مقسومه لاكثر من جزء .. القصه ماتتكلم من مضمون واحد وانما قصه يعني للطفشانين
في اثناء قراءتك للقصه نحن غير مسؤولين عن اي مشكله تصير
يعني تجيك كحه وسط القصه لاتقولون هي السبب ,, مالنا دخل
بسم الله ندخل في مضمون القصه /
في أنحاء المعموره .. ولد شخصاً عاشق للهايلكس والددسن ..
من اثناء طفولته واول كلمه نطقها في حياته كانت [ أندومي ] !!
ترعرع مناحي بن صعفق في مدينه الثقبه .. تبناه صعفق لان والدي مناحي توفوا في حادث مروري
حيث ضربهم دباب ابو اربع كفرات اثناء ماكانوا في وقت رومانسي يلتهمون الاندومي والايسكريم
دخل مناحي للمدرسه من الصف الاول الى الصف الخامس في مدرسه وحده
كانت مدرسه حكوميه ممتازه . انتقل في الصف السادس لمدرسه مشهوره ومعروفه بالدجه
تعرف فيها مناحي بن صعفق على الكثير من الاطفال الممتازين وكان طالب مهذب
لكن انقلبت الاوضاع وتعرف على / ابو دمغه , مطحس , مرقوع بالصفعه , مبارك , قاتل النمل , واخيراً وليس اخراً سفاح الدجاج ..
بعض اصدقاءه كانوا يعرفون بالقابهم وليس بإسمائهم !
بدأ مناحي وشلته التي كان يرأسها الزعيم ابو دمغه .. بحركاتهم القذره ..
بدأوها بتعذيب نمله من تخطيط قاتل النمل . حيث مسكوا نمله حطوها في كاس مغلق وله فتحات صغيره
ويرشون قليل من الباف باف لـ تتعذب النمله ولا تموت !
ثم وضعوها في الفرن لمدة 10 دقائق .. ثم اخذوها وقطعوا رجلينها وايدينها
ثم بعد 5 شهور قتلوها بالشنق !
كان يعرف على شلة ابو دمغه .. القوة والصرامه , ودائماً ماتهزم باقي الشلل في المدرسه
بعدها انتقل مناحي للصف الاول المتوسط .. وانتقلت شلته معه لنفس المدرسه
ماعدا ابو دمغه .. فـ اختاروا الشله مناحي ليكون رئيسهم !
بعدها كبروا الى ان اصبحوا رجال عرفوا بالشهامه .. ولم يفترقوا مدى الحياه !
ندخل الان في معمعة الدوامه
اصبح مناحي رجل شهم وليس عربجي ولكن مرات يمزمز على حركات الابتدائي
مناحي كان لديه اب و أم .. ابوه صعفق وامه منى <--
عرضت منى على مناحي انها تلقى له الزوجه المناسبه .. لكن مناحي رفض
ورفضاً باتاً ايضاً
وذهب لغرفته ليتابع مسلسل توم وجيري !
فجأه ومن غير علم مناحي وبحركه خطافيه من هجمه مرتده ..
رن جوال مناحي وكان البصمه
اثر الي اتصل هو ابو دمغه !
ويرد مناحي بكل فرحه واصرار وعزيمه
مناحي / وينك فيه يلعن ابو شكلك
ابو دمغه / يالله حي ذا الصوت ..
مناحي / هاه
ابو دمغه / هاه وشو .. ايه كيف حااالك
مناحي / بخير ياخوي وينك يالقاطع ؟
ابو دمغه / والله الاحوال
مناحي / اوه اي صح الاحوال بخير الله يسلمك < < <
ابو دمغه / لا أقصد المشاكل والهموم تعرف الدنيا وبلاويها !
مناحي / ايه والله ياخوي .. تصدق ان هالدنيا من جد عرفت انها ماتستاهل الواحد يعيش لها
ابو دمغه / افا وراه ياخوي
مناحي / يعني من جد موضوع خطير جداً !
ابو دمغه / ياخوي خوفتني وش السالفه !!
مناحي / تصدق هالدنيا ذي اجبرتني اكل اندومي بنكهة الدجاج ؟
ابو دمغه / ضف وجهك ابوك ابو من يتصل عليك !
طوط طوط
وعاد مناحي لهمه الاول
فالتهم مناحي مخدته وعضها ونام !
قام الصباح وراح وركب سيارة احلامه الهايلكس وطلع
يوم مر من عند بيت الجيران .. كانت بنتهم تبي تطلع تروح المدرسه
وشافها مناحي وشافت مناحي .. ووقفوا يطالعون بعض
فجأه طلعت ام البنت وحاست الوضع وتركوا بعض ومشوا
قام مناحي شغل اغنية [
صدفه ومن بين كل الناس علقني
من يوم شفته وعيني جات في عينه
حسيت شيء بعيونه حيل يجذبني
ولما ابتسم انا وجهي مدري وشو تلاوينه ]
ونفس الشيء طلبت البنت من السواق يشغل هالسي دي ويسمعونها مع بعض
رجع مناحي لبيتهم بعد المدرسه يفكر فيها ..
ثم بعد العصر طلع للسطح يغير جو شوي .. ويتنفس !
لمح بنت جيرانهم جالسه وتتأمل
فعلطول وبحركه خطافيه نزل راسه وصار يطلطل
وتأمل فيها واعجبته .. فجأه حس انه يبي يعطس
فجأه . اتشوووو .. عطس !
التفتت البنت بسرعه وشافته وقامت توزت
بعدها طلعت مره ثانيه شافته يدورها .. طلعت له وشافها
قام يناظرها وتناظره .. كلن لازق بالسور !
قال مناحي / من يقول الزين مايكمل حلاه !!
استحت البنت وقالت / من قلبك ؟
مناحي / من قلبي وروحي وعمري وحياتي وكل شيء
البنت / وي وي خلاص ذبت
مناحي / ياويليييييه .. وش اسمتس يابعد خطاريش اهلي
البنت / انا ؟ .. انا صيته
مناحي / وااااااااوك .. مناحي وصيته يازينهم
صيته / يالبى قلبك
مناحي / صيته ..
صيته / لبيه !
مناحي / احبك !
صيته / كذا علطول من اول مره !؟
مناحي / حُب من اول نظره !
صيته / يالبى قلبك .. حتى أنـا أحبـ ..
مامداها تكملها الا وصوت باب السطح ينفتح !
ياترى ! من فتح الباب ؟ .. وهل عرف بسالفتهم وهم اول مره يتكلمون
ياترى ! هل مناحي راح يبقى يحب صيته ؟
26-10-2007, 06:03 PM
[ مناحي والحـب الوحيـد ] ( 1 )
العرض الشجري
