.
.
.


السلام عليكم ورحمهـ الله وبركاتهـ..
تسيف الحال عساكم تزقحون ومبسوطين..؟

ترا الدنيا فانيهـ .. ومناب ماخذين منها شي .. غير العمل الصالح.. يعني وسعو صديراتكم
وانتبهو تعصون ربكمـ.. وتضايقون امهاتكمـ وأبهاتكمـ..

(( عزيزي اللذي تقرا .., هذا اقربـ مخرج على يدي اليمين عشان اسوي مقدمهـ فكيف الحال))؟



المهمـ ماعلينا..
كلنا عارفين ان موسمـ البراد دخل .. من غير استئذان , وهو الموسمـ اللذي وهـ بس
أغرب موسمـ صراحهـ .., يعني احس الصيف يصلح للخريف والربيع ..
بس الشتا شتا.. مايصلح يصير صيف .. فهمتو..؟

الزبدهـ \ شتيتو ولا توكــــــــــــم..؟؟
.
\
.

صراحهـ مدري ليش منتدى ياسر نايمــ كذا , انا كنت اتابعه قبل ترحمونا وتفعلونا
بس كان مره نشيط وش بلاكم ياكافي..؟ ياجعلها ايام وتعدي
.
.
\

مدخــــــــــــل للموضوع\\

البرد يخلي الواحــد يمشي وهو مغير يتنافض ويقول (( أدددددد )) <<-- كنايهـ عن التجمد
ويخليك أربع وعشرين ساعه وكل أبو دايمـ ودك ( تخلقن) خلاقين وتمشي..
مالك خلق تكشخ وتلبس.. ولو حصلك ماتتروش عادي <- - الله يحوم كبدك
وودك تسوي سبات شتوي .. مدري وشو , المهم انك حتى مالك خلق تطلع من البيت ولا لك خلق تقوم من النوم ولا لك خلق تروح الدوام \ المدرسه\ وكل شي مالك خلقهـ..
بس ودك تشرب شاهي ولا حليب وتناظر التلفزيون وتسولف مع اهلك مع ان مافيه سوالف كلها مصالهـ وثقل دمــ وطقاق ..<- - تلايطي تكفى


\
,
\

*
*
*


( الناس اجناس .., وفي الشتاء الأتكيت ينداس)..!

فيهـ ناس ماشاء اللهـ عليهم الشتا عندهم مهما تنخفض درجهـ الحرارهـ يكون زي مـــــاهو..!
ماتتقلص عضلات الرقــبه حقته ولا يتنافض ويلبس ويسوي زحمه ولا يتجمد ويخرب موده .. والوضع عنهده (إيزي)..!!
.
.
ونـــــــاس من يسمع.. او يشمـ.. او يحس بــالشتــاء .. وهو علطول يتلبس ويتدفى .. ومايمشي الا بشريريبات (( شراب \ دلاغ بالكويتي )).., وسراويل .. وفنايل وحوسهـ وقلق كنهـ
(شايب أو عجوز).. وفازلين وفقس وغايص في زاويهـ ومتلحف ..
وعلطول يمرض وخشمهـ يحمر.. وحرارته ترتفع واصابعه تزرق ووهـ بس (( هذا أنا ))

\
,
المهم

( أنــتم أخواني المواطنين والمقيمين .. وش اوضاعــكم في الشتاء..؟ ومن أي نوعـ وأي فصيلهـ تنتمون مما ذكر؟).

..,

*
*
*
*



(( ملابســــــنا .. في الشتــاء))

سؤال للعيال\\

هل أنت من النوع اللي يماشي موضهـ ( ثياب الشتاء) .. يعني تلبس ثوب شتوي وتكشخ ولا مثل بعض الشباب اللي يحبون الثوب الابيض في كل موسمـ بس اللّهم يلبس ( جاكيت \ بلوفر\ فروهـ) فوق الثوب الابيض وخلصنا..,!؟
ولا وش نوع لبسك ..؟ تحب البدل و( الترنقات ).. ولا وشو..؟

...,
...,

وأيضا سؤال للصبايا \\

إنا يالبا خشومنا وقلوبنا .. ماعندنا مثلهم ( ثوب شتوي \ صيفي) .. لذلك يكون السؤال
وش نوع لبسك في موسم الشتاااء \ .. وفي البيت وش تلبسون..؟
وهل عندتس فروهـ ( نسائيهـ) ..؟ صراحهـ الفروه ماتصلح الا للرجاجيل أحس وانا لابستها كني شايله بطانيه يعني تــخرب مشيتك .. وماش ماجازتلي.. !!<- - بلعنه

وسؤاال للجميع \\

وش أغرب الطقوس اللي تسويها في هالمـــــــــــوسمــ..؟


*
*
*

( شتاء الرياض)

بما ان شتاء الرياض غريب نوعــا ً ما .. ويصدمنا كثيرا .., يعني تلقاه اليوم (( جمدهـ)) بكرهـ يجي حر ..,! يعني يحوسنا ويسوي اضطرابـ في المخيخ اللي عند الرئـــه وبكذا يوجعك خشمك علطول , وتصير تنكهـ .. <- - وش السالفه الله يحييتس

\
,
\

طيب ماعلينا من الجزء اعلاه .. لأنهـ ظهر حين غفلهـ مني ..!!
دحدرو معي شوي

.
.
.
**

(( البراااان , طنبق طنبق .. شو حلوين طنبق طنبق))

<- - على وزن ذاك المقطع اللي يقول الورعااان- - شو حلوين .., عم بيدورو حول الناقهـ مبسوطين..!!

الزبدهـ..\

في الشتاء وفي دولتنا الموقرهـ .. ينبسط أغلب الاخوان هنا وهناك في الطلعه للبران والتمتع في الشتا اللي يخلي عظام الواحد (( كنه ددسن قرنبع ))..,ويحدث صريرا ً مزعج كــصرير الباب المصديّ..,
بـــــــــــــذمتكم في أحــــــــد فـــــــــــــهم شي...؟؟؟
.
.
المهم أخي وأختي المواطنـ\ـه ,,
هل تحـــــــــب البران ..؟ وليش تحبها..؟ وماهي طقوسكم أخي واختي المواطنـ\ـه عند الطلعهـ للبران..؟هل تفضلها مخــيــّــم مستقر..؟ ولا كل مرهـ في مكان ..؟



*
*
*

(شتاااؤنا العام)...\
صراحهـ العام البر طلع من خشمي وخصوصا مع خالاتي .. صرت مااروح معهم لأني اكرهـ البر اللي فيهـ إعاقهـ للحركهـ (( لاتقومون \ تغطو \ لاتروحون بعيد \ و .. و.. و... ))
وهـ بس.., لذالك معد رحت معهم مع ان جلستهم وسوالفهم ماتنمل بس برهم بوب حلو معليش ..!!
.
.

العام مع عطلهـ الربيــع وإجازهـ (( الـ 10 أيام )).. أبينا إلا بمخيــّــم نقضي فيهـ أجمل وقت..,
وبعد الحوسهـ والدوسهـ والصجهـ واللجه من بنات العائلهـ.. تم أخــذ مخيــم بالثمامهـ .. وهـ بس

3 أيامــ كانت كفيلهـ بتفريغ طاااقهـ مكومهـ .. تريد الانفجـــــــار..
وبما اني كنت أمر بأزمـــــــــهـ نفسيهـ ففجرت كل ابو الحرهـ في ذا المخيم لدرجهـ اني بعد المخيم قعدت في بيتنا كم يوم .. يغطيني السكون والسكوت والهدووء والمرض ..!
\
يعني فعلا فجرتها.. رقص ورقصت \صراخ وصارخت \ تفحيط وتطعيس بالدباب وطعست \ هبال وضحك والحمد الله .., وقسما باللهـ اني اتوقع ماجلست أبـــــد.. ومن زود الحماس والطاقه , امشي وأرقص ,’وفي العصر مع الحريــم والقهوهـ والشاهي واقفه ماجلست..
كنت بس اردد ((اللي في راسهـ شي يطلعهـ ))
في راسك صراخ صارخي في راسك رقص ارقصي .. يعني تحشيش على اصولهـ ذيك الايامـ..!!
.
.

ومن شدهـ ماهي.. متلازمه مع قولهـ (( هي خاربهـ خاربهـ خلونا نعميها)).. كان ولد عمي من فترهـ متزوج وجايب زوجتهـ للمخيــم.. وصارت الجلسهـ شوي رسميه .., بس قلت ليش كذا.. ليش الهدوء .. إنا في مخيمـ مناب في عزيمهـ .. ووقتها قاعدين البنات يلعبون بالدبابات.. وأنا اللي اركب حق أختي واقول لمرت ولد عمي الجديده (( تركبين..؟ )) وهي اللي تنبسط وتنط معي وأقلب براسها لين قالت نزليني يامجرمــــــــــهـ. .<- - يآي
نزلتها ومن عقبها خربتها هي الثانيهـ .. وإبتعدنا عن جو الرسميهـ.. وكلنا ذاك اليومـ تخريب في تخريب <-- بشري أمــــــــــــــــــك

\
\

المهم أخواني المواطنين والمقيمين.., وش تذكرون من مواقفكمـ البريــهـ .. (( مؤلمه \ محزنه \ طريفه ))من عندهـ مواقـــــف مايقدر ينساها في البر..؟ يقولهـا لنا ولايبخل علينا..؟


\
\

(( نصائـــــــــــــح صعنطوطهـ ))

1- في الشتا هو موسمــ (( الزكمـــه)) يعني نادرا ماتشوف واحد خشمه موب احمر من كثر مايمسح بالمناديل ..
وتلقى كل واحد بكيس الادويه .. يامضادات, ياشراب كحه, ياحبوب و.. و .. و والله يعين الجميع .. بس نصيحتي هنا(( الفازليـــــــــــــــــن)) .. للأنف ( الخشم يعني ).., عشان إذا تشقق خشمك وصار احمر وطابت الزكمهـ مايصير مكانهـ أسووود .. قبل لاتنوم دهن خشمك بفازلين ,, انا والله كنت اخذه معي للمدرسهـ وماعلي من احد صراحهـ أحيان تحس خشمك بينقطع من قوهـ الزكمهـ اللي ماتريحنا.., يعني اهم شي الصحهـ والاخلاق ووهـ بس..,


2 - وبعد فيهـ مرض ثاني الا وهو الآم الحلق وتششقها والكحهـ وآثارها الجانبيهـ.. لذا ماعليك الا بعصر الليمون في بيالهـ الشاهي .. والتمتع بالرواقهـ والعلاج في آن واحـــــد .. وتراهـ يدفي إسألوني ..,

(( وهذي نصايحي .. وانتم اخواني واخواتي وش نصايحكمـ الصعنطوطهـ لموسم الشتاء اللذي يوجع ))؟؟

\
,
\

وبكذا انتهي موضوعي اللذي جااء على عجالهـ مني .. وصراحهـ الموضوع لساعه الصدر ملينا إكتئاب ومشاكل
وإزعــاج ودراسهـ و(( خساره مباريات )).. خلونا نضحك شوي .. ترا مناب ماخذين منها شي ..

والله يحييكم على قل الكلافهـ (( خشه ماتدري كيف تنهي الموضوع)).,
الزبدهـ من الموضوع
ساعهـ صدر والشئ الثاني أيضاً ساعهـ صدر (( خشهـ تقول يامصلها مصلااه))

والسلام خيرُ الكلام..

وعليكمـ السلآمـ ..

أقتباس

وهو الموسمـ اللذي وهـ بس

أدري ما قدرتي تعبيرن اكثر من تسذا

.

أقتباس

صراحهـ مدري ليش منتدى ياسر نايمــ كذا

من قلبــ .. تغيرو كثير !!

أقتباس

ياجعلها ايام وتعدي

آآآآآمين الله يسمع منك .. يمكن حآله من الحآلات الغريبه و تختفي بعدين

أقتباس

( أنــتم أخواني المواطنين والمقيمين .. وش اوضاعــكم في الشتاء..؟ ومن أي نوعـ وأي فصيلهـ تنتمون مما ذكر؟).

الفصيلة الثانيه الله يهداني بس خخخخخـ

أقتباس

وش نوع لبسك في موسم الشتاااء \ .. وفي البيت وش تلبسون..؟

نلبس بطانيه ونتمشى بالبيت خخخخخخـ
وش نلبس بعد بلوزتين فوق بعض و بنطلونين و فوقهم تنوره <---- مسوين انهم بردانيين خخخخخـ

أقتباس

هل تحـــــــــب البران ..؟

لا ما اطيقها بعيشة الله .. لآني انا واهلي ما حنا وجه بر

.
.

خيتو مشكووووره عالنصايح القيمه اللي ما بوه مثلوه ..

و تسلمين وسعتي صدري ( خشه تقول يا مال العافيه )
.
.

احلى من هالصرقعه مااافيه

يسلموووووووووووووووووووووو

وعليكم السلام ,,

تسيف الحال عساكم تزقحون ومبسوطين..؟

الحمد بخير شخبارك انت << متوله

(( عزيزي اللذي تقرا .., هذا اقربـ مخرج على يدي اليمين عشان اسوي مقدمهـ فكيف الحال))؟

الحمد الله يعني مااره ثانيه تسألين كيف الحال يكفي مره وحده << ذكرتني بسديقات ماما اذا اتصلوا يقعدون عشر طعش دقيقه وشخبارك نفس السؤال ينعاد الف مااره معناة

الزبدهـ \ شتيتو ولا توكــــــــــــم..؟؟

تونا انا اخر وحده اشتي بالعالم الى الحين اشغل المكيف

صراحهـ مدري ليش منتدى ياسر نايمــ كذا , انا كنت اتابعه قبل ترحمونا وتفعلونا

بس كان مره نشيط وش بلاكم ياكافي..؟
.
من جد انا ملاحظه وساير مااره يعلق يعني احلم انه يفتح الموقع معي قبل الساعه 12 بالليل

ياجعلها ايام وتعدي

امين

( أنــتم أخواني المواطنين والمقيمين .. وش اوضاعــكم في الشتاء..؟ ومن أي نوعـ وأي فصيلهـ تنتمون مما ذكر؟).

انا مو النوع الذي ذكر اعلاه بالموت اتقضى للشتا ملابس تقعد ماما فوق راسي لين استوعب انا حنا بالشتا واشتري يعني مو فارقه حتى لو برد ماااره ...

وش نوع لبسك في موسم الشتاااء \ .. وفي البيت وش تلبسون..؟

يعني وش نلبس ملابس عاتي بجامه وذا كان بارد مااره ماما تحن علي وتقولي البسي جاكيت اممم وبس

وش أغرب الطقوس اللي تسويها في هالمـــــــــــوسمــ..؟

اممممممم ما اذكر اسوي شي غريب ..

هل تحـــــــــب البران ..؟ وليش تحبها..؟ وماهي طقوسكم أخي واختي المواطنـ\ـه عند الطلعهـ للبران..؟هل تفضلها مخــيــّــم مستقر..؟ ولا كل مرهـ في مكان ..؟

ياااااااااااااااااااااااااااااع <<< اعسابك اكره شي عنتي البران ما احبها اهلي وكل العالم يروحون وانا اعيي ما اروح كل ما اروح لازم امرض وتجيني حراره من جد تعقدت

المهم أخواني المواطنين والمقيمين.., وش تذكرون من مواقفكمـ البريــهـ .. (( مؤلمه \ محزنه \ طريفه ))من عندهـ مواقـــــف مايقدر ينساها في البر..؟ يقولهـا لنا ولايبخل علينا..؟

والله ناسيه لاني مثل ما قلت ماحب البران ومن زمان مارحت لها ما اذكر شي معلق ببالي

وشوكرا على النصايح
يسلموو صعنونه وسعتي سدري
على الموتوع يعتيك العافيه( F )

واااااااااااااااااااااااي رووووعه هالمووووضع


بس طوييييييييييل وماقدر ارد عليها كله

عشان جذيه

برد مره ثاانيه وعلق عليه كلمه كلمه


يسلمووووووووووو يالغلا والله يعطيك العاافيه

يسلمو على هالموضوع صعنطوطه وانا الصراحه اذا صرت بردانه رحت لبست كل شي ماخليت شي الا ولبسته واذا احتريت ارجع البس نفس الصيف بس اني البس بلوزه تحت البجامه او جكيت فوق بس اما بالنسبه للبر انا احس ماله داعي انك تروحين للبر لاني اذا رحت وش بشوف هناك غير التراب والطعوس وش ابي فيها انا التراب والطعوس وانا نفسي اعرف ليه الناس يروحون للبر لاني احس ان ماله فايده تقبلي تحياتي .........................&الشخصيه هلاليه&