طيط طيط
حياكمـ أقلطوا
أدري هالأيام إختبارات وحاله وكلن معه كتابه بس للأسف قدر الله علي
وعطلت قبل 3 أسابيع من المطارس
والحين عاطله باطله لاشغل ولامشغله
يعني أي شيء تبونه حاضري للطيبين 
محاتسيتكم : مفهيه * <<<هالنجمه يعني تحت فيه حتسي عني 
تتمنى لكم قراءه ممتعه والله ولي التوفيق <<<لايكثر طال عمرك 
شدوا حيلكم مابقى إلا الاسبوع الجاي وتملون روسكم
نووووووم
وحقين التوجيهي أقولهم كبروا المخده من الحين مااظن احد بيقبلكم
بس بتلقون شيء يضفكم
الحين المنتدى حق ياسر وإذا جاء طاري ياسر
يعني العقربيه والعقربيه
يعني الخبر 
والخبر يعني الشرقيه والشرقيه تعني حبي بعد الرياض حبيبة قلبي
<<<ياكثر هرجك وهذرك طال عمرك
وعلى كثر ماأدوج عندكم بالمنتدى قليل أشوف مواضيع عن الشرقيه قلت أحط
هالموضوع عن الشرقيه يمكن نوفيها شوي من حقها وزياده مقبلين على صيف
وفيه اماكن بالشرقيه تزنن يعني روحوا الله لايهينكم <<<مايحتاج توصين أهل الرياض
على الخبر ومن الخبر على البحرين
أحووووووووووووبكم
طيط @لكل أهل الشرقيه أقول لهم أحووووبكم كثير ماااااااااااااااااااااااااااااااااااااارهCC
طيط @ يعجبني بأهل الشرقيه معزتهم لجيرانهم
يعني عشت بأكثر من حي هناك كلهم
مع جيرانهم زي العسل مو بالرياض الله يخلف مانعرف إلا عوايل الجيران هذا إذا عرفناها
طيط@ عيد الشرقيه يزنن ولو إن عيدي يكون نوووم بس بعد الصلاة الجيران مع بعض والبنوتات
والحريم يجتمعون مع بعض وكأنهم أهل وأكثر
طيط@ ميزة أحياء الشرقيه بـ الحي الواحد تلقى مناطق المملكه
مجتمعين يعني اللي من
الجنوب واللي من الشمال واللي من الحجاز واللي من القصيم
( عاد أسم الله عليهم أهل القصيم
موزعين بكل مكان والقصيم بعد مليانه) BBP <<<ورده للقصمان كلهم وتراكم على العين
والراس
بدون زعل 
بيب@أكثر ماأكره بأهل الشرقيه إذا كنت بالدمام ودقيت على نوفه
انا : اهلين نوفه وينك ياشيخه
نوفه: هلا مفهيه معليش بس انا الحين بالبيت
انا : طيب تعالي عندي خلينا نشوفك من زمان عنك
نوفه: طيب الحين انا بالبيت تعرفين وشلون بالبيت يعني بالخبر مو بالدمام
مشوار الخبر والدمام كله يجي ربع ساعه مدري عشر دقايق بس عند اهل الشرقيه طوو
وووويل
كأني قايله لهم روحوا من الخبر لأبها BBP <<<ورده لأهل الشرقيه وياليت يحطون الخبر والدمام مع
بعض علشان ماتتعيجزون بالمشاوير وعاد أسم الخبر والدمام بعد الدمج مخليته لأقتراحاتكم 
بيب@ أولأسماء احياء الدمام (مخطط 91, مخطط 71 . مخطط عشر طعش ) كان نفسي أغير
أسماء الأحياء حقت الدمام الحين الحمدلله تغيرت أسماءها
بيب@ أسواق التميمي عند حي الفيصليه اللي بالدمام على مااظن
وبعد اسواق التميمي
اللي هناك إذا مسكت طريق الخبر فيه على اليمين أسواق التميمي ثانيه 
ليش ثنتين
ومابينهم إلا مسافه شويه أ نا مطري قاهرتني هالثنتين ودي أشيل وحده منهم <<<<مدري وش
حارقن رزك طال عمرك
بيب بيب بيب@ هذي نوووقطه موووهمه وهي إن اهل الخبر سلمهم الله كل ماشافوا ناس واجد
بالراشد
وخاصه وقت الإجازه قالوا ماجاب الزحمه إلا أهل الرياض وكن أهل الرياض
ماعندهم أسواق بالرياض بس عاد الصراحه الراشد غير له طعم ثاني 
الإشاره أول ماتدخل الخبر اللي على اليسار فيه عمارة الراجحي على مااظن هذي إذا أمتلت
قام أبو نوفه يسب 
ويشتم بـ أهل الرياض يقول وش ذا قطع ماامتلت الإشاره إلا يوم جوا اهل
الرياض س الشكوى لله لازم أنثبر وأسكت ومااقول له شي ولو يظل أبونوفه حبيبت قلبي
يعني وش فيهم أهل الرياض كلهم ملح وسكر 
وقبل كذا ماجوا إلا لأنهم يحبونكم
حبيت يكون هالموضوع تعريف بالمنطقه الشرقيه خاصه إن اغلب الاعضاء ساكنين بالشرقيه
<<<مدري وش دخل هالفيس بس حبيته
قلت كلن يحط اللي براسه هنا صوره معلومه قصه مدح أو حتى إنتقاد للمنطقه 
كثير ناس إذاقلت لهم الشرقيه قالوا يعني الدما م صحيح هي مركز المنطقه بس مايلغى إن
الشرقيه مدن كثير حلوه 
بسم الله نبدأ <<<كل هذا ومابعد بدتـــ 
المنطقة الشرقية: وتشمل الدمام والخبر والظهران والهفوف والجبيل والقطيفالاحساء ورأس
تنورة وأبقيق
رحيمة أو راس تنوره
ببدأ فيها بحكم إنها تعني لي الشيء الكثير كنت تقريبا أعسكر هناك فوق الشهر او اكثر كل سنه
رأس تنورة (رحيمه) تقع في شرق المملكة العربية السعودية و تبعد عن مدينة الدمام العاصمة الإدارية للمنطقة الشرقية 70كم و.10. بالنسبة لمحافظة محافظة رأس تنورة، فإن مساحتها حوالي 290 كيلو متر مربع و يبلغ عدد سكانها حسب إحصاء عام 1425هـ 43.338 نسمه .
المدينة كانت تحمل اسما آخر هو رحيمة، تعود أسباب تسمية رأس تنورة بهذا الاسم إلى أنها على شكل رأس ممتد في البحر إضافة إلى وجود دوامة بحرية أشبه ما تكون بالتنور. أما مسمى رحيمة فمنها أن سكان شركة الزيت عندما أقاموا منازلهم أقاموها بجانب عين رحيمة، وكذلك إلى أن الأسماك كانت تعلق بالشعب المرجانية في المد و الجزر فكان السكان يأتون لأخذها بكل يسر فسميت رحيمة لرأفتها بهم .
خلاص يكفي معلومات جغرافيا ومدري وشو رحيمه شيء مو صاحي مدينه هاديه قلوب أهلها على بعضCC
بحر رحيمه خطير مااااره هادي وحلو ونظيف وحتى فيه ملاعب وسعيه مو مثل حق الدمام
وش بعد بـ رحيمه إيه والله ياعندهم محل يصلح فطاير جبن سايل خطير ذاك المحل بشكل بس
مطري وش أسمه بالضبط لأني إذا بغيت قلت لـ هنوفه تجيب لي منه ماره اكه وشيء مو
طبيعي عندهم بعد واحد من زمان قبل ماأدخل الإبتدائي أتذكر إذا رحت هناك يجيبون لي زعتر
اللي يبيع المحل واحد لبناني بس مااذكر أسمه طعم الزعتر للحين بـ خشتي من كثر ماهو زين
و خطير وهـ بس يارحيمه اللي يبي يروح للشرقيه يمر رحيمه تراها تزنن
نجي للدمام
مركز المنطقة الشرقيه وعندهم الشارع التجاري اللي أول ماتجي من الرياض يسار
وعندهم مدينة ألعاب الحكير أو (الهابي لاند ) مش بطاله بس أحس يبغى لها تطوير وعندهم
مدينة الألعاب حقت بزران تعجبني ذي لي ذكريات معها كنت لازم أسنتر هناك وعندي لعبة قبل
ماادخل الإبتدائي شاريتها من هناك وللحين عندي وطبعا فيه مجمعات بالدمام المارينا مول
على مااظن والشاطئ مول بالنسبة للفنادق الخبر أحسن بس فيه بالدمام (شيراتون الدمام)
وحتى الشيراتون مش ولابد يمكن آخر مره كنت فيه قبل سنتين بس الحين يقولون جددوا فيه
وصاير حلو وهذا اللي نتمناهـ
تقع الدمام على الشريط الساحلي للخليج العربي إلى الغرب من مدينة الخبر ويحدها الخليج من ثلاث جهات الشمال والشرق والجنوب وأما من الغرب فتحدها صحراء الدهناء. وهي عاصمة المنطقة الشرقية الغنيّة بالنفط.
وفيها قرية الخليج يعتبر منتجع
الخبر فيها بيت بوسعيد <<<أحلفي
الخبر بعد فيها بيت نوفة حبيبت قلبي ماااره الخبر طلقه وشيء وعندهم مطاعم أكلات بحريه
كثير أحسنهـا ( البانوش
) شيء مو طبيعي أكله يعجبني وأماكن السكن عندهم أحسن بكثير من
الدمام أمممم بعد وش عندهم إيه فيه مدارس سعد <<<رايحين سياحه وإلا دراسه
ههههههههههه
وعندهم مستشفى سعد لاسمح الله صار فيكم شيء <<<لاتفاولين على الخلق
الواجهه البحريه حقت الخبر حلوه واهم شيء عندهم مطاعم وجبات سريعه هناك وشو بعد فيه محل عصيرات يزنن بس أتأكد من أسمه بسأل نوفه وأقول لكم وأهم شيء عند السعوديين
إنه من الخبر يقدر الواحد يطلع على البحرين
إيه وفيه ( سايتك) إختصار لـ مدينة الأمير
سلطان للعلوم والتقنيه على مااظن من فتح المركز وانا بروح له ولارحت بس إن شاء الله أروح
هالصيف الفنادق عندهم ( القصيبي . والنمران .شرفة الخليج. وموفنبيك توه يبنونه على مااذكر
وعندهم بعد هوليدي إن منتجع)
الاحساء فيها جبل قاره أهلها اعسل من العسل طيبين وماره حبابين 
حفر الباطن و الخفجي الناس يروحون يخمون حولهم بالشتا وبعد قريبه من الكويت اللي يبي يسير
على الكويت من الحفر يقدر على طول
الجبيل هالمدينه مهما قلت عنها ماراح اوفيها حقها كورنيش جووونان وبحرها نظيف وحتى
المخيمات اللي هناك تابعة للشركات مااااره خيال وتعامل أهلها جدا راق حدايقها كثير حلوه بس
ماأحس أخذت حقها مثل الخبر
بقيق . النعيريه . قرية العليا . القطيف . العضيليه .الهفوف . سيهات وغيرها من مدن وقرى الشرقيه أتمنى تأخذ حقها مثل ماأخذت المدن الثانيه
ياليت أكون أوفيت الشرقيه ولو جزء من حقها والموضوع مفتوح لكم حياكم أقلطوا
مفـــهـــياتـــ
قبل كم سنه كان فيه بنده جديد فاتح بالدمام وإزعاج أبغى
أروح له أبغى اروح له وبالأخير وافق خالو أروح له 
لابعد من زين الحزه كان الوقت 12 ونص بالليل بس قال بشرط كل اللي بالبيت يروحون معنا قلت موافقه
والله ونضف اللي بالبيت بس الأمهاتـ ماراحوا كنا 15 شخص لا السياره جمس موديل الثمانينيات والله
ونركب ونروح وخذ لك خم من هالأغراض وبالعربيه البزران كل واحد راح بجهه وبعدين تجمعنا وجينا نحاسبـ
اهئ اهئ اهئ طلع الحساب مبلغ وقدره والعيال مع خالوا كانوا توهم لاعبين كوره ومامعهم فلوساتهم
بجيوبهم 
ومافيه أحدمعه فلوسات إلا أنا والله وأجي أطلع اللي بالبوك كله وكلهم يقولون أحسن هذي
اللي يبيده طبعا حاسبت عنهم كلهم لأن البزران اللي معه خمسه وجايب لي آيس كريم كبير أبو 15 بس
الحمدلله عدت على خير بعدها حرمت أروح شيء أسمه بنده لابالرياض ولابالدمامp10
الجبيل مره كنا رايحين مع ناس كثير هناك وجلسنا بحديقه وبعد كذا بنروح مخيم إلا أتهاوش مع ناااااس
هوشه بب صاحيه عاد للحين كل ماشفت أحد من الناس اللي حاضرين هالهوشه يقولون مفهيه تذكرين الجبيل
لحظتها يطيح وجهي بس وهـ وش حليلي وقت ماكنت أتهاوش مع الخلق
مره كنت جوعانه جووووع بب صاحي أبد وكنت بالخبر ومافيه أحد يجيب لي عشاء ونوفه عندي
وقسم حالتنا حالة تقل عيال فقر جوعانين بشكل وأمي تقول تبون عشاء فيه توست جبن واللي مايبي
الشكوى لله لأن مافيه أحد يجيب لكم عشاء وأمسك أوراق المطاعم وأبدأ أدقدق طلبت من هرفي
وماك وبرجر كنج وكلهم يقولون الطلب بيجي بعد ساعه ونص والله شوي أصيح وأتصبر وكل مادقيت
على محل قال أصبري دقي على مطري وشو وإلا دقي بعد شوي وإلا عطينا الطلب ونشوف لحظتها
تمنيت إني بالرياض من أطلب يجي بربع ساعه طلب هرفي دق وقال ماراح يجي وبرجر كنج
يقولون زحمة وماك وصل الطلب بعد ساعتين إلا ربع بس حلوه المواقف اللي مثل كذا
إيه تذكرت حاطة لكم نجمه أول المووضوع
* يعني مفهيه بنت النمر اللي جنبكم بنيه وش حليلها مستعده تدرسكم على حسابها بـ
هالأيام بس ماأدرس نحو وغيره أبد اللي تبون وربي يوفقكم كلكم بإختباراتكم
وتنجحون واللي توجيهي بإذن الله تجيبون نسب حلوه تدخلكم التخصص اللي تبغونBBP
إيه باركوا لي نجحت ماده B والماده الثانيه C يلا أستقبل التهاني والتبريكات <<<من زين نجاحك
انتي ووجهك
للمعلوميه هذا أول موضوع لي منسق <<<الله وهالتنسيق عاد وهذي جلستي على الجهاز
من فكرت أكتب الموضوع الساعه 3 العصر لين الحين 7 إلا خمس
ماقمت إلا لصلاة العصر ورجعت مره ثانيه أتمنى تتفاعلون مع الموضوعCC
فه فه الجابر <<<يعني أخت ريما وعبودي
11-06-2007, 06:39 PM
رد: East Coast أو Coast East
رد: East Coast أو Coast East
<-- اكرهـ هالفيس 
ودها تعرف وش سالفة رقم عشره
مراتـ غداء وعشاء بنفس اليوم حشا تقل جايين بس للعزايم 
العرض العادي
