طربق طربق طربق طق 
<<<من الصبح نفسها ترقص
من ذيك السنه اقول لامي خلينا نحضر عرس
تقول ان شاء الله
عاد الله يسلمكم اذا صار عندكم
عرس مني مناك نادوني تراي مااقول لا
السلام عليكم ورحمة الله وبركاته <<<<توها تذكر تسلم
«®°·.¸.•°°·.¸¸.•°°·.¸.•°®»سعوديين«®°·.¸.•°°·.¸¸.•° °·.¸.•°®»
*قبل 6 شهور تقريبا كانت فيه وحده استراليه مقلقتنا كل
يوم والثاني تقول عيالكم وعيالكم واولاد السعوديه شي ومره خطيرين وتعاملهم حلو 
عاد من الشطانه عندنا انا
والبنيات قلنا لها طيب نعلمتس 
اجل عيالنا ادب واخلاق وكل ابوشي هي حرمتن تشتغل بمكان وتتعامل مع
سعوديين بشغلها اعمارهم تقريبا( 18_25 ) جينا ذاك اليوم وقلنا بسم الله ونجيب ورقه ونكتب استبانه طبعا
الاسئله بب بالعربي بـ الإنجليزي عشان هي تعرف وش نسالهم عنه الاسئله حول 16سؤال اللي اتذكره
منها
لو زوجتك كانت اعلى منك بـ دراستها ترضى والا لا ؟
تحب تروح لـ دكتور والا دكتوره وليش ؟
إذا زوجتك اعلى منك راتب ترضى بـ هالشي والا لا ؟
يعني اشياء عن تعامل الولد مع زوجته وتعامله مع اخته توكلنا على الله وارسلنا لهم الاستبيان
تقريبا 34 ولد وهي كانت متحمسه كل شوي تسالنا جت الاوراق والا لا يوم جبنا الاوراق وش نلقى
الله يفشلهم من عيال
اللي حاط رقم جواله اول الورقه واللي راسم فيس زعلان يقول فيه خطأ بصيغة
السوال حاطين كلمه قبل كلمه
<<<حمقنا كثير لاننا كنا كل كلمه نكتبها نروح لـ وحده كنديه معنا
ونتاكد منها يوم كتب لنا كذا بغيت اصكه على جبهته هو اللي مايطري وين ربي حاطه ويقول القرمر
عندكم خطأ واغلبهم يتهيبلون يقولون نحب نروح لـ دكتوره عشانها افهم واحسن من الدكتور بعدين
الدكتوره تحن عليك اكثر
ايه تذكرت بعد من ضمن الاسئله ترضى زوجتك تكون دكتوره كلهم حاطين لا 
طيب شلون تبي تروح لـ دكتوره 
قسم فقعوا مرارتنا من هالـ 34 ولد مافيه غير شخصين اجوبتهم زينه
وحلوه يوم ورينا المسؤوله الاستراليه الاوراق قالت لا مايصير ليش كذا عيالكم غير بس اكيد انهم
يحبون يستهبلون يعني بالاخير مااقتنعت حتى بعد الاستبانه
صحيح عيالنا على العين والراس وزينين وحلوين وكل ابوشي
واحسن الاحسنين
بس انتم اللي تشوهون سمعتكم بنفسكم يعني بالله فيه احد يكتب رقم جواله على ورقة
استبانه 
وش هالخرابيط يعني تعاملهم مع الاجانب"أوربين وامريكان مو عرب" توب وكل شيء حلو بس مع
اهلهم تعاملهم يجيب المرض 
طيب ليش
على قولة امي ربي ماعطانا عقل عبث
<<<هالشي حبيت احطه كذا مسكت معي
للمعلوميه : الاستبانه كانت لـ طلاب جامعه عندنا هونا في السعوديه يعني شباب يمثلونكم بس الشكوى لله
والله يجبر بخاطر هالاثنين اللي جاوبوا زين ويوفقكم 
ويرزقهم الخير يارب <<<كولي هوا
* قبل فتره كنا رايحين الشرقيه كم يوم مسكنا الخط وبسم الله
مشينا بعد صلاة الظهر وحنا بالطريق اذن العصر
ونجي نوقف عند محطة نبي نصلي العصر عشان الشمس قلنا المحطه احسن نزلنا بنصلي انا وامي المحطه كانت
جديده والمصلى فوق رقينا واجي بفتح باب المصلى انفتح انفتح يابن الناس مو براضي الا تسمع امي اصوات
ناس داخل
أمي : لو سمحتوا افتحوا بنصلي
شخص ما: طيب ياخاله بس وش تبون
أمي : معليش بس انتم اللي وش تبون هذا مكان حريم استحوا على وجيهكم
شخص ما : " قام فتح الباب وطل بوجيهنا وقال للي معه حريم وسكر الباب"
أنا : فيني الصيحه
والجو حر وكل ابوشي ابغى اصلي ونروح للسياره عن هالحر
في غمرة احزاني يفتح الـ شخص ما: معليش ياخاله بس حنا نتغدا
أنا : " الله ياخذكم ويوجعكم يالمهبل احد يتغدى بـ مصلى لا من زين الطبايع الام والابو والشخص الما
هذا حقهم اللي هو ولدهم مع بناتهم يجي لهم 4 وولد صغير بعد كل هالامه يتغدون "
أمي : طيب معليش ماقلنا لاتتغدون
بس حنا ناس ورانا سفر وانتم تتغدون بـ مكان للصلاة
مايصير وتضرون الخلق
في هذه اللحظه <<<يقطع ابو التشويق اللي تسمعين به
يطلع ابوهم محمل بـ سماط " سفرة " الغدا وعلبة اللبن ومنزل عيون للارض يقال له مستحي
معليش معليش ياخاله بس كنا نتغدى ومن وراه حرمته وبناته والشخص الـ ما مع الولد الصغير
تقريبا جلسنا 10 دقايق نحتريهم يخلصون غداهم وماكفاهم يتغدون وبس قافلين نفس المصلى عليهم
يعني كانهم يقولون لااحد يدخل واللي بعرفه شلون ابوهم المملوح يقوم يدخل مكان مخصص للحريم 
وقبل كذا مكان لله مصلى بـ مكانة المسجد مايصير توسخونه وتتغدون فيه يعني قلة الغرف حقت
المحطات مالقيتوا الا المصلى طيب ارض الله واسعه تغدوا فيها ماتبون تتغدون بهالشموس
عندكم سيارتكم
تغدوا فيها ماتبون بسيارتكم لاتغدون جعله المر اللي يتمرمر ببطونكم
بلى يعني مايكفي اخرونا عـ الصلاة
كان عندنا عزيمه بالليل ورايحين عشانها ويجون ياخرونا بعد قسم يااني حقدت عليهم
فاصل
انا واياكي يابسمه تحت الشجره جالسنا 
<<<وهـ بص يازيني 
وانا جالسه تحت الشجره
مااقول غير ارفع راسك انت سعودي ويقولون سياحه داخليه وعندنا مثل هالخلق مااظن تجي
*بنفس روحة الشرقيه مريت عـ سايتك اللي يقال له مركز علمي كنت رايحه مع اخواني وامي بب معنا
وكـ عادة جوالي البلوتوث مفتوح على مدار الساعه من العجز فيني عشان مو كل مره افتحه جيت اخذت
الجوال بدق على امي الا فيه مطري وشو
واجي اضعط وتجي رساله
0559999999
الاسم: انا
العنوان : دقي
الله ياخذ بليسكم من اشكال حتى بـ المراكز العلميه مثل هالخرابيط قسم طاحوا من عيني عيال
السعوديه <<<كولي تبن
* اذا شفت شخص ما وقال لك انه ماياكل من اكل شغاله بس دايم ياكل من مطاعم قل له مفهيه تسلم عليك
وتقول لك ارفع راسك انت سعودي
* اذا شفت شخص ما يسالك عن الاكل اذا فيه ثوم والا لا
وهو ماهنا شاورما من مطعم الا وياكلها بس ماياكل اكل بيت فيه ريحة ثوم 
بعد قله نفس اللي فوق مفهيه تسلم
عليك والـــخ....
السعوديه واهلها عـ العين والراس ويكفي اني سعوديه
عشان تفتخرون فيها <<<على شحم
أحبكم
وهذي ورده 
مني لـ السعوديه واهلها كلهم واولكم انا بس لاتزعلون مني
طــ بــــايع
_من اشين طبايعي اني لازم انام
اكثر من 9 ساعات يوميا واذا مانمت هـ 9 ساعاتـ تصير اخلاقي تجاريه
وبقوهـ
_ بعد من اشين طبايعي وان كنت اشوفه حلو بس شين عند امي وهو اني مااستعمل اي شي الا بعد مااحبه
يعني قلم مااستخدم اي قلم الا بعد مااحبه اذا صار عندي قلم مااحبه معناته مستحيل اكتب فيه غير كذا الجوال
عندي جهازي اموت بدباديب دباديب دباديبه بس الله ياخذ بليس من عيون الخلق خرب
<<<من زينه كله على بعضه
سامسونج
الجهاز كان رايق وحلو واحبه من هنا لين بتله حتى اخواني غيروا اجهزتهم وفوق راسي غيري جهازك غيريه
وانا ماسكه معي بب مغيرته واخرتهاا خرب والحين معي جهاز بس من كثر مااكرهه يجلس اسبوع مدري وين
هو ولا اشحنه ولااسوي به شي ليه لاني مااحبه وحده من البنات لها فتره تدق والجوال يامقفل ياماارد يوم دقيت
وعرفت اني ماارد عشان الجهاز ماحبيته بغت تكفخني تقول بب لازم تحبينه 
وتكره هالطبع فيني مع اني احس
اني وفيه مع اغراضي ولازم احبهم قبل مااستخدمهم <<<من زينك انتي وطبعكـ هالشين
* بعد من طبايعي اني مااحب احد يشوف معي المباريات حتى لو كان مصطفى الآغا
لاني اعرف عمري اذا احد عندي لازم اصرخ واقوم واقرب عند الشاشه ومااحب احد يتكلم عندي وقت مااشوف
المباراة
* بعد من اشين طبايعي على قول وحده من البنات والا انا اعتبره عادي هو مثلا اني اليوم شفت فيس نجومه
طبعا مثلا يعني تخيلوا <<<<اخلصي لابـــ كف
وجلسنا نسولف ونضحك وناكل ونلعب 
ونسوي كل شي بعدين قلت لها مع السلامه وبوستين على كل خد
ورجعت من بكره وجت نجومه عندنا بالبيت يعني لو ايش مااصافحها
عشاني امس شايفتها بعض الخلق يعتبرونه
تكبر مني وربي بب كبر ولاغرور ولاشوفة نفس كل السالفه اني شايفتكم امس ليش ارجع اسلم عليكم اليوم
طبعا هزاتني وحده من البنات على هالطبع اللي احسه عادي وان شاء الله لاحقا لو شفت نجيمه يومين ورا بعض
بسلم عليها واصافحها
يستثنى من هالطبع جدو وجدتو لو اشوفهم كل دقيقه اسلم عليهم وابوسهم
* هذا طبع احبه بس كل اللي يعرفوني يكرهونه وهو لبسي دايم جينيز وتي شيرت يعني اغير الجينيز
واغير التي شيرت بس البس غير كذا مااقدر احس اني بب مفهيه بغير هاللبس مره كان عندنا قرقيعان
برمضان قبل سنتين ورايحه بـ جينيز وتي شيرت ماامداني ادخل الا البنات موديني بيتنا يقولون فشلتينا هذا
قرقيعان بب جمعة بنات يعني لازم جلابيه والا شي يواجه وبعد هذر وصراخ ونقاش قلت لهم يلا بلبس عشان بسرعه نرجع ومايفوتنا شي لبست لهم جلابيه حتى من كثر مااكرفها كانت بـ قرطاستها وسعرها لبستها ونزلت عشان نرجع طبعا من طبعي البس زبيريات اخواني اذا كنت مستعجله واجي اطق لي زبيرية واحد من
اخواني واطلع لاننا مستعجلين وقلت بب رايقة لهم ارقى فوق واجيب جزمتي ماامداني اطلع من البيت الا
مرجعيني مره ثانيه يقولون الشرهه على اللي يلبستس جلابيه مره ثانيه روحي جيبي الجينيز والتي شيرت وتعالي
* سامي سامي سامي سامي سامي سامي سامي سامي سامي
من اليوم لين بــتله
من احسن احسن احسن طبايعي اني ماارضى احد يقول عن سامي شيء وخاصه لاقالت ام شوشه 
ياليت سامي يعتزل ودي اشيلها هي وشوشتها وبرا الكوره الارضيه 
بعد من احسن طبايعي نشوف من يحب سامي اكثر نوير والا انا نوير دايم شعارها انها اكثر من يحب سامي
وهو نفسه شعاري بس ام شوشه اذا تبي تفتك مننا تقول كلنا نحبه مثل مثل بعدين احسن شيء بالعالم
مين يلا ردوا وراي
سامي
سامي
سامي
غير اني احب بوعبدالله واتمنى يجيب اخت لـ ريما مو وحده لا ثلاث عشان يصير عنده بنات كثير ويتبارك بيته
<<<<لايكثر طال عمرتس وكنه الحين درا عنتس
فيه فرناندو هيرو تسان تذكرونه الدفاع حق الريال وانتقل لقطر على مااذكر عنده بنتين وكنت احبه هو وخشته
وبعد مايكل اوين مره ماعرفت اجابه يوم اني بالمتوسط واجي اكتب لها مايكل اوين بيكهام راؤوول
بس الحمدلله انها كانت اختبارات نهائيه وبعدها نقلت من ذيك المطرسه
والا كان علوم ورياضيات
بيكهام هو وحرمته وولده وبعد ولده واظن بعد عندهم ولد ثالث كنت احبهم مره بس الحمدلله هونت يقولون
الواحد لاصار يحب احد يحشر معه يعني استغفر الله لو للحين احب بيكهام انحشر معه هو وحرمته هالكافرين
الـ بب حلوين
<<<طيب خلاص
راؤوول وماادراك ماراؤول هذا احسن شي بالدنيا عندي بس هونت عنه اذكر اسمه "راؤوول كونغريغايس " <<<
هذا اذا كان صح المهم ان اسمه الثاني
صعب وكانوا اخواني يقولون قولي اسمه 7 مرات ونسوي لك اللي تبين
يعني بالعربي يلعبون علي وانا استانس اني انطق اسمه زين
يلا كل واحد فيكم يكتب طبع فيه زين وشيء شين بس بب تسردون قصة حياتكم <<<علمي نفسك
لاإله إلا انت سبحانك إني كنت من الظالمين
خلص الموضوع <<<توها تذكر
الموضوع منزلته بـ فيوس النمر لان احسن مافيني اني مخلوقه عجازه والنمر والقناص واحد
فهـ فهـ
13-08-2007, 01:27 AM
انا واياكي يابسمه تحت الشجره جالسنا
رد: انا واياكي يابسمه تحت الشجره جالسنا
العرض العادي
