..
الســلامـ عليكــمـ ورحمــة الله وبركــاته
أخبــاركم يا (أهل المجلس) ..وماجاورهـ من أقســامـ..؟؟ 
أكيد بتسألون وش سالفة العنوان 
الآنسة ســارهـ كل يوم تدق علي تقول نزلي موضوع
مشكله الإعجـــاب والله <=ياشين الثقة
اكتب لكم موضوعي هذا وأنا توني متهاوشة مع(أمــي)
عشان كذا لاتشرهون إذا شفتوا كلمة موب كويسة.. 
موضوعي هذا عبــارة عن فقرات غير مترابطة..!!
ولكن لها مغزى <=أحــلى ..
[ الحـــــيـــــاء ]
كثييير اللي يعتبرون صفةالحيــاء لـ /البنات فقط
وهذا غير صحيح الرسول"عليه الصلاة والسلام"
كان فيه صفة الحياء أشد من(العذراء في خدرها) ..
وبعضهم يربطونالحيــاء بـ /الجرأة ..!
يعني إذا أنت حياوي يعني أنت ماعندك جرآءة..؟؟
وبعضهم يعتبرونه(صفة سيئة)..!!
وهذا موب صحيح.. لان الحياءمن الصفات الحميدة ..
بنت خالتي حياويه مااارهـ..أمها تقول شكل عندها
رهاب اجتماعي <=ياشين الناس الموسوسة.. 
هــل أنتــ / ــي حياويــ / ــه ..؟؟ 
هل تعتــبر/ يــن الحياء صفة سلبية أم إيجابية ؟؟
/
\
[عَـــالــم الـــنــت]
كلنا أو أغلبنا في أول بداياته بدخول
(عالم النت) كانت له مواقف ..طريفة و مضحكة
وتفشل وحزينة... إلخ
أنا أول مابديت أدخل كنت بـ /أول متوسط..
وبذاك الوقت ماكنت أدري وشو الإيميل ..
دخلت (شبكة الزعيم) <= من زمان أحب الهلال
وكنت أتحمس مع المواضيع خاصة اللي تخص (سامي) 
وأظغط على إضــافة رد وتطلع لي الرسالة الإدارية
لكن ماكنت أيأس .. وأروح أقول لأبوي النت
خربان يقولي أصلا من قالتس تدخلينه ..؟؟
(وراك يبه دايم تطيح وجهي) 
* متى كانت بداياتك لدخول عالم النت ..؟؟
* ارجعــ / ــي شوي للخلف وتذكر/ ــي لنا بعض مواقفك..,
/
\
[مشــفــفـــفـــفـــر]
معروض ع (الفترينات) وبكل ثقة ألوان تهبل
وأقمشة أحــلى .. والله يجيني شعور إذا مريت
جنب هالمحلات أتمنى معه (أخيط عيون) كل رجــال
يعتب على هالمحل ..!! أما البياع فيها فالغريب
إن وظايف الدنيا خلصت وما بقى غير هالوظيفة ..!!
يعني بالعربي الفصيح متخصص (بيع ملابس نسائية خآصة)
طبعا حنا إذا دخلنا هالمحلات نحط أصواتنا ع الصامت !!
يعني ندخل ونشتري ونطلع ماقلنا حرف من الحيــا ..
نختار القطعة ونحطها ع الطاولة ومعها ثمنها ونطلع ..
الســـؤال اللي يــ ق ــرقــع بقلبي ..
* ليش مــايكون اللي يبيع في المحــلات هذي نســاء ؟؟
ومايدخلها رجال ابد ؟؟
/
\
[ احــم احــم ]
مرة من المراري في الأيام الخوالي <=سجع
كنت عند وحده من العضوات اسمها (تويـــتي)
جالسين مستانسين ,, ومادرينا إلا أخوها مدرعم
انهبلت أنا ونقزت ..قالت هيه لاتدخل به (مذهله)
قال: (يحليله تتغطى) ؟؟!!
(تويـــتي سلمي لي على اخوتس)
ومره بـ / الاستراحة كنت جالسة أكلم بالمجلس ..
وجا واحد من (عيال عمي) يطق الباب ..
قلت ادخل مافيه أحد !؟ أحسبه أخوي نفس الصوت
سبحان الله ويوم دخل بغيت أدوخ من الهبلة والفشيلة ..
طبعا كل شخص له (ردة فعل) معينه ..
لأي موقف يصير له .. بعضهم
يصارخوالبعض يصنّموالبعض مايطق خبر
قد تكرفستــ /ــي على أحد ..؟؟ أو أحد تكرفس عليك ..؟؟
كيف تكون ردة فعلك إذا صــار لك هـ الموقف..؟؟
/
\
[ عــلمــتني الحـــيــاة ]
علمتني الحــياة عدم الخضوع لأحد غير الله ............
علمتني الحــياة عدم اليأس وان أعيش على الأمل .......
علمتني الحيــاة الاعتمــاد على النفس في اغلب الأمور ..
عــلمتني الحـياة عــدم الــثقــة بــأحــد بـــســـهـــولــه ...
عــلمتني الحيـاة أن أعــفو عنــد الــمــقــدرة ...............
علمتني الحيـــاة أن أســتمــع لــــنقــد الآخـــريـــــن ......
مــاذا تعلمتــ /ــي من الحيــــــاة ..؟؟
/
\
في الأخيــــر ..
اللي (يعجبه) موضوعي يرد واللي مايعجبه
يرسل ملاحظاته ع (الخاص) ..
محبـــتكــــم ,,
مــذهــلــ هـ
CC
.......
04-05-2007, 08:04 PM
العرض الشجري
