السـلام عليـكم ورحمـة الله وبركـاتـه
رمضـان , شهـر الخيـر وشهر الصيام ,
من فينـا مايحب رمضـان وطلتـه علينـا , تجمع العائله على الفطور
فرحـة التجمـع مع عائلتك , وكل واحد يضحك مع الثاني !
من الي مايبي رمضان فينا
يمكن الصيام يجهد بعض الناس , لكن لو كنت ماتفكر بالاندومي , فأنت بخير 
زي ماقلنـا كلنـا أكيـد نحب شهر الخير , شهر رمضان !
طبعـاً الي يخلي رمضان مميز عن الشهور الثانيه <-- موب العضو مميز <-- احلف 
هـو صيـامـه , وكل واحد يدور الخير فيه , لكن دايم تلقى مشكله عند البشر
المشكلـه هي العصبيـه الزايده عن حدها 
يعني العصبيه تكفينا في غير رمضان , ودايم تلقى صراخ
لكن اذا كان صايم , تلقاه 24 ساعه معصب , وانا انسانن قوي
يعني وبعدين ليه الصراخ , بالعكس لو صارخ يبي يزيد عطش وياكل تبن بعدها <-- شلون ياكل وهو صايم ؟ <-- انت مره ظريف
يعني حتى وهو يسوق السياره مثلاً
وتمشي جنبه , بس تتعداه , تلقاه عصب ويقعد يصارخ وانا صايم , طيب يعني انت لحالك صايم ؟
بشر غير مفهومين
وبعض هالناس , أول مايفطر وياكل , توه يحط التمر في فمه
علطول يولع الزقاره !؟
ياخوي وش ذا الادمان 
يعني تبي تدخن , اصبر افطر اول بعدين روح دخن , طبعاً موب كل المدخنين
بس بعضهم
الى هالدرجة تشتاق للزقاره
الله يكفينا الشر بس
الفطـور , وي وي وي
أحلـى شيء الفطـور , قولوا لي ليييش <-- لييييش يابطل ياشاطر <-- الله انعم عليك بـ ظرافه غير طبيعيه
احلى شيء لما تكون صايم مرره , وجوعان خلاص ماتقدر ,
وفجأه تطب وتلم الطاوله كلها
شوربه , سمبوسه , سمبوسة جبن , اصابع دجاج , كلش كلش
بعدها تحس انك بني آدم
زي لما تلعب كوره وتتعب وتعرق والعرق يصبصب مره , وتروح البيت
وتطب في البانيو وتتروش
اول ماتطلع تحس انك بني آدم صدز , تحس انك ريشه
تحس انك انسان جديد , تقول الي قبل شوي موب انا
يعني فيصل لما يسبح تشوف شعره يتطاير من الفرحه
وخصلات شعره تتمدد , ويظهر فيصل كـ القمر
برايفت فيصل /
أحبك 
برب بأروح افطر خبركم انا في الخبر وأفطر قبل اهل بعض الناس
وبعدين أقهرهم
برب أفطر وأرجع أكمل
باك ,
واااوك بطني مليـان ,
احسن شوفوهم الحين , مزنه ومعها المزايين <-- مسك خط
وش كنا نقـول ؟ أيـه صح عن الفطـور 
بس خـلاص قضينـا
وش نتكلم عنه يارب وش نتكلم عنه
يله خلنا نشوف دبره
المـسلسـلات في رمضـان ,
طبعـاً أكثرنـا يتابع المسلسلات , وبعضنا مايتابعه ولا يبيهم !!
طبعـاً ما أنكر اني اتابعها
بس المسلسلات الي اتابعها كلها بعد الفطور بس , طاش , بيني وبينك , باب الحاره ( موب مره يعني ) , نمر بن العدوان ( سابقاً )
بعد ماصار المسلسل شين مره ,
وأكثرنـا يعلق على هالمسلسلات ,
لكـن هل المسلسلات هاذي تلهيك عن اداء بعض الفروض ؟
ما أعتقد أننا نقدر نلهي نفسنا الفروض لعيـون التلفزيون
العشـر الاواخـر ,
العشر الاواخر على الابواب
لازم كل واحد فينا يجهز نفسه 
, فـ في يوم من الايام راح تكون ليلة القدر ,
ولا ننسى صلاة القيام ،
فـ في العشر الاواخر لازم نزيد من الافعال الطيبه , والله يوفقنا أجميعن ان شاءالله , قولوا أمين
حسنن
أعتقد ان الي كتبته يكفي كذا
نجي للأختبار الشفوي والتقويم المدرسي <- وش تبي بالحياه انت
الأسئلـة /
1/ كيف استقبلت رمضان , وكيف حياتك فيه
2/ العصبيه الزايده , وش رايك فيها كـ شخص
3/ الي يولع الزقاره بعد الفطور علطول مايستنى , وجهة نظرك فيه
4/ وش رايك بالفطور , وايضاً وش رايك بـ خصلات شعر فيصل تتطاير
5/ المسلسلات في رمضان , انت من متابعينها ولا كيف وضعك
6/ <-- ياكثرك
خلاص 5 يكفي
كتبـّه /
زيـآد
29-09-2007, 06:15 PM
[ يـازيـن رمضـان ويازيـن أيـامـه , والله يقدرنـا علـى صيـامـه ] !
العرض الشجري
