هلا والله No Way ..
موضوع بطل ياعسل..

نجي للموضوع ..
أولاً : مو كل رجل رومانسي يختلف من شخصية لشخصية ..
ثاني شي زي ماقلتي اذا مو رومانسي اكيد بيكون عاطفي
لابد ان يكون في تعامله حنية مع المرأة ..
يعني مو معقولة بيكون تعامله جاف معي
وربي يطق عرق فيني

بس انا اللي لاحظته بالمجتمع السعودي ان الرجل
يكون وش حليله في الشهور الأولى من زواجهم
بعدين ينقلب الحال
والله قهر
بس اعتقد ان الرجل يمل بسرعه مايحب روتين × روتين
بس لحظة :
مو طول الوقت رومانسي بتصير الدعوة مصاله
يعني اوقات واوقات

بس اللحين الناس فاهمه غلط الرومانسيه وردة حمرا
ولا شمعة رازينها
هذي فقط مكملات لا اكثر ولا اقل ..
لكن وين الأهم من كل هذا [ الإحترام ثم الإحترام ] ..
بس اللحين الرجال ماخذين الشغله تقليد
عشان يجذبون البنت بالأسلوب وانه رومانسي وحركات
بس هو من هنا والرومانسيه من هناا ..
والدعوة صارت اللحين تمثيل × تمثيل .. !

والله ماقصروا البعض بالردود قالوا اللي بقلبي


No Way :
أسلوب رووعه وطرح أروع ..
عوافي ياقمر

* ماهي وجهة نظركم حيـّال هـذا الموضــوع ؟
وهل الرجل السعـودي رجل لايعرف الرومانسيـه ..
المجال مفتوح لكمـ للحديث عن هذا الموضوع .. : )

موضوع مثل ماتوقعت فيه شيل وحط واجتهادات
ودوران بدائرة مفرغة كحال أي قضية أو موضوع
من هالنوع يمسنا كجمتع قد نكون " محافظ " !!!

بالنسبة للشق الثاني من سؤالك بخصوص هل
أنا ومن هم على شكالتي نعرف الرومانسية ؟؟

راح أستعين بكلمة قالتها أحد الأخوات بتعقيبها
أعجبتني كثير وهي " أن الرومانسية لا تعلم ولا تلقن "
وبما أن تجربتنا كشباب سعودي مع الرومانسية
حديثة جدا بحكم قيود مجتمعنا المحافظ " سابقاً "
اذا من الإجحاف الحكم من خلال مرحلة إنتقالية
نعيشيها كمجتمع بوجه عام.

قبل سنوات ليست بالبعيدة كانت وسائل الإختلاط تكاد تكون معدومة
وبالتالي كان هناك نوعا من القصور والنقص في فهم
الطرف الآخر من زاوية " المشاعر والعواطف "
فالمحصلة تراكمات من الجفاف والقسوة في معظم العلاقات


ولكن الأمور الآن تغيرت وأصبح الشاب السعودي على إحتكاك
مباشر بالبنت " ولا ننكر لإدعاء المثالية "
سواء من خلال مجال العمل أو النت إلخ . . .
ومن خلال هالنوع من العلاقات المحمودة والغير محمودة
أعتقد أن الشاب السعودي قادر على مجاراة " اللبناني " و " الايطالي "
اللي خارش عقول مراهقاتنا (( الرومانسيات )) !!!

خلاصة القول

[ تحديد الرومانسية أمر نسبي يختلف من شخص لآخر فالرومانسي بالنسبة لريم
قد يكون جاف ودلخ بالنسبة لمها !! وهكذا . . .

مثل ماقلت الاحتكاك الحاصل والإختلاط الكبير هالأيام راح يكون له حسنة وحيدة
وهو فهم خالد لنوف ومعرفة أسهل وأفضل الطرق للوصول لقلبها
وهذا ينفعه بعد اذا اعرس بحكم التشابه اللي بين نوف وزوجته
لذلك اصبروا علينا وعطونا فرصة ولا تحكمون الحين ]


أخيراًً .....

بعكس السؤال وأقول ....

هل تعرف الفتاة السعودية من معنى الرومانسية غير الوردة واللون والوردي وأغنية لراشد الماجد ؟؟؟


تحياتي

^



خخخخخخخخخخخخخخخخ
سؤالك فلته

بس اعتقد انا غير معنيه بهالسؤال بحكم ردي ومفهومي ..

هلا نو واي
منوره "المجلـس" ..

...

من وجهة نظري تقريباً الرجل مثل ماقالوا الكل يتطبع على حسب البيئه الي ينمو فيها
والرجل السعودي نمى في بيئه جافه تقريباً

بس مع التطور الي حاصل الحين بكل تأكيد عقليته تفتحت كثير
وصرنا نشوف كثير سعوديين رومانسيين

بس طبيعة مجتمعنا تفرض انه هالشي يكون بينه وبين الطرف الثاني
تقريباً مستحيل انه يبين هالشي قدام اهله ومجتمعه

,,,

عوافي نو واي

على طآري [ الرومنصيه ] على مآقآلوا

أخبر جدي لمن جآء يدلع جدتي

يغني لهآ غنية سواهآ [ قلبي ]

يعني الحين مثلاً جدي في نظرك يقدر الرومنصيه ولا

وبعدين على طآري الرومنصيه بعضاً من السعودهـ مآشطف حولهآ

24 سآعه طبخي ذبحيه وسوي له كبسه حمره <= والله مهوب أنآ

فـ تشوفينهم يتزوج وبعد 12 سنه من الزواج يطلع الشآم

وحيآتك أحلى شآمية يحضرهآ ليه ؟

لأنهآ ع قولته تعطية حنآن ورومنصيه وتسئل عنه وشو بدك وتؤبرني حيآتي

على قولت عمي طبعاً عمي إنسآن فآصل في الحيآة

يقول يكفي إذا جيت تطلع تقولك دير بآلك ع حآلك وتعطيك وتحب راسك

مهوب اللي عندنآ جب معك حليب ونت جآي وخضره للمطبخ

خصوصاً بعض النسآء السعوده مآفيه أهتمام أبداً أبداً

تدري أن زوجهآ مثلاً جآي من الدوام أو السفر كشخي يآمآل العمى

تشوفينهآ طآلع بـ ملابس المطبخ وريحة الطبخ الله لا يوريك

والعكس في ذلك ذوق وذرابه ولا يهون زهور الريف أو بدي شوب

سواءً سعوديه ولا سعودي أصآبع اليد مو سوا

منهم يقدر الرومنصيه وعآرفهآ ومخطط عليهآ قبل الزواج

ومنهم والله دلخ مآيدري وين قفآه همه نوم وأكل

لو بتكلم عن الرومنصيه كثير حرماً علي لـ كل الجو <= برا

ومثل مآقآلوا الأخوان البيئة لهآ دور كبير بعضهم مآتعود نهائياً

ضيق الوقت جبرني أسرد ع الطآير ولا توني في المقدمه

عوافي No Way

..

باكـ

ياخوي وينه الورد بالسعوديه .. حتى مايأهل الشخص يسوي رومنسيه لا ريحه ولا شي
قلتها قبل ياطويل العمـر .. ماشفت للحين بنت رومنسيـه .. البنات اقولها لك تصنع للرومنسيـه
حتى تحـس يوم تتصنع تحوم كبدكـ .. اما رومنسيه من فطرتها ماشفت للأسف ...
لا تقولون اللي تكتب شعر رومنسيه .. ياما وياما شفنا ناس تكتب..وعشت معهم .. بالرومنسيه من جنبها ..


بس مايمنع تطلع لنا كم بنت وكم ولد .. بالسعوديـه ..
بس لا تتصنعون تكفون وتسوون زي اللي حرق السجادهـ


على فكرة صوت راشد يدخلك غصب بجو الرومنسيه <-
..

*
*
[ عــذراً ]

لايجب أن نعمم أن جميع الرجال السعوديين يفتقدون الرومانسيه
فهذا يخضع لمقاييس البيئه والظروف التي عاشها الشخص **


كما أن البعض قد يكون عاطفي بطبعه , والبعض الآخر قد يكون جاف
أو بخيل بعض الشيء في عواطفه , ولكنه ليس مجرد منها **


وأرجع لأقول أن الرومانسيه ليست حكراً لجنسيات دون الأخرى وتجريد جميع
الرجال السعوديين من هذه الصفه برأيي انه يفتقد للمنطقيه , خاصةً أنه لم يبنى على
أساس بحث علمي بقدر ماهو مبني على حاله أو اثنين او حتى مئه


ومثل ما أن هناك رجال سعوديين غير رومانسيين
فهناك ايضاً رجال سعوديين رومانسيين حتى الثماله .



عــزيزتي [ نو واي ]

ألف شكر لك عالموضوع الجميل وتقبلي رأيي ومروري

دمتي بود

اهلييين نو واي
انا هالايام ابد مو رايقة
حالتي النفسية في القاع ......واللي يزيدها صديقاتي
موضوعك جا بوقته يا قمر
انا وشلتي الكريمة لنا اسبوعيين نتناقش في الرجل السعودي
اللي موافقتني الراي وحدة بس
يعني 2 من اصل 10 بس مع الرجل السعودي
تخيلي قلك مو عاجبهم
وما في قلبه ولاذرة رومانسية او حنان اوعطف
لعن ابو شيطانك وابوك مو سعودي ...؟!!
اخوك مو سعودي عمك خالك زوجك بالمستقبل

ياناس انا مو عارفة باي عقلية يتكلمون
نتكلم كلام منطقي شوي
ابوك ما يحن عليكك ....... ( مستحيل )!
ما يعطف عليك ابد .....!
ما يراضيك لو زعلتي ....!!
يعاملك بقسوة طول الوقت ....!
مستحيل ..... مستحيل

من هالناحية انتفى ان:
الرجل السعودي غير عاطفي او غير حنون


بمعنى ادق ..... بين الرجل وزوجته
من اللي يحدد اذا كان رومانسي ولالا ..؟
طبعا زوجته السعودية ..!
لو انتِ رومانسية ورايقة يمشي معك
ولو انتِ راعية طلبات وهم وكدر << معروف عن المرأة السعودية

نادرا ماتكون المراة في مجتمعنا رايقة
ودايم وراها اشغال ...... وما يجي منها الا الشكاوي والطلبات
شيء طبيعي بيكون غيييير رومانسي....!

ممكن يكون الربع غير رومانسي << وهذا بسبب عوامل التعرية
لكن ما يمنع اننا نطلق على الرجل السعودي عامة
انه رومانسي وعاطفي وابو الحنيّة بعد

ابسال سؤال للي يقول ان الرجل السعودي
غير رومانسي او عاطفي..؟
ابفهم من ويين تجييه الرومانسية
في اوقات معينة (ايام الخطوبة او الملكة )
هماكم تقولون ما فيه ذرة عاطفية
اللي ما عنده عاطفة عمره ما بيتصرف برومانسية
بيكون جاف طول عمره وما يتغير بتغير الاحوال والظروف

ممكن تحلون هالمسالة ..!
الرجل ايام الخطوبة قمة الرلاومانسية
بعد الزواج جفاف وقسوة ....؟؟؟؟؟؟؟

تفسيري انا
ومن وجهة نظري ان المراة وراء كل شي
اذا تبيه عاطفي كان بها
واذا تبيه جاف طلباتها اوامر
يعني على اي اساس يتغير الرجل بعد الزواج
طبعا على حسب العلة اللي ماخذها .... ولا انا غلطانة


وبعديين انا مو عارفة وش فييه الرجل لا كان جاف وقاسي
بالعكس يا كرهه لا كان ماصخ طول والوقت ويتميع لك
الرومانسية عند الرجل تكون باوقات معينة
والاحلى يوم تغلب عليه الخشونة
واللي مو عاجبهم ارضوا بما قسم الله لكم
ترى القناعة زينة وربي زينة



قفلة
( وراء كل رجل رومانسي ...... امرأة رومانسية )

تسلمين حبيبتي على الموضوع

ايوا انا اتفق معكم انه الرجل السعودي رومنسي واحساس مرهف والعصبي وجاف بالعاطفة

بأقولكم على نقطة من خلال ما أشوف واسمع به من الناس المحيطين بي

انا طبعا ماني من اهل الـ07 انا من اهل الـ01 يعني قريبة من الجنوب<< لي الشرف اكون جنوبية

اللي اعرفه انه اكثر الناس رومانسية ويعرفون يربون عيالهم من ناحية الذرابة والمرجلة والذوق <<هم اهل الجنوب ( الشهري الغامدي الحربي القحطاني البيشي الشهراني الاسمري ...)
لاني اختلطت مع كثيير من بناتهم وعرفت من طريقة اسلوبهم وتعاملهم ... وبعدين الناس تكلموا عنهم بالزين

والله الكل فيه الخير والبركة
آآآآآآآآآآآآآسفه كثيير ولا احد يزعل من ولاتفهموني غلط

انا والله اتمنى اني اتزوج من الـ07 بس الحظ بيوديني للـ03 <<هههههههه >> << ولد عمتها خاطبها بس مشكلته قاسي ؟؟

.. ~ ..



شكـراً لكمـ جميعـاً ع المـرور ..
كان ودي اعلّق على كل يوزر لكن الوقت خالفني

:


.. " تسلمـون " ..

..