من زمان عنكم فضفضه + رمضـان .. - شبكة القناص

ياسر العاصمي · 19-08-2007, 02:46 PM

بسم الله الرحمن الرحيم

مساء الخيرات لكم أعضاء منتدى النجم الغالي [ القناص ] ياسر القحطاني..
هلا بقسم المجلس القسم إللي أنا غايب عنه سواءا بالقرائه أو المشاركه أو المواضيع >> وش بقى
المهم

انا اليوم قلت لازم أنزل موضوع لازم على الأقل
أغير جو من الملل إلا أنا فيه
يمكن عشان أجلت ترم من شهر 1 وصار لي للحين 8 شهور ما عندي لا شغله ولا مشغله
يعني جو وحياة صارت ممله وروتين يطفش

المهم إحترت وش أكتب لقيت
إني أحسن شي أسويه أكتب عن معاناتي اليوميه

أول معاناة يا حبايبي

النوم/
والله العظيم يجماعه أعاني من النوم ذا بشكل مو طبيعي
انا في البدايه كنت أعاني من ساعات نوم طويله مثلا أنام قبل الفجر
أقوم من النوم العشا اجلس مع العيال أحس بخمول وكسل
وأحس إني أبي أنام ومانمت زين
وبعدها صار نومي ملخبط يعني مره أنام الصبح مرهـ انام بعد الظهر
ومره بعد المغرب
وكل يوم على هالحاله ما استقريت على نومه وجدول واحد
بعده بشهرين أو ثلاثه صار العكس
صرت ما انام صرت أعاني من أرق ومن قلة نوم
وقسم على ما أقولكم
صرت أجلس يومين ما اناموبعدها انام ساعتين واجلس يوم صاحي
وانام ثلاث ساعات ونفس الطريقه أجلس يومين صاحي وزي كذا..
ماعرفت الحل
يقولون عشان ترتاح في النوم
لازم فيه شروط:
اما النوم الصحي فيجب أن يتحقق فيه ثلاثة شروط:
أولها الراحةالجسدية.
وثانيها الراحة العاطفية.
والاخيرة هي الراحة الفكرية.

الراحه الجسديه في النوم
الحمدلله مقدور عليها وشي سهل..

الراحه العاطفيه:
الحمدلله زينه كل إللي أحبهم مرتاح معاهم..

الراحه الفكريه:
بصراحه ذا الموضوع قهرني يعني موضوع مستقبلي وبعدين وش يصير شغل بالي
خصوصا تقريبا هذي السنه الرابعه من تخرجت من الثانوي وانا من
جامعه
إلى
كليه
إلى
معهد
والحين المعهد باقي لي فيه سنه واتخرج يعني تقريبا في شهر 10 من عام 1429هـ
وانا من دفعة 1424هـ يعني ضاع عمري ع الفاضي..
بس إللي راح راح وحنا عيال اليوم

كني طلعت من موضوع في موضوع

المهم ذبحني التفكير قبل النوم وسوا لي قلق...

المعاناة الثانيه

زيادة الوزن

ياجماعه أنا زاد وزني بشكل مو طبيعي من 64
إلى 74 إلى رجع لمستواهـ وبعدين نزل الى 68
والحين في صعود<<< حشا مو بطن صالة أسهم
المهم انا قلة من كثرة الاكل خففنا
بعدها صدعنا ودوخنا
رجعنا ناكل كثير جت نفس المشكله
زياده ومشاكل في الوزن
اكتشفت انا الدلخ مو المشكله في كثرة الاكل او قلته
المشكله في نوعية الاكل
يعني حنا ما ذبحنا الا هالكبسه والوجبات السريعه
وكثرة النوم
تنفخ بطونا على الفاضي..
ماشاء الله على اهل الشام السوريين واللبنانين... الخ
تلقونهم مثلا الغدا مقبلات ومشويات اكل خفيف يعني
والعشا نفس الطريقه
تلقون عجايزهم
رياضه ومشي وحنا عزايم وذبايح ومفطحات ونوم
لا وتلقى فيني اللي يوصل الثلاثين تقول في الخمسين والسبعين
سكر وضغط وانواع الامراض ياكافي بس
ياليت نتعلم ونستفيد من هالاشياء
لا والحين رمضان ( الله ييبلغنا صيامه وقيامه يا رب)
انواع الاكل الحمدلله لك يارب
ويجيك وزني إما صك الثمانين ما اكون احمد
يعني بدال ما نصوم هالشهر ونتعبده
صرنا ناكل ونسهر ونوم ونضيع الصوم والاجر منا

رمضان

هالحين رمضان ع الأبواب وكلنا نستعد لهذ الشهر الفضيل
لكن المشكله الا تشغل غالبيتنا الدراسه بهذا الشهر
يعني بذمتك عاد احد يكون مصيف وباجازه وبعدها يدوام برمضان
يعني فيه ناس يتعبون وفيه ناس لا
بصراحه انا من الناس إللي عندي الدراسه في رمضان حلوه لاسباب تنظم وقتي ما تخليني أنام النهار إلا وقت محدد
يعني قبل الدوام نقرا قرآن وفي الدوام وقت الفراغ << مع انه المفروض دوم نقرأ قرآن بس الله يغفر لنا ذنوبنا
وغير كذا سبحان الله العلي العظيم راحه نفسيه غير طبيعيه
غير الايام العاديه
بس بعضهم ليه انا افضل ما يدرس في رمضان
تلقاها اذا داوم انواع السب والشتم ويحش في ذا ويتكلم على ذا
يعني بصراحه احس لو جلس في بيتهم ونام يكون احسن له ولغيرهـ على الأقل ما يجرح صومه..

عموما واخيرا
أتمنى إني ما أطلت عليكم الموضوع وانه كان خفيف على قلوبكم
بسس كنت متملل وحبيت أفضفض
وفي الأخير حاب أقولكم

نصيحه لوجه الله خصوصا ورمضان على الأبواب:

رمضان هو شهر انتصار الإنسان, بكل ما تعني هذه الكلمة من معنى, انتصار على الشيطان, انتصار على الشهوات, انتصار على السيئات, انتصار نفخة الروح على طينة الأرض !
رمضان فرصة لتغيير شخصياتنا إلى الأفضل, لتحويلها إلى شخصية ودودة أكثر اجتماعية, وأكثر تدينا, وأكثر تلاحما وترابطا مع أفراد الأسرة بل والمجتمع والأمة بأسرها..!
رمضان شهر الجود, وطيب النفس, ليس شهر الخمول والتكاسل وضيق الصدر والتضجر من كل شيء..!

عشان كذا افضل انا
يعني نبدأنتسامح نحاول نتقرب لبعض نغير من سلوكنا نكثر من العباده
واستخدام رسائل الجوال عن طريق التهنئه او المساعده على العباده
وانا ما نستغله في مسلسلات وكلام فاضي
وقسم المسلسلات بنلحق عليها
أصلا من ينتهي رمضان يعيدون كل المسلسلات إلى رمضان إللي بعدهـ

ولكم خالص تقديري أخوكم
bekham 23

19-08-2007, 02:46 PM	#1
ياسر العاصمي قناص عالمي	من زمان عنكم فضفضه + رمضـان .. بسم الله الرحمن الرحيم مساء الخيرات لكم أعضاء منتدى النجم الغالي [ القناص ] ياسر القحطاني.. هلا بقسم المجلس القسم إللي أنا غايب عنه سواءا بالقرائه أو المشاركه أو المواضيع >> وش بقى المهم انا اليوم قلت لازم أنزل موضوع لازم على الأقل أغير جو من الملل إلا أنا فيه يمكن عشان أجلت ترم من شهر 1 وصار لي للحين 8 شهور ما عندي لا شغله ولا مشغله يعني جو وحياة صارت ممله وروتين يطفش المهم إحترت وش أكتب لقيت إني أحسن شي أسويه أكتب عن معاناتي اليوميه أول معاناة يا حبايبي النوم/ والله العظيم يجماعه أعاني من النوم ذا بشكل مو طبيعي انا في البدايه كنت أعاني من ساعات نوم طويله مثلا أنام قبل الفجر أقوم من النوم العشا اجلس مع العيال أحس بخمول وكسل وأحس إني أبي أنام ومانمت زين وبعدها صار نومي ملخبط يعني مره أنام الصبح مرهـ انام بعد الظهر ومره بعد المغرب وكل يوم على هالحاله ما استقريت على نومه وجدول واحد بعده بشهرين أو ثلاثه صار العكس صرت ما انام صرت أعاني من أرق ومن قلة نوم وقسم على ما أقولكم صرت أجلس يومين ما اناموبعدها انام ساعتين واجلس يوم صاحي وانام ثلاث ساعات ونفس الطريقه أجلس يومين صاحي وزي كذا.. ماعرفت الحل يقولون عشان ترتاح في النوم لازم فيه شروط: اما النوم الصحي فيجب أن يتحقق فيه ثلاثة شروط: أولها الراحةالجسدية. وثانيها الراحة العاطفية. والاخيرة هي الراحة الفكرية. الراحه الجسديه في النوم الحمدلله مقدور عليها وشي سهل.. الراحه العاطفيه: الحمدلله زينه كل إللي أحبهم مرتاح معاهم.. الراحه الفكريه: بصراحه ذا الموضوع قهرني يعني موضوع مستقبلي وبعدين وش يصير شغل بالي خصوصا تقريبا هذي السنه الرابعه من تخرجت من الثانوي وانا من جامعه إلى كليه إلى معهد والحين المعهد باقي لي فيه سنه واتخرج يعني تقريبا في شهر 10 من عام 1429هـ وانا من دفعة 1424هـ يعني ضاع عمري ع الفاضي.. بس إللي راح راح وحنا عيال اليوم كني طلعت من موضوع في موضوع المهم ذبحني التفكير قبل النوم وسوا لي قلق... المعاناة الثانيه زيادة الوزن ياجماعه أنا زاد وزني بشكل مو طبيعي من 64 إلى 74 إلى رجع لمستواهـ وبعدين نزل الى 68 والحين في صعود<<< حشا مو بطن صالة أسهم المهم انا قلة من كثرة الاكل خففنا بعدها صدعنا ودوخنا رجعنا ناكل كثير جت نفس المشكله زياده ومشاكل في الوزن اكتشفت انا الدلخ مو المشكله في كثرة الاكل او قلته المشكله في نوعية الاكل يعني حنا ما ذبحنا الا هالكبسه والوجبات السريعه وكثرة النوم تنفخ بطونا على الفاضي.. ماشاء الله على اهل الشام السوريين واللبنانين... الخ تلقونهم مثلا الغدا مقبلات ومشويات اكل خفيف يعني والعشا نفس الطريقه تلقون عجايزهم رياضه ومشي وحنا عزايم وذبايح ومفطحات ونوم لا وتلقى فيني اللي يوصل الثلاثين تقول في الخمسين والسبعين سكر وضغط وانواع الامراض ياكافي بس ياليت نتعلم ونستفيد من هالاشياء لا والحين رمضان ( الله ييبلغنا صيامه وقيامه يا رب) انواع الاكل الحمدلله لك يارب ويجيك وزني إما صك الثمانين ما اكون احمد يعني بدال ما نصوم هالشهر ونتعبده صرنا ناكل ونسهر ونوم ونضيع الصوم والاجر منا رمضان هالحين رمضان ع الأبواب وكلنا نستعد لهذ الشهر الفضيل لكن المشكله الا تشغل غالبيتنا الدراسه بهذا الشهر يعني بذمتك عاد احد يكون مصيف وباجازه وبعدها يدوام برمضان يعني فيه ناس يتعبون وفيه ناس لا بصراحه انا من الناس إللي عندي الدراسه في رمضان حلوه لاسباب تنظم وقتي ما تخليني أنام النهار إلا وقت محدد يعني قبل الدوام نقرا قرآن وفي الدوام وقت الفراغ << مع انه المفروض دوم نقرأ قرآن بس الله يغفر لنا ذنوبنا وغير كذا سبحان الله العلي العظيم راحه نفسيه غير طبيعيه غير الايام العاديه بس بعضهم ليه انا افضل ما يدرس في رمضان تلقاها اذا داوم انواع السب والشتم ويحش في ذا ويتكلم على ذا يعني بصراحه احس لو جلس في بيتهم ونام يكون احسن له ولغيرهـ على الأقل ما يجرح صومه.. عموما واخيرا أتمنى إني ما أطلت عليكم الموضوع وانه كان خفيف على قلوبكم بسس كنت متملل وحبيت أفضفض وفي الأخير حاب أقولكم نصيحه لوجه الله خصوصا ورمضان على الأبواب: رمضان هو شهر انتصار الإنسان, بكل ما تعني هذه الكلمة من معنى, انتصار على الشيطان, انتصار على الشهوات, انتصار على السيئات, انتصار نفخة الروح على طينة الأرض ! رمضان فرصة لتغيير شخصياتنا إلى الأفضل, لتحويلها إلى شخصية ودودة أكثر اجتماعية, وأكثر تدينا, وأكثر تلاحما وترابطا مع أفراد الأسرة بل والمجتمع والأمة بأسرها..! رمضان شهر الجود, وطيب النفس, ليس شهر الخمول والتكاسل وضيق الصدر والتضجر من كل شيء..! عشان كذا افضل انا يعني نبدأنتسامح نحاول نتقرب لبعض نغير من سلوكنا نكثر من العباده واستخدام رسائل الجوال عن طريق التهنئه او المساعده على العباده وانا ما نستغله في مسلسلات وكلام فاضي وقسم المسلسلات بنلحق عليها أصلا من ينتهي رمضان يعيدون كل المسلسلات إلى رمضان إللي بعدهـ ولكم خالص تقديري أخوكم bekham 23 التوقيع: