][ .. خلف هذا الباب .. عآلم بلا شياطين .. ][ - شبكة القناص

الــنــمــروٌٍوٌٍوٌٍد · 07-09-2007, 04:58 PM

بسم الله الرحمن الرحيـم

هانحن نقبل على شهر مـن أفضل الشهـور
شهـر تضاعف فيه الحسنات
شهر أنزل فيه القرآن .. وفرضَ فيه الصيآم
شهر أوله رحمة .. وأوسطه مغفرة .. وآخره عتق من النآر .. ،

][ القرآن في شهر رمضآن ][

أقتباس

كان بعض السلف يختم في قيآم رمضان في كل ثلاث ليالٍ
وبعضهم في كل سبع
وبعضهم في كل عشر

وكان سفيان الثوري
إذا دخل رمضان ترك جميع العبادة
وأقبل على تلاوة القرآن .. ،

الله يخلف علينا : /

حنا إذا أقبل رمضان أقبلنا على طاش وباب الحاره : /

سؤآل

هل أنت من ختآم القرآن في شهر رمضآن .. ؟!

][ الأسواق ][

خبركم بهالشهر الأسواق مليانه عن بكرة أبيها إستعداد لعيـد الفطـر

ويبدا التخطيط من قبل شهر رمضان اليوم الفلاني بروح للسوق الفلاني

واليوم اللي بعده بطس للسوق ذاك عنده بلوزه رصاصيه وبكله تناسب مع لبس ثاني العيد

<- مشوار

أنا عن نفسي .. أهلي يخلصون أشغالهم وملابس العيد كله قبل رمضان.. ،
عشان برمضان يتفرغون مرره ولا يشغلهم شي .. ،

أنتـ/ـي من اللي يمتّـر الأسواق في رمضـآ‘ن .. ؟!

][ اليوم الوطني ][

هالسنه بيصير برمضان يعني مافيه وناسه مثل العام

وبحكم إنه بيصير يوم أحد يعني أحسن شي إنك تسير على الشرقيه من يوم الربوع
والسبت يصير على الحساب

<- جاهز

أنا صراحه أتمنى إنه يوم أحد عشان نسير على الشرقيه مبطي ماشفت زياد <- أخس يالواصل

وين ناوي عليه باليوم الوطني .. ؟!

هل بتكون بيتوتي مثل العاده .. أو بتطلع برا <- يعني تسافر

ولا بيكون يوم تطلع تدور فيه لين يدور راسك <- مايكره الدوران أبد

][ قيآم رمضآن ][

قآل رسول الله عليه الصلاة والسلام : (( من صام رمضآن إيماناً وإحتساباً غفر له ماتقدم من ذنبه ))

" نقاط سريعـة "

* ربَّ صائم حظه من صيامه الجوع والعطش ، وقائمٍ حظه من قيامه السهر .

* كلُّ قيامٍ لاينهى عن الفحشاء والمنكر ، لايزيد صاحبه إلا بُعداً .

" نهايـة المطـآف "
][ عيد الفطر ][

عيد الفطر سنه عن سنه يصير أشين واشين : /

ماش كل ماكبر الواحد يصير فيه أشياء صعب يسويها

يعني ودي أصير مثل ايام المتوسط أشتري دستة صواريخ

وكرتون كباريت

وحبة عابر قارات ذاك القوي انعن شكله

لكن هالحين وش عيدنا .. ؟ : /

أمسك القهوه للشيبان

وبعدها أنام لين العصر وهمن أمسك الخط بأهلي أوديهم للقصيم

أحطهم وأسلم على جدي وخوالي وأمسك خط الرياض على طول : /

ويروح يوم العيد كله وانا ماسك خط : /

أبوه من عيد خايس

أذكر مره من المرات بأولى متوسط كنت مستانس شاري شروخه واااجده

كنت ذاك اليوم أحس إني قوي مآآآآآره

معي كيسه كلها فحم <- نوع من انواع الشروخ والطرطعان

جيت أنا العب بالولاعه وشبيت بالكيس وأنا مدري : /

ومن زود الدلاخه مارميت الكيسه قلت يمكن ماينفقع <- منتهى الفهاوه

وينفقع كل الفحم اللي بالكيس

ويدي صارت تطلع دخان

<- لالا فلم كرتون ذا

تجي جدتي وتبدا تحط من هالخلطات على يدي

المهم إني صحت شوي ونمت

هل أنت من الناس اللي يقظي يوم عيده وهو ماسك خط .. ؟!

قد صرت مفهي مثلي وراحت يدك وطي .. ؟!

وين ناوي تعيـد .. ؟!

" قفلة "

][يكفي عندي عزة نفس أموت وتبقى هي حيـة ][

سبحانك اللهم وبحمدك .. أشهد أن لاإله إلا الله .. أستغفرك وأتوب إليك .. ،

حرر يـوم
13 / 8 / 1428 هـ

**صاحــ السمو ــب** · 07-09-2007, 05:21 PM

.

.

.

وعليكم السلام والرحمة
يا هلا والله .. منور

أقول مو شكلك مضيع عنوان المجلس
الموضوع في البرواز حاطه

،،

تدري ،
الحين الله يعيننا .. قسم بالله انواع الزحام
الحين عندنا في مكه معتمرين وزوار ورمضان
ومدارس والعيد .. وربي من جد فله تنطق في السيارة
نص ساعة علشان تطلع من الحاره

خصوصًا لا منك جاورت شارع الحب وهالكلام

عاد انتو ما عندكم شيء في الرياض
يعني زحامكم في رمضان موب مثلنا
بس تدور لي عندكم شقة ايجار ؟

نجي للقص واللصق
قصدي الاقتباسات والأسئله

،،

اقتباس: