل ما أنت إنسان عاقل ... لكن فيه حل بسيط و هذا الحل أنا أتبعه هو عدم عرض صورة المستخدم ... عشان ترتاح و هو يرتاح ....

وانا اختك سالفه انهم يحطون وجيهم ذي ما خشت مزاجي ..
يا ملحهم ذا البني و هم رازين صور وجيههم بعد

بعدين انتم تتكلمون عن البنات و حركاتهم السخيفه ذي ..
و التميلح و كأن العيال ما يسون كذا .. !


اذا والله انا ايميلي كل الي فيه اعرفهم .. من قرايبي و صاحباتي اللي اغلبهم
شايفيني ..
ليه ما احط الصور يدي والا شفايفي و الا ان شالله جبهتي

انا معك انه غرض التميلح غلط .. و ترزيز الصور عند العيال ..
و عفا الله عن ما سلف ..

لكن ما اشوف ابداً انه شي يستاهل انك تنقد عليه

بعدين وانا اختك اذا وحده صورت يدها و هي حاطه فيها سوارات ..
والا صوره يدها مع صاحباتها في الظهران مول

زيها زي اللي يرز صوره سيارته ..

مب كلها تميلح .. ؟


انا كنت متحفظه ع الموضوع من ناحيه انو احد غريب يشوف جزء من جسمها ..
مثل ما تضمنه صلب الموضوع ..

لكن مثل ما قلت اذا الايميل خاص و ما فيه غريب .. ما اعتقد فيها مشكله ...
و تظل حريه شخصيه ..


*/


رداً على اسئلتك ..
عمر الصور ما كانت دلاله على الشخصيه ..
يمكن تدل على شي يهمني .. لكن ما تحكم على شخصيه احد من صوره ..
برايي الشخصي ..





.

"

مراحب بزوبعة المنتدى
برد وبشكل سريع على قضية الرجل والأيد ...إلخ

أنا أقولك السبب في وضع البنات الصور وأطالب البنات بالجواب عليها بنعم أو لا ونخلص من السالفه

السالفة ياطويل العمر بعيده كل البعد عن كون رجلي أحلى من وجهي
المسأله اني مأقدر أحط صورة وجهي لان فيها قبايل وفيها عواقب وخيمه مستقبلا
طيب وش الحل اني أوضح اني بيضا أو ستايل أو نحيفه أو غيره

الحل يأيد يارجل ممكن تؤدي العرض بدون عواقب

وهم متناسيين ان حكم الوجه مثل حكم اليد والرجل

بس وش نقول ضيعنا الدين
وصار خوفنا من العادات والتقاليد أكثر من خوفنا ومراعاتنا لديننا

هذا وصلى الله وبارك

وانتظر تعقيب الصبايا

ღصباحو زوبوعة ღ
<< تدلعك ترا

ღموضوعك حلوعن جد أنا كنت ملاحظة هـ الشي
وكان يشغل تفكيري واستغرب لما اشوف اشياء كذا
يعني ليش كذا..؟؟ღ

ღانه ليش تحط صورة رجل ولا مو أي رجل يتفننون
فيها بعد مثلا رجل وجزمة حمراء ولازم عندها وردة
حمراء وخلفية سوداء وطبعاً الرجل بيضاء علشان
تناسب مع الستايل ذا كله "وانتو بـ كرامة"ღ

ღولا مثلاً صورة أصابع ماسكة شماغ وبـ صحراء
وبعد علشان تناسب مع الستايل ღ

ღأنا واعوذ بالله من كلمة انا انه لما البنت تصلح كذا
بصراحة تطيح من عيني لأنه ديني ودين اللي يصلحون
كذا بـ الذات هـ الموضة ماجازت لي أبدღ

ღومن وجهة نظري انه هي ماتدخل بـ نطاق الحرية
الشخصية هـ الشئ اعتبره من الذوق واحترام الاشخاص
الموجودين وأكيد انه مافي وحده راح بتحط هـ الصورة
إلا إنها مقتنعة فيها كامل الإقتناع وعاجبتها ولا ليش تحطها
صورة رمزية لاحظوا صورة رمزية يعني ترمز لـ الشخص
اللي يحطهاღ

ღانتا زوبعة راح تلبس شي مو عاجبك سواءً لون أو شكل..؟؟
أكيد لاღ

ღيعني اللي ابي اوصله انه هـ البنت ماراح تحط هـ الصورة
إلا وهي عاجبتهاღ

ღبنات بليز ماتزعلون مني بس عن جد عن جد قاعده اتكلم
وذي وجهة نظري اتمنى تتقبلونها من باب الديموقراطيةღ

ღزوبعة انتا سألت صح .. يعني قلت هل انه البنت ذي
اللي تصلح كذا عندها نقص أو...أو...أو...
أحسك انتا راح تقدر تجاوب ع هـ السؤالღ

ღترا هـ الشي طلع موضة عند البنات
ع ماأعتقد لا وهـ الكيت طالعة موضة جديدة
انه تحط صورة رجال خير ان شاء الله انتي
بنت ليش تحطين صورة ولد يعني مايسير كذاღ

ღياليت لو تحلل الشخصيات حسب التوقيع
وأضيف لها الصورة إذا كانت فيهღ

ღصح انه الإدارة منعت الصور المخلة
كـ منتدى يحمل اسم الكابتن ياسر
وشي حلو بـ صراحة ومع ذلك باقي
نشوف صور شوي ღ


ღروبن لما قرأت ردك ضحكت ضحك جت
ماما تقول بسم الله عليك وش فيك
ردك أثلج صدري هه هه هه هه
لاحظوا أثلج <<الدراسة مأثرة عليღ

ღسوري ع الرد الطويل
وأحسه مو مرتب شوي بس
وراي دراسة وأسبوعين طويلةღ

ღيعطيك العافية زوبعة ع هـ الموضوع
كل ابو دايم أكتب مواضيع لأنه مواضيعك
حلوة حيييل حييييل ღ


ミღ彡مــلاك الـهـلالܓミ

الموضوع مشعلل


زوبعه اللي فهمته انك تعترض على هالظاهره كونها بالمنتديات وبالايميل اذا كان فيه شباب

اذا فهمي صح ..
فأقول للي قالوا حريه شخصيه
الاسلام ضمن حريتك الشخصيه بضوابط شرعيه
مثل ما قالت غايه
صرنا نخاف العادات والتقاليد اكثر من اتباعنا للشرع


اما اذا ايميلي ما فيه الا بنات وبعد اعرفهم معرفه قويه فعادي ارز رجلي
مع انه بهالشتاء مااش ما تنرز خخخـ


بس ترى انا مع الاخت كونزيت من ناحية موضوعك حق الصور
يعني البنت صغيره والا كبيره بيعطي انطباع اولي عن ملامحها/ لونها ...ملحها ووو!!!


روبن
تأثير الاختبارات صح
سلام

بـــــــــــــآك
بعد إذنك زوبعة ..رجعت للموضوع بعد قرأتي لبعض
الردود اللي غيرت رأيي بالموضوع..واللي استفدت منها كثير

7
7
هذا كان ردي

بس بعد ما فكرت بالموضوع .. شفت إن عرض الأرجل
اهانة للشخص الأخر .. ما ادري ليش ما فكرت بهالنقطة من قبل
ومثل ما قلت يا زوبعة الحرية ما تعني جرح نظر الاخرين بشيء غير لائق
ولا الجراءة تعني الوقاحة ...

بس للأسف مو بس عرض الارجل .. حتى اللغة رايحة مثل ما بين روبن
والبعض ينزل صورته بعد ما يعدلها بالفوتشوب وتمحي الملامح ...
وكل هذا بحث عن التميز والإطراء...

مجرد التفكير بهالشيء يخوف ..


ابي رايك بالصورة...؟
كل الاماني

يسلمووووووو على الموضوع

بجد هالظاااااااهره منتشره كثير


بس يمكن هي تقصد شي بالحركه هذي



كل واحد وله تفكير




تقبلي مروري