بسم الله الرحمن الرحيم


السلام عليكم ورحمة الله وبركاته



في البداية احترت وين احط موضوعي المجلس او صوت جماهير ياسر والله يعين آزهلها والمزن الهلالي علي لكن قررت ان يكون هنا لانه اكثر زيارة من الجميع والسبب الثاني راح اذكره لاحقا..!!



اول شيئ احب اقول عن نفسي وعن اغلب الاعضاء الموجودين ان الاعضاء والمشرفين هنا في الموقع على قلب واحد..!!


ماحصل اليوم من تجريح احد المريضين نفسيا (نسأل الله له الشفاء العاجل والهداية له) للاخ العزيز روبن هود او اي مشرف او اي عضو امر لانرضاه من اجل قسم العاب لاراح ولا جاء..!!


طالب بالليوان وياليت المسألة وقفت على كذا لاااااااااااااااااا هنا البداية ..!!


من قريت اسمه وانا ودي اهفه بالكوب اللي جنبي صراحة..!!


من اسمه تطاول على شخص ومو اي شخص..!!

شخص يعمل بالخفاء لايريد منا ولا شكورا..!!


يعني هواش ولعن وقلة حياء وفي النهاية يبغى الليوان ومن جمله المأثورة


(انا ما اقدر اعيش دون الليوان)


بالله هذا وش نسميه؟


من جد يبي له علاج نفسي بالسرعة القصوى بعد..!!


والحمدلله اعضاء كثيرين ماسكتوا عن المريض نفسيا الله يشفيه ويعافيه ان شاء الله وهذا الامر راح يصير سواء ان المتهجم عليه اي عضو كان او اي مشرف وش لون لو انه روبن هود؟


الصراحة لو اني مكان روبن هود وكل هالكلام جاني والله يبطي عظم صاحب الكلام يرجع له الليوان عقب التجريح في شخصه وعلى ما اظن هو حاليا مطرود من الملعب او راح ينطرد عما قريب ان شاء الله..!!



المشكلة عندنا ناس فيهم خفة عقل الله يصلح بالهم على بالهم ان المنتدى اسمه (منتدى الليوان) ومهوب لياسر القحطاني..!!


اي نعم انا كنت من اشد المطالبين بالليوان وماكنت مقتنع بحلول الادارة في ذاك الوقت لكن اليوم كلام اول تحول..!!


مانبي قسم يسبب امراض نفسية..!!

مانبي قسم يخلي كل من هب ودب يتهجم على اي عضو في هذا الصرح الشامخ..!!


اي نعم القسم للتسلية والترويح عن النفس لكن يتحول من اساسيات المنتدى هذا مايصير..!!

من يبغى الليوان يفكر في نفسه شوي..!! :


لو انا مراقب عام وكل هالشتائم جائتني برجع القسم لهم؟


اتحدى لو كانت اجابتك نعم ولو فعلا صارت فانت انسان غير عادي..!!



عن نفسي اقول لا ولا ولا لليوان بعد كل اللي شفناه اليوم من مهازل..!!


اعضاء طلعوا علشان الليوان نقول لهم مع السلامة..!!

اعضاء يبون المنتدى علشان الليوان فقط نقول لهم بررضو مع السلامة..!!



يعني اتمنى محد يفكر انه ابخص من الادارة بهالامور واليوم شفنا كيف الشكاوي تصير من اهانات وتجريح وماخفي كان اعظم..!!


يا ادارة الملتقى عن نفسي انا من ايدكم هذي لايدكم ذي ;)


وان شاء الله نشوف الجديد في رمضان..!!


همسة لبعض الاطفال..!! :


لاتستبعدون عودة الليوان لان عندنا ادارة نحسد عليها صراحة مع كل اللي سووه بعض الاعضاء من تجريح لكن ادارة الملتقى لن تتردد عن اعادته اذا رأت انه مفيد للقسم وايضا اخلاق الاعضاء ..!!

يا ادارة الملتقى حنا معكم قلبا وقالبا وان شاء الله على قلب واحد..!!


اعتذار مني كمطالب سابق بالليوان لروبن هود على مابدر من السفهاء منا وترا اللي مايعرفك يجهلك ياروبن هود ..!!


آزهلها: تحملنا اليوم لايجيني كرت احمر تغطي فيه على الموعود<<<<<< بينجلد اليوم


واصلوا تميزكم يا اعضاء ويامشرفين ويا ادارة


اللي معاي حياه الله واللي ضدي يتذكر وش صار اليوم او يدخل على الكرت الاحمر يشوف الهوايل اللي فيه..!!


ومنتدانا ان شاء الله فووووووووووق كل حاقد او مندس او مخرب ;)

كلامك عين العقل ...

نحن موجودن في هذاالمنتدى من اجل حبنا لياسر لامن اجل بعض الألعاب ومن يريدها فالمنتديات كثيرة وفيها مالذ وطاب من الالعاب

وبالنسبة لماحصل اليوم من تطاول احد الجهال على الأخ روبن هود

يقول الشاعر:
اذا اتتك مذمتي من ناقص **** فهي الشهادة لي بأني كامل

مشكور اخوي زعيم

اخوك
بدر

الســلام عليــــكم ..

عـزيـزي / زعيــم ...


ثلجـت صـدري بكــلامـك .. وبمـا إنك كـنت آول المطـالبين برجـوع الليـــوان ,,


السفيـه الي دخـل وسـب روبـن هـود .. للإسـف ما يـدري إنه بكـلامه هـذا يمسح الليـوان من راس روبـن ,,

وللإبــد ,,

وما آبي آتكلـم فيـه واجــد .. لإنه ماهـو بكفـو ولا يستاهـل إني آكـتب له ,,

وآقـول لروبـن لا يهمــك .. (( راس مـــاله يسبـــــــك يا روبـن )) ,, ;) ..



آشــكرك زعيـم .. ومثـل هالمواضيـع .. تبطـي تروح كــرت أحمـــر ,,


الـف شكــر لك عـزيـزي ,,...


وحنـــا علـى قلـــــب واحــــــــــــد ,,

والله انا مع الرغم اني موقوف من قبل الادارة لكن احي الادارة عل ى قرار ايقافي لاني ربما غلطت وانا لااعلم فهما من صلحو غلطي
اخواني انا حبيت منتداكم ولذلك سجلت باسم ثاني وهوا دلوووع وكما تعرفون اني اسمي بحور
لكن الادارة وانا احترم رايها
والله الادارة من روبن هود الرئيس الى اخر مشرفه قبل يومين سارت مشرفه اختي المزن الهلالي والله كم اكن لهم الاحترام والمحبه
والليوان مو لازم لان نحنا هنا عقولنا اكبر من الليوان الله يخلي المجلس نتناقش فيه احسن من اللعب الفاضي

وانا اقلك الليوان لزيادة المشاركات بس

الف شكر لك يامبدع

وش الساااالفه صار لي اسبوع مادخلت المنتدى علشان المدرسه بنت ال*** قولولي وش السالفه مجنووووووووووونة يااااااااااسر

كلامك درر اخوي زعيم المنتدى منتدى ياسر مو منتدى الليوان
واللي صار كان من واحد مريض نفسيا ما عنده سالفه
لا عدمناك

ياهيك أعضاء ولا بلا

فعلا" نحسد على امثالك يازعيم هلالي والله أنا ناوية أرسلك رسالة شكر على اللي سويت اليوم انت قاعد تطارد معي العضو السفيه هذا .....


بس الحمد الله انتهى موضوعه ولابعد!! يتحدى ويقول خلهم يطردوني بدخل بأسم ثاني فعلا" أهل العقول بنعمة ..

واللي صار اليوم اثبت لنا فعليا" اننا على قلب واحد ..وليس قسم العاب يفرقنا ..

واثبت لنا ان الأعضاء يحبون مراقبنا الغالي روبن هود الذي لم يكن هدفه في يوم من الأيام ان يضيق عليكم بل كل هدفه مصلحة الموقع وحفاظا" على رقيه ومنعا" للمشاكل بين الأعضاء ..

وروبن جبل ومايهززززززززززززك ريح ..

بالنسبة للعضو السفيه لاتصدقون عشان قسم سوى هذي الصجة هذا في باله شي ..ومحمل حقد على الموقع كله بس روبن كان هو الأسم المتاح له ......

وروبن ترى كلنا معك وتحت أمرك وشورك وانت ماتتخذ شي إلى اكيد لصالحنا ..........

وبالنسبة للكارت الأحمر يازعيم هلالي ياليت في قسم الكارت الأبيض بدل الليوان عشان احط موضوعك فيه .....


ودمتم جميعا" على قلب واحد ...

المزن الهلالي

..
اخوي زعيم.. كلماتك تثلج الصدر والله..
الله يعطيك العافية يالمبدع .. لاعدمناكــــ..
..

ياهيك أعضاء ولا بلا
الله يعطيكي العافية اختي المزن .. طيب والي ماعنده اسلووب حلو .. وطريقة في الطرح .. خلاص ماله اي داعي بالمنتدى.؟
..
اخوي رووبن هوود .. ياجبل مايهزك ريح.. كلام هذا الشخص ما يأثر فيك .. ولا مليون مثله .. دمت لنــا..
..
واخيـــــراً..
سواء كان منتدى الليوان موجود.. ام لا ..
السفهاااااء موجودين بكل مكان..
يعني .. على الاقل في الاسبوع اكثر من مرة .. بتنطرح مواضيع مالها داعي .. كلها سب وشتم..
وما اتوقع بنظري .. وجود الليوان او غيره بيمنعهم..
..
وعموما انا مع الادارة وقرارتها.. لما فيه مصلحة للمنتدى.. شاكرة لكم جهودكم
..

واخوي زعيم .. جهدك واضح..
اعتذر على القصوور..

اخوي كلامك راااااائع -----


لاكن من وجهه نظري ----


ان مايستاهل ينكتب له موضوع


وتتعب نفسك عشان ناس فاقده العقل


---------------------------------------------------------------------------------------


يمكن الي يستاهل ينكتب له الموضوع هو اخوي روبن هود


واقوله لايهمك كلام ناس متخلفه



---------------------------------------------------------------


وانت قدها انشالله



والله يعينك



تحياتي

بصراحه زعلنا


بس مو مهم الليوان





المهم ان المنتدى نبقى فيه اخوان



وبس



شكراا



لاداره المنتدى

مشكورين كلكم على تواصلكم


اخوي المراقب العام شاكر مرورك وانا فعلا كنت من اشد المطالبين بالليوان اذا ماكنت اشدهم بعد لكن من جد حرام اتعب علشانه وفي النهاية يضيع بالساهل مثل كذا اعضاء عفوا اشباه اعضاء..!!


استوقفني هالرد..!!

المزن الهلالي

ليش الرسالة اختي؟

بالعكس انا ماسويت الا الواجب والبركة باللي تكلموا بعد وعساك على القوة ان شاء الله رديتي عليه اكثر مني بعد


على العموم حنا على قلب واحد ومايفرقنا قسم العاب


تجمعنا على حب ياسر وماراح نختلف فيه بإذن الله


زين الموضوع على حاله مفي كروت حمر اشوا


شاكر مرور الجميع من اولهم الى آخرهم..!!