Take no sorrowe of the thynge lost whiche may not be recouered

المعنى // لا تذهب نفسك حسرات على الضائع الذي لا سبيل إلى أسترداده . .






هناك مجتمعات تبنى و حضارات تسود , , و تتقدم في شتى أنواع المجالات , ,

و هناك مجتمعات تفنى و تتهالك حتى تنمحي إلى النهايه , ,

و المضحك المبكي في نفس الوقت , , بأن يكون هناك بعض المجتمعات و التي تدمر نفسها بنفسها , ,



و من المعروف بأن الطبقات الإجتماعيه عباره عن ثلاثة طبقات : :

1- الطبقه العليا (طبقة الأغنياء) . .

2- الطبقه المتوسطه . .

3- الطبقه الأخيره (طبقة الفقراء) . .

و من الملاحظه المخيفه يتضح لنا بسيطرة الطبقه العليا و بداية إختفاء الطبقه المتوسطه و ظهور

الفقراء بشكل ملحوظ في إزدياد , ,

بمعنى لا مكان أو وجود للضعفاء في خارطة هذا الزمان , ,

و أصبح القوي يلغي وجود الضعيف تمامآ , , و من هنا بداية بيت القصيد , ,



و لقد حبانا المولى العزيز بثروات بترول كفيله بأن تجعل إقتصادنا في تطور و رخاء , ,

و لكن تجري الرياح بما لا تشتهي السفن , ,

هذا بجانب وجود ثروات أخرى لو أدركنا تعاملنا معها بشكل صحيح , ,

وفق نظام إقتصادي منظم , , لكان عشنا في رخاء و سلام , ,


و لكل دوله إقتصادها و يعتمد إقتصاد كل دوله , , بحسب ثرواتها الموجوده , ,

و بدأ النظام الإقتصادي في تطور و نماء , , إلى أن ظهرت لنا البورصه , ,

و الأسهم , , و الأستثمار , , و الإكتتابات بجميع أنواعها , ,


و جميع توابع النظام الأقتصادي أعلاه ظلت تعيش في تقدم و رخاء , ,

إلى بداية الإنهيار و أستمرار لنزف و تلف لحقوق المساهمين و المستثمرين , ,

هنا يتدارك إلى ذهني عدة أسئله مهمه //

هل يعقل أستمرار الإنهيار إلى درجة وضع أسر عديده على خط الفقر ؟ 1

و هل يستمر هذا الإنهيار إلى درجة إغلاق سوق الأسهم إلى الأبد ؟ !

و هل يستمر هذا النزف و التلف بدون ضمان حقوق , , أو على الأقل عودة رؤوس الأموال إلى أصحابها ؟ !


و من المحزن بأن هناك مئات الأسر تشتتت , ,

و تفرقت و من ضمن ما أحزنني بوجود أسر أبتاعت ما فوقها و تحتها لتوفير الأموال

لخوض غمار سوق الأسهم و الإكتتاب في أسهم شركات و بنوك معروفه , ,

و فقدو كل شيئ و أصبحو بلا مؤونه و مسكن , ,

بمعنى من بعد فوائد و ربح , , إلى خساره و هلاك , ,

و المحزن بشكل أكبر هو قلة الوعي و إنعدام البرامج التي قد تساعد في الدعم المادي و

و المعنوي , ,

و وجود برامج مضره و وهميه مثل برنامج مساكن و الذي تحدث عنه الأخ

أبو يزيد , ,

لمشاهدة الموضوع / /

أضغط هنا

و أستمرار لإنعدام الحلول في ظل غلاء الأسعار , ,

و أرتفاع الفواتير , , و تدني أرباح الأسهم , , وضياع رؤوس الأموال , ,

أصبح هل من المستحيل بعودة سوق الأسهم مثلما كان قبل الإنهيار ؟ !


يذكر بأن الفوائد أصبحت لا تتجاوز الريالات , ,

في حين لا يلبث السوق سوى بتكرار سلسلة الخساره و الإنهيار , ,

و سيطرة اللون الأحمر , , الذي أصاب الجميع بالخيبه و ضياع الأمل , ,

و إختفاء اللون الأخضر, ,

و أصبح هم و حلم المساهمين و المستثمرين لا يتعدى رجوع رؤوس الأموال لا أكثر , ,

بمعنى من بعد الحلم الإصتدام في جدار الواقع , ,

هذا و يتوقع المحللون للسوق أستمرار الإنهيار و الخسائر إلى عدة سنوات أخرى , ,

* * *

رأي بعض المتضررين من الأسهم //



1- فيصل/

سوق الاسهم عندنا الله يخلف بس
كنت في يوم اطلع 8000 الالف وفي يوم اخسر 10 الالف


عاد الحين خابره مااحد ربحان
انا خاسر كل ماوراي ودوني
والدليل اني جالس في هالصيفيه مقابل المنتدى


سوق الاسهم عندنا ماينعرف له
يعني ماتقدء تنبأ باللي راح يصير


هالهوامير والسردينات على كيفهم يلعبون بالسوق لعب
لا فيه ظوابط ولا يحزنون


انا اتمنى بس شئ واحد
ان راس مالي يرجع وبعدها بقول لأبوكم لأبو سوق اسهم دخلته

سوق الاسهم عندنا مااااارهـ فاشل .:/


* * *

2- أبو يزيد /

الاسهم :(
ماخلاني أطيح وجهي عند فلان وعلان غير الاسهم :(
مادخلني التوقيف الا الاسهم
ظاهره مرت على المجتمع السعودي اللي يطير بالعجه كعاداته
اكلت الاخضر واليابس وراحت
الله لايسامح اللي كان السبب
تصدقين بطلت اكتتب حتى في الاسهم ام 10 ريال من قوة الخوف
خصوصا بعد اللي صار في اعمار والحكير وغيرها
مكتوب لنا نبقى على ذاالراتب لين نموت الظاهر


* * *

3- حالي الذوق /

آه من سوق الأسهم واللي تورط في سوق الأسهم
الصراحه انغشينا فيه قبل . لكن الحمد لله مالي فيه خساير كبيره
بس يعني قد دخلت فيه وضاعت فلوسك ياصابر وبغيت اطفر
كنت متوقع مبلغي البسيط راح يتضاعف . هو صح تضاعف لكن للصفر
والحمد لله مالي بيت الا كان رهننته ذيك الأيام ورحت وطي
لكن اشوف خساير القريبين مني الصراحه شي مؤسف ويضيق الصدر
السوق بوجه الخصوص يتحكم فيه كبار المتضاربين ولا عليهم من صغار المستثمرين . يعني نشوف فيه لعب , ونصيحه
مني لحد يقرب السوق لان
ماله آمان دام فيه ناس ترفع وتنزل على كيفها . نأمل ان الجهات العليا
تدخل في الوضع وتحسن من أداء السوق ويكون فيه رقابه لكل صغيره وكبيره
يعني اللحين موب لوني مخلي فلوسي عندي ومجمدها مو احسن من انها تروح
على الفاضي


* * *

4- زياد /

والله الأسهـم مشكـلة كبيرة في التاريخ الوطني السعودي
يعني اكثر البشر والناس الي عندهم خشم خسروا فيه <<
يعني الاسهم صارت بدال ماتعطي قروش .. تاخذ قروش
خسرتنا لا بارك الله في الاسهم وفي هالناس الي لعبوا به لعب
واتمنى من كل قلبي .. ان احد يشوف حل للأسهم ونشوفها خضرا من جديد
بدال هاللون الاحمر الي صرت اكرهه من الاسهم
يعني ياتشوفون حل يا ترا وشسمه ايه



* * *

5- The warm heart /

سوق الأسهم وما أدراك ماسوق الأسهم ..
<- ماعندهـ سالفه ..


هاذي قضية الشعب السعودي وتعتبر الأهم بعد قضية البطاله والمغازل ..


أنا أشوف إن حقين الأسهم هذولا السمان واللي يلبسون بشوت ولازم السبحه بيده هم السبب ..

لعبوا ع صغار المساهمين وأغروهم بـ الأرباح أول شي

بعدين نزلوا السوق مرهـ وحدهـ .. :/


ياويلي يقطعون القلب خاصه اللي مساهمين برآس المال .. يعني فلوسهم

كلها راحت .. لك ماقول الا الله يظهر الحق ويوقف النصابين عند حدهم ..


بـ النسبه لي الحمدلله والشكر ماعمري ساهمت ولا أدري وشي الأسهم

بس أشوف أبوي بلش بهن ..


اذا شفت النفسيه زفت عرفت ان السالفه فيها إن .. وأروح أشوف الشاشه

إذا كان المؤشر أحمر أعلن حالة إنذار بـ البيت لا أحد يقول لأبوي شي

ولايغثه ..

أما اذا صار أخضر ياسلاااااام

أعرف إن النفسيه تمام .. وأي شي أبغاهـ يسويه لي ..



لكن اللي مستغرب منه .. !! ليش ساكتين عن هـ المهزله .. ؟!


أقالوا هذا حق الأسهم مدري منهو وجابوا غيرهـ ..


ومازال السوق من أردى لأردى ..


* * *

رؤيه لملخص السوق / /

أضغط هنا


* * *



1- هل أنت/ي ممن عانو من خسارة سوق الأسهم ؟ !


2- هل تؤيد/ين الأستمرار في سوق الأسهم , , حتى بعد الخسائر و الإنهيار ؟!


3- هل أنت/ي ممن يؤيدون الأستثمار في الخارج ؟!


4- ما رأيك/ي في سوق الأسهم و الإكتتاب , , و الإستثمار السعودي , , حاليآ , ,

و ماذا ينتظر و يتمنى الجميع من سوق الأسهم ؟ !






شكرآ لكل الذين شاركوني برأيهم , ,


و شكرآ لكم أنتم . . .

.
.
.


مرحباااا

جبتيها عالجرح..!!
تلاعب مو طبيعي بالاسهم.!وربي اكبر مهزلهـ
والله مساكين احنا يالشعب..ياكلون فلوسنا واحنا نتفرج نطلب من ربنا العووض.!
زي ماقلتوا صارت الاسهم تاخذ مو تعطي.!

.
.

من ناحيتي الحمد لله ماساهمت
بس الوالد
راحت نص فلوسه بالاسهم..!طارت..
حسبي الله بس على من كان السبب.!
بس الحمد لله يارب لك الحمد احنا احسن من غيرنا
على الاقل عندنا شي يوكلنا يعيشناا
يعني يارب لك الحمد مو محتاجين ابدن..
لكن الي راتبه 5000كيف يعيش,,!
اذا الاسهم طايحه والراتب 5000ومتزوج كيف يسددفواتيره كيف يصرف على نفسه وزوجته..!
ياااااارب لك الحمد احسن من غيرنا.!

.
.

الوالد من الي يعانون من خسارة الاسهم.!
وخسارته من خسارتي والله..
لكن حسبي الله على الي كان السبب..!
والله يعوضنا ياارب
والحمد لله والشكر على الي احنا عايشين فيه احسن من غيرنا
.
.

أقتباس

2- هل تؤيد/ين الأستمرار في سوق الأسهم , , حتى بعد الخسائر و الإنهيار ؟!

والله اذا كان ماراح يستمر بيخسر لا والله ما اايد..!
يمكن يكون فيه امل وترتفع

.
.

أقتباس

3- هل أنت/ي ممن يؤيدون الأستثمار في الخارج ؟!

والله مدري ..بس اتوقع ايه..
لنو اذكر وحده من صحباتي اهلها من الي يستثمرون من الخارج والحمد لله ربحوا مشاء الله
الملايين خاصه من سوق دبي

.
.
.

أقتباس

4- ما رأيك/ي في سوق الأسهم و الإكتتاب , , و الإستثمار السعودي , , حاليآ , ,

و ماذا ينتظر و يتمنى الجميع من سوق الأسهم ؟ !

والله دايم اسمع الوالد الله يحفظه يقول الي عنده فلوس يدخلها الحين لان ان شاء الله راح ترتفع الاسهم
ويرد الحلال لاصحابهـ..
اما بالنسبه لايش ينتظرهم..فينتظرهم الهم والغثاا.. استغفر الله ياربي
ينتظرهم خساير جديده وفادحه..
اما ايش يتمنون فـ يتمنون انه يوصل نص ماكان عليه
<<قنوعيييين
.
.
.

الللله يرد الاسهم يارب لاحسن من قبل وينتقم من الي كان السبب
ويفك ديون الي متورطين بـ هالاسهم..!
اعرف واحد وربي كان معه 900مليون وكان ينتظرها تصير 1000مليون ويبيعها
الحين يطالبه البنك بـ 15مليون
الله يساعده ويساعد الي مثله ياااااارب..
.
.

موون مره مره شكرا..موضوع بالمره حلوو
ويعطيك الف الف عافيهـ..وان كانك مستثمره فلوسك بالاسهم الله يردها دبل يارب

لكـ كل الشكر CC
.
.
.

\\


هلا و الله بـ [مون لايت]

وشلونك...طيب ان شاء الله.؟؟؟؟

والله انا ياخوي مالي في هالسوالف أبد وما حب اتدخل فيها,,


بس لفت نظري شغله

وشوله تذكرينا بـ الطفايس الي راحت علينا
هو مو ذاك المبلغ اللي يستاهل بس على الأقل
موسعن صدري في هـ العطله بدال ماني منطق
في البيت ومقابل هـ النت كني ملحوس خخخ
*
*
*
الأسهم . مشاريع . وغيره كلها تخوف اللحين
لكن البلا في الأسهم وزي ماقلت رايي في الفقره


1- هل أنت/ي ممن عانو من خسارة سوق الأسهم ؟ !
اكيد ولازلت اعاني اقول يمكن يرجع اللي راح وانا خابر مهنا شي بيرجع

2- هل تؤيد/ين الأستمرار في سوق الأسهم , , حتى بعد الخسائر و الإنهيار ؟!
لا ( توبه ) لو يقولون ببلاش .. قلت شكرا

3- هل أنت/ي ممن يؤيدون الأستثمار في الخارج ؟!
مافلحنا في الداخل عشان نفلح في الخارج

4- ما رأيك/ي في سوق الأسهم و الإكتتاب , , و الإستثمار السعودي , , حاليآ , ,

و ماذا ينتظر و يتمنى الجميع من سوق الأسهم ؟ !

والله الراي الأول والاخير في يد حكومتنا هي اللي تقدر تغيير كل هاللي جالس يصير
يعني حنا جربنا سوق الأسهم مانكر استفدنا وجنينا ربح بس كله في الأيام الي كان السوق
عايش احسن حالاته لكن الرجوع المفاجئ هو اللي لحد اللحين مانعرف وش اسبابه
حتى الاكتتابات اللحين بعضها تفتح على خساره او ربح بسيط مايسوى الوقفه في البنك

back

سلامو / BBP

على قولك , , ماحد يقدر يتنبأ بااللي راح يصير , ,

و أن شاء الله يرجع مثل أول و أحسن . .

منور الموضوع . .


أبو يزيد / BBP



الله يعوض عليك و يرزقك , , و يخلي لك يزيد و صبا , ,

و شكرآ لأنك شاركتني برأيك . .


حالي الذوق / BBP

أزين شيئ أنك ما قلت أم أسم أنقليزي

و باخذ النقاط اللي لفتت نظري في الردين , ,

و زين أنه ما كان عندك بيت و رهنته , ,

و حتى لو كانت الخساره قليله , , برضو تزعل , ,

و بالنسبه للرجوع المفاجئ للسوق , , فعلا غريب , ,

هلا فيك . .


زياد / BBP

يعني ياتشوفون حل يا ترا وشسمه ايه

^
^
و لا إيش

<---- ناويه توهقه

هلا فيك . .


القلب الدافئ /



أبوك يتابع المباشر , , يا صبره ما شاء الله , ,

و شفتي كل ما روق أستغلي الفرصه , ,

لأن المؤشر مو ثابت , ,

منوره يا عسل . .


مشاعل /

شوفي أكثر ما يحزني اللي على قولك , ,

متزوج و راتبه ما يتعدى 5000 و زوجته ,, مثلآ ما كملت تعليمها , ,

يعني أقصد ما عندها وظيفه , , و عندهم أطفال , ,

كيف بيعيشون , ,

و بالنسبه لأبوك الله يعوضه خير , ,

منوره يا قلبي , ,

و إذا على خسارتي مو مهم , , المهم أني كسبت ردك الحلو . .


أبو ملاك / BBP

أوووه , , خسارة أبوك المحفظه , ,

يعني خساره كبيره , ,

بس الله يفرجها و يرزقه , ,

و البطانه الفاسده لو تبعد عن كل المجالات , , كان أحنا بخير , ,

هلا فيك . .


السيف / BBP

أول شيئ أنا بنت , ,

و بقول شيئ , , صحيح أن البنوك عندنا تعاملها جدآ راقي , ,

و كل المساهمين يقدرون يبيعون و يشترون عن طريق النت , ,

و أحيانآ يرسلون بطاقة الصراف قبل ما تخلص مدتها بفتره , ,

و كمان لا تنسى المباشر , , يعني الحمد لله مو ناقصنا شيئ , ,

بس أبو ملاك يقصد الخساره اللي حاصله الآن , , و أنا ما ألومه , ,

لأن خسارة أبوه كبيره , ,

هلا فيك . .


المزن الهلالي /

ما شاء الله , , ردك جدآ بليغ , , و أسلوبك أحلى , ,

و أضرار الخساره , , مثل ما قلتي , , كانت حالات و أمراض , ,

يعني موت و خراب ديار , ,

بس على قولك الرضا مفتاح كل رزق , ,

و صح أن المملكه تقوم على أساس ثابت و حر في النظام الإقتصادي بشكل عام , ,

لكن يا المزن إيش خلا ناس كثير تفكر في هجرة الأموال غير الخساره , ,

و صغار المساهمين و المستثمرين صار حقهم ضايع مع الكبار , ,

يعني لو فيه رقابه صحيحه , , كان الوضع أحسن بكثير , ,

و صح سوق الأسهم يبغى له الصبر و التثقيف , , و بضيف مع كورسات الأسهم اللي قلتي عليها , ,

موقع خاص , , هيئة تعليم المستثمر , ,

أضغط هنا

أستمتعت كثير معاك بالنقاش , , و عطتيني دافع معنوي للكتابه مره ثانيه , ,

شرفتيني بردك يا قلبي . .