::

::

::

::

::



تخيلو بالله قد أيش فرحت يوم سمعنا بهالبرنامج

وأنا أقول لزوجتي خلاص أبشرك جانا الفرج وبتنحل المشكله

وبنجتمع في بيت ملك << بيت ملك ؟؟؟!!! لنا بأسمنا

بدينا نخطط وبدت تكبر أحلامنا

وكل مانقرى أخبار الجرايد والاعلام عن هالبرناج ماأبالغ لو قلت ان زوجتي

بدت حتى تفكر في تصميم الديكورات وتتخيلها

وغرفةالاولاد بتكون كذا وغرفة البنات بتكون كذا ونبغى نسوي كذا وكذا

والحوش بنسوي فيه ونسوي

فجأه كذا بدون مقدمات جتنا الصدمه

وكل ماأقرى وأسأل وأبحث تزيد المفاجأه أكثر والصدمه تصير

قهر وهم وغم وشي مابقدر أوصفه بالكلام

شوفوا هذا مواطن جرب كل شي على نفسه

على برنامج أحتساب التمويل اللي موجود في موقع بنك الرياض

http://www.riyadbank.com/wps/PDF/PPA...Calculator.exe
8
8
هذا رابط البرنامج

أقتباس

شوفوا معي وتعجبوا



التمويل : 413.200 ريال والقسط الشهري : 2805 ريال لمدة :300 قسط

والفائدة الربوية الاجمالية : 426.008 ريال

أي ان الفوائد الربوية أكثر من مبلغ التمويل

= = = == =

طبعا هذا المواطن اللي يشتكي لله الظلم اعتقد أنه خير مثل
لو أسلمنا الى أن اغلب الشباب السعودي مثل حالته
يعني راتب حدود 6000 ومستأجر وملعون خير خيره بقرض من أحد البنوك
ومستأجر بـ 1500 في الشهر وكهربه ومويه وتلفونات ونت ولاتهون المواد الغذائيه انتو عارفين
الارتفاع الحااااااد جدا في مؤشرها
خلونا من هذي نجي للشروط التعسفيه الاخرى

من ضمن الشروط أن الراتب لايقل عن 5000 !!
يعني اللي راتبه 4800 مثلا في نظر الدوله أو بالاصح في نظر بنك الرياض
مايستاهل يسكن في بيت ملك يشوف له بيت شعر او هنقر يسكن فيه :(

غير كذا لايزيد عمر المتقدم عن 55 سنه
طيب لو فرضنا واحد متقاعد عمره 50 سنه بس اللي يصفى
له من التقاعد 4000 مثلا يعني هذا مايحق له يأمن عياله قبل يموت
ببيت يلمهم فيه :(

من الشروط اللي قريتها برضه دفعه مقدمه لاتقل عن 10 % من قيمة المسكن
وين لاقينا فيه انتوا

وشرط أن المسكن حديث ماتجاوز 10 سنوات طيب ياخي أنا واحد ماأبغى بيت بـ 700 الف
أبغى بيت على قد حالي خلنا نقول بـ 300 الف تجبرني على شي مايناسبني ليش !

شروط تعجيزيه إذا افترضنا انها وضعت أصلا لمساعدة المواطن المغلوب على أمره
اللي لاهو منصب ولاهو وراث ولاهو هامور ولاهو راعي عقارات ولاتاجر :(
لأن اصلا أصحاب هالامور مهم في حاجة المساعده .

صراحه مقلب جامد أكلته أنا واللي زي حالاتي ومالها الا نحوّش
قال ايش قال نحوّش خخخخخخ طيب كيف نحوش وهذا الراتب زادوه من هنا
ولهطوه من هنا النيدو كل أسبوع بسعر ولايهون الزيت والسكر والرز

اتمنى من المسؤولين إعادة النظر في هالبرنامج اللي وجوده زي عدمه
وأعتقد ماراح يقبل عليه الا واحد بايعها شرعا