بسم الله الرحمن الرحيم

السلام عليكم ورحمة الله وبركاته


نعم سقط الكبار..!!


قبل كل شيئ علشان نبعد عن التعصب شوي انا في الليغا مو متعصب لفريق وان كنت اميل لبرشلونة واتليتيكو مدريد شوي لكن تقدرون تقولون اني حيادي في اللا ليغا

سقط الريال امام اسبانيول والكل شاف الحكم المهزلة..!!

وتستمر مهازل التحكيم في اسبانيا..!!

وشفنا تمريرات ضائعة من بيكهام وغرافسين والباقين يعن الريال صراحة دون زيدان مع احترامي لعشاقه لاينافس حتى على المركز الثاني..!!

ولا ننسى ان التحكيم في مباريات الريال لها دور وكبير بعد لكن مو معقولة ماقدروا يجيبون اهداف..!!

بس الحكم عقب صافرته ضحكت عليه ذكرني بدلاخته بحكم الهلال والنصر يوم حسب فاول للهلال وحوله للنصر :p

الله يعينكم ياعشاق الريال على المهازل اللي تصير ضدكم ومعكم بعد..!!

لوكسمبورغو هذا المدرب ياناس ماهضمته من يومه جاب ربعه للريال خلاه منتخب البرازيل الرديف :D ولا خلا لاعب في مركزه تقديم تأخير يمين يسار والله لعوز الفريق والريال مع اني منيب احبه ذاك الزود لكن الريال كبير وعريق جدا والريال اكبر من مدربه النكبة


نجي لبرشلونة ومو اهون من الريال معهم نكباتهم الخاصة يعني ماحدش احسن من حد :p

اوليغوير هذا اللاعب تنكة بشكل لايوصف..!!

نعنبو بليسك جهتك صارت شوارع من بيتروف بس اموت واعرف بوش كنت سرحان يالدب :p

والمدرب ريكارد النكبة الثانية الحين تطلع ماركيز وطببت لارسون؟ :confused:

ياتنكة زيت مصدية :D رجع ماركيز للدفاع جنب بويول وطلع النكبة اوليغوير وطبب بيليتي مع انه هو الآخر نكبة بعد لكن على الاقل مركزه ويمكن يقدم شيئ افضل او يطبب داميا ويعطيه فرصة

انا ماهضمت وجود ماركيز ارتكاز لحاجة برشلونة لقوة دفاعية اكبر بويول لحاله صعب يسوي كل شيئ ويجي النكبات الثانين يخربون اللي سواه يعني لو يرجع مع بويول اعتقد الدفاع راح يصير اقوى بكثير..!!

اما ديكو سبحان الله هو ترمومتر الفريق متى ما انخفض مستواه طاح البرشا ومتى ما ارتفع بدع البرشا

لكن احيي المدرب بيانكي الثعلب الابيض على التشكيلة الرائعة وعرف يضبط فريقه وعندي احساس ان اللاليغا لاتليتيكو مدريد لوجود النينو وبيتروف وكيزمان وماكسي والمدرب بيانكي هالشيبة والله انه اطلق من ريكارد ولوكسو :p


ميلان لاتعليق وماشفت المباراة ولا ادري عنه يعني منيب متفلسف على غير سنع ;)


مانشستر يونايتد وليفربول القمة صراحة


كنت اتمنى الفوز للمان لكن النقطة حلوة مرة خصوصا على ارض الليفر


الوسط الليفربولي طبق طريقة الضغط على حامل الكرة بشكل ممتاز


كين للاسف ماكان ودي يلعب وهاهو عاد للاصابة مرة اخرى بلاش النقطة هذي ونستفيد من اكثر من هالنقطة في مباريات جاية معه

فان دير سار ابداع بلا حدود وياكثر ماحطيت يدي على قلبي من شوتة جيرارد وشوتات غيره :p

ولاننسى ريو وسلفستر واوشي اللي ابدعوا ولايهون ريتشاردسون

اما سكولز للاسف ماصار سكولز الاول الشوط الثاني تعبان تمريرات ضايعة لياقة ضعيفة


رينا مرتاح لآخر حد مافي مضايقات تذكر والبركة في الوسط اللي عذبنا صراحة


ولا اعتبر مباراة المان سقطة لكن دخلتها مدري شلون :D


آسف على الاطالة عساني الحق على صلاة العصر بس

الله يعطيك العافيه

وخلاص الظاهر اوربت بينكـسلون الشتالي وياخذونك هههههههههههههههههههههه


الله يعطيك العافيه على التحليل انا معك ريكارد مره ودي احطه فوق راسي وايام ودي احوله على المريخ السوداني ..


اما الريال لا تعليق !!!


تحياتي الارنب الازرق

مشكور أخوي على التحليل الفني <===================== صار طارق ذياب على غفلة خخخخخخخخخخخخخخخخخخخ

أولا: ريال مدريد خسر من أسبنيول ما خسر من أتلتكو مدريد في فرق أخوي بين الفريقين
بصراحة فريق الريال إذا غاب زيدان ضاع الرياال
ثانيا: برشلونة خسر من فريق قوي يونافس على الدوري وأتلتيكو أستحق الفورز



تحياتي لك,,,,

هلا قناص

طيب وانا قلت غير كذا؟

شف الرد اللي تحت:

أقتباس

سقط الريال امام اسبانيول والكل شاف الحكم المهزلة..!!

الغلط جايز اخوي لكن كلامي صحيح والحمدلله ماغلطت وشاكر مرورك

أقتباس

مشكور أخوي على التحليل الفني <===================== صار طارق ذياب على غفلة خخخخخخخخخخخخخخخخخخخ

هههههههه ماصارت ذي مرة في اوربت ومرة في الجزيرة رسونا على بر عاد

الله يعطيك العافيه وهاردلك للبرشا .