السـلام عليـكم ورحمـة الله وبركـاتـه BBP
مسـاء / صبـاح
الخيـر للجميـع
ليـه أحنـا كـ شعب سعودي او شعب خليجي او شعب عربي بأكملـه ..
أفضل شيء عندنـا .. نشّر الأشاعات الي مالهـا اي فائدهـ !!
أشـاعـات ليس لهـا " هدف " محـدد .. اشاعـات سائبـه مجرد " رعـب " للسكـان ..
اشاعات انتشرت في دول الخليج والدول العربيــه اجمـع ..
وليس كأي انتشار .. ولكن انتشـار كبيـر جداً ..
وتوصـل أحيـانـا من الكذب .. الى حـد الوفـاة .. مره أشيع وتقاول بأن زينب العسكري
انتقلت الى رحمة الله 
.. وزينب العسكري ممده كراعينها ومرتاحه .. انت كـ شخص
ينشر الاشاعه وش راح تستفيد ؟ .. ومره أشيع بأن ياسر القحطاني توفى لاسمح الله
طيب انت نشرت الأشـاعه وش الفايده الي راح ترجـع لك ؟ .. ماراح يجيك الا الدجـه 
قبل فتـره أشيـع خبـر عـن سـاحـرة تجـول في الراشد وجيـان .. يعني اقسم بالله شيء غريب
وطريقتهـا بالسحـر .. تذهب للبنت المطلوبـه .. وبـ مجَرد لمسهـا للبنت .. علطول البنت تتبعهـا دون وعي
وتذهب بهـا لبيت الساحرهـ .. وبعدها تستدعي الشباب بـ ذهابها للشاب وتعرض عليه الفـاحشـه !!
فيـوافق ويذهب معهـا وينقي .. ويفحش بها اعوذ بالله ثم يخرج وكأن شيئاً لم يحدث ..
تكلم احد الشباب المقربين لـ " خـويي " .. وقـال انـا جت لي عجوز صدقاً وعرضت علي الفاحشـه
فـ مجَرد عرضت علي تذكرت سالفتهـا .. فوافقت .. وودتني لـ تكسي وركبت معه .. وطلعت ورقه وقلم
وبديت اسجل المكان شارع شارع .. مكان مكان .. الين ماوصل وحط الورقه بجيبـه ودخل معها .. قالت له
اختار البنت .. لقا بنت مرتبكه وباين عليه الخوف .. قال هاذي .. لما طلعوا فوق قالهـا انا ماراح اسوي شيء
بس ابي اعرف السالفه !! .. قالت البنت والدموع في عينهـا .. كنت امشي في السوق وفجأه وكأني نمت .. ولقيت نفسي هنا !!
الشاب يقول استغربت .. يقول جلست اسألها لما قلت اوكي يله انزلي .. يوم نزل وجاء بيطلع .. توجهت له العجوز
وضربت على كتفه وقالت .. صدقني بـ ترجع !! .. علطول طلع الرجال وراح مركز الشرطه .. ولما طلع الورقه
لقى الي فيها كله ممسوح .. وتكلم مع الضابط وقال الضابط انه جته حالات كثيـره جداً .. ولا ندري سببها
الى يومكم مادري هل السالفه صدق .. او كذب .. ولكـن الله يستر علي وعليكم من هالدجالين والسحره
أيضـاً .. فيه سحـره الييـن بكرهـ ودجالين موجوديـن في مكـه .. وتحديداً في غـار حراء .. تكلم معي واحد
من اخوياي توه راجـع من مكـه .. يقول .. بعد ماقضيت عمرتي وحاجاتي .. فكرت اني اروح لغار حراء اشوفه
ورحت مع صديقي هنـاك .. يقول وصلنا زحمـه غير طبيعيه .. يقول لما وصلت لقيت صف طابوور .. يوم رحت
بشوف وش السالفه .. لقيت حاطين بلاط في مكان محدد ويزعمون انه المكان الي كان يجلس فيه الرسول
صلى الله عليه وسلم .. ويقوم كل واحد ياخذ له ركعتين .. يقولي والله العظيم اشوفهم بعد مايخلصون صلاه
يا يبوس الارض او يلحسهـا !؟ .. ياخي وش ذا الحركات .. وش ذا الدجل الي وصلنـا له ؟
وللأسف اكثر الي يبون هالسحر والدجل يكونون من جنس النساء .. نسبة 76% من النساء يذهبون للسحره
ونسبه 24% من الرجال يذهبون ايضاً .. ولكن للأسف اكثر الحريم " خفيفين عقل " ودايم يرددون هالسوالف في
" شاهي الظهر " .. تلاقيهم مجتمعين والحب موجود وخذ لك بالسوالف .. شفتي ام محمد زوجها صار خاتم
بأصبعهـا .. وشفتي ام خالد زوجهـا طلقهـا وسوت له سحر ورجع لها .. ويله خذ لك من هالكلام !!
وللأسف البنت تصدق وتجرب .. وكل هالمسلسلات الله يخليهم يحاولون يوعونهم ويسوون حلقات عشان يفهمون
ولكن صدق " لاحيـاة لمن تنـادي " .. !!
قصص السحرهـ والدجـاليـن كثيرهـ جداً .. ولكن الي تستغربه اكثر .. طلباتهم !؟ .. يجيك ساحر يقول
ابيك تجيبين سروال زوجك .. وشعره من شعراته .. وفنيله لابسها 4 ايام ماسبح .. وقماش من واحد من ثيابه
لبسه اسبوعين مافصخه .. وش ذا الطلبات ؟ .. من وين تجيب لك فنيله لابسها من 4 ايام ماسبح .. تبيه يخيس ؟
يعني قسمن طلبات تلوع الكبد وغبيه مع كامل احترامي لكم .. ولكـن للأسف بعد يصدقون !!
وبعضهم يجيبون بعد .. مافيه وعي .. مافيه دين .. وين دينكم الي يحثكم على الابتعاد عن الدجل والخزعبلات الي زي كذا !!؟
شيء غريب والله !؟
ايضاً السحـر وصـل للخدامات الله يكافينا الشـّر .. بعض الخدامات لازعلوا قاموا لك بالسحر ..
احد القصص الي سمعته من خويي يتكلم عن سالفه صارت مع اخوه الكبير .. يقول يوم من الايام
رن الجرس وطلعت اشوف من الي جاي لقيته واحد من الجيران الي مانعرفهم معرفه كبيره .. وقالي وين
اخوك ؟ .. قاله دقيقه .. وراح خوينا قال لأخوه ان فيه برا فلان يبيك .. استغرب اخوه وطلع لـه .. ويوم شافه اخو خويي ..
( راح اكمل السالفه على اني انا اخو خويي عشان تكون اوضح ) يقول .. قالي الرجال تعال اركب معي
انا استغربت وش يبي فيني .. سألته وين تبي توديني .. قالي مشوار قريب .. ووداني لمكان صاد عن الناس
ودخل يده تحت السيت وطلع كيسه .. وطلع منها اغراض غريبه .. وقالي .. انت ملتزم وتعرف بالامور هاذي
( الي هو اخو خويي ) .. هاذي لقيتهـا مع خدامتنـا وعرفت انها سحر .. يقول اخو خويي .. اشكالها غريبه
منها .. مسماريـن جايه عكس بعض ومربوطـه .. يقولي من فتره اكتشفنا ان اخوي وزوجته تاركين بعض
وبعد فتره لقينا اخوي نايم مع الشغاله في غرفتها ؟ .. واشياء تصير في البيت .. يعني البيت انقلب
يقول اخو خويي الحمدالله اتصلت على شيخ وفكينـاها ورجعت المياه لـ مجاريهـا
" طبعـاً ماراح أأكد على السالفه .. نقلتها لكم كما سمعتها .. هي صدق ولا لا كلهـا عند خويي "
طبعـاً ان كانت صدق وان كانت كذب .. مايخفي ان الشغالات او الخدامات مشاكلهم كثيرهـ ..
عشان كذا انصح تفتيشهم قبل السفر عشان تتأكدون انهم ما اخذوا شيء يخصكم ..
ما ودي اطول بالموضوع اكثر من كذا .. ونجي للاسئلـه
1/ رأيك بـ السحر والدجـل ؟
2/ فيه يوم مر عليك .. فكرت انك تسوي سحر ؟
3/ السحر والدجل وش اسبابه ؟
4/ ليه الناس همهـم نشر الاشاعات ؟
5/ الخدامات وضررهم .. رأيك فيه ؟
6/ السؤال الاخير هل سمعت موقف او حادثه لقريب لك او لك شخصياً ؟ اذا فيه ياليت تذكرها .
* ملحـوظه / القصص في القصه مأخوذه من ناس مقربين لي .. فاذا كانت " كذب " فـ اسمحولي
نقلتها كما سمعتهـا .
وبالنهـايـه
كمـا التقينـا أحبـه .. سنفترق أحبــه 
مُحبكـم / زيـآد
.
30-06-2007, 03:46 AM
[ طاحـوا فيهـا سحـر وخرابيـط .. وبالنهـايـه كلهـا اشاعـات ] .. !
رد: [ طاحـوا فيهـا سحـر وخرابيـط .. وبالنهـايـه كلهـا اشاعـات ] .. !
رد: [ طاحـوا فيهـا سحـر وخرابيـط .. وبالنهـايـه كلهـا اشاعـات ] .. !
وهربت ,, وتكاليف قدومها تروح هبا ء ً منثورا ً 
العرض العادي
