في البدايه هذه ماهي إلا خرابيش كيبورد فقط
ونتاج فكر نتج عن وقت فراغي في جو لاهب وحار في مدينة الرياض
وتذكروا إني لم أجبر أحد على قرائتها فأنتم من جنى على أنفسكم بالقراءه
بالمناسبه هذه الكتابه ليست عن الكره أو البطوله الأسيويه إنما لأن الشي بالشئ يذكر كما يقال
ولأن الأنفاس والأفكار مازالت معلقه بالحدث وتبعاته
ـ ترائت لي كثير من الأسئله بعد فوز المنتخب العراقي على المنتخب السعودي في نهائي البطوله
فالمنتخب العراقي ألا يعود إنتمائه إلى بيئه محطمه ودوله أكثر مايرى فيها هون لون الدم الأحمر في الشوارع
ودوله لم تفكر في إحتضان اللاعبين قدر تفكيرها بإحتضان المحاربين الأشاوس
وحروب أهليه من هنا وهناك
ومنتخب لم يجد ملاعب ليتدرب عليها ولم يوعد بالمكافأت الماليه الضخمه والسيارات الفارهه
ولادوري محلي ليخرج منه هؤلاء اللاعبين ولا طائرات خاصه لتقله من مكان لأخر
إذا ماهو الحافز والدافع لهم ليلعبوا بكل هذا الحماس هل من الممكن أن تتغلب الإراده على كل تلك الظروف
لأعــــــــــلـــــــــــــم؟
وسأترك الإجابه لكم ...!!!

ـ الرياض مدينه رائعة الجمال لأينقصها إلا ثلاثة أشياء فقط لتكمل هذه العروسه الجميله
يعني الزحمه ومشينها وقلنا يمكن مع الوقت تخف مع إني أشوف الأمر صعب شوي
الحر وقلنا ياولد ليش العالم يصنعون مكيفات يعني لاتطلع من بيتكم وقت الذروه وخلك عند المكيف
طبعاً وقت الذروه من 9 ص إلى 7 المغرب يعني الله يعيننا على الحر
لكن الأمر الوحيد والذي ترائت لي أسئلته كذالك
هو حال العزاب في مدينة الرياض فحالهم والله لايسر لاعدو ولا صديق
يعني كل الأماكن للعوائل فقط والأسواق للعوائل فقط طيب واللي يبي يتقضى وش يسوي
والمهرجان الشعري ألغي قبل أن يبدأ بدون توضيح الأسباب
يعني ياتتزوج ياتنطق ببيتكم والله يعين
والزواج صعب والقعده بالبيت صعبه بعد يعني وش يسون ؟
بس ليش كذا طيب ووين يروحون شباب الرياض ؟

ـ من المعروف أن فترة الصيف هي فترة زواجات في الغالب ولكن سؤالي هنا موجه للفتيات
وممكن يعطوننا التماسيح رأيهم بهالموضوع
ليش بعض البنات ترفض الكثير من الخطاب رغم إنهم ماينعابون
والعذر يكون إنها تبي تكمل دراستها
السؤال هو
هل فعلاً البنت تريد إكمال الدراسه رغم إنها تستطيع ذلك بعد الزواج ؟
ولا تتمنى شخص معين وودها لو يجي يخطبها ؟
والسؤال الأخير له موضوع خاص على حسب إجابات البنات
إنتهت خربشاتي بهالجو اللطيف أتمنى إني خربشت بشي أسعدكم
لكم كل التحيه والتقدير والخربشه

شكرا يا اخوي على خربشاتك الجميله..

و الله يعين العزاب ..

و و بالنسبه للحر فهي مشكلة الخليج كله في فصل الصيف..

و بالنسبه للبنات و رفض الزواج ..


تعددت اسباب الرفض و العنوسه واحده ..!!


و الله يوفق الجميع





هـــــاجر

يعطيك العافيه اخوي ومااقصرت

خرابيش طيبه كثر منها مرة ثانيه ..

المنتخب العراقي.....لا تعليق بس تبي ردي رح لقسم اسيا 2007

الحر..هذا الجو من الله ولا اعتراض صح حر بس هذا جو الجزيرة العربيه من يوم عرفناها << يقالك من العصر الجاهلي

اما على سالفة العزاب الله يعينهم يتزوجون ويفكون اعمارهم ولا يطلعون ويا اهلهم..

البنات يرفضون الزواج لانها داريه اذا تزوجت بيرفض انها تكمل ويمكن لان اللي متقدم لها ما عجبها شي فيه ..

او انها تخاف من هالتجربه

ربك يعين

عافاك ربي عالخرابيش

هههههههههههههههه اسئلتك توحفه وفي محلها ياخوي

كانها عن المنتخب العراقي يمكن المواهب لعبت دور معهم
غير كذا ما ادري عنهم

أقتباس

ـ الرياض مدينه رائعة الجمال لأينقصها إلا ثلاثة أشياء فقط لتكمل هذه العروسه الجميله
يعني الزحمه ومشينها وقلنا يمكن مع الوقت تخف مع إني أشوف الأمر صعب شوي
الحر وقلنا ياولد ليش العالم يصنعون مكيفات يعني لاتطلع من بيتكم وقت الذروه وخلك عند المكيف
طبعاً وقت الذروه من 9 ص إلى 7 المغرب يعني الله يعيننا على الحر
لكن الأمر الوحيد والذي ترائت لي أسئلته كذالك
هو حال العزاب في مدينة الرياض فحالهم والله لايسر لاعدو ولا صديق
يعني كل الأماكن للعوائل فقط والأسواق للعوائل فقط طيب واللي يبي يتقضى وش يسوي
والمهرجان الشعري ألغي قبل أن يبدأ بدون توضيح الأسباب
يعني ياتتزوج ياتنطق ببيتكم والله يعين
والزواج صعب والقعده بالبيت صعبه بعد يعني وش يسون ؟
بس ليش كذا طيب ووين يروحون شباب الرياض ؟

وقسم ودي احذف هالاجااانب من الرياااض حوموا كبدي
وكانها عن اماكنكم ذي يلا خذو كل الاسواق وعطونا التحليه ودي اتمشى فيها ياخي رهيب هذاك الطريق
والله حتا حنا البنات ان بغينا تطلع ودونا سوق ولا بيت جدتي
يعني الحال من بعضووو



وعن العرس يمكن الواحد هذا عجب اهلها ولا عجبها وقامت تصرف ولا من هنا ولا من هناك

مشكوووور ياخوووي على الخربشة الحلووووة BBP

والله مساكين يا اهل الرياض وخاصة الشباب اجلسو بالبيت احسن
هههههههههههههههههههههههه (( دامني في ابها انتو بكيفكم المكيف ما اعرفه الا في الشتاء احطه عالحار))
اما العراق والله يستاهلون والمنتخب برضو يستاهلون بس المباراة الاخيرة لاااااااااااااااااااااااااااا والسبب كثرة المكافآت بعد اليابان والاستهانه بالعراق
والبنات والزواج على قول المثل كل ادرى بثلثه ههههههههههههههههه او بمصلحته
او انهم يشترطون واحد حاو ووسيم زي ياسر بدري عليهم هههههههههههههههههه

ومشكور

مشكور اخوي على الخربشات

هلا بك اخوي ومشكور على ها لخرابيش بالنسبه للكوره انا انبحيت من الحكي وعورت راسي

اما بالنسبه للحر عادي قلبو كيف نفسك الدنيا حلوه

اما بالنسبه للزواج والفتيات انا بصراحه وهذا اغلبية البنات مو كلهم ما اقدر اوفق بين الجامعه والزواج

علشان كذا نأجل الزواج علشان مانخرب حياتنى (ليش الطمع) حبه حبه الدنيا مش طايره

شاكره موضوعك بإنتظار جديدكBBP BBP

هـــاجر

تصدقين حسيت بمعاناتكم بهالكلمه

لكن اللي أقصده هل من الممكن إن البنت تتمنى شخص ما إما قريب لها أو شي من هالقبيل

وتنتظره يجي يخطبها


شاكرلك هالطله الحلوه


أمورة نجد

شكرا على المرور ولكن كان ودي إنك تفصلين أكثر بالموضوع


.. فوق هام السحب..

أقتباس

خرابيش طيبه كثر منها مرة ثانيه ..

تامر أمر

أقتباس

المنتخب العراقي.....لا تعليق بس تبي ردي رح لقسم اسيا 2007

عزيزي لم اقصد المنخب العراقي كمنتخب كروي ماقصدته هو هل من الممكن أن تتغلب الإراده على كل

تلك الظروف الصعبه والقاهره

أقتباس

اما على سالفة العزاب الله يعينهم يتزوجون ويفكون اعمارهم ولا يطلعون ويا اهلهم..

الزواج صعب في هذه الأيام

وأهلك مب فاضينلك كل يوم والثاني يروحون معك

أقتباس

البنات يرفضون الزواج لانها داريه اذا تزوجت بيرفض انها تكمل ويمكن لان اللي متقدم لها ما عجبها شي فيه ..

او انها تخاف من هالتجربه

طيب وإذا ماكان المقصد هو الدراسه بشكل أساسي

يعني البنت هل من الممكن إنها تكون حاطه احد براسها وودها يجي يخطبها

شاكرلك على المرور الحلو


نوووف

أقتباس

هههههههههههههههه اسئلتك توحفه وفي محلها ياخوي

هذه من ذوقك والله

أقتباس

كانها عن المنتخب العراقي يمكن المواهب لعبت دور معهم
غير كذا ما ادري عنهم

وأنا قايل وشلون فازوا

أنا أتكلم عن الإراده بهالنقطه

يعني رغم ظروفهم الصعبه والقاهره فازوا ؟؟؟!!!

أقتباس

وقسم ودي احذف هالاجااانب من الرياااض حوموا كبدي

الأجانب فعلاً مشكله كبيره جداً في العاصمه الحبيبه ولكنهم مثل الدخان يضر بس ماتقدر تستغني عنهم

<<<<<<<<< الله من زين التشبيه

أقتباس

وكانها عن اماكنكم ذي يلا خذو كل الاسواق وعطونا التحليه ودي اتمشى فيها ياخي رهيب هذاك الطريق

صدقيني خليكم بأسواقكم أحسن لكم

التحليه صاير ماينطاق والله لازحمه ولانوعيه معينه من البشر تقرفك حتى بنفسك

ولاتفاتيش يعني قرف في قرف

أقتباس

والله حتا حنا البنات ان بغينا تطلع ودونا سوق ولا بيت جدتي
يعني الحال من بعضووو

هاذي معك حق فيها والله يعينكم

أقتباس

وعن العرس يمكن الواحد هذا عجب اهلها ولا عجبها وقامت تصرف ولا من هنا ولا من هناك

طيب البنت هل من الممكن أنها تكون تبي احد يجي يخطبها

شاكرلك هالطله الحلوه


المستشار؟!؟!

أقتباس

والله مساكين يا اهل الرياض وخاصة الشباب اجلسو بالبيت احسن

وش دعوه ياخوي بنات نجلس بالبيت

أقتباس

هههههههههههههههههههههههه (( دامني في ابها انتو بكيفكم المكيف ما اعرفه الا في الشتاء احطه عالحار))

فعلاً جو أبها جو رائع وحلو

الله يهنيكم فيه بس أنتبه ترى يمكن أحد يصكك عين ولا شي

شاكرلك هالمرور


ذابحها الدلع

شاكرلك على المرور


نوته

أقتباس

هلا بك اخوي ومشكور على ها لخرابيش بالنسبه للكوره انا انبحيت من الحكي وعورت راسي

طيب المقصد ماكان الكوره كان عن الإراده يعني عطينا رايك بهالنقطه

أقتباس

اما بالنسبه للحر عادي قلبو كيف نفسك الدنيا حلوه

الشكوى لله تعودنا

أقتباس

اما بالنسبه للزواج والفتيات انا بصراحه وهذا اغلبية البنات مو كلهم ما اقدر اوفق بين الجامعه والزواج

علشان كذا نأجل الزواج علشان مانخرب حياتنى (ليش الطمع) حبه حبه الدنيا مش طايره

أنا معك في هاذي

ولكن سؤالي البنت هل من الممكن إنها تكون حاطه أحد براسها وودها يجي يخطبها علشان كذا تتعلث

بالدراسه

شاكرلك هالطله الحلوه

هلا أخويـ..

خربشات مفرفشة بدل هالطفشـ

نجي للموضوعـ ..!

الإنسان الي ماعنده إرادة بهالدنيا صعب يعيشـ..!
واذا تبغى تتغلب على ظروفك ومشاكلك لازم تكون عندك إرادة قوية ..!
لأن الإرادة القوية هي الطريق الوحيد للنجاحـ ..!

لكن العراقيين الكأس ما أخذوه بإرادتهم وعزيمتهم على تغلبهم للمشاكل أخذوهـ بطرق أخرى لاتستدعي الحديث عنها..!

|||||||

المملكة الايام هذي أغلب مدنها حر ورطوبة وسموم الله يعينـ
أما أنتوا يالشباب الصراحة راحمتكم
قبل كم يوم رحنا لمنتزه كان فيه مهرجان ولقينا الأمن واقفين عند البوابة عشان الشباب مايدخلون
الصراحة حزنت عليكم ولكن هذا بسبب فعايل بعض الشباب الله يهديهم
تبي تروح السوق خذ اختك ولا امك وروح وياها
تبي تروح الملاهي خذ أهلك وروح ترا مهي صعبة

|||||||

الحقيقة انا عن نفسي احس صعبة الوحدة تكمل دراستها بعد ماتتزوج ..!
لانها راح يكون وراها مسؤوليات كبييرة
ماراح تقدر تشتغل ببيتها وتدرس بنفس الوقت لان ممكن يجونها عيال فتكبر المسؤولية ..

نجي لأسئلتك..

ولا تتمنى شخص معين وودها لو يجي يخطبها ؟

ماتحس انك كررت هالسؤال أكثر من مرة

أمم ممكن أن البنت تكون حاطه احد في بالها وتنتظره
مع اني احس هالطريقة سذاجة لانه لو صار وتزوج الولد غيرها
راح تتحطم وتكون هدمت مستقبلها بيدها
في حال لو تقدملها شخص ماينرد

الله يعطيك العافيهـ
على طرحك لهالموضوعـ ..

وتذكروا إني لم أجبر أحد على قرائتها فأنتم من جنى على أنفسكم بالقراءه

يااااااااااارب رحمتك والله ماأتعودها

بس ترى مليت من الكوره <<كل مافريت بهالمنتجى كوره كوره كوره

نجي للموضوع الثاني <<تكفين عآد

هو حال العزاب في مدينة الرياض فحالهم والله لايسر لاعدو ولا صديق
يعني كل الأماكن للعوائل فقط والأسواق للعوائل فقط طيب واللي يبي يتقضى وش يسوي

كل مكان تطلعون لنا فيه بسم الله عليكم نآشبين بحلوقنا

مايصعب عليكم شي

ليش بعض البنات ترفض الكثير من الخطاب رغم إنهم ماينعابون
والعذر يكون إنها تبي تكمل دراستها

تستنى شخص في بالها وبس بس

مشكور خيووووووووووووووووووووCC

بالنسبه للمباراة والمنتخب .. لاتعليق .. :/

أقتباس

هو حال العزاب في مدينة الرياض فحالهم والله لايسر لاعدو ولا صديق

يعني حال البنات اللي يسر ...

كلنا في الهوى سوى .. :/ وبصراحه المشكله منكم انتم يالشباب .. :/

يعني وش بيضرك لو تطلع مع أختك وأمك وأهلك كلهم .. !!

بتقول ابي اصدقائي .. اطلعوا كلكم كشته جماعيه مع أهاليكم ..

مب تنسونهم في البيوت مساكين وانتم تفرفرون بالشوارع ..

أقتباس

ليش بعض البنات ترفض الكثير من الخطاب رغم إنهم ماينعابون

شوف ماراح اجاوب على الاسئله اللي تحت لأني إنسانه مضربه عن الزواج لاقريب ولا بعيد

لاأتمنى أحد ولاشي ..

أقتباس

إنتهت خربشاتي بهالجو اللطيف أتمنى إني خربشت بشي أسعدكم
لكم كل التحيه والتقدير والخربشه

يعطيك العـآفيـه خيوو ..

كل يوم خربش هنا ..

عوافي ..

|| CC ||

princess dreamful

أقتباس

لكن العراقيين الكأس ما أخذوه بإرادتهم وعزيمتهم على تغلبهم للمشاكل أخذوهـ بطرق أخرى لاتستدعي الحديث عنها..!

أعتقد أن الخشونه لم تكن هي السبيل الوحيد للفوز إن كنتي تقصدين ذلك

فالمنتخب العراقي قدم مباراة كبيره جداً وأستحوذ على الكره في أغلب أوقات المباراة

أقتباس

أما أنتوا يالشباب الصراحة راحمتكم

الله يجزاك خير

أقتباس

الصراحة حزنت عليكم ولكن هذا بسبب فعايل بعض الشباب الله يهديهم

أصابع يدك مو سوا يعني الشباب فيهم الصالح والطالح والبنات كذلك نفس الشئ

أقتباس

تبي تروح السوق خذ اختك ولا امك وروح وياها
تبي تروح الملاهي خذ أهلك وروح ترا مهي صعبة

صدقيني إنها مب سهله بعد يعني ممكن تكون تبي شي بسيط من أحد المحلات

مب معقول تاخذ أختك وتجلس لها ساعتين بالسوق

وبعدين بعض الأحيان يقولون لي مالنا خلق الأسواق

يعني وش أسوي

أقتباس

ولا تتمنى شخص معين وودها لو يجي يخطبها ؟

ماتحس انك كررت هالسؤال أكثر من مرة

أنا عارف إني كررته اكثر من مره

ولكن هو سؤال أرغب بمعرفة إجابته فقط

من قبل الفتيات

شاكرلك على المرور الحلو


المشجعه الصغيرة

أقتباس

اول شيء انت تقول كل مانروح مكان مكتوب عوايل ...وهالشباب اللي اذونا في كل مكان والله اللي يكرهني في الطلعات هم ....يعني ما خذين حقكم وزياده

المنتزهات عوايل الأسواق عوايل المهرجانات عوايل الملاهي عوايل الشقق عوايل

وين اللي لنا

أقتباس

وبالنسبه لكلامك عن الزواج ...طبعا الدراسه اهم من الزواج هذا في نظري ..ولو اتزوجت وجت بتكمل مرة صعب عليها بتنشغل وحده من صاحباتي متزوجه وهي توها 2 ثانوي ماعمرها داومت اسبوع كامل .. تقول ما اقدر مرة صعب مسؤليه ....عشان كذا دراستها اولى من الزواج

الله يعين صاحبتك ويوفقها بحياتها الزوجيه

ولكن مصير البنت في بيتهم عند بعض الناس يعني هي هي

شاكرلك على هالطله


عســــل

أقتباس

كل مكان تطلعون لنا فيه بسم الله عليكم نآشبين بحلوقنا

مايصعب عليكم شي

هاذولا بعض الشباب اللي ناشبين بحلوق الأمن حقين الأسواق

أقتباس

تستنى شخص في بالها وبس بس

حلو يعني البنت ممكن تكون حاطه شخص ببالها وودها لو يجي يتزوجها

شاكرلك على المرور الجرئ أختي عسل


ملتاعه على الملتاع

أقتباس

يعني حال البنات اللي يسر

على الأقل أزين من حالنا

أقتباس

كلنا في الهوى سوى .. :/ وبصراحه المشكله منكم انتم يالشباب .. :/

يعني وش بيضرك لو تطلع مع أختك وأمك وأهلك كلهم .. !!

بتقول ابي اصدقائي .. اطلعوا كلكم كشته جماعيه مع أهاليكم ..

مب تنسونهم في البيوت مساكين وانتم تفرفرون بالشوارع

من جدك إنتي

يعني لو أبي أطلع أخذلي كم غرض بشيل أهلي كلهم

ووأعد اخوياي هم واهلم

أشوف إنها صعبه شوي

أقتباس

شوف ماراح اجاوب على الاسئله اللي تحت لأني إنسانه مضربه عن الزواج

أعوذ بالله مضربه مره وحده

الله يوفقك وتتزوجين إن شالله وتغيرين رأيك

شاكرلك هالطله

مشكور ع الخربيشات
وكثر منهاااا بدال هالطفش

**

والعرراق من بدايه البطوله وانا اشوف مع حارسهم (نور صبري ) فووطه "منشفه" ولاحظت انو يحطها في المرمى العراقي ويقول بالجريده ما دخل بمرماي الا هدفين يقوول مايدخل شي بعده "احسه سحر"

***

والريااااااااااااااااااض حر والشرقيه موووت ورطوبه
والله يعينا كلنا

***

والبنات يمكن بالها احد او تكمل دراسته ع حسب ظروف كل وحده خيوو

**
وتقبل مرررررررروري
اختك يـ القحطاني ــــارا