اشارت الى ان الشعب السعودي يحتل المركز الاول فيما حل الشعب السوداني المركز الثاني
في دراسة اجرتها صحيفة انتر كنت رنتل الهولنديه وقالت في محض الدراسه ان الشعب السعودي شعب عجاز مره وتكمن المشكله في انهم يعايرون السوودانيين بأنهم شعب كسول وهم اكسل منهم واشار سعادته قائلا : الفرق الوحيد بين الشعبين ان الشعب السعودي عنده فلوس ويقدر يستورد شغالات وخدامات لكن شعب السودان كل واحد يكد على عمره ولا محد جايب له حتى كاس مويه
وقال المحلل السياسي ادوارد تي باق العامل في محطة ناسا للفضاء مما لاشك فيه ان الشعب السعودي لايريد ان يفعل اي شي سوى النوم والتسدح قدام المكيفات وتمديد عصاقيلهم امام الدفايات
في اوقات البرد والتمتع بالزنجبيل
قام ابو سالم وسكر التلفزيون وهو يأشر على ام عياله وبناته وولده سالم لحد يجي منكم ويقول نبي شغاله شغالات مافيه انتم اللي تشتغلون وتمسحون وتطبخون بعدين انا عندي ولد مراهق بالبيت كيف اجيب شغاله واحطها عنده قالت ام سالم : هاو يابو سالم ترى قصرنا وتقطعت يدينا من المسح والكنس والغسيل والطبخ وش بيضرك جب لنا من هالفلبينيات وش حليلهم مب يقولون شي ونا حرمتن وزني زاد وماعاد بي شده ارقا واطلع الدرج والبنات كل النهار بالكليه وباقي اليوم نايمين
بعد الشد والربط رضخ ابو سالم لمطالب زوجته خاصه بعد ما اضربوا البنات عن غسيل باقي المواعين الخفيفه مثل البيالات وبرقان الشاهي وشاف المطبخ حوسه وام سالم وش تلحق على الشغل ولا على البربره بالتلفون
قرر ابو سالم يطق لهم خدامه فللبينيه موديل 2008
راح ابو سالم وام سالم وجابوها من المطار وحطوها بغرفتن لحالها بالسطح كانوا مجهزين لها كل شي وكان سالم متقطع من الفرحه وهو يدعي ربه انها تصير ملكة جمال << صدق من قال مصائب قوم لقوم فوائد
سالم ماقدر يشوف الشغاله من اول ليله قام الصبح ولبس بدلته ثم مر على المطبخ يشوف الشغاله قايمه ولا لا وبعدين اخذ بعضه وراح للمعهد المهني اللي حط كل مستقبله فيه في سبيل انه يتخرج ويصير ميكانيكي مع مرتبة الشرف مر الوقت بطيئ على سالم وهو ينتظر بس متى يطلعون من المعهد وماخلا احد من ربعه الا وعلمه انه جتهم شغاله فلبينيه انتهى الدوام وتوجه سالم مسرع للبيت هو وبدلته الفرهول تشوفها من بعيد تحسبه جندي في قوات الصاعقه من اثار اختلاط الزيوت والشحوم في بدلة سالم ومع كثر الغسيل صارت مموه
سالم اول مادخل البيت توجه للمطبخ على طول وشاف الخدامه قدامه وهي تغسل المواعين وشاف شعرها الطويل وهو يخق عندها بالمطبخ معقوله هالجمال يشتغل عندنا ويقوم ويرقا لغرفته ويغير ملابسه ويتروش ويكد شعره الفلافل ويجلس يتعطر بعطر خرش حق المغاسل ويجيك مدحدر ثاني مره للمطبخ وماكان فيه احد غير الشغاله جالسه اول مادخل سالم المطبخ حط عيونه بعيون الخدامه يقالك انه رومانسي وجلس يطالع وهو يتبسم ومسوي نفسه مستغرب وانه اول مره يشوفها
سالم : مرحبا مين انتي
الخدامه : انا ميري في شغل هنا
سالم : هذي الساعة المباركه ياميري انا اسمي سالم ولد ابو سالم
الخدامه : انتا اسم سالم انتا في واجد كويس << اعنبوهم الميانه ماتعوق معهم
سالم : ايوه انا كويس من زمان وهو يتبسم ومتشقق من الفرحه لان اول مره مخلوقه على وجه الارض
تعطي سالم وجه
تطورت العلاقه وريدن رويدن بين سالم وميري وصار سالم كل ماشافها بالحوش تكنس جلس يمرمر من عندها ويحاول وهو يتميلح ويغمز لها وهي تبادله نفس الشعور مما اعطى سالم الدافع انه يتمادى شوي في العلاقه
في يوم من الايام قرر سالم انه يدخل قلب ميري مع او سع ابو ابه راح لمحل ابو ريالين وشرى لها قميص وردي ثم مر البقاله واخذ لها تويكس ومارس وبساكيت وقطع من الحلويات وراح لبيتهم وجلس ينتظر لين تخلص الخدامه شغلها وترقا لغرفتها بالسطح
اول ماشافها طالعه قام وطلع وراها وهو يناديها بصوت منخفض : ميري
هي التفتت عليه وقالت ايو سالم ايش يبغا
قال سالم خذي هالكيسه
قامت ميري وخذتها ولقت القميص الوردي وافرحت فيه وسالم انبسط معها يوم شافها مبسوطه
قالت له ميري : مشكور واجد واجد انتا هبيبي سالم
سالم : يابعد تسبدي واهلي كلهم لو تبين سوق طيبه جبته كله لتس
ميري : انا في يستهي كتير سالم مافي كدا كلام بعدين انا في خد يجي لون اهمر
سالم : كلاص ميري انل مافي كدا كلام شويا شويا كلام

راح سالم من عندها بعد ماعطاها الاغراض وجلس يسولف شوي لغرفته وهو مبسوط وحتس انه انسان عايش وله هدف في الحياة ضاربا عرض الحائط جميع العادات والتقاليد

وفي يوم من الايام كان سالم بالبيت العصر واستغل غياب اهله وكانت الخدامه في غرفتها
وقرر انه يدخل عليها طق الباب وفتحت له ميري قام وصك الباب وجلس جنب ميري وهو يقول لها انتي في هلوه كتير مره قالت له ميري سالم انتا ايش يبغا يجي الهين بعدين ماما يجي في مشكل كبير
قال سالم : انا لازم انا ونتي زواج
قالت ميري : مافي مشكل بس بعدين مشكل يجي بزوره
سالم مافي مشكل انتي في اكل هبوب مايجي بزوره
قام سالم وجاب شيخ واثنين من اخوياه وتملك على ميري بدون مايدرون اهله
من بعدها صار سالم نادرا مايطلع من البيت حتى اهله استغربوا وش عنده ماعاد صار يطلع
ولا ينشاف وهو غاطس عند هالميري وحتى ميري صارت ماعاد تصحا الا الساعه 11 الظهر
وام سالم مستغربه وش هالنوم عند الشغاله ماتدري انها بشهر العسل مع ولدها سالم
سالم كان يتقطع قلبه وهو يشوف ميري تكرف بالبيت وهي زوجته وكل يشوفها ويناظرها
وينفخ عليها لكن ماقدر يسوي شي لانه عارف ان ابوه يبي يخوض في بطنه لو يدري بالسالفه
بعد ثلاث شهور من الزواج كانت ميري تنظف الصاله ومعها ام سالم شوي وتدوخ ميري وتطيح عليهم بالصاله وتجي تشيلها ام سالم وترقدها الا وهذا سالم داخل عليهم خير يمه وشفيه قالت ابد الخدامه جتها دوخه وبنوديها للمستشفى انا وابوك نشوف وشفيها لانها متغيره من تالي صايرتن عجازه ونومها كثر
جا ابو سالم واخذوا الخدامه للمستشفى يوم حللوها لقوها حامل
وتنهبل ام سالم ياخزياه ياخزياه المره حامل حسبي الله عليك يابو سالم تلعب بذيلك من وراي
ام سالم كتمت عن الخبر وماقالت لابو سالم شي لين ماتتأكد من الفاعل راحوا للبيت
يوم جا بالليل وتقوم ام سالم وترقا للسطح وتجلس تنتظر تشوف من بيدخل على ميري هو سالم ولا ابوه
وهي تقول بنفسها ياحسرة قلبي وياسفاب العشره اللي راحت هدرا ان تسانه ابو سالم الفاعل
بعد نص ساعه من الانتظار الا سالم جاي زاحف مع الدرج وهو شايل معه العشا جايبه من المطعم
ويطق الباب ويدخل علي ميري ثم صكه يوم شافته ام سالم ويرتاح قلبها شوي قالت اشوى مهب ابو العيال وتقوم وتحط اذنها عند الباب وهي تسمع سالم يتغزل في ميري وتقوم وتفتح الباب عليهم وتمعط شعر الخدامه وتلفها بذاك الكف اللي هي طايحه على بطنها وسالم منلخم مايدري وش يسوي في هالموقف العصيب ويمسك امه يهدي فيها قال انتي فاهمه غلط يايمه قالت امه غلط يالخسيس وهي حامل بالشهر الاول ميري تعورت من الطيحه وطاح اللي في بطنها قال سالم لامه هذي زوجتي على سنة الله ورسوله قالت امه : زوجتك
انت منهبل متزوج وحده متزوجه
انت وش يقالك ثور ماتفهم ورى ماعلمتني وازوجك تبي تفضحني عند نسوان الحاره
ومن بكره تم تسفير الخادمه ميري بعد مانتهت مغامرتها هي وسالم وانكشفوا في ست شهور
وهم يسردحون ويمرحون محد جاب خبرهم الا هالعجوز الفطينه اللي حتى انها ماعلمت ابو سالم وكتمت على الامر ومن بعد ماسفورا ميري جابوا خدامتن عجوز من سيرلنكا يعني تسان فيك خير ياسويلم شبك معها

مايستفاد

الخادمات كثروا بشكل غير طبيعي وكل عائله اقل شي عندهم خدامتين والمشكله بعض الاهالي يعتبرون الخادمه طاوله ولا ملاس ماتسنهم اوادم ينطلونهم في اي مكان يروحون من البيوت ويخلونهم مع وجود شباب بالبيت وابليس شاطر والشي الثاني اذا كنت ملزم بخدامه مب لازم تجيب لك وحده ملكة جمال
ولاصغيره عمرها 20 الله يسلمك يمدحون سيرلنكا وتكون كبيره بالعمر شوي من الثلاثين وفوق
وحطها بالبيت ونت متطمن ان محد بيحاول حتى انه يقرب عندها حتى لو كانت في شقة عزوبيه
ولاتحط بنزين عند نار وتحرق صابيعك
سادسا : مبروك العام الهجري الجديد ون شالله يكون عام خير وبركه للجميع

لي باااااااااااااااااااااك لان ودي اقراها بتمعن واشارك بالرد

واطلع خواني الصغار من الغرفه شكل القصه شييييييييييي