بسم الله الرحمن الرحيم
السلام عليكم جميعا......
موضوع طرى على بالي يسبقها قصه حقيقيه.... وياكثر اللي يفكر بهاالموضوع شباب وبنات...
وقلت ودي أناقشكم فيه ... وناخذ رأيكم في هذا الموضوع والقصه....
طبعا هذي القصه صايره منول سنة الحطبه سمعتها وبقولها لكم....
الزبده....
مره من المرات جاء واحد خطمت معه يبي يتزوج.....
قال لأهله دورولي بنت الحلال انا مليت من العزوبيه...
وراحت امه وماقصرت لقت بنت الحلال وراحت وبشرت وليدها ......وراحوا للناس يبي يخطبونها
وطبعا منول مافيه مثل هاالوقت (يمه بشوفها ) لاااااا ماعندهم كذا .... ياخذها ويتوكل على الله.....
يعني حظك ونصيبك ...
ام الرجال اللي يبي يتزوج عطته مواصفات البنت.....
تراها كذا ... ولونها كذا... وعمرها صغير.... وياالله الخ.....
ووافق الرجال قال هذي فتاة احلامي.....
راح ولد الناس هو واهله وتقدموا لهم واسئلوه ...
تصلي ولالا؟
تدخن؟
وين تشتغل؟
كم راتبك؟
وانتم ماشين شغل تحقيق........
علمهم عن كلش .... ووافق ابو البنت
وحددوا الملكه وموعد الزواج.....
المهم جا يوم الزواج ...وتزوجوا ..وطقطقوا ...وارقصوا
وراح للبيت بعدها........... وجلس هو وياها ... (وفتشت وجهها له)
يوم شاف إنهبل ...ليش؟
لأن المواصفات اللي قالت له امه تختلف تماما!!!!!
وانصدم الضعيف شاف من شكلها عمرها كبير
وعرف ان السالفه مطبوخه؟
غطى وجهها ورجعها لأهلهاp21
يوم سئلهم قال البنت اللي خذتها مهيب البنت اللي عطتني امي مواصفاتها....
وعرف بعدها إن البنت اللي معه هي اختها الكبيره ...يعني ابو البنت يبي يمشي سوق الكبيره ويوفر الصغيره
وبعدها انحاست الدعوه وطلقها ولا خذ لا الكبيره ولا الصغيره......
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ
اللي استغربت من هاالقصه او اللي ماعجبني انهم مايخلون اللي يبي يخطب يشوف البنت
عادات وتقاليد منولp10
والحمد الله في وقتنا الرجال يتشرط والبنت تشرط ....
طيب ...اللي ابي اوصله لكم .... او اللي يهمني اعرفه ...
وش مواصفات فتاة أحلامك (أو فتى احلامك ) ؟
مثلا....
أبيها تعرف تطبخ (وهذي امنية كل سعودي)>>>>ماهمه إلا بطنه مشروع تسمين...
حلوه تفتح النفس ....
ونيسه...هاديه ....رومنسيه..
. وياالله وانت ماشي.....
ــــــــــــــــــــــــــــــــــــــــــــــــــ ـــــــــــــــــــــــــــــــــــ
تبينه راعي طاعه....يصلي...ويصوم ....
تبينه أعصل(نحيف)
عاقل ورزين..... رومنسي..... CC
مهوب عصبي....مخفه ..
ابي صراحتكم ...... لأن الواحد يفيد ويستفيد
أتمنى الموضوع يجوزلكم (يعجبكم) إن اخطيت العذر والسموحه....
ولكم أجمل تحياتي... أخوكم المحب لكم..
Impossible
09-08-2007, 05:04 AM
قرار صعب..ولكن يجب علينا إتخاذه ....
العرض الشجري
