حياكم الله أخواني أخواتي


فعلا فجأه دق الجوال جاء يبي يرد ماقدر حاول ماقدر تعرف وش السبب ؟؟


نعم ماقدر يظغط على الرد على الأتصال وش السبب ؟؟؟


مسوي ثقل ؟؟


لا والله



ولكن الله أمر انه مايرد عليها لأنه على علاقه محرمه معها


لأن الله هو من أعطه هذي اليد وجعله يتحكم فيها لوقت معين وجاء الوقت الذي يوقف هذي

الصلاحية في تحكمه باليد ومن سوء حظه وقفت هذي اليد وقفت هذي الروح وهو على معصيه الجبار


طيب ياسعد من هذا الشخص الذي تتكلم عنه ؟؟



هو أنت ياللي تقرأ موضوعي الأن ؟؟؟


نعم أنت



اذا كانت لك علاقه محرمه مع بنت سوا ماسنجر أو جوال


وأنتي يااختي يالي تقرأ موضوعي اذا لك علاقه مع شاب سوا ماسنجر أو جوال


لاتقفل الموضوع اقرا الباقي لو سمحت


أخوي الغالي مااقتنعت ؟؟


ربي قادر والله اذا جاء لك اتصال ماترد يوقف الله يدك والله لاتستطيع أن تفعل بعدها اي شي


أختي بجد مو حاسه أن ربي قادر مايخليك ترد أو تدق ترا كله أمر يوقف يدك وتتنهى العلاقه هذي


وقادر يااخوي قبل ماترسل صورتك بدقيقه وحده ربي يأمر أن توقف يدك وماترسلها لها


وانتي يااختي قادر ربي قبل ترسل صورتك ماترسلها يوقف يدك أو روحك وتعبث يوم القيامه


وهذا اخر شي لك بالدنيا



نبي نقول الله المستعان والله يرحمنا برحمته ونستمر ؟ ليش ياجماعه الخير مازال الشيطان يخدعنا


أسالك بالله يااخوي ماتخاف تموت وانت مازلت تكلم ؟؟؟؟

اسالك بالله يااختي ماتخافين تموت وانتي مازلت تكلم الشباب ومطلعه جوال ثاني من وراء أهلك ؟



أخووووووووي اسمع


أختي اسمعي


هذا الحديث

روى البخاري عن أبي هريرة ان رسول الله صلى الله عليه وسلم قال: “ان الله يغار، وإن المؤمن يغار وغيرة الله ان يأتي العبد ما حرم عليه”.



واسمع هذا الحديث الثاني


روي عن ابن مسعود انه صلوات الله وسلامه عليه قال: “ما أحد أغير من الله، ومن غيرته حرم الفواحش ما ظهر منها وما بطن؛ وما أحد أحب إليه المدح من الله، ومن أجل ذلك أثنى على نفسه، وما أحد أحب إليه العذر من الله من أجل ذلك ارسل مبشرين ومنذرين”.


أسالك بالله وانت تقرأ هذا الحديث تشعر انك منهم اذا صرت منهمك في المحرمات


أو حنا غير عند الله هذي خاصه بالفساق والكفار حنا على خير وحنا مسلمين


أخواني أخواتي بقول لكم هذي الكلمه والله من قلب لكم


( أقسم بالله،، ربي قادر توقف هذي العلاقات غصب عليك أما يجي لك مرض أو عذاب وتقطع هذي العلاقات المحرمه فأنصحك اتركها من نفسك وخل الله يشوفك تاركه خوفا منه مو غصب عنك)


(أقسم بالله،،، لو شفنا من هم معاقين ومايقدر يحرك يده ومع ذلك يحمد الله ونحن لنا يد نحركها متى نشاء ومع ذلك نعصي الله فيها ونعتقد ان الله ماراح يسالنا عن هذي النعمه )


( للاسف لازم تجي لنا مصيبه او يجي لنا مرض وقتها نعرف قدر الله ونخاف منه حق )


(اقسم بالله،، لو شعرت من قلب أنك سوف تجلس لوحدك في قبرك يااخوي ويااختي ماتجرأنا على هذي العلاقات المحرمه التى تغضب الله سبحانه ولكن أكثرنا غافلين )


( الشيطان يشعرنا أننا سوف نجزا على الأعمال الطيبه ولكن الأعمال السيئة ماراح نجزأ فيها مايخفيك أن أمراه دخلت النار بسبب هره عذبتها)



( أخوي الفاضل انت رجال مؤمن تحب الله ورسوله فأصدق في حبك لله ورسوله واترك هذي العلاقات وابشر بالخير الكثير فالله يحب التوابين ولكن اترك التعدي على محارم المسلمين فالله لايحب المعتدين)



(اختي الغاليه انتي جوهرة غاليه ومصونه ربي حفظك من الشرور بالتستر والبعد عن الأختلاط حفظ لك فعليك بالتوبة وصدق مع الله وصدقني كبيرة عند الله ان تكون عندك أهلك شي وفي غرفتك شي ثاني)



واتمنى من الله ان يكون هذا الموضوع حجه لي ولكم يوم القيامه


لا حجه على كل من يقرأه ويستمر على ماهو عليه

وأبشر يامن تركتها خوفا من الله

وابشري اذا تركت الشباب خوفا من الله

والموضوع للجميع وانا اولكم اذا كنت لاتعاكس فالموضوع يعلمك خطورة هالشي ويبشرك بعدم عملك لهذا الشي واذا كنت تعاكس فالموضوع يحذرك ويبشرك اذا تركت هالشي باذن الله والكل يعصي بس ارجع لربك فهو غفور رحيم

فمان الله اخوكم / سعد

حياك الله يارب والله يجعلنا وياك يارب من المتقين لله ،،

هـلا وغـلا .. ابو عبد المجيد ( سعد ) ..

الانسان بهالدنيا مجرد مخلوق .. يتوجب عليهـ عبادة خالقهـ .. وبالاخير احدى امرين ..
يا ( جنة / اللهـ يجعلنا جميعاً فيها / ) أو ( نار / والعياذ باللهـ / ) !!

ظاهرة المعاكسات سواء بالجوال او المسن او غيرهـ .. انتشرت بشكل غير معقول بين الشباب
والفتيات .. وهذا يؤكد بان الانترنت لهـ مساوئ ومحاسن !! ,,

بإذن اللهـ شبابن وبناتنا فيهمـ الخير .. والشيطان حريص .. !! ,,

يا من تعاكس بنات خلق اللهـ !! ,, ويا من تعاكسي شباب الاسلامـ ( شبابالمستقبل !! ) ,,
خافوا اللهـ في انفسكمـ ,, والموا ان العبد يبعث على ما مات عليهـ !!

ابو عبد لمجيد .. اللهـ يجزاكـ عناخير الجزاء ,, ويكثر من امثاكـ .. ويجعلها في موازين حسناتكـ ,,

لا هنتـ .. ي بعدي .. واللهـ يوفق الجميع ,,

وياكم يارب

ابو عبدالمجيد بصراحه موضوع بمنتهى الروعه جعله الله في موازين حسناتك آمين

يعطيك العافية ابو عبدالمجيد وجعله في ميزان اعمالك

مشكور على الموضوع الحلو
وجعله ان شا الله في موازين اعمالك
ومشكور على النصائح المميزه
وتقبل مروري

جزاك الله الف خير والله يهدينا اجمعين

جزاك الله ألف خير عنا جميعا..

صدقت في كل كلمة قلتها. .وبإذن الله يرجع الكثير إلى طريق الحق بفضل الله ثم بفضل موضوعك..

لا عدمناك يا أبو عبد المجيد..

جـــــــــــزاك الله خير الجـــــــــــــزاء
والله يا ابو عبد المجيد ان مواضيعك تشدني من المواضيع المفيده

يعطيك الف عافيه والله يجعله في موازيين حسناتك ..