عنود الغيد .. الله يعطيك العافيه على طرح المتميز ..

اما بالنسبه للجامعه .. فهونيها تهوون .. انا نفس الشيئ تقفلت الأقسام في وجهي .. وتعقدت من كثر الكراسي اللي قعدت فيها في يوم التقديم .. لكن الله يعين .. الواحد مايدري وش الخيرة فيه ..

عموما الواحد لو يركض ركض الوحوش غير رزقه ما حيحوش ..

الخدمه الإجتماعيه !!! والله ماعندي خلفيه لكن دام إنك دخلتيه فأكيييد راح يكووون زيييييييييييين ..


دمتي بود

وعليكم السلام والرحمة

حياك الله غيدا والحمد لله ع السلامه...ومبروك القبول اولا

شوفي ياقلبو مالة داعي تضييقين صدرك ولا شي هذي المشاعر طبيعية في هالمرحلة من محبتك لصديقاتك

والمرحلة الجامعيه مختلفة عن المدرسة ولها متعه خاصة وراح تتعرفي على صديقات جدد ومايمنع انك تشوفي

صديقاتك كلها مكالة جوال وتتجمعون ...

انا دخلت الجامعه مع صديقاتي نفس القسم وتعرفنا على صديقات جديدات صدقيني اول ترم بس بتتعبين فية

وبعدها راح تاخذين على الجو..

وبالنسبة للواسطة تعبنا واحنا نتكلم عنها ومافي فايدة شي يقهر والمشكلة انها على عينك ياتاجر ؟؟

أقتباس

* تم جدع صاحبه الموضوع في قسم ما تدري وش

يبيعون فيه ..

موفقه يارب بس اذا القسم ماحسيتي نفسك فية مثل ماقالت المزن حولي قبل الامحتانات والترم يتعوض اهم شي

تتخرجين من قسم يناسب طموحك وتجيبين معدل حلو

والله يوفقك غيدا

CC

عنـود ..

جبتيهـآ ع الـجرح



كنت أظن وكنت أظن وخآآآآب ظنّي ...


تخيلي انك تروحين متحمسه لإنك تسجلين في قسم تتمنينه من زمان

وفي النهايه يحطونك بقسم التاريخ .. ومو أساسي بعد إحتياط


->

بس بإذن الله انو بحول أو ماراح ادرس الكليه

عنود ..

ربي يعينك .. ويعيننا

يـ ع ـطيك الـ ع ـآفيـهـ ..

||CC ||

اهلين عنود

هونيها وتهون خيتو :/

ومن متى التعليم صار يمشي على اسس سليمه

الجامعه شختك بختك
سالفة استحقاق قليله
واللي ما معوش ما يلزموش

بس نصيحه يا غيداء من اختك اللي جربت
اذا القسم ما حبيتيه او ما لك فيه رغبه
واذا فيه امكانية تحويل حولي افضل لك ،،

الله ييسر امرك

آه يالجامعه وماأدراك مالجامعه ..!!

عنود احمدي ربتس بس على الأقل انتي انقبلتي مب اللي مااانقبل مثلي :(
والله قهر ثم قهر تتعبين في النهايه يقفلون على 94 % وانا جايبه 90 ياقهرتي بس
وربي انك جبتيها على الجرح ..
توكلي على الله بس زين انتس لقيتي مقعد مب اللي انكرشت ..
يبون واسطه آآآآه يالواسطه يااويلهم من ربي .. جعلهم يلقونها بين عيونهم ..
وزين مااحذفوتس للكليه مثلي :( ..
ادرسي يمكن التخصص يعجبتس وشكله له مستقبل ادعي ربك بس يوفقك ..
واذا طلع ماااش حولي ولا يهمك احد

بالتوفيق عنود ..

,,

وعليكم السلام ورحمة الله وبركاته

هلا والله غيدا

وربي حاسه فيك ..وموضوعك قلّب المواجع

حزنك على فراق خوياتك واللي انتي تمرين فيه شي طبييعي

الاغلبيه اذا مو الكل مرووا بنفس موقفك

وصدقيني مع الوقت بتتاقلمين مع الحياه الجديده والصديقات الجدد ..

اول ماتخرجت من الثانوي كانت نسبتي97 ادبي

ويمكن صدمتي كانت اعظم منك لاني ما انقبلت في الجامعه خير شر

اذكر اول مافتحت النت باخذ نتيجتي وكل صديقاتي اتصلوا علي ادخلي شوفي والكل انقبل ونسبهم في 80

كنت مره واثقه من نفسي واني بنقبل وبدخل التخصص اللي ابغاه

لكن صدمتني كلمه : الجامعه تعتذر عن قبولكم حظا اوفر <<< مستحيل انساها

جاتني زي الصدمه بعدها جلست ابكي انو تعرفين قهر اتعب واخر شي هاذي نتيجة تعبي

قلت لاهلي خلاص بجلس في البيت لاني بجد تحطمت ويأست وحسيت اني فاشله

راح ابوي للجامعه ودخل على عميد القبول وقاله بنتي نسبتها كذا وما انقبلت

تتوقعين وش عذرهم

يقولون حنا نقبل الكل فوق ال80 وبعدها نطيح مجموعه اسماء عشان بنات الواسطه

وانا من سوء حظظي طاح اسمي معهم .. تفاهم معه ابوي وقاله مايصير كذا

المهم انهم اقبلوني بعد الموت

والحمدالله ماواجهت اي صعوبه في التخصص .. قبلوني في تربيه خاصه ومره مرتاحه فيه

ومع ان صديقاتي مو كلهم معي الا اني ما انقطعت ولاراح انقطع عنهم

وتعرفت على بنات كثار لان نظام الجامعه يخليك غصب تتعرفين ..كل محاظره معك بنات غير

وتاقلمت مع الوضع

وانتي صدقيني راح تتاقلمين

وبالنسبه لقسمك والله ما اعرف فيه شي للاسف !!

لكن انتي لاتقفلينها بوجهك يمكن يطلع كويس ويعجبك وترتاحين فيه

يعني لاتدخلين له وانتي حاطه ببالك انو وووع مستحيل ادرس في هالقسم وبحول !!

لا ادخلي كانك داخله التخصص اللي صدق تبغينه وجربيه

ماتدرين يمكن تكون خيره ويعجبك

وبالتوفيق لك ..


واسفه عالاطاله

CC

اهليييين غيداء << يا حلو اسمك
يذكرني بصديقة الطفولة

المهم ما علييينا

اول شيء : اقولك الحمد الله على السلامة
ثاني شيء : ليه مكتئبة يا قلبي
على الاقل انتي في نفس المدينة
يعني صديقاتك في اي وقت تقدرين تشوفيهم


لاكن انا لا
انا نقلت ورحت مكة
يعني احلمي اشوفهم

( بس المهم دراستك اكثر صديقاتك )
يعني فكري في اللي بتدخلينه

وبعدين انت معدلك اذكره مرتفع
مو مثلي ... 91 %
والحمد الله حرف الواو ضبط معي
ودخلت كلية العلوم من فوق اخشامهم

بس والله حرام ما اذكر معدلك بالضبط
بس اذكر انه مرتفع ....!

غيداء والله لو انا منك اجن
الله يعينك بس

وعن خدمة المجتمع والله ما عندي علم عنها
اسال لك واشوووف ok

تحيتي CC

عنود الغيد..

المرحلة الجامعية هي مرحله مختلفة جدا عن المراحل التي تسبقها..

وخصوصاً السنة الأولى من أصعب السنوات الجامعي..

اسألي مجرب..

أنا لازلت في السنة الأولى من الجامعة..

بالرغم من جميع التغيرات التي واجهتها..

الابتعاد عن الصديقات..

تغير اللغة ولا كلمه عربية في جامعتنا..

وتغير المواد..

ومريت بتجربة الدراسة في هذه الجامعة كأول دفعه في جامعتنا..

يعني مافيه احد جربها وقال لنا عن جامعتنا..

خصوصاً إن دراستي مكثفه لأنها سنه تحضيريه..

يعتبر تخطيّ المرحلة ناجحة بجميع المواد إلا ماده واحده هي معجزه بالنسبة لي..

والحين قاعدة ادرسها صيفي والأسبوع الجاي اختباراتي الـfinal..

لكن أنا أشوف الفرق بيني في الترم اللي راح وفي الترم الصيفي..

نفسيتي تغيرت 180 درجه..

وصرت أتقبل الوضع أكثر من قبل..

المسألة هي مسألة تعود وتقبل الواقع..

ارضي باللي دخلتيه وتمشين..

انسي انك من غير صديقات وتعرفي على صديقات ثانيات..

الدنيا ماراح توقف عند صديقاتنا..

كل اللي مريتي فيه أنا مريت فيه العام..

لكن إذا عندك قناعه انك تقدرين تكملين كملي وتمشين..

لكن إذا كل شوي تذكرين نفسك بأنك من غير صديقات أو في تخصص أنتي ما تبينه ماراح تمشــــــــــــــــــــــــــــــين..


أما نظام الواسطة الزفت..

فياما راح تعانين منه ونعاني منه..

قبل ما يبدأ التسجيل في جامعتنا الجديدة..

قدمت في جامعه الملك فيصل بالدمام ومريت في اختبار القبول..

وكنت واثقة إني جاوبت وراح أجيب معدل يدخلني القسم..

لكن وبكل وقاحة (الجامعة تعتذر عن قبولك)..

وفيه وحده اعرفها نسبتها للأسف ما تدخلها ولا حتى أقسام كليه التربية..

يوم اختبار القبول كانت تقول أنا جاية بس كذا تحصيل حاصل وإلا أنا مقبولة في الجامعة من أول..

نصيحه من أول الترم طالبي بالتحويل..

وأتوقع انك ما شاء الله جايبه نسبه تشفع لك بالتحويل..

أما إذا ما حولوك ارضي بما قسم الله لك..

والخيرة فيما اختاره الله..

لكن أنتي اقتنعي..

عنود الغيد..

حملت أحرفك وكلماتك نزفا حقيقيا..

وحزنا ملموسا لكن من قرأ هذه الحروف..

وتجربة حقيقة مر بها اغلبنا..

توكلي على الله..

دمتِ بود..

باك

غيودة نسيت اضيف شي
عن( الخدمة الاجتماعية )

ترى احلى مافيها
انه بتدرسك د- فوزية ابوخالد الكاتبه المعروفه اللي تكتب في( الرياض )

وعسل مرة

بس ان شاء الله انك تحولين قبل تدرسك ..

مشكوره اختي على الموضوع والله يعينكم وان شاء الله تتأقلمين

تقبلي مروري