أخوي زياد كلامك صح وهذا شيء أكثر الشباب عانون منه .. و قريب أنا و أخوي قعدنا نتكلم عنذا الموضوع و فعلا أنتم مظلومين كثييييييييير ..
صحيح كلامك أن بعض الشباب مو كلهم لا كن هم ماشين على أن " الخير يخص و الشر يعم "أول كان الولد هو إلي يعاكس لاكن ذحين حتى البنت صار لها دور كبير ختى هي صارت ترمي رقم ولا تفلتلك هذيك الضحكه إلي كل إلي في السوق يسمعونها ..

و إلي يبغي يمنع لاوم يحط بدل قبل ما يمنع الشيء .. يعني أش المشكله لو خلو بعض الأسواق للشباب .. أو بعض الشاليهات ..

تقبل مروري و صدقني معانتكم حاسا فيها لأن عندي أخوان يعيشون نفس الحاله..

وأتمنى أنها تنحل هذي المشكله و غيرها ..

تقبل مروري ..

أختكم : .أميرة بكلمتي.

"

هلا زياد

معاناة

شف بالنسبه لي

والله بالبيت شهر ماطلعت الا يومين ثلاثه

اخوياي كلهم مسافرين الا انا بالرياض

يعني بالله وين اروح

وانطق في البيت

وربي مره في البر طالع وقاعد ادور اخوياي وامشي خفيف ومريت من عايله مادريت الا واحد يركض وراي خير جاي عندنا

ومره بجيان بطريق خريص جيت بروح ل art جيت بدخل ويجي السكروتي قال وين قلت art قال لا قلت ياخي شف هاذي البطاقه وهاذي الفلوس بجدد ادخل معي نروح نجدد مع بعض ويظل يرفض ليه لنك شباب وهنا عوايل
ان طلعنا واخذنا راحتنا ملعب او مقهى

لو تقول يدخلون عشان مغازل ولا شي ترا الحين البنت هي تجيك

لو بتكلم بطوول بالموضوع اترك الفرصه لغيري

شكرا زياد ع الطرح الحلو

والله يرحم بحالنا

والله موضوعك لكثر من رائع

أقتباس

معاي سيارة صح .. بس وين اروح بالسياره ذي

مادام كل شيء عوائل .. مافي مكان اروح له !!؟

*
*
وعليكم السلام ورحمة الله وبركاته
هلا [ زيآد ]
.
.
تبي الصرآحـه [ كسرت خاطري ] !
والله كلامك صحيح وهو عين العقل !
وربـي أخواني يتعذبون ماعاد صار فيه أماكن ترفيه للشباب
خلاص كلشي أحتكروه للعوائل بس [ مو معقول اللي يصير ] !!
.
.
زي ماقلت يازيآد الأسواق كلها ممنوع يدخلونها الشباب طيب واللي يبي له غرض يبي يشتري حتى لو يبي يتمشى لازم يجيب أمه أو أخته معه ؟!.. لالالا .. كذا غلط × غلط
بس تدري يازيآد فيه مكان تروحله كله شباب اللي هو[ اليور مارشيه] <-- تبي تتصفق الحين
بس والله جد ماعاد فيه بالرياض سوق للشباب الا اليور مارشيه غريبه ماقالوا عوائل بعد حمدلله والشكر !
.
.
عموماً الله يعينكم والله يالشباب أنا لو أني منكم لأسافر برا أرفه عن نفسي شوي
هنا تخلف ومافيه تطور عقليات سقيمه مع الأسـف !

شكراً زيآد ع الطرح
تقبل مروري

وعليكم السلام والرحمه
بصراحه احلى خبر سمعته بحياتي ممنوع دخول الشباب بالراشد والله وناسه
بصراحه بعض الشباب مايحترم الاديان والمذاهب يعني يااغطي ياتغازلوني والله شي غريب
بصراحه اغلب الشباب ماخذين فكره انو البنات الي يروحون الراشد حق ترقيم ومغازل وحتى لو الوحده مع ابوها بتترقم
يعني في محلات مو موجوده الا بالراشد ايش ذنبنا كل مارحنا بنتسوق جمهور راشد الماجد ورانا
انااسفه يازياد بس والله احس الشباب السعودي غير عن باقي الشباب يعني ايشمعنا ايذا سافرنا ماحد يتسبب فينا ونشوف بنات قمه في التبرج وماحد مااذيهم
بصراحه انا عن نفسي مؤيده لفكره العوايل بشده واتمنى انوكل مكان عوايل الي يبي يروح مجمع ياخذ اخته تتسوق معاه
وشكرا يازياد على الموضوع الرائع

والله يازياد والله تعبنا وهم يطردونا من كل مكان


ولكن وش نقول ماباليد حيله


تحياتي لك خيو

أهـلين زيـآد ..،
والله أحسب بس انا اللي متضايقه اني سعوديه طلعتو يا الشباب زينا
من جد مجتمعنا مدري وش يبي
.
.

مـره شفت موقف في الفناتير مول مسوين يوم لشباب و يوم لعوآئل <-- يقلدون الرياض
عاد فيه واحد الا يبي يدخل غصب يقول للسكيرتي \ ياخي بشتري طاقيه بس < --
والله رحمتكم ..،
وفي يوم الشباب رآحت خوتي مع ابوها والله محد قالها ممنوع شباب <-- حركآآآت
بس تبي الصدق خلآص ما عاد فيه شباب وعوآيل صارو كلهم مع بعض حتى في الكورنيش
محد اهتم وقال الشباب لحالهم و العوائل لحاالهم
.
.

تبي الحل لا عاد تقعد بالسعوديه ..
وترآ حتى انا مابي اصير سعوديه <-- آوت
خلونا كلنا نروح لو البحرين عادي
.
.
ولا تبي الحل البسيط واللي تقدرون عليه ..
سوو اضطراب عن الطلعه برآ البيت عشان يحسون فيكم <-- والله محد درى عنكم
.
.
مميز

يا فديتكم انتم و هـ المزيون
ياخي وش هالذكاء اللي عندكم كان عطيتو السكيرتي فلوس و خليتوه يشتري لكم
وتوكلتو على الله
.
.

من جد الله يعينا كـ مجتمع سعودي
.
.

زيآد .. هدي بالك الشوي والله احبك <--
<-- معليش طربانه شوي
.
.

السلام عليكم
والله انك كسرت خاطري يازياد من جد مافي مكان للعيال
وبعدين يوم فتحواالحكير عوائل اخوي وربعه راحوا رجع يقول وش
ذا الخياس هيئه في الملاهي ويوم يرحون الفيصليه يلاحقوهم وساعات مايدخلوهم ومرهـ في الطياره كنت جالسه جنب اخوي جا المضيف يقوله لوسمحت ممكن ترجع وراه علشان مايصير هذه الحرمه تجلس جنب رجال قال اخوي وانا وش ذنبي لو ماعندها محرم وجلسوا فوق راسه لين لما رجع ....
والله من جد احس الشباب مساكين ... هم زينا وش فرقت واذا على البنات كل وحده واخلاقها وتربيتها .....
مشكور على الموضوع وان شاء الله ربك بيفرجها

اول شيء شكر خاص لكل من حط بصمته في هذا

والي حط اقتراحات كـ مجمع للشباب

والي قال المقاهي ولا الجنادرية .. انا اقترح ننحرف يابو سلطان

ملينا منهم وقسم بالله .. لو انهم حلاو .. كرهته

قسم بالله احس يوم من الايام المدرسه تبي تصير عوائل

يعطيكم العافية حبايب آلبي



9

زيااد اما المدرسه تصير عواائل

ههههههههههههههههههه

الله يرفع عنكم هالحكره

هاااااااااي


زياد مووضوع خطير والله

*
*

صراحه ماتنلموون

واحمد ربك انك بشرقيه مافي حكره زياده عن الازووم

بس صراحه مالوومكم

وعلى فكر انا من يوومين جايه من الراشد

والله وش كثر الشباب اكثر من العوائل

الضاهر انه بس كلام

تبي الصراحه انا وحده انقهر اذا شفت كله عوايل

وربي تكسروون خاطري واتمنى ادخلكم

لانه في بعضكم مؤدب

والي يقوول ياليتنا مو سعوودين عشان الحكره

يعني تحسبوون الخليج الباقي مافي عوائل

غلطانين

انا يوووم كنت بالكوويت

ابووي عيوو عليه يدخل مطعم الحاله

ودق علينا عشان اندخله

يعني مو بس بسعووديه

بس اشووي عاد السعوديه متشدده

يارب يلقوون حل لهذي المشكله <<قوول امين


سووووووووووووووري طوولت

واكيد لي باك

سلام

20 <<تقلدك خخخخخ

مفروض يسوون مول للشباب

حتى اسمه يصير شباب مول

يصير ما يدخله الا شباب

8
8

صدقيني مايبونه

وربي انكم مستانسيين بس مدلعييين

ياخي احمدوا ربكم

وناستكم مقدور عليها لا تقولولي أسواق وقطار

قطار عادي من الذوق انك تخلي الليدي تجلس وانت توقف

تبي اعدد لك وناستك

قومتك الصبح وانك تقدر تروح مع خويك تفطر ونااااسه
ورحتك شاليه ولا أستراحه بدون سين وجيم وناااسه
تفحيط بدبابات فوق كثبان الثمامه باي وقت وناسه
تفحيط فووق أمواج الخليج بالجت سكي وناسه
جلساتكم باستراحات وبلووت ولا بلاي ستيشن وناسه
مطاعم ومقاهي شبابيه وناسه
روحتك تحضر مباراة الهلال وبعد يتعادل وناسه
والقائمه تطووووووول

شف من هالاشيااء البنات وين تروووح
البنات الي مو خبري خبرك
لان البنات الي خبرك غلط هم في مجتمعنا

يعني نروح ونجي بس مع أهالينا
ولو تبي تروح هالامكان وتتساوى معنا روح مع أهلك

^
^

غايه ..

كل الي قلتيه صح .. لكن ترا موب 20 مره تصير وناسه

هي مرتين ولا ثلاث وناسه .. وبعدين طفش

بعدين وين نروح نفطر ؟

بوفية آرض السعاده ؟

وقسم بالله نطفش ترا .. انتم بنات وتشوفون اننا نستانس

بس وقسم بالله تطفشون من الوضع اذا قعدتي واجد فيه

يعني لو رحت الجنادرية مره .. ومرتين , وثلاث , وأربع , وخمس

وشو هي حلاو ؟

الدبابات .. ملل بدرجه .. 5 مرات وتطفشون خلاص

الشاليهات وش فيها غير البلوت والسوني .. والله لو انها عذاب وقسمن بالله

بعدين الحين الشاليهات صارت عوائل للمعلوميه ..

استراحات ملينـا .. والله ملينـا , كوره - سوني - بلوت .. كوره - سوني - بلوت

هاذي اشياء حتى البنات يقدرون يسوونها

والمباريات افرضوا حضرتوا .. ومحمد نور شافكم , تهقون يكمل ؟

المباريات حقت رجاجيل .. من متى البنات يجلسون يشوفون الرجاجيل يلعبون

لاصارت المباراة بنات .. احضروا بيدينكم ورجلينكم

خلونا ندخل المجمعات على راحتنا .. وقسم بالله نوافق تدخلون المباريات

بعدين وش تسوون .. وسط المباراه تحطين مكياج ؟

أترك لك الرد مره ثانيه

حسيت اني كتبت موضوع




9

اخوي زياد ترا البنات مثل حالكم واردى بعد
يعني البنات مالهن الى هالسوق .. ومتى تروح للسوق مره بالشهر من القهر


فالمغزى من كلامي ان البنات والعيال كلهم بالهوى سوى ..
ومثل انه ما فيه اماكن للشباب بعد ما فيه اماكن للبنات
بعد احمد ربك وحب ايدك وجه وقفى انك تقدر اذا ضاق صدرك ولا صار مالك خلق
بس تاخذ مفتاح السياره وتشغل وتروح تدور بأرض الله الواسعه وتنفّّه عن نفسك بمكان جديد وهوا نقي
وتبعد شوي عن اللي مزعلك ولا عن المكان اللي انت متضايق منه ..

<< بتجيكم عين

اما حنا وين نروح مالنا غير ( الحوش) نغير جونا فيه..



يعني اذا جبته من الاخر اقولك
ان السعوديه كله ما فيها شي للشباب<< المقصود البنات والعيال بهالعمر..


ولاتقولي انتم عندكم المجمعات روحو له ..
مثل ما انتم تملون من المقاهي وصالات الألعاب
والاستراحات اللي تجتمعون به
والمجمعات اللي تقدرون تدخلونه مع الاهل
والكشتات على الكورنيش ولاعلى الدائري ولا...الخ ..
حنا بعد نمل من المجمعات واللي مالنا مكان غيره نروحله..

يعني حنا اردى من حالكم فقولوا الحمد لله والشكر على نعمه الصحه والعافيه ..p10



مــــــــــــلاحضه:
يكفي انكم تقدرون تحضرون المباريات بالملعب وتستهبلون بالشوارع بعد المباريات .. هههههههههههههههههههه
<<< منيتي اصير ولد بس علشان كذا ..