السلام عليكم ورحمة من الله وبركاته
مسهم/صبحهم بالخير
ام عبدالمعين وايش الغدا اليوم
الغدا اليوم يابو عبدالمعين نواشف
_______________________
ام عبدالصمد وايش العشا اليوم
العشا اليوم يبو عبدالصمد نواشف
_______________________
عبدالمعين :: عبدالخالق ورا سروالك مقطوع
عبدالخالق :: يقولون ان السراويل ارتفعت اسعارها وابوي حالته كسيفه و قالي مانيب مشتريلك الين ماينزل الراتب
وانت ابخص ياولد عمي تدري ان الرواتب مايمر عشره ايام الا وهي بحح
ــــــــــــــــــــــــــــــــــــــــــــــــــ ــــ
من جانب اخر
يبو عبدالشكور العيال ماهم لاقيين وايش يتعشون وبكره وراهم مدارس وانت تدري ان ماعندهم مصروف و انت تدري بعد ان مدرس الفنيه يبي عجينه سويسريه و الوان فرنسيه وكراسه المانيه
_____________________
من مصدر موثوق شخص يشتري لوحة سياره بــ سته مليون واربع مية الف
من اجل التميز
_____________________
بالفعل واقع يتعايش معاه الكثير من الاسر السعوديه اللي ماهيب لاقيه ريال تشتري به خبز
واللي زادها مراره عليهم ارتفاع الاسعار
يعني نفرض مثلا ان شخص راتبه ثلاثه الاف وخمسميه بالله كيف بيعيش اسره مكونه من خمسه او سته افراد
يروح ينتحر يعني ياجماعة الخير وقسم شي يرفع الضغط واللي يزيدها مراره ان فيه ناس تصرف فلوس
في اشياء ماتسوى وقسما بالله ماتسوى
وبعدين التبرعات اللي بثلاث مية مليون لدول المجاوره بالله العالم اللي عندنا ماهم اولى بها
يعني بدال ماهي للغريب تكون لاشخاص منا و فينا
الحكومه ماهي مقصره بس والله فيه ناس عزيزة نفس
للنقاش /
تؤيد التبرعات اللي لدول المجاوره وفيه ناس من عيال البلد هم في حاجه لها اكثر من غيرهم ؟
وايش رايك شخصيا في ارتفاع الاسعار ؟
في الاخير احمد ربي على النعمه اللي عايش فيها واتمنى ان كل واحد يحمد المعبود على ماهو في من خير
تحيتي
29-11-2007, 05:46 PM
[ حماية المستهلكـ ماقصرتيش ابد ] !!
العرض الشجري
