الحين يوم تجون تتكلمون مع شخص عن حياتك وتفضفض عنده ..
تشوف انه أهل لثقة وفجأهـ يجيك كلامك اللي قلته من ناس ثانين ..
يقولون لك ليش تقول هالكلام ومدري وشو ويعاتبونك اكيد ..
وانت مب لمهم ..منقهر من الشخص اللي كلمته
وانت اصلن قلت الكلام اللي قلته بلحظه غصب يعني ماتقصده حرفياً
بس تبي تطلع اللي بقلبك لكن للأسف أخترت الشخص الغلط..
ولا كله كوم واللي يزيد بالكلام كوووم ثاني ..
يعني يوصل كلام ولا عمرك قلته ولا تفكر تقوله بس الناس تحب تكثر بالكلام ..
لمتى بنظل على هالحال .. يعني ابي أعرف شيء الحين كل واحد فينا اكيد فيه
"غريزة اللقافه" بس لقافه عن لقافه تفرق
يعني لو انت تحس انك مب أهل أنك تحفظ الكلام اللي يجيك ولا تقدر تحفظ اللي ينقال لك
قول لا تكلموني "مب شرط تقولون لاني مااقدر احفظ سركم"
قولوا ان الكلام ما راح يودي ولا اجيب وانك ماعندك القدرة انك تجيب حلول ..
ولا يوم تروحون تكلمون الشخص اللي فضفضت عندهـ يقولك ما تكلمت ..!!
خييير اجل من اللي تكلم وانا مب مكلمه احد غيرك .. !

وفيه ناس يوم تشوفهم يدخلون قلبك بسرعـه تحاول تتقـرب منهم يوم تشوف عندها هموم
وتبي تساعدهم لانك تحبهم ودخلوا قلبك يعني .. لكن للأسف تُفسـر محاولة مساعدتهم غلط
وانك تبي تتقـرب لمصلحة أو شيء زي كذا .. انا ما اقول ان الناس ما يتقربون عشان "مصلحة" ..
بس ليش داايم ينحط سوء الظن الأول .؟!
يعني انا اتوقـع لسببين ..
1) ممكن اللي حولهم يحسسونهم بهالشيء وانك انت محد يقرب لك إلا أن كان يبي مصلحة ..
2) ممكن الشخص يؤمن بالمثل اللي يقول "سوء الظن من حسن الفطن"
ولا انتم ولا رايكم ..؟!

خلوني اجيب العكس ..
فيه أشخاص تحس انهم يتقربون منك وانك مبسوط بهالشيء وما أسأت الظن فيهم بالعكس
رحبت فيهم وانبسط فيهم ومبسوط ان فيه احد يحبك خخخ
"طبعاً أنا ما أقصد الحب هنا "بحب الغرام" بين الولد والبنت اقصد لو انتي بنت يعني جتك بنت ترتاح لك ..
وخلوني اكون معكم فري شوي ولو ولد مافيش مشاكل "
نرجع لمحور حديثنا
ومع الأيام ترتاح لهم حيـل وتفضفض لهم وتقولهم كل شيء بحياتك
لكن مع الأيـام "بقدرة قادر" يتحولون لأشخاص غريبين عنك ..
يتغيرون عليك بدون سبب ويوم تحاول تعرف السبب ما يعطونك مجال "يصدون عنك"
وتكتشف انهم كانوا يشوفون وش نقاط القوة عندك والضعف عشان يستغلونك فيها ..
وانت يوم تعرف انهم تقربوا منك عشان يستغلونك أكيد بتتحطم ..
وممكن من صدمتك بهم تتحطم وتنتهى وممكن العكس هالشيء اللي صار يقويك ويخليك اقوى من قبل .!
انت لو كنت مكان هالشيء "تتوقع" بتضعف ولا بتقوى ..!
طيب وش يستفيدون من هالحركة ..؟! :(
يعني وش الشيء اللي انا سويته عشان يسوون فيني كذا .. ليش الأستغلال ليش تعامل اللي عاملك
زين وحطك على راسه بهالاسلوب ..؟!
اتوقـع هالشخص مريض نفسياً يبي له يروح لـ دكتور نفسي ولاشيء ..
من الكلام اللي فوق بكل الحالات بتتعب .. لو اسأت اظن ولا ما اسأت ..
طيب وشو الحل ..؟!

يعني جد تشوف بهالدنيا أنصاف نـاس "تكره الدنيا منهم"
تتوقعون بهالحاله من نلوم الزمن ولا الناس ..؟!
الزمن تغير والناس تغيرت معه وش سبب هالتغير ..؟!
ليش يوم عن يوم تزيد المصايب والمشاكل والهموم ..!
جد شيء غريـب يعني ليش مانكون زي اهلنا بـكل شيء ..:/
انتم تحسون بالتغير ولا بس لحالي انا ..!

أحس اني أسولف مع أصايل خخخ ..
سيّا..