انا بجاوب على الاسئله معني داريه اننا مالنا كلمه يعني هم بيقررون ومب مشاورينا ولاهم دارين وش راينا

- هل أن مؤيـد أم معـآرض لفكرة [ قيادة المرأة ] ؟ ولمـــاذا؟
انا اعارض لان ماله داعي عشنا طول عمرنا وانحن مانسوق ولاضرنا يعني منحب ميتين لو ماسقنا الاهل يقومون بالواجب ولاالسواويق

2- ماهو إنطباعكـ عن هذهـ [ القضيـة ]؟
انا رايي ان الي يبونا نسوق ماهمهم الااننا نصير زي الاجانب يعني مالنا هويه وشخصيه تميزنا عنهم هم ساقوا نسوق ووالله لوهم مايسوقون كان ماقالوا شي بعدين الي يطالبون بهشئ ماقالوه لحاجتهم ياحرام ماعندهم احد يوديهم الاالسواويق تحت امرهم هم يامرون بس بس الدعوى تقليد والي محتاجين صدق مب قادرين يجيبون فلوس السياره ولاكان جابولهم سواق يستعمل اي سياره عندهم وقضينا يعني بس الدعوى فشخره

ماهي [ الإيجابيـات ] التي تراها عند قيادة المرأة للسيارة؟
لها ايجابيات بس بما ان سلبياتها تطغى على الايجابيات معناه مالها ايجابيات تذكر

ماهي [ السلبيـات ] التي تراها عند قيادة المرأة للسيارة؟
كثيره بس منيب فاضيه اذكرها والي شاركوا قبلي قالوا بعضهابس مب كلها

هل المرأة السعودية فعلا بحاجة إلى قيادة السيارة؟ مع توضيح السبب
تحتاج ماقلنا شي بس مب لدرجة انها لازم تسوق اما الي يقولون طيب لوعندها حاله طارئه وش تسوي احس انه عذر مايبرر ابدا الحل المطروح له وهو اننا نسوق لان شوفوا كم سنه عشناها وعاشوها جدانا ولقد صار ان السبب في موت احد ان اهله مالقوا احد يوديه بختصار من رايي مافيه شي يبرر طلبهم

8- مساحة خاصـة لطرح رأيكــ في هذهـ [ القضيـة ] ؟؟
شوفي سلمك الله الحريم بيسوقون سايقين بس مب الحييين يعني عشر سنين تقريبا وقولي قمرالقرينه ماقالت وعشر سنين ياسرعها وتجي بس بالتدريج يعني في البدايه بيقولون لمن هم فوق الاربعين مثلا بعدين لما فوق الثلاثين ويالله
ومشكوره لانك خذتي راينا تحسسينا ان لنا رايي معنه في الواقع ولاشي

..وربي لو يصير هالشي راح تزيد المصائب ونتظر العقوبة والغضب من رب العالمين ..

أعتذر عن كتابة رأيي لأني كتبت رأيي وكان طويل
والله ما أراد إني أنزله في موضوعكـ
<< صارت مشكله في الجهاز وامتسحت الكتابه كلها
لكن أكتفي ببيان وزارة الداخليه

1- هل أن مؤيـد أم معـآرض لفكرة [ قيادة المرأة ] ؟ ولمـــاذا؟
انا مؤيده بالطبع>>>>بيكوز اروح انطل واهجول >>امزح بس لشغلات ضروريه لاسمح الله احد تعبان شي اوديه الهوسبتل
2- ماهو إنطباعكـ عن هذهـ [ القضيـة ]؟
لازم يسمحون وبيسمحون انشالله
3- ماهي [ الإيجابيـات ] التي تراها عند قيادة المرأة للسيارة؟
كثير لاتعد ولاتحصى مثال مثل كنا مسافرين عن طريق بر اوكيه وتعب الوالد لاسمح الله الله لايقول انشالله ماعد عرف يمسك الطاره ومافيه احد بساعده الا انا وش الحل الا اني اقوم واسوق بداله...هذه من احدى الايجابيات..
4- ماهي [ السلبيـات ] التي تراها عند قيادة المرأة للسيارة؟
فيه سلبيات ماقول مافيه لكن كل وحده وتربية اهلها لها ولا لاجاها واحد بيتعرض لها اذا اها متربيه مايبله الا انها تصكه بالسياره يايحيا يايموت ..
5- هل تكون راضيا عندما ترى أختكـ أو أمكـ تقود السيـارة؟ ولمــاذا؟
والله انه يقول اخوي قبل ماتسوقين قبرتس جاهز عند الباب لاكن طرطيش كلام اذا جاء الواقع بيشوفون بنات الناس تسوق بيخلونا انشالله
6- هل المرأة السعودية فعلا بحاجة إلى قيادة السيارة؟ مع توضيح السبب..
والله الود ودنا نقضي امورنا يابنت الحلال ونخلص كل يوم واحن نطرهم ودونا وجيبونا
7- بعض من الفئات ترى أن قيادة المرأة [ تخدش ] حيائها وعفتها .. ماردكـ على هذهـ المقولة؟
خـــــــــــــــــــــــــــــــــــــــــــــــــ ــــاطئه زي ماذكرت قبل كل وحده وتربية اهلها لها

تقبلي مروري
طعسه