السلام عليكم ورحمة الله وبركـ ـآته

كيفكم ؟
هذه اول قصه اكتبهآ بخط يدي .. وتفكيري ومعي كم بنت من زميلاتي
فماراح تكون يعني مـ ـآأإره رهيبه لكـ ـن هذا الي طلـع معي
فبنزلـها هنا ونزلتها بمنتديات بنات كوول





..() التـ ع ـريف بالشخصيآت ()..

ابوفيصل واوبو عبدالرحمن اخوان
بالنسبه لابو طلال صديقهم من الشباب ومقرب منهم فيعتبر من عائلتهم

ابوفيصل
توفت زوجته ام فيصل اثر حادث من خمس سنوات
وابوفيصل اصيب بورم في الرأس وهو مسافر للعلالج

فيصل ولده الوحيد 26
ساره بنته الدلوعه والمتعلقه بأختها مرام مأآإره 21
مرام 28
اكبر عياله متزوجه من ولد خالتها محمد وعندها ولد اسمه عبدالله


ابوعبدالرحمن
ابو عبدالرحمن سافر مع اخوه ابوفيصل للعلاج وماحب يتركه لحاله وهو بهالظرف
ام عبدالرحمن كانت جدا ً قريبه من عيالهاوعيال ابوفيصل كانت تحبهم
وتعتبرهم مثل عيالها بالظبط بحكم انهم انحرموا من الامومه
عبدالرحمن كان شاب بكبر فيصل 25
مشاعل هذه اصغر البنات وتحب بس اللعب والطفاقه 19
واختها روان توأم روحها مأآإره مقربات من بعض 20

ابو طلال
ابوطلال مثل ماقلت كان صديق لهم وتطورت العلاقه وصار واحد من العياله
ام طلال كانت حرمه كبيره وحنونه مأآإره وكل الناس يحبونها لطيبتها وشخصيتها

طلال مسافر من شان دراسته الدكتوراه 27
وعبير شخصيه بنت مميز جدا ً واثقه من نفسها وهذا شيء يساعدهاا 20
واروى الصديقه المقربه لساره 21

واليوم الثاني كانوا البنات للحين على وعدهم بالروحه للاستراحه وماكان ودهم كل وحده تجي بالسواق
حقها على قولة عبير بنت ابو طلال دفاشه وزحمه مالها داعي فطاوعوها البنات وطلعوا بسواق واحد
حق ابو طلال لحكم ان سيارته جمس فبيكفيهم هم واغراضهم ...

عبير واروى طبعا ً خوات وماتخلوا من الهواش قعداتهم كانوا متفقين على الساعه تسع يمشون للاستراحه
اروى وهي رايحه للسياره : عبيرووه عجلي اخرتينا على البنات
عبير جايه ركض ونست الشيله فوق : يله يله جيت امشي يله نركب
اروى تطالع عبير تبغا تستوعب البنت صاحيه : هي هي انتي وين رايحه ؟
عبير : ليه اشفيك مو تقولين تأخرنا يله حركي
اروى : ههههههههههههههههههه روحي يمه روحي البسي شيلتك وظبطي العبايه وجيبي شنطتك وتعالي
عبير تبغى تستوعب وتطالع الا هي جايه لحالها ومامعها شيء : ايه صح خلاص انتظريني طيب
اروى : شوفي بروح امر على البنات وبعدين برجع لك انت جهزي الاغراض على بال مااجي اوكي ؟
عبير : خلاص اوكي انتظرك


طلعت اروى مع السواق ومرت على بيت ابو فيصل لحكم انه الاقرب .. وعشان ودها تشوف فيصل من زمأآإن ماشافته
وماتكفيها صوره الي بالجوال حقها ولا الي بالابتوب حقها بعد ..
دقت اروى على ساره .. على اساس تطلع بس ساره كانت بتروح مع فيصل فنست تقول للبنات ..
فماحبت تقول لها وتحرجها لانها جت واخرتهم فطلعت ..

ساره لبست عبايتها وكانت بتطلع خلأآإص .. بدون ماتعلم فيصل

دخل فيصل وناظر ساره بأستغراب وقال : هي بنت وش قلنا انا الي موديك
ساره وهي تسوي شيلتها وتاخذ شنطتها : فصوول خلاص البنت جت مااقدر اتأخر
فيصل : اوووووووووه عيب الي يوديك يله مع السلامه
ساره : هههههههههه لا ولا تزعل يله سي يااا
فيصل : يله مع السلامه

طلعت ساره وسلمت على اروى وقعدوا يسولفوا
ساره : سوري اروى على التأخير
اروى : لا عادي
ساره : اجل عبير وين ؟
اروى : عبير باقي ماجهزت فقلت لها اني بمر على البنات وبرجع امر عليها
ساره : اهاا طيب يله نمر على روان وشوشو
اروى : اوكي ، عمر مر على بيت ابو عبدالرحمن

ومروا على البنات كلهم وطلعوا على استراحتهم ..

================================================== ==


مرام : هاا محمد عجل الطياره بتروح عليك
محمد : يابنت الحلال خل نفطر والله جوعاااااان
مرام : اوكي انتظر
الساعه سبع وللحين محمد ماراح .. خافت مرام ان الطياره تفوتوه لان هالسفره مهمه جدا ً لمحمد وماودها انه يفوتها ابد
جلست على الكرسي جنبه .. وقعدت تأكل عبوود
محمد خلص اكل وقام وكمل اغراضه ورجع المطبخ عند حبيبته مرام
محمد : يله بروح
مرام حطت عبود على الكرسي وقامت .. جاء محمد عنها وصاروا مقابل بعض تماما ً .. محمد كان مبتسم ومرام تبادله الابتسامه
محمد : حياتي يله بروح
مرام : اوكي بس مو تنسى تتصل
محمد : وانا انسى دنيتي ، اوعدك اول مااوصل ادق عليك
مرام : ...........................................
محمد باس مرام على خها وهمس بأذنها : احبك
مرام ماتت خجل بطبيعتها : وانا بعد
محمد : هههههههههههه يله مع السلامه
مرام : مع السلامه

راح محمد وضم عبودي لصدره وباسه وسلم عليه وبعدهاا طلع على المطار
واقلعت رحلته وموعدنااا معه بعد سبعه او ثمانيه شهور .. وهذه سنوات كثيييره بالنسبه للي مثل مرام ومحمد

==================================================
بنتقل للبنات في الاستراحه .. الجو عند هم كان رووعـه وكانوا مستانسات عليه مـ ـآأإره ..
طبعا ً تفرقاو البنات اول ماوصلوا اروى وساره مع بعض بالصاله بالاستراحه
ومشاعل وريم وروان طلعوا على المسبح لكن ماسبحوا بس يلعبون
وعبير لأنها ماخذه الابتوب معها ووعدت زميلتها انها تكلمها بالمسن وتعطيها الاجواء عندهم

بالصاله عند اروى وساره كانوا يسولفوا بأشياء كثيره
ساره : ايه مثل ماقلت لك وانا مستانسه حيل
اروى : اخيرا ً مشتاقين لها مأآإره
ساره : لا ومعبودي بعد
اروى : طيب مع مين راح تجي ماتقولين محمد راح يسافر اليوم
ساره : ايه بس انها راح تجي مع فيصل
اروى دق قلبها لما سمعت اسم فيصل .. بس ماحبت تبين اي شيء لساره
ساره : اعتقد انه راح ألـ ـحين
اروى : راح ؟ !!! اوكي ومع مين بتقعدين اذا رجعتي من الاستراحه
ساره : بروح مع ريموو لبيت خالتي
اروى : ايه صح
ساره : اوكي اروى قومي خل نلعب مع البنات برا ، الجووو ونأآإسه مأآإره
اروى : اوكي انا بطلع آخذ جوالي واجيكم
طلعت ساره مع البنات ومرت عند عبير عشآن تجي تطلع معها

ساره : عبوووري يله عاد جينا نونس
عبير : هههههههههههههه ادري والله لكن ذيه اموول مدري اشفيها عيت تروح
ساره : صرفيها عاد
عبير : اوكي

امل زميلة عبير عيت انها تروح تقول استانس معكم احس اني قاعده معكم وعبير تبي تقفل لان البنات باقي بون
الابتوب وماتبغى تخلق البطاريه
عبير : امل يله عاد خلآص ..
امل : هههههههههه اوكي حبيبتي يله اشوفك ان شاءالله
عبير : ان شاءالله
امل : لا تنسين تصورين الرحله
عبير : اوكي ماني ناسيه ، يله مع السلآمه
امل : مع السلآمـ ــه


طلعت عبير وقفلت الابتوب .. وراحت مع ساره وراحوا عند ريم ومشاعل وروان
وكانوآ الثلاثي ذولاك مستانسين لأبعد حد ..
روان : ارحبوا اهلين مابغيتوا تجوا يالعجزه
عبير وساره : هههههههههههههههههههههههههههههههه
مشاعل : يله بنات دام انكم وصلتوا خلونا نسبح والله ونآأإسه
ريم : ايه اااايييييييييييييييه مأآإره وناسه حتى المويه دافيه
ساره : طيب اعصابك ، بس والله انتظروا اروى على ماتجي
مشاعل وروان : يوووووووووووووووهـ
عبير : ههههههههههههههه خلآص هذه جات

جات اروى وجابت جوالها معها ومن شكلها كان واضح ان مالها نيه ابد للسباحه
لأنها جابت جوالها وكرسي واخذت مجله معها وجلست رجل على رجل وفتحت المجله وتقرا

ساره : لا والله جالسه عن كوفيره وانا ماادري
روان : ههههههههههههههه طيب يله اروى قومي خل نونس يالعجيز
مشاعل ، ريم ، ساره ، عبير : ههههههههههههههههههههههههههههههههههههههههههههه هه
اروى تناظرهم : اقول انا مااحب اسمح هذا اولا ً ثاني شيء عبيرووه يالتخم بدل ماتضحكين علي دافعي عني
عبير : لا والله طيب قومي هزي طولك واسبحي
اروى : ماابغا
مشاعل : خلآص بكيفك يله بنات خلونا نووونس
البنات بصوت واحد : يللللللللللللللللله

ونطوا بالمسبح بملابسهم لأنهم جايبين احتياط معهم ، وسبحوا ولعبوااا
واروى كانت تناظرهم وتفكيرها اوب معهم ابد كات تفكر بفيصل

ريم : اروى ارووووووووى
اروى اخترعت لأنها مالاحظت ريم تناديها : ايه ايه نعم
ريم : وين كنتي
اروى : لا ولا شيء ليه وش بغيتي
ريم : لا سلآمتك بس البنات يقولون اتصلي على المطعم واطلبي غدا
اروى : ان شاءالله
طلعت ريم عند البنات الي طلعوا على الصاله بعد مااخذوا لهم مسبح ونسوا عليه كلهم الا اروى
رجعت لهم اروى لقت الهدوء عام المكان لأن ساره كانت تكلم فيصل وحاطته سبيكر ..

فيصل : ايه خلآص اوكي
ساره : اوكي بس تعالوا بسرعه
فيصل: ليه ان شاءالله
ساره : لا والله مشتاقه لأختي عندك مانع يعني ؟
فيصل : ههههههههههههههههه لا حلالك بس بروح اليوم وبكره بطلع على البحر وبعدها بنجي
ساره : طيب بس فصوول تكفون لا تطولون
فيصل : ان شاءالله كم ساره عندنا احنا
البنات يناظرون ساره وكل وحده تقول وين الكلام الي قالته عن اخوها انه يناقرها ومدري ايش هذا هو ياحليله
ساره : اوكي فصوول خلآص
فيصل : طيب اذا ً بتروحين بيت خالتي
ساره : ايه
فيصل : اوكي ساره لازم اقفل الحين يله مع السلآأإمه
ساره : مع السلامه

بعد ماقفل فيصل من ساره كمل طريقه ماكان بقيله شيء ويوصل فما فكر حتى يوقف حسبها انه يروح عند مرام
وينام عندها احسن له يعني بلا توقيف وتضييع وقت لأنه يبغا يرجع عشان الشركه محد يديرها غيره ..

بعد ماخلصت ساره من المكالمه البنات قعدوا يمدحون في اخوها فيصل
روان : شوفي سارووه ترى فيصل مبين انه طيوووب مأآإره
مشاعل : اي والله والا فيه احد يدلع اخته
روان : ايه هذا وجهي بس
اروى : بنات خلآأإص ماعلينا

وهم يسولفون ويحشون ويغتابون في خلق الله جاهم المطعم وكل وحده اخذت الي طلبته وقعدوا مع بعض سوو دايه وقعدوا ياكلون
براحتهم ويونسون .. وبعد المغرب بما انهم بنأآإت فخافوا يقعدون لحالهم فمشوا بسواق ابو طلال وساره نزلت عند ريم ..


==================================================

بعد اربع ساعات وصل فيصل للشرقيه عند مرام وكانوا فرانين ببعض لانهم من زمأآإمن ماتقابلوا
فمرام مشتاقه لساره ماضيعت وقت وجهزت شنطها وفيصل قعد بالصاله مع عبودي

فيصل يعلي صوته عشان مرام تسمعه لانها كانت بالغرفه
: اقول طيب متى بيرجع محمد
مرام من الغرفه : يقول بعد سبعه او ثمان شهور
فيصل : اهااا ايه زين بعد خل نفتك منه شووي

مرام طلعت وعصبت على كلمة اخوها وهو كان متعمد عشان يستفزهاا
: اقول لا يكثر هرجك وقوم نزل الشنط للسياره
فيصل : وشو نزلها توي جاي تعبان بدال ماتقـ
مرام قاطعته ورمت الشنط جنبه بالكنبه : اقول قوم ابغا ارجع من بدري يله عاد
قام فيصل مابيده حيله ابد اخذ الشنط ونزلها للسياره

واليوم الثاني مشوا من بعد الغدا طبعا ً ماكانوا مستعجلين فقعدوا يفرفرون بالشوارع وعند البحر وعقبها كملوا طريقهم

==================================================

بتـ ـبــــ ع

السلام عليكم
يشرفني انه هذا اول موضوع ارد عليه
وصراحة القصة رووووووووعه
وشكرا.

الله يعطيك العافيه ...,,
ننتظر تكمله القصه ...,
وزي ما قال ابو ملاك ..,,
لاتسوين حركات براود ..,,
ترا طلعت ريحتي ..الله يهديها..,,
....................................
طلب : ياريت كل يوم تطريحين جزء ...>> مو زي براود كل اسبوع سطرين
.......................................
وفي الاخير ..,
الله يعطيك العافيه . ...وعلى القوى ..,

هـــلا بـــ (......) نوركـ غطى عالكهربا ..,
كيفكـ ..؛ شنهي علوومكـ ..
والله الروايه حلوهـ زيكـ اقصد زيي ==>فاااااضيه

قامت ساره من النوم من بعد مارجعت من الاستراحه هي وريم وهي ماقدرت تنأآإم مأآإره بسبب تفكيرها
بمرام وتعد الساعات متى يوصلون هي وفيصل ..
فقامت الساعه 2 وعلى طول لبست وصحت ريم تبغى تروح قبل مايصون لانهاا تدري انهم بيمشون بعد الغدا
ساره وهي تصحي ريم وريم في سابع نوومه
ساره : قوومي ريموووه يله عآأإد
ريم وهي تنقلب على الجهه الثانيه : اممممممممم
ساره كانت لا بسه عبايتها لأنها كانت تبغى ريم تروح معها البيت عشان تستقبل اخوانـها
: قوووومي ريم وووجــع عاأآإد ترى والله اروى من دونك
ريم قامت وجلست على السرير وتناظر ساره بأستغراب
: وين على الله
ساره : رايحه بيتنا يله بتجين معي والا اشلون
ريم قامت : يله بس دقيقه اجهز نفسي
ساره : اوكي انتظرك تحت عن خالتي
نزلت ساره عن خالتها ام محمد .. ولقتها عند التلفزيون جالسه لحالها
ام محمد : هلا ساره هلا يمه
جت ساره وحب راس خالتها : هلا خالتي كيفك ؟
ام محمد : بخير الحمد لله انتي اشلونك اخبارك واخبار فيصل ومرام ؟
ساره : الحمد لله كلهم بخير وفيصل راح يجيب مرام من الشرقيه
ام محمد : ايه امس دقت علي وقالت لي توصل بالسلامه ان شاءالله
ساره : ان شاءالله
وقعدوا يسولفون وبعدها نزلت ريم واخذت عباتها معـ ـهاا وجلست معهم
ام محمد : وين رايحين
ريم : مدري اسألي بنت اختك
ساره : هههههههههههههههه لا ابد سلامتك خالتي بس ودي اروح بيتنا هنأآإك عشان قبل مايوصلون اخواني
ريم : طيب يالمفجوعه توهم ماشين يعني يدوب يوصلون وتعرفين اخوك فيصل باياله يمشي وش عاد ذلحين بحر والله ليلزق هنأآإك
ساره : ههههههههههههههههههههه ايه والله ماعلينا ييله قومي بلا تصاريف
ريم : اووووووف يله قمـنا
لبسوا ريم وساره عباياتهم وطلعت ريم تقول للسواق يحمي السياره
ام محمد : انتبهوا لنفسكم يابنيتي
ساره : ان شاءالله خالتي ولا تهونين
ريم : يله عأآإد ابغا ارجع بسرعه مليت ترى فيني النووم
ساره : خلاص اذا رحنا هناك اخمدي ولا تقومين
ريم : ترى والله كلمه ثانيه احلمي اجي معك
ساره مسكت يد ريم وسحبتها لبرا : يله يله خالتي مع السلأآإمه
ام محمد : ههههههههههههههههههه مع السلأآإمه بحفظ الرحمـن
طلعوا بعدهاا تفاهمت ريم مع ساره بالسياره وقعدوا يسولفون لحد ماوصلوا لبيت ابو فيصل

==============================================

ببيت ابو عبدالرحمن كانت اروى داريه بخبر روحة فيصل للشرقيه وجية مـرام وكانت حابه تتقرب من مرام
اكثـر لان علاقتهم ببعض كانت سطحيـه جدا ً فحبت تتقرب منها وتحسن تصرفاتها عندهـا لأن ساره قالت لهم مره
البنات كانوا جالسين بالجامعه اروى وساره وعبير ومشاعل وروان وريم
ساره : اقول بنأآإت عندي خبــر يسوى الدنيا
اروى : اتحفينا
مشاعل : ههههههههههههه ايه قوليه
ساره : ايه تطنزوا بعد لا زيـدوهاا ترى احسن
روان : اووووووووووو لا لا ولا زعـل ساره ولا هنتوا هذه حبيبتي
ساره : فديتها روانووه مالي غيرهاا
ريم جالسه وطفشـآنه حيل : اقووول سارووه انطقي يله
عبير : خلآأإص ريم قالت انطقي يعني انطقي
ساره : اوكي الخبر ومافيه ان امس وانا جالسه جاء اخوي فيصل وقال لي انه ناوي يتزوج
اروى وع آخـر كلمه توقف قلبهااا وكأنها كانت حاسه بالشيء هذا والبنات كلهم تفاجؤا تماما ً
لأنهم يعرفون فيصل فكرة الزواج ماتخطر على بـأآإله ابد لكن ريم كانت ماسكه الببسي بيدها
يوم سمعت الخبر شربت جغمه منه وقالت : ألف الف مبـــرووووك ، ومنهي سعيدة الحظ
اروى تناظر ريم : اقول وشو الف مبروك عسى ماشر يمكن اخوها يمزح انتي ماصدقتي خبر قلتي مبروك ؟
البنات يناظرون اروى ومستغربين من كلامهااا وخاصه عبير الي كانت متوقعه ان عندهاا شيء اتجاه فيصل مهن كثر الصور
ألــي بالجوال والكمبيوتر فما خاب ظنها ابد
ساره : اقول اروى وش بلاك هو كان جاد يعني الفكره دخلت مزاجـه خلأآإص اخووي فيصل واعرفه
اروى حست انها فضحت نفسهاا : لا بس استغربت والا بالطقاق خليه يتزوج يعني وش بيصير فيني مثلا ً
مشاعل : اقول بنات خلاص صكوا السالفــه
تذكـرتها اروى فعرفت ان ساره مالا ذاك التأثير على فيصل انه تقتنعه يعني بخطبتها او انه يشيل الفكره من راسـه
فتبغى مـرام عشان هي العوده ولها تأثير على كل اخوانها .. ووقت ماهي كانت في تفكيرها دخلت اختها عبير عندهاا
عبير : اروى وش مقعدك بالغرفه
اروى : ولا شيء ليه ؟
عبير : لا بس اخووي طلال اتصل قبل شوي ويقول انه بيجي من السفر بعد شهر
اروى : هههههههههههه وكم مره يتصل ويعطينا موعد
عبير : اقول ماعلينا بس بغيت اكلمك بسالفه
اروى : وشو
عبير : تذكرين يوم ان ساره تقول لنا عن سالفة فيصل وتفكيره بالزواج
اروى ارتبكت من كلام عبير لهاا لأنها لحظتها نست نفسها
عبير: هي بنت اكلك
اروى : ايه ايه معك وش بغيتي تقولين امي تناديني خلاص قولي لها نازلها
عبير عرفت انها تبغى تصرفها : لا ماتناديك شوفي ابغى اكلمك بالسالفه
وراحت عبير وسكرت الباب وجلست على السرير مقابل اروى
اروى : مافي لا سالفه ولا هم يحزنون
عبير : اكيــد ، اجل وش تفسير تصرفك ذاك اليوم لما قالت ساره الخبـر
اروى : بس اشتغربت لا اكثــر
وعشان تقفل اروى الموضوع قامت وطلعت برا الغرفه ، ونزلت عن امهاا تحت
وعبير ماعجزت وقالت انه بيجي يوم وتعرف السالفه بالتفـصيل تماما ً ..

======================================

وصلوا ساره وريم لبيت ابوفيصل ساره على طـول طلعت على الغرفه حقت مرام
وجلست بسرعه فصخت عباتها وشغلت الانوار وتصايح تنادي ريم
ريم : خييييييير وشفيك ؟
ساره : بسرع هيابنت ماعندك دم تعالي نرتب غرفة مرام قبل تجي
ريم تناظر الغرفه وترجع تناظر ساره : اقول بلاك شيء يمه اقول ماتناظرين الغرفه مرتبه مافيهااا شيء
ساره : اقول غطاء السرير كله غبار والمرايه والدولاب اقول يله بس
ريم : لا ااشتغلت ببيت امي اشتغل عندك هنا مستحيييل
ساره : ريمووو اجل وشو له جايه معي يله عاد
ريم : خلأآإص طيب بس افصخ عباتي واجيك
ساره : انتظرك
نزلت ريم وفصخت عباتا واخذت الاغراض الي تحتاجها هي وريم ونادة الخدمـه معهاا
وطلعوا وقعدوا يسوون ويشتغلون في غرفة مـرام ..
بعدما خلصوا نزلت ريم وسوت لها هي وساره عصير مانجوو بأآإرد وراحت عند التلفزيون
وطالعت الساعه كانت سته وربع .. شووي ونزلت ساره ومعها الجوال كانت تكلم مرام
وجلست على الكنبه بجنب ريم واخذت لها عصير
ريم :ها وين عادوا
ساره : تقول مرام انهم بعد ساعه واصلين لأنهم قعدوا راحوا للبحر اول بعدين مشوا
وقعدوا يسولفون .. وماانتبهوا للساعه الا نسوا الموضوع ان احد جايين من السفر ..
وهم جالسين الساعه سبع ونص دق الجرس هم من المفاجأه ماتحركوا ثنتينهم كل وحده تناظر الثانيه
سـاره بلعت ريقهاا يوم سمعت الجرس يدق مره ثانيه وحطت كاسة العصير وعلى طوول سيدا على الباب
ريم تبي تستوعب اشفيها هذه وانا ماعندي لا شيله ولا هم يحزنون قامت ريم بسرعه وطلعت فووق وزين
لحقت لأن فيصل دخل اول واحـد تدرون مابينه هو وساره لا سلام ولا شيء
راحت ساره على طــوول لاختها ونطت عليهاا وعبود كان عند فيصل
ساره وهي حاضنه مرام : ووااااو اخيرا ً صرتي عندي مابغيتي
مرام : ههههههههههههه ايه بس بعدي كتمتيني
ساره بعدت عنها : ايه بس لا تلوميني
مرام : لا بس جيبي شنطة عبوودي
دخلت مرام وساره شالت الشنطه ولقوا فيصل جالس متمدد على الكنبه ومبين عليه التعب دخلت ساره وعلى طول جات ريم في بالهاا
وناظرت في الصاله مالقتها عرفت انها فوق بالغرفه ضحكت عليها من قلب
وجلست هي وفيصل ومرام ويسولفون وقام فيصل رايح للشركـه
مرام : اقول فيصل توك جاي اقعد ماهي طايره ترى
فيصل عند الباب : لا بروح نص ساعه واجي
وقبل يطلع قال : مرام ، لا تنسين الي قلت لك عنه
مرام ابتسمت وناظرت فيصل : لا مو ناسيه
فيصل : مع السلأآإمـه
ساره : وشو الموضوع
مرام : لحظه بقول لك بس ذلحين بروح اشوف عبوودي
ساره : اوكي بس مو تطولين اقوول بطريقك نادي ريم
مرام : ريم ؟؟
ساره : ههههههههههههههههههه ايه ريم موجوده تلقينها بغرفتي
نزلت ريم وناظرت ساره بعصبيه وسلمت على مرام وبعدهاا على طول جاء السواق
ساره : مصرع
ريم تطالع مرام وتكلمها : خلأآإص مرام لا زم اروح
مرام : اوكي ريموو مع السلآأإمه
ساره : هييي وانا اكلمك
ريم : انتي ضفي وجهك بس مالي كلأآإم معك بس بعدين نتحاسب
ساره : ههههههههههههههههههههههه
طلعت ريم وبعدهاا ساره قالت لمرام السبب الي مزعلهاا مرام مااهتمت وطلعت لعبوود
ورجــعت تقول السالفه لســاره


================================================== =


يــتبـ ع

لالا عادي ... مدام كل يومين(( بالكثير ثلاث)) ...جزء ..,,,
فهذا شي طيب ....
ترا لما قلت كل يوم جزء ترا امزح ..<<يــصــرف
.................
,الله يعطيك العافيه ..
وننتظر التكمله ..,,,

قصه ولا اروع الله لايحرمنا من جديدك