مكاني

***

باك ..
تأخرت ..!! ترى الجمال السبب قعدنا نسولف ..

هلا وغلا بصديقتي الماسنجريه ..

وعليكم السلام ورحمة الله وبركاته ..

أقتباس

وخن نتكلم وجه لوجه .. و نترك الفصحى على جنب ..

وراه ضايق صدرك ..
اهم شئ انه بالعامي عشان ارد رد يبرد القلب ..

أقتباس

وش ندْخل سَوا أقسَام .. ؟!

غدو يا بعد الدنيا ..
الحياة كذا فيها تجارب فيها مغامرات ..
لا تناظرين بالمنظار الشين وانكم افترقتوا وما راح
تتحملين تدرسين بدونهم ..بالعكس خليك متفائلة اكثر ..

الجامعه عالم ثاني ..
راح تعرفين وتتعلمين منها اشياء كثيره ..
راح تعتمدين على نفسك ..
تكونين صداقات جديده وصدقيني ما راح تنقطعون
عن بعض الله يعافي اللي اخترع الجوال ..
كلها مكالمه تعالوا انا في خمسه والينكم متجمعين ..

أنا هنا محاكيتك ..
ولا وحده من صديقاتي دخلت معاي المحاسبة ..
وابشرك اقربهم لي قبلت في سعود العلميه ..
يعني حتى عليشه ما تجمعنا ..

لكن الحمدلله دخلت وتعرفت على البنات ..
كنت اداوم في شعبه نص المواد وشعبه الثانية النص الثاني ..
فكوشت على كل الدفعه ..
طبعا البدايه شييييينه ..
وتنحرجين كثير بس بعدها تصيرون ولا احلى ..

الجامعه يا غيداء عالم كبير ..
يختلف عن المدرسه كثير ..
اذا شفتي الزرع والنخل يالله من فضلك <-
يعني قولي وش هالجامعه الزينه وش هالمناظر ..
خلي نظرتك ايجابيه اكثر ولا راح تتعبين صدقيني ..

الموضوع يطول شكلي بحول ماسن .. <-تحمست ..

بس فيه ملاحظه فادتني كثير ..
يقولون اذا دخلتي الجامعه ارمي وجهك عند الباب ..
لانه بيطيح كثير ..<-عمتها في الاخير ر1


ع العموم سلامي للشلة الموقره ..
والله يوفقكم يارب ولا يفرقكم ..

هلا نور المجلس (عنود) ..!


صحـيح أنها ايام حزينة الفراق .


وفترت التسجيل ..!



بس بسرعة ببتأقلمين على الوضع الجديد



لان هذه هي حال الدنيا <<توها بالمتوسط.


انا احسها فترة شينة وما أبيها تجي بس وش نسوي غصب عليا !!



ووسعي صدرك ..



وبالتــوفيق ..[عنودي] ..<<تمون الاخت

صباح الخير عنود الغيد...

فتحتي جرروح أحاول أنساها ياعنود لايضيق صدرك ولاشي انشالله بتكنون انتي وصديقاتك مع بعض أنشالله..

الجامعه ترااا ها عالم حلووو كبير وغريب راح تتعرفين على ناااس كثير بذات اذا لقيتي الصحبه الزينه اللي تحببك في الجامعه..

أنا زيك كذا قدمت هالسنه والله قهر الي جايبه فوق التسعين مايقبلونها واللي جايبه بالستين
عادي يقبلونها ليش عشان معها واسطه وتعبك وين راح كل هالسنين وش تسوين فيه اذا جامعاتنا ماقبلونا مين بيقبلنا ياكثر اللي قاعدين بالبيت عشان مامعهم واسطات..

أذكر موقف يقهر بصراااحه..

كنت رايحه كليه الجبيل ونقدم الاوراق الرسميه ولقيت بنات واقفين عندي مااعرفهم سألتني وحده منهم كم نسبتي واقولها بعدين سألتها نفس السؤال قالت نسبتي 60 أنصدمت قلت قبلوك شلون قالت الله يسلم الواسطه عطيتها نظرره كذا ومشيت أنقهرت والله..

مامعك واسطه لاتعب عمرك أقعد بالبيت..

عنود الغيد أشكرك من كل قلبي على الموضوع الي خليتيني أفضفض..

صباح الورد غدوو (f)

وه بس انا فيني النوم وضاااق صدري زياده والله قلبتي المواجع
لاتتضايقين ابد ولايهمك كلها ايااام وتتعودين بأذن الله

اعرف كثير مروووا بهالشي بس والله بتتأقلمين

القهر من جد انك ماتنقبلين او يحطونك بقسم بايخ ماحطيتي في بالك انك بيوم تكونين من خريجاته

اكره الواسطه

تراني نعسانه يعني لاتنقدين علي مره دايخه
بس اهم شي يابعدهم لاتتضايقين
وعليك بالدعاء الدعاء ثم الدعاء وبأذن الله بتتيسر

تحياتي لك

عنـود الغيـد

وينك يالدوبا المسن مظلم من دونك
لاتعيدينها وتقطعين فينا <

نجي نطمر على موضوعك





<---



آآآآآآآخـ بس
شكلي بعود نفسي من الحين على الفراق
<--- متأمله واجد اصبري توك




بس بتناقش بموضوعك على حسب ماشفته من هالجامعات ..!

نبني أحلامنا عليها
ونجتهد ونشد حيلنا
ونطمح بقسم ونسوي المستحيل عشانه
ونجيب أعلى النسب

اخرتها ينهدم كل شي بنيناه بلمح البصر
والسبب..!! [ الواو ]

تلقين الوحدة جايبة 97% ومايقبلونها
وتجيك وحده نسبتها 88% لاهـ وعلى الحفه بعد وقبلوهــا
ولاسألتني شلون قبلوها ..! طبيعي بيقولون [الواو]

شلون راح نخدم المجتمع إذا فيه فئة كبيرة تعتمد ع الـواو؟
حرام والله

الله يكون بعون كل اللي صاروا ضحايا هالفئة

ويكون بعونك يا عنود ع القسم اللي انتي فيه..
لاتخافين سهل وحلو <--- تسذوووب ماجربته

عنـود الغيـد
اعذريني ع المرور البايخ والسريع

لكني ماحبيت أمر ع الموضوع بدون مايكون لي بصمه فيه

يعطيك ألف عافية ياقلبـي
ولاتقاطعينا CC
:

:

*
*
*

دنياك يازين ماتستاهل الضيقة.. نسيت اولها

.. .. ..

هلابك غيوود .. القبول وما أدراك بالقبول ..

بنت عمتي 96 علمي انقبلت رياض اطفال الترم الثاني بأي منطق ذا..

لا يضيق صدرك وانا اختك.. اعرف وحده داخله خدمه اجتماعيه وكانت تقول مثلك
بتحول.. والحين هي مستوى ساابع وماشيه تمام.. ومبسوطة فية ..تقول المواد حليوه..
والدكتورات حقانيين..ومستوى سابع وثامن تدريب ميداني .. تغير جو شوي عن الجامعه..
واذا كنتي ملزمه تحولين حاولي تجيبين معدل زين..

وخلي عنك القبول وخرابيطه>> هذي سيفوه وهذي خلاقينه<<...


.. .. ..

انا قبل سنتين القبول صح كان حر وزحمه بس اتوقع افضل من النت بكثيير..عالاقل
تروحين تكونين عارفه ايش الاقسام المقفله والي لا..مو بالنت على اعصابك..


.. .. ..

والجامعة عالم ثاني مختلف عن الثانوي على قولة محاسبه ( شجر وخضار) يالله الجنه..

وكلها مكالمه وانتم متجمعين..


بالتوفيق حبيبتي وطمنينا عنك,,,CC



*
*
*

يالله حي غيدا والحمدالله على سلامه..

وشفيك وانا اختك رجعتي من السفر ورجع الهم والغم خليك متفائله .. ومستقبلك يحتاج تعب وحياة الجامعه صعبه ترى العقيل انتهت من حياتكم بتقابلين دكاتره مختلفين لهم طرق تعامل مختلفه والحين المحك الحقيقي للحياة الحقيقه..

عالعموم : بالنسبه لحياة المدرسه وحياة الجامعه كلن له طعم المميز .. وبكرى ان شاء الله نشوفك اذا تخرجتي وش بتكتبين عن حياة الجامعه ومأساة فرقاها << الله ومأساة



بما انك مانقبلتي في التخصص الي تبينه فالخدمه الاجتماعيه هينه وسهل عليك بأذن الله تحويش درجات فيها ..
انتي حطي في بالك ان معدلك لن يقل على اربعه وترم الثاني حولي التخصص الي تبينه وبتمشي امورك بأذن الكريم..



الله يوفقك ياغيدا ونشوفك تبشرينا ان الي حطيتيه في بالك تحقق..

دعواتي القلبيه لك


مانيب متكلمه عن فيتامين [ واو] لاني اكره هالسيره ولو اتكلم عنها ماراح اخلص

*
*

حياك الله إختـي ..
موضـوعـك للأسـف أصبـح واقـع فليـس المطلـوب منـك الآن النسبـة العاليـة وأن تتخطى الإختبارات
التعجيزيـة بل مطلوب منـك أيضا حرف " الواو" ..
قصتـك كثيـر من الطلاب يعانـون منهـا وبعدين يحولون إلى قسـم ثانـي بعد مايضيـع فتـرة في قسـم
لايريـدهـ ..
هـؤلاء الذيـن يستخدمـون "الواو" و تلك الأساليـب والطرق يندرجـون تحـت عبـارة "الغايـة تبرر الوسيلـة"
أنتي أمـام أمريـن إمـا أن تستسلميـن للأمـر الواقـع وتنسيـن كل تعبـك وإمـا أن تقبلي بالتحدي
الصعب الذي أمامــك وتتجاوزينـه وأعتقد أنـك تحبيـن التحدي ..
فإقبلي هـذا التحدي وستنجحيــن وما أجمـل النجـاح في ظـل هـذه الظروف ..

عنوانـك رائـع ومعبّـر جـدا ولكن ليتك وضعتـي بدل الحـظ "الواو" ..



نـزف قلمـك رائـع ..
دمتـي بـود ..

*
*

ولكم باك( غيودة )

وسلامة الأسفار خييتوو








اقسم بالله انك ضيقت صدري !
تحطمت أنا شلون انتِ ..
بس اسمعي ياقلبي ماافيه مشكلة الا ولها حل
وهذي المرحلة بالذات دايم حوسة X حوسة ..!

ويالله بعد سنتين تحسين انك استقريتي ولا دايم تفكيرك في تغير ولا تحويل ولا خرابيط لدرجة تكرهين طاري الجامعة !
بس ماعليك اللي أنصحك فيه بما أني خابزة جامعة سعود زين مرة !
أنك تحولين مرة ولا تفكرين تتكملين في خدمة اجتماعية الا اذا انتي تبين المهم مقعد في الجامعة والسلام !


شوفي ماابيك تدخلين امتحانات الفاينل ابد اعتذري قبل..!
دوامي في اغلب الايام عشان تتعودين على الجامعة وقت الاعتذار اعتذري عشان ماايحسب لك هالترم وانت بهالنفسية يمكن مااتجبين معدل ويتعقد تحويلك ..!
ونسبتك بتدخلك القسم اللي تبيه في التحويل ..
ولا يضيق صدرك على ترم بيضيع ترى عادي !! ترم اثنين عشرة مايهم اهم شي نوع الشهادة اللي بتخرجين بها تكون على مستوى طموحك !

في البداية الامر بيكون صعب وتخافين بس ماعليك هالمرحلة يبيلها مغامرة وفيه تجريب وتعديل
لدرجة بعض البنات يفرون الاقسام كلها !
الأهم نفسيتك تحاوليين تعدلينها الكلام لك ولغيرك في هالمرحلة
ترى اول الاترام مهم هي اللي تثبت فيها المعدلات !
فطبيعي بتجون ماليين من الثانوية العامة ومالكم خلق دراسة ! وتحسبون الجامعة صديقات وتمشية !
لا والله الله يحلل دراسة الثانوية العامة عند الجامعة !
الجامعة محد مسؤول عنك أمرك وشغلك بنفسك ولا يهمهم انت شاطرة ولا كسلانه ولا فيه شي اسمه مراعاة ابد !

عشان كذا لازم تعرفون نظام الجامعة شلون والمعدلات تحسب شلون !
وتحرصون تحضرون لقاء المستجدات اللي تسويه اقسامكم قبل الدراسة باسبوع أو في أول اسبوع لا تستهترون فيه ترى مرة يفيدكم
ويهيأكم أكثر عشان ماتصيرون ضايعين في الطوشة ..!


وترى طبيعي هالمرحلة ماتحسين باستقرار في البداية وقلق وتفكير وحوسة 1
بس ماعليه شوي وترتاحيين !

واشكرك (عنود الغيد )على هالفضفضة
واتمنى لك التوفيق أنتِ وكل اللي بيبدون في حياة علمية جديدة
وان شاء الله تفرحونا بمسيرتكم هناك ..


موفقين ،،