* * * *

الشخصيـات :-

روبـن هـود :- أعظـم محقـق في العصـر الحديـث اكتسب هذه العظمة نتيجة لذكاءه الخارق
في حل أعقد القضايا و أصعبهـا .

المـزن الهـلالـي :- خبيـرة فنون قتاليـة و أسلحـة و علـوم كمبيوتـر عملت في القوات الخـاصة
و استقالت و انشأت هـي وروبـن مكتـب التحقيقات .

حالـي الذوق :- محاسب في أحد الشركات الوطنيـة شخصيـة مـرحة و مسالمـة .

Proud soul :- مديـرة إقليميـة لأحد البنـوك الكبـرى مغـرورة و صريحة جـدا إلى درجة الوقاحة

مدمن بحب يوسف :- رجل أعمال ناجح ارتبط اسمه في مجال العقارات و المقاولات شخصية هادئه
تميل الى الغمـوض .

غايـة :- مدرسة ثانـوي مرحـة جدا تميـل متسرعـة نوعا ما صديقـة مقربـة من المـزن .

kunzite :- بنت خالتها Proud soul تـدرس إدارة الأعمال في أمريـكا .

* * * *

"" ليـس هنـاك جريمـة كاملـة "" مهما بلغت درجة التعقيـد في هذه الجريـمة لابد من وجود خيـط
أو دليل يقـودنا إلى مرتكبـها , , , ببساطـة لا يمكن لأي شخص عـاقل أن يرتكـب جريمـة مهما كانت
نوعهـا إلا عندما يصبـح هذا العقـل أسير النفـس و ينقـاد لهـا و هنـا بدايـة الجريـمة .

-1-

يدخـل روبـن إلى المكتـب بعـد ان سـحب عـلى الدوام فترة الظهـر
المـزن :- بدري كان ما جيت أصرف
روبـن :- خليها على ربك يا شيخه ما خلصنا إلا الفجر في قضية اختلاس في أحد البنوك .
المـزن :- من طلـع . . . ؟
روبـن :- طلع مديـر البنـك نفسـه هـو اللي سـارق . .
المـزن :- وشلـون . . ؟!
روبـن :- أبد ابو الشباب يسـرق من حسـابات العمـلاء بطريقـه ما يحسـون فيـها .
المـزن :- وضـح أكثـر وشلون ما يحسـون فيـها .
روبـن :- الحيـن أنتي إذا شيكتي على حسابـك ما يجي مبلغ و قدره و معـه كسـور .
المـزن :- إلا . . !
روبـن :- هو ياخذ الكسـور و يحولهـا على حساب مفـتوح باسـم آخـر و الحسـاب المفتوح
في أحـد بنـوك كوبـا أبعـد للشـك . على كثـرة عملاء البـنك في المملكـة احسبي كم يطلع منهم .
المـزن :- صار مليونيـر .
روبـن :- قصدك مليارديـر , البنـك استغرب بعد مراجعة الحسابات كميات أموال تطلـع لحساب
غريـب .
المـزن :- مهـوب هيـن و اللـه . طيـب وشلـون صدتـه ,
روبـن :- بعـد ما دققنـا فيـها لقيـنا أبو الشبـاب مركـب في سيستم الشركـة برنامـج يحول هذه
المبـالغ علـى الحسـاب , وصدنـاهـ . إلا ويـن جبـار خليـه يصلـح لـي شاهـي أبي أروق .

روبـن يشيك على البـريد الي جاييـه للمكتـب ثم يلتف علـى المـزن .

روبـن :- المـزن فيـه رسـالة لـك .
المـزن تاخذ الرسـالة و تقراها و تلتفـت على روبـن .
المـزن :- هذي دعـوة جايتني من مدمن بحـب يـوسف يقـول أن قروب الجامـعة بيتجمـع و عازمنـي
و تراهـ عازمك .
روبـن :- مدمن رجل الأعمـال ما غيـره .
المـزن :- إيـه هـو ما غيـره .
روبـن :- وين فيـه و متـى .
المـزن :- في شاليـه لـه و عازمنا هنـاك هـهـ بتجـي تراهـا الخميـس هذا . . ؟
روبـن :- و الله مهيـب شينـة نرتأح شـوي و نـوسـع صدورنـا .

-2-

المـزن تدق على روبـن حدود السـاعه 9 الصبـاح .
المـزن :- صبـاح الخيـر
روبـن :- هلا بك صباح النـور .
المـزن :- جاهـز أمـرك .
روبـن :- إيـه أنا جـاهـز أحتريـك .
المـزن :- خلاص أجـل عشـر دقايـق و أنا عنـدك خلـك عنـد البـاب .

وصلـت المـزن في الوقـت روبـن حمـل أغراضـه و ركـب .

روبـن :- وقفـي عند أقـرب كوفـي خلينـا نفطـر و الله يا إنـي جايـع .
المـزن :- سلـم طيـب , , , مهيـب مشكلـة ويـن ودك نـروح .
روبـن :- دانكن دونات
المـزن :- على حسابك .
روبـن :- إيـه على حسـابـي .
روبـن :- إلا على الطاري من اللي بيجي .
المـزن :- زملاي من الكليـة ما أظنك تعـرفهـم لكـن تعرف أنت Proud soul صـح . . .؟
روبـن :- ايـه المديرة الإقليمية لـبنك HCS . . ؟
المـزن :- إيـه
روبـن :- و الله تعرفين واسطات مدمن و Proud soul حركات .
المـزن :- تحسب ما يـعرف إلا أنت ترانا وصلنا بـس وش تطلـب .
روبـن :- خـذي الفلـوس و جيبي لـي نفـس طلبـك أنا بأروح اشتري لـي جرايد .

-3-

روبـن :- و اللـه يا هـو مشـوار ذا الشـاليـه .
المـزن :- أكيـد شاليـه تبيـه وسط الديـرة .
روبـن :- إلا حطـي رجلـك شـوي تمشين 80 حطـي رجلك . .
المـزن :- ورا ما تجـي تسوق بـدالـي أصبـر خمـس دقايق و بنوصـل .
روبـن :- يا ليـل ما أطولك خليني اقرا جرايدي أصـرف .
المـزن :- هذانا وصلنـا . .
روبـن :- يا كبـر الشاليـه كبراهـ دلـع من جـد و بوابـات و حركـات تفتـح النفـس من جد
المـزن :- قل ما شاء الله يا رجال بـس تبـي الجد والله شاليـه مهـوب هيـن
روبـن :- شوفـي السيارات الظـاهـر انهـم واصلـين قبلـنا .
المـزن :- ما أخرنـا إلا فطـورك و جرايدك الي بتشتريـها .
روبـن :- و الله ما أخرنـا الا مشيـك يا البطـة قايل لـك حطـي رجلـك .
المـزن :- امـش بـس دخلنـا .

يدخـل روبـن و المـزن الشـاليـه و يستقبلـهم مدمن بالترحيـب , انبهـروا بالأثاث الفاخـر و التصميـم الرائع
للشاليـه و اللـي شـد روبـن لغرابتـه .
بعـد الاستقبـال و الترحيـب جلسـوا أصحـاب الدراسـة في الصـالة يشربون شاهـي و يسألون مع بعـض
و حالهـم بعـد ما فرقـتهم الدنيـا .

المـزن :- إلا مدمن ما عرفتـنا عـلى الأخـت .
Proud soul :- هذي بنت خالتي kunzite توها راجعـه من أمريكـا وجايـه هنـا .
المـزن :- تشرفنـا و الله الحمد للـه على السـلامه .
kunzite :- الله يسلمك الشـرف لنـا .
حـالـي :- إلا ما شاء اللـه يا روبـن و شذا السمعـة يا أخوي .
روبـن :- يا رجـال وشو سمعته قضايا و مجرمين و قلق لا تنفخ راسـي بـس
حالـي : لا جـد بـس بيـني وبيـنك شغـلك فيـه متعـه و إثارة ما فيـه أي روتيـن .
روبـن :- من ناحيـة المتـعة اتفـق معـك لكـن ما أظن إنك تكرهـ شغلك للدرجـه هذي .
حالـي :- يا رجال محاسب في شركة يعـني طول يومي بين أوراق و تدقيق حسابات وين متعة معـه .
روبـن :- اللـه يعيـنك .
مدمـن يدخل مع روبـن و حالـي :- بـس ودي اسألك روبـن ما فيـه خطـورة عليـك
بمعنـى ما قد حـاول أحـد يعتـدي عليـك مثـلا .
روبـن :- أنا مجـرد محـقق أجـي في مسـرح جريمـة و ابدأ أحلل يمكـن عمـلي يصـير فيـه
خطـورة إذا صـار تحقيق على مستوى دولـي لكن تأمن لي الحمايـة كاملـة .
Proud soul :- ما أدري ليـش هالشعبيـة أصلا مجـرد محقـق وش الي يتحق الشهـرة .
روبـن ينـاظر Proud soul بمـعنى عسى ما شـر مـتى المعـرفة .
Proud soul :- و أنا صادقـة يعني الجرايم يوميا تصـير و تنكشـف بدون ما تجـي حضرة جنابك تحقق
فيـها .
روبـن :- الجرايم مهيب مجرد سكينه و مسدس و قضينا اكتشاف الجرايم يعتمد على طبيعة المكان
الحالة النفسية للمجرم دوافع الجريمة استنباط طريقة الجريمة و كيفية ارتكابها من مسرح الجريمة
يعنـي المسألة صعبـه . يبيلك وقـت عشان تفهمين مصطلـح علم الجريـمة .
حالـي :- أقـول ورا بـس ما نطلـع على البحـر جايين نجلـس داخـل الشاليـه , فيكـم شدة طائرة . . ؟

اتفـق الجميـع على راي حـالي بما أن الأجواء تسـاعد للعـب و سعـة الصـدر اتجـه كل واحـد لغرفـته
كان البنات كل 2 مع بعـض و البقيـة في غرفة لـحالـه بدلـوا ملابسـهم حطـوا أغراضهم هنـاك ولا لبسـوا .

حالـي :- اصبر مدمن خلـك معـي بادخل دورة الميـاه اصبر لـي .
مدمن :- تبيني أذري لـك فيـه بـاب و اقفلـه يا اخـوي
حالـي :- يا بن الحلال أبيـك في موضوع مهـم .
مدمـن :- يا اخوي ما وراي الا انـت ورانـا ضيوف .
روبـن :- ابد يا رجال ما عليـك مناب ضايعين خلـك معـه ترا الوضع فلـة .

طلـع الجميـع برا على الشاطئ الي يسولـف و الي يطقطق بالكـورة و الي يتمشى معجبـهم الجـو فـي هذا
الوقـت مدمن يحتري حالـي يخلص مـرت ربـع ساعـه ما طلـع .
مدمن :- يا أخوي مـت أنت أخلـص الناس يحترونا .
حالـي :- خلاص يا اخوي والله يا انت ضو شابه و اذا احتروك بننحاش .
مدمـن :- ما بغيـت تطلـع هاهـ وش الموضـوع الي عنـدك .
حالـي :- ما عنـدي شـي بـس أطقطق عليـك مثـل أيام الجـامعـة .
مدمن يناظر حالـي بنـص عيـن ويقـول :- زيـن امـش بـس ترانا تأخرنا على الجماعه .
حالـي :- اصبـر بأجيـب كيسة الملابـس من الحمام .

-4-

لعـب طائرة و حمـاس و ضحـك و هسـترة جـو ممتـع أو بمعنى أصح هذه الإجازات و الا فلا .

المـزن :- آآآآخ رجلـي التـوت أخخخ
غايـة :- تعـالي خليـني أدلخلك الشـاليـة ترتاحيـن و نـحط على رجـلك ثلـج .
Proud soul :- خلونـا نكمـل أجـل متحمسـة خصوصا اننا غالبـين فريق محقق زمانـه .
روبـن يضحك ضحكة مجاملـة و يلتفت علـى حالـي :- ذي وش قصتـها . . ؟
حالـي :- وسـع صدرك هي دايما كـذا فيـها نقـص

كمـلوا لعـب الشبـاب ليـن داخـوا و هنـا قرروا أنهـم يدخلـون للشاليـه إلا حالـي قالـهم أنا بأجلـس أطافـش
شـوي .

مدمن :- ويـن جوالـي يا جماعـة حاطـه في الغـرفة و لا لقيتـه . . ؟
روبـن :- شف دورهـ تحت السرير و الا شـي او طايح ورا الكمدينه . . ؟
مدمن :- يا أخـي أنا حسـت أم الغرفـة ما لقيـت شـي .
روبـن :- تلقاك ناسـي شـوي بتتذكر .
Proud soul :- جوالاتي انسـرقت و جوال kunzite بـعد .
kunzite :- و أنا بـعد حاطته جنب في شنطتـي ولا لقيـه .
روبـن :- غريبـة 4 جوالات ضايـعة على العموم بأروح أبدل و بارجع اشـوف وش السالفـة .
Proud soul :- المـزن و غاية هم الي سارقيـنها باطلـع لحجرتـهم أشـوف

طلـعت Proud soul لحجرة المـزن و غايـة و دخلت الباب عليهم بغت تكسره .

Proud soul :- طلعـوا الجوالات يا حراميـة أنتي و هـي .
المـزن :- وش جوالته صاحيـة أنتـي ,
غايـة :- أصلا دخلنا الغرفـة على طـول وجبـت ثلـج معـي من المطبـخ و جيت للمـزن على طول .
Proud soul :- ما علـي بأفتشكم بأفتشكم ما فيـه أحد دخـل إلا انتـو .
روبـن يسمع الهواش و يجـي :- خير خير
المـزن :- بتفتشنا الأخت تحسبنا الي سارقيـن الجوالات .
kunzite :- مالهـا داعـي Proud soul اصـبري و بتطلـع .
Proud soul :- أقـول مالك دخل اذا انتي مستغنيه عن جوالك أنا لأ .
مدمـن :- Proud soul هـدي تكفيـن خليـنا نقبـل نفتش ندور في غرفنا يمكن نلقاها
روبـن :- على فكـرة أنا جوالي ما لقيتـه .
المـزن :- عما كلكم اصبـروا أشوف وين جوالي فيـه .
غايـة :- جوالاتنا بعد مسروقـة .
روبـن :- وش السالفـة يا جماعة , طيـب خلونـي بأدق من الثابـت .
مدمن :- الثابـت خربـان مدري وش سالفتـه دقيـت على الاتصالات و لا بعد جـو .

حالـي دخل للشاليـه و هو يفرك راسـه بالفوطـه وسمـع الازعاج الي فـوق و طلع لهـم .

حـالي :- عما عما وش ذا الازعاج وش فيكـم .
روبـن :- جوالتنا انسرقـت ,
حالـي :- من جـدك . . . ؟
روبـن :- إيه و اللـه . . .!
حالـي :- ما دام كلكم مسروقيـن أجـل انا مثلكـم على العموم ما أعتقد انها سرقـة الدعوا فيها مقلب
و مصيـر الجوالات تطلـع بالعقـل الي يبي يسرق الجوالات وش يبي فيـها .
روبـن :- واللـه تنفـع تصيـر محقق يا ولـد .
Proud soul : - اوووف أنا بأروح أنـام لـي شـوي قسم باللـه الطلعـه كلـها قـرف .
مدمـن :- يا بنت الحلال هـدي روحي نامي وان شاء الله ا تصحين الا والجوالات لقينها .
غاية :- وش رايكم اصلح لكـم شاهـي .
حالـي :- مهيـب شيـنه و اللـه .
المـزن :- انا جايـه معـاك يا غايـة .
kunzite :- أنا بأجـي معكـم .

* * * *

حالـي :- اقـول مدمـن ما شاء الله الشاليـه ذوق .
مدمن :- يطولي بعمـرك من ذوقك .
حـالي :- كـم غرفـة فيـه . . ؟
مدمن :- الدور الأرضي أربـع مجالس و صالة و غرفة طعام ثلاث دورات مياهـ و الدور الثاني
5 غرف كل وحده بدور مياه خاصة فيـها .
روبـن :- كم مساحة الأرض . . ؟
مدمن :- 10000 متر
روبـن :- ما شاء اللـه مخطط كامل ذا
حالـي :- خخخخخخخخخـ و أنت صـادق
روبـن :- إلا مدمن يا اخي ملاحظ فيك حاجـة غريبـة
مدمن :- وشـي . . . ؟
روبـن :- لما تتوتر تاكل أظافرك . . .؟
مدمـن :- خخخخخخخخخخـ بعد ما خليـت شغل التحقيق وش دراك . . ؟
روبـن :- ما يبيلها شـي من يدك واضح انك تاكلهـا . .


أما في المطبـخ .

kunzite :- معليـش سامحوا Proud soul تراهـا تتنرفز بسـرعه .
غاية :- عارفين بس لدرجة تتهمنا بسرقة جوال عسـى ما شـر .
المـزن :- المشكلة إن جوالتنا مسروقـة معهـا و تتهمنا .
kunzite :- هي دايم كذا أخلاقهـا سياحية و مشايفة نفسـها أقسم بالله يا إني أكرهها كرهـ
و ودي أنتقـم منها في يوم من الأيام .
المـزن تناظر غاية باستغراب خصوصا بعد ذكرت الانتقـام و هي بنت خالتها , kunzite حسـت انهم مستغربين
حاولت تضيع السالفة و قالت :- وين البيالات عشان اغسلها تلقونها من زمان ما تغسلت
المـزن :- مدري و الله وينها دوريها في أحد هالأدراج .
kunzite :- بـس لقيتهـا باغسلها الحين واضح انها ما استعملت من زمان .

يدخـل حالـي عليـهم يبي يعجل عليـهم يخلصون الشاهي و قـال : - و الله لو هـي ذبيحه خلصت تراهـ شاهي
المـزن :- هذا هو خلـص غايـة عطيني الترمس اصبـه فيـه .
حالـي :- حلـو عطيـني الصينيه اشيلها و الترمس لو باقعد احتريكم اكثر بينفجر راسـي .

راحوا البنات و حالـي للصـاله و مكـان الجلسـة و لقوا Proud soul جالسـة .

حالـي :- حي الله ام نفـس خايسـة وراتس ما نمتي
Proud soul :- ما جانـي نوم بعدين حنا الحيـن المغرب اخليها نومه مرهـ وحدهـ

بدا حالي يصـب الشاهـي و مع السوالف و سعـة الصـدر لما صدرت حركة غريبـة من مدمن , ,
مدمن تشنج و بدا يمسك حلقـه زي المخنوق الشباب ارتاعوا مدمن يتحرك و فجأة توقـف عن الحركـة .

حالـي :- وش السالفة و ش صار .
غايـة :- وش فيـه وش الي صار عليـه .
روبـن يشيك على مدمن و يقول :- مدمن توفى و الظـاهر إنهـا سكتة
المـزن : وشـو . . .!
صـرخ روبـن فجأة :- لا أحد يلمـس الشـاهي اتركوهـ
Proud soul :- ليه وش فيـه .
حالـي :- أنا شربـ من الشـاهي وش السالفة .
روبـن :- فيـه ريحـة جايـه من فم مدمن و الله العـالم إنها سينايد . . .

معلومة :-

"" سيانيد الصوديوم مركب كيميائي ذو سمية عالية .الرعايه الطبية الفوريه مطلوبة في حالة تسمم بالسيانيد لانه قاتل بسرعة كبيرة مثل سيانيد البوتاسيوم .له طعم يشبه اللوز المر لكن ليس كل انسان قادر على شم رائحته و هذا عائد لصفات جينية .
يستخدم سيانيد الصوديوم لاستخراج الذهب و المعادن الثمينة ، يستخدم ايضا و بطريقة غير مشروعة في صيد السمك .
يعتبر السيانيد اقوى مانع من التنفس يؤثر على mitochondrial cytochrome oxidase و يعرقل نقل الالكترون و هذه العملية تخفض عمليات الاكسدة و تخفض استهلاك الاكسجين و تزداد كمية الحامض اللبني نتيجة عمليات الايض اللاهوائي .
في البداية السيانيد يسبب تسمم احمر او وردي حاد نتيجة لقلة استخدام الاكسجين
اذا تعرض الجسم الى 100 - 200 ملغم من سيانيد الصوديوم فانه يفقد الوعي لمدة ثانية - 10 ثواني حسب كمية الطعام الموجودة في المعدة و قوة الجسم و احيانا تمتد الى 45 دقيقة و احينا تمتد الى النوم العمق و قد يموت الشخص خلال ساعتين في حال عدم معالجة التسمم و يصاحب الاعراض تشنج و حدوث سكتة قلبية ""

روبـن :- دقيقـة خلونـي أشم ترمس الشـاهـي . .
حالـي مرتـاع :- وشو تاري شارب من الشاهي .
روبـن :- كلنا شاربيـن من الشاهي بـس ما فيـه شـي ولا شميـت داخل في الشاهـي .
روبـن :- حالـي انا بأجلس أحقق و أشوف خذ سيارتك ورح للشرطه وجبهـم
حالـي :- طيـب مثل البـرق
Proud soul : أنا بأمشـي بأروح البيـت ما أبي اقعـد .
المـزن :- مهـوب على كيفكم تمشـون اصبروا ليـن تجـي شرطـة لمسـرح الجريمـة تاخذ أقوالكم
بعدين لكل حـادث حديـث .

رجـع حالـي وجـهه أصفـر و خايـف :- السياراات , السياراات . . ؟
روبـن :- وش فيـها . . ؟
حـالي :- السياراات منبشرهـ كلها كفراتها مشقوقـه شـق
Proud soul :- يعنـي وشلـون . . ؟
المـزن :- يعني الآن حنا مقطوعيـن عن العالـم الخـارجـي .
kunzite :- ما ابي أموت ما ابي اقعـد طلعوني .
روبـن :- هـدوا الآن خلونـا نجلـس نفكـر بهدوء . ببساطة في جريمة قـتل صايـرة
بس خلونـا نرتـب الأحداث الغريبـة الي صـارت اليـوم

1- سرقة الجوالات . .
2- موت مدمن بالسيانيد
3- بنشـر الكفارات .

المجـرم ببساطة يحاول يعزلنا عن العالم الخارجـي عشان يسوي شغلـه برواقه و بدون أي ازعاج
على العموم يا سـادة أحب أقولكـم شـي , , , القـاتل واحـد منا .

حالـي :- كيـف واحد منا . .
روبـن :- إيـه نعـم واحد منا .
لذلك ما فيـه أحد يطلـع من هذه الغرفة و خلونا قروب مع بعـض عشان سلامتكم أولا
و عشان المجرم ما يقدر يسوي شـي .
المـزن :- طيـب ليـه ما نروح نكلم حارس الشاليـه يروح يجيب الشرطه ويجي .
روبـن :- حلـو حلـو روحـي .

راحـت المـزن تشوف الحارس بينما روبـن جلـس يحلل و يناظر و يرتـب الأحداث في محاولة للوصول
إلى نتيجه و معرفة القاتل بينما الباقين كل واحد منهم جالس يحاول يستوعب الي صايـر . . .
رجعـت المـزن و نادت روبـن .

المـزن :- شكلنا علقنا صح . .
روبـن :- وشلون ..؟
المـزن :- الحارس مقتول . .
روبـن :- مقتول وشلون و كيـف . . ؟
المـزن :- برصاصة في راسـه و الواضح من جثته انـه له فترة ميـت .
روبـن :- يا والله الوهقة صدق , , اسمعـي لا تقوليـن شـي انا بأتصرف بس لا مخلوق من هنا يعرف أن
الحـارس مات انتبهـي و الا بنروح فيها .
المـزن :- ليـه . .. ؟
روبـن :- لـو دروا راح نموت كلنا . .

kunzite :-:- وش صـار علمونا . .
روبـن :- الحـارس راح يبلـغ الشرطـة ما عليكـم تطمنوا .
Proud soul:- على ما تجـي الشرطـة اللـهم أحييني على العموم انا بأروح أنام
غاية :- وشلون ننام وفيـه قاتـل بينا .
روبـن :- شوفوا كل واحد يروح لغرفته و ينتبه أنا بأجلـس اناظر و أدقق
حالـي :- أجـل انا بعـد بأنام بس بأروح دورة المياهـ قبـل .

توجـه كل شخـص على غرفتـه يملاهم الرعب و الخـوف خصوصا بعـد ما قـال روبـن ان القـاتل بينهـم

حـالي :- تبي أجلس معك يا روبـن .
روبـن :- لا رح حـط راسك ما علـي خلاف .

جلـس روبـن يفكـر وشلـون يطلـع من هذا المكـان و منهـو المجـرم حاول يربط الأحداث فيما بينها
يستنتج و يحلل جالـس يدور في الدور الأرضـي يكتشف المكان و سجل ملاحظاتـه في ورقـة .
طفى الكهـرب فجأة و بدون مقدمات سمـع صوت في الطابق العلوي طلـع روبـن الولاعه يكون شوي نور
رقى للدور العلـوي صـادف غايـه .

غايه :- وش السالفة من طفى الكهـرب .
روبـن :- مدري واللـه , أنـتي وش مطلعـك . . ؟
غايـة :- نزلت بأجيب لي مويـه . .
حـالي الذوق يطلع من غرفتـه :- وش السالفة وراهـ طفا الكهـرب . . ؟
روبـن :- ما ادري بـس بأطلع اشوف العداد .
حالـي :- شـفه بتلقـاهـ من الجهـة الغربيـة .
روبـن :- علـم

نزل روبـن تحـت لقى عداد الكهـرب و لـقى شـي غريـب حبـل مربـوط من جهة بالعداد و من جهة ثانيـة
بطابوقه و لقـى شمعـه . .
اذن العمليـة مدبـرة روبـن حـس شـي بيصيـر الآن فـتح العداد . الا صرخة قوية من kunzite رجـع روبـن
يركـض بيشـوف وش السالفـة , دخـل الأ ويلقـى kunzite غرقانه دم و Proud soul ميتـة وجثتها عند
سرير kunzite و فيـه سكينه مرمية عند سرير kunzite .
kunzite اغمي عليـها من الصدمـة جا روبـن و حالـي شالوا kunzite وربـن أمـر الجميـع انهـم ينزلون
تحت في الصالة كلـهم .

روبـن :- تعـالي يا المـزن أبيك شـوي
المـزن :- وشو السالفـة يا روبـن الوضـع خطيـر
روبـن :- اسمعـي زيـن أنا عرفـت القاتـل بس ينقصـني الدليـل الي استند عليـه .
المـزن :- أوكيـه
روبـن :- أنا باطلع استكشـف برا فيـه اشياء شدتنـي و متأكد بالقى الدليـل هنـاك .

* * * *

حالـي :- معقولة kunzite هـي القاتلـة .
غايـة :- مـدري إلى الآن انا منيب مستوعبـه شي . مع اني سمعت kunzite ودها تنتقم من Proud soul
المـزن :- لا تقررون اصبـروا شـوي . خلونـا نصحيـها بـس .
المـزن راحت تجيب مويه و رشتـه على kunzite و صحـت و هـي مرعوبـه هدتها المـزن و حاولت تستفسر .
kunzite كانت مرتبكه تحاول تجمـع افكارها
kunzite :- مدري صحيـت حست بشي جنبـي فتحـت النـور و لقيت Proud soul ميتـه
المـزن :- طيب ما حستي بها ما حسيتي أحد داخل عليـكم .
kunzite :- أقولك ما أدري ما أدري .
حالـي :- والله البلشـة صدق .

* * * *
دخـل روبـن للصالـة و تطمـن على حـالة kunzite و جلـس و بدا في كلامـه .

روبـن :- مثـل ما قلـت إن القـاتل بيننا , , و أنا عرفـت القـاتل لكـن قبل ما أقول خلـوني أرتب
الأحداث الي صايـرهـ .

انسرقـت الجوالات اليـوم العصـر و كان الهدف منها قطع أي وسيلـة اتصـال مع العالم الخارجـي
مع العلـم المسـبق للمجـرم بأن الثابـت متعطـل . بعدهـا حادثة مقتـل مدمن عن طريق تسميمه والي اعترف
انها خطـه ذكية خصوصا انه يعرف ان مدمن في عادة أكل الاظافـر فالمجرم حط سم السينايد في عروة
بيالة مدمن لانه بيعرف انه بيحط اصابعه في فمه و بعد ما تدخل كمية كافية من السينايد راح تقتلـه .
أما بالنسبـة Proud soul فالمجرم استفاد من انقطاع الكهـرب فدخل عليها في الحجرة و طعنها
و حـط الجثـة جنـب سرير kunzite و حـب يوهمنا ان kunzite هي الي قتلت Proud soul لكن
لما شفت عداد الكهرب لما رحت افتحـه لقيت المجرم مركب مؤقت بدائي لكن ينفع و يقدر يحسب متى
راح يطفي الكهرب و يقوم بجريمته و يرجع بأسرع وقـت . ولا ننسى مقتل حارس الشالية كآخر أمل
لنا بالاتصال بالعالم الخارجـي .

غاية :- الحـارس مات . . ؟
روبـن :- إيه نعـم و ما بغيـت اقولكم عشان ما أسبب بلبله ممكن تؤدي لقتلنا كلنا . على العموم المجـرم
هـو . "" حالـي الذوق ""

حالـي :- سلامات عسى ما شـر وش مجرمـه انهبلـت أنـت .
روبـن :- أنا أعلمـك دخولك للحمام العصـر ومحاولتك لجذب انتباهي انا بالذات عشان أكون
شاهد على موقعـك و أخذك لمدمن معـك . طبـعا أنت بقيـت في الحمام مده طويلـة في هذا الوقت
أنت طلعـت من دريشة الحمام و دخلـت مع الدريشة الي عند الدرج خصوصا لما تعرف ان تصميم البيت
عازل الدرج عن الدور الأرضي بحيـث ما أحد ينتبـه لـك سرقت الجوالات و رجعت مع نفس الطريق مرهـ
ثانيـة .
حالـي :- يا سلام يا عبقـري زمانك تحليل منطقي و الله .
روبـن :- لا تقاطعني و خلني أكمل , , طبـعا جيـت بكيسـة فيـها ثيابك و فوطه بحجة انك راح تسبح
بعد ما ندخل عشان تخليها فرصـة لـك توزي فيها الجوالات , , بعدها قتلت مدمن و خصوصا اذا ما ذكرنا
انه انت الي جبت الشاهي من المطبخ و بطريقتك قدرت تصرف السينايد و تحطـه في بيالـة الشـاهـي .

حالـي :- لنفترض طيـب إن كلامـك صحيح Proud soul وشلون قتلتها انا علمـني .
روبـن :- سبحان اللـه ما فيـه جريمه كاملـة أبدا الي شككني فيك و خلاني اقتنع انه أنت لما قلت لي
" العداد في الجهة الغربية "" معرفتك مكان العداد بالدقة هذه تدل على انك القاتل خصوصا لما كان انا
وانت ومدمن جالسين و كنت تسأله عن البيـت وتصميمه , الي يعرف مكان العداد وينـه ما أظنه يجهل تصميم
البيـت .
حالـي :- ههههههههههههههههههه لا بطل بطل و تستحق شهرتـك و اللـه المـزن سكتيـه تراهـ بدا يهلوس
روبـن :- هههههههههههههههههههه عيب يا بابا عيب حالـي شـف دليلي اللي معـي .
كيسـك اللي فيـه الجوالات .
حالـي انصدم و عرف انه انكشف و ثبتت عليـه التهمة و هنا طلـع مسدسه و صوبه ناحيـة روبـن
حالـي :- و الله اني داري انك بتحـوس علي خطتـي كنـت ناوي انتقم من مدمن و من Proud soul
الـي سرقوني و سرقوا شركتي مني بتلاعبهم وخيانتهم فبديت اخطط وسويت نفسي اني راضي عنهم
حتى انتقم منهم بطريقتي و ما أخلـي أحـد يعرف وش صار لهـم ولا منهو الي سواها لكن جيت انت وخربـت علي مخططاتي بـس عزمـت إني أسويها و خلاص ما توقعتك بهذا الذكاء سلم على روحك لانك ما راح تقدر تقول السالفهلأحد لإني بأقتللل.

ما كمـل الجمـلة الا و المزن طيـرت المسدس من يده و بلكمـه خطافيـة قدرت تطرح في الأرض و قالـت :-

شكلك نسيـت إنـي في القـوات الخاصـة يا غدار قاتل أنت القاتـل آخر ما توقعتـه لكـن ما أسمح لـك
ترفـع المسـدس فيه وجـه روبـن و يدك هذي باكسـرها .

روبـن :- اصبـري أجيـب شـي نربـطه فيـه و خليـك عنـده فيما أنا أروح أجيب الشرطة .

* * * *

-5-

روبـن :- وراتس جيتي اليوم للدوام هماي قايل لك ارتاحي لك يومين .
المـزن :- بيني وبينك ما أبي ان جلست لحالي باتذكر وش صار وانا ودي انسى .
روبـن :- هذي طبيعة عملنـا يا المزن وسعـي صدرك .
المـزن :- إلا على طاري العمـل ما تلاحظ حتى روحة الشاليه انقلبت من اجازه ليوم عمل
روبـن :- ههههههههههههههههههههههههههه شكلنا ما راح نتهنى بإجازه و يا زين الواحد قاعد في بيته .
المـزن :- بس انا مستغربـه ليـه حالـي سوا كذا . . ؟
روبـن :- "" إن النفـس لأمارة بالسوء "" لوهـ حكـم عقلـه و آمن بأن الله يمهل ولا يهمل كان ما سوا الي سواهـ
شوفي جريدة اليـوم وش كاتبـه عن شركة مدمن معلنـة إفلاسها .
المـزن :- استغفر اللـه العظيـم والله يا الدنيا مشاكل .
روبـن :- و أنا أخوتس وسعـي صدرتس و خـذي هالظرف لـك .
المـزن :- وش فيـه
روبـن :- تذكرة درجة أولـى لفرنسا روحـي وسـعي صدرك هالصيفيـة و على حسـاب المكتـب .

* * * *

"" تمت ""

كل المعـذرة للأسماء الي ذكرت في القصـة CC

لمتابعة القصـة الأولـى من سلسلة المحقق روبـن

جريمة يوم الافتتاح

::
::

أهلين أبو عبدالله..

جريمــة مفبركــة فعــلا
وحالي أبدع فيهــا وبتخطيطهـــا


من البداية حاولت توهمنا بأنه كل شخص صار له موقف بيدلنا على انه هو المجرم

ماانكر إني قلت انهم كلهم مجرمين
لأنه كل واحد صار له موقف يبان فيه انه هو المجرم

لكن اللي شدني إنكـ مشبكـ [ حـآلي ] بكل حوار يصير بالشالية
وخصوصا لما سألكـ عن تصميم الشاليــة..

أنت وضحت كل شي كيف تم التخطيط له..!!

لكنكـ ماتطرقت لكيفية [ قتل الحارس ] و [ سرقة السيارات ] وكيف [ قتل براود سول ]؟؟
يعيني كيف بيقتل الحارس مو دون مايسمعون صوت الرصاص؟ يعني مركب [ كاتم صوت ]؟
وكيف بيسرق السيارت من دون مفاتيح؟ وصعبة بيجلس يسرق سيارة كل واحد..!!
وماادري كيف قتل [ براود سول ] بدون ماتحس [ كونزيت ]؟ أكيد براود صرخت او سوت شي مسموع..!!

.
.
جريمـــة خياليـــة
لكن تم التنظيم لها بكـــل احترافيـــة..!!

وطبعـــا مافيه شي يخفى على محققنا العزيــز
[ أبو عبدالله ]

:
:
أبدعت أبو عبدالله في السرد
وخليتنا نعيش بجو ثاني من خلال [ الشاليـــة ]..!!

محقق رائــــع
وأهنيكـ بصراحـــة على جودهـ ترتيبكـ لأحداث القصــة..

بس ياريتكـ تجاوب على أسئلتي المذكورهـ أعـــلاهـ..

لكـ مني كل الشكر
يا [ محققنـــــا ] الرائــع..!!

:
:
دمت بـــــود..

::
::

^
^
^
هلاليه ركزي السيارات موب مسروقه منبشره الكفرات

وي وي وي
ياروبن كبر راسي من القصه

روبن انت >>>>>> ميل غيبسون

وش ذا حرام عليك جلست اقرا ومدري انها قويه لهادرجه وانا بغرفتي وجالسه عالمكتب النور كله مطفي ومع الاقتباسات بتلاحظ وش الي صار لي وانا اقرا

روبن بدينا من هنا من السخونه الي عندي خفت على جوالي وفيه صوري بهالنقطه وقمت جبته من عالتسريحه ..

أقتباس

حالـي :- ما دام كلكم مسروقيـن أجـل انا مثلكـم

هذا مربط لحالي ما ثبت عليه ياروبن وقت تثبيتك لتهمه على حالي يعني صدق واثق ان جواله مسروق ماتجي بس انت جبت راسه..

أقتباس

غاية :- وش رايكم اصلح لكـم شاهـي .
حالـي :- مهيـب شيـنه و اللـه .

روبن تشابه في الردود
شف فطانتي وقوة ذاكراتي
يوم كنت انت في بيت ياسر
روبن لبو سعيد: وش رايك بشاهي نروق عليه
بوسعيد:- مهيب شينه والله..
<=== ثقالة دم

أقتباس

روبـن يشيك على مدمن و يقول :- مدمن توفى و الظـاهر إنهـا سكتة

مدمن تذكر خيالك على امير الملاعب هذا روبن ردها لك بقصه

أقتباس

معلومة :-

والله معلومه مفيده حفظتها عندي بخلي ابوي يشوفها..

أقتباس

المـزن :- الحارس مقتول . .
روبـن :- مقتول وشلون و كيـف . . ؟
المـزن :- برصاصة في راسـه و الواضح من جثته انـه له فترة ميـت .

جالسه عالكرسي ووصلت هنا رفعت رجولي من عالارض
وتربعت عالكرسي واصابعي تتراقص من الخوف

أقتباس

روبـن :-

هـو . "" حالـي الذوق ""

ياخي وربي هنا عجبتني ومع الادله شي على كيف كيفك

أقتباس

"" تمت ""

كل المعـذرة للأسماء الي ذكرت في القصـة CC

وربي انك بطل ياروبن ياخي لو انك كاتب وممثل وطالع عالتلفزيون قسم لاعجب فيك
من جد على اني مااحب اتفرج الافلام نهائي باستثناء ميل غيبسون الي سميتك بوه بدل روبن
عشان قصتك عجبتني وانا قد قلتها اكثر من مره انك مبدع وماخاب ظني..
//
تعيشنا مع القصه ودخلت جو حتى لون الشاليه تخيلته وطريقة التصميم
المهم لانطول عليك ونصير ثقال
يعطيك الف عافيه على هالروعه صراحتاً من دون مجامله؛
ولا تختفي علينا بمثل هالمواضيع الي وسعت صدورنا واستفادنا منها بنفس الوقت..
بس عاد لاتنسنا المره الجايه اول الرادين عالموضوع اساميهم بالقصه
<==== نذاله

قبل لاانتهي روبن انت والمزن كنكم توم وجيري طول الوقت تتهوشون وتتراضون
ولانسى:- عظم الله اجرك بلي وافتهم المنيه
وبرايفت حالي:- اثرك منت هين سويت سواتاً مهيب هينه عوافي يقوي يالقاتل
//
{روبن هود}

تقبل مروري
ومع ارق تحياتي
أختكـ:
{أنا اٍنت}

CC

المحقق روبن

ماشاء الله تبارك الله قصه سلسه وأحداث متسلسله

وفكره جديده في ايصال معلومات في قالب فيه قليل من روح الفكاهه

والذكاء

أخي روبن في قصتك جعلتني افكر معك واحاول اكتشف خيوط الجريمه ومرتكبها

ليس لدي ما اقوله سوا عين الله تحرسك


وماشاء الله تبارك الله CC