صباح / مسا الخير مره ثانيه



أنا حاب اكتب بنفس موضوعي للمره الاخير وبالبدايه انا ابي اقول

باني احترم وجهات النظر المختلفه وماابي انفهم غلط ولاني ضد احد

يمكن رأيي بالمره الاولى كانت تغلب عليه العاطفه الهلاليه والاندفاع

للقناص بس كل هاذا حرص وانا متاكد ان كثير يفهومني سواء جمهور

الهلال أو الاتحاد او النصر او الاهلي او غيره كلنا في الاخير نصب

بمصلحة المنتخب ..







بس انا بجد ماني لاقي سبب للتركيز على احتراف ياســـــر

بالخارج وخصوصاً من أقلام الانديه المواجهه للازرق الهلالي ..

ياسر والهلال الحين محتاجين يركزون على تحقيق النقاط واحراز

الصداره وبعدها لكل حادث حديث بتقولون ياسر وقته انه يحترف

وهاذي فرصته طيب وبعدين ؟ وين هو العرض الي تناقشون فيه ؟

وبعدين مابه الا ياسر بالمملكه يحترف ؟ وشو له ماتنتطرح اسماء

اللعيبه الثانين ؟ في كثير ماهلين للاحتراف بالخارج من دورينا ...


انا مره ثانيه ابي اقولكم ماابي تفهمني غلط بس من حقنا نقول

وجهة نظرنا دام كلنا نبي مصلحة ياسر ...




الاحتراف باوروبا صعب وبالفتره الحاليه بالذات وانتو ماركزتو على

احتراف ياسر الا هالحين ! وينكم عنه من قبل ؟ انا رايي ماعاد ينفع

نخوض بها الموضوع واتمنى يكمل ياسر مع الهلال وهذي وجهة نظر

وان شاء الله ماعندي خلاف مع احد سواء هلالي او غيره ومثل محنا

نتقبل اراء مختلفه نتمنى تلاقي ارءنا فهم وقبول ..




تحياتي حبايبي

نحترم وجه نظرك .. صحيح يوجد كثير من الاعبين مؤهلين للإحترف للخارج لاكن إحنا نبغى أحد يحترف بحيث أن يكون مفتاح للإحتراف الخارجي ..

أما أن الأن بدأنا نفتح موضوع الإحتراف و خصوصا بع إستلام ياسر الجائزه الأسيؤيه .. إن الجائزه الأسيؤيه جعلت عيون السماسره تتجه إليه .. و ستكون إثبات لكل من يرى أن ياسر لاعب ليس بإمكانه الإحتراف ..

صدقني إذا أحترف ياسر سوف ترى غيره من الاعبين هناك ..و أتمنى فعلا أن أرى للاعبين السعودين بصمه في الملاعب الأوربيه ..

نحترم وجهة نظرك

*
*
هلا بك يالغالي هذي تعتبر وجهة نضر وكل انسان له قناعاته

انت تقول من الأفضل ان ياسر يستمر بالهلال وينسى موضوع الأحتراف

ياسر طبعا ياقي بالهلال وحسب تصريحه اما أوربـا أو البقاء في الزعيم

يا أخي الكريم من حق أي لاعب ومن حق أي جمهور ان ينضروا لهذا الأمر

لاسيما وأن ياسر الأفضل ليس على المستوى العربي فقط بل بقارة آسيـا

وكذالك دخوله في قائمة ( هدافي العالم ) ومرشح وبكل قوه للأحتراف الخارجي

نعم هناك من هم في المملكه العربيه السعوديه مؤهلين ونسعد بهدا الشئ فالكل

يمثل ( هذا البلد ) لكن ياسر يتقدم عليهم بـ مراحل كثيره , ولا أريد الدخول في أمر

العروض الخارجيه فهذا الأمر مخول للوكيل أعمال اللاعب ولأدارة النادي وللاعب نفسه

اما مايتعلق على ( ياسر والهلال وتحقيق الصداره ) فـ االهلال زعيم بمن فيه وقادره على

تحقيق الصداره دون الأعتماد على اسامي معينه . نعم من هم بحجم ياسر له ثقله في الفريق

لكن لم نذكر يوم ان الهلال وقف عن مواصلة تألقه لـ فقدانه لأحد لاعبيه واخيرا عزيزي نتمنى

التوفيق للجميع . وان احترف القناص فهو أهل لها . وان لم يحترف فلن ينقص من قدره شئ .

نحترم وجهة نظرك اخوي

احترم وجهة نظرك.. وانا ارى انة من المفروض عدم الخوض في موضوع الاحتراف لأن هذا الموضوع يخص ياسر وحدة وعندما يتدخل الجميع فى هذالموضوع وهو الى الان لم يتلقى عروض رسمية فانة سيؤثر على نفسية اللاعب وتقبلي مرورى

يعطيك العاافيه اخوووي
بصراحه اختلف معااك بنقطه عدم احتراافه خارجيا
الهلال عنده راس حربه غير يااسر القحطااني
والاحترااف مفيد للاعب
يفيده بالشهره
بتطوير مهااراته
معرفه خصوومه
يعني عندك لو يروح للدوري الانحليزي مثلا
يعرف مهاارات كرستياانو ليش لأنه يواجهه مرتين كل موسم
اما إذا جلس هنا بالسعوديه ما يعرف عنهم الا كل خير هههههههه


يعطيك العاافيه

حالي الذوق وابراهيم عاشق الزعيم

تسلمون حبايب قلبي وانا متفهم وجهة نظركم يازعماء



بالنسبه لاخوي ابراهيم عاشق الزعيم :

انت تقول ان تواجد ياسر مع الزعيم راح ينفع

الناشئين بالنادي يعني انت تعترف ان في بقاءه

مع الهلال فايده له وللنادي ! طيب مو باحسن من

انه يروح كم يوم بالخارج ويرجع ونقول ياليت استغل

ياسر هاليومين في منفعة نفسه وناديه بدل التجارب

الي مأخوذ خيرها ومعروفه نهايتها ؟ يعني بالنهايه

هذا الي اقصده "



اخيرا ً : تشرفت بوجودكم بموضوعي وهلا وغلا فيكم

باي وقت واحترامي وتقدير وخالص محبتي لكم جميع

في مووضوع الاحتراف ياسر اعررف بمصلحته

أنا من عندي أعتقد التفكير بالاحتراف الان أحسن بكثير

لأنه أحسن وقت ولا في مجال يكون بعد سنه أو سنتين

وياليت مايفوته ياسر الاحتراف في هذي السنه بالذات

وإذا راحت عليه هذي السنه

أتوقع مافيه إحتراف إلى الأبد

مشكووووور ولكن الاحتراف صعب على الصغار وولد سعيد كبير و الافضل والقريب من الاحتراف $$$$$$$

إذا يــاسـر مــا احــترف الحيـن مــتى يحــترف

هــذا أولا

ثــانيا

لا الهــلال ولا الــرقم الصــعب مسوؤل عن الاعبين الآخــرين

صــحيح يشــرفنا لكــن يــاسر مــثل ماذكــر الاخ حالي الذوق

الأكـــثر نضجــا وأنسب لاعب للإحــتراف في هــذهـ الفـترهـ

تحياتي

اول شي ؛ لازم التوقيت المناسب وانا أشوف ان الوقت هذا افضل وقت لياسر...لانه لوتاخر الوقت يمكن تنتهي الصفقه....
صح ان مصلحة الهلال اهم لكن الهلال اللي عنده فيهم الخير والبركه وبالذات بعد تواجد ليلو...وعودة الصويلح...

وخلنا نشوف ابوسعيد بالدوري الانجليزي...((لاني متاكد انه بيسوي شي)) والدليل انه متحمس للدوري الانجليزي...

.وإذ تقول نبغى بطولات للهلال...
مثل ماقلت لك الموجودين فيهم الخير
واشوف ان احتراف يااااسر بطوله...
مو شرط البطوله تكون كاس..
حنا بالذات يالهلاليين لازم نوع شوي..
((( مره كاس ومره نشوف لاعب بانجلترا)) ....والا وش رايك.....



.......واحترم وجهة نضرك ياغالي........