السلام عليكم ورحمة الله وبركاته

يامعشر القناصين والقناصات،،الشنبات والشباصات :
ازيكو عاملين ايه؟؟BBP


بدون لف ودوران:
في تلك الليله المقمره ونسيمها العليل،وانا قاعدتن آكل ببسي واشرب فسفس وأشوف
مباراة مرسيليا وباريس سان جيرمان،ولما كنت في ذروة الحماس وصراخي واصل الجيران،
إذا بجوالي يقول طوط طوط<نغمة الرساله ،، واصبخه صبختن معتبره,,وقلت هذا وقته؟؟؟
ولسان حال جوالي يقول<<تحملتك بما فيه الكفايه...الخ
طبعا تحسفت على طول ونظرت اليه نظرة خاطفه فاذا هي رساله,,فتحته اثره من وحده من قريباتي..
تقول الرساله : فجأه .. صار كل شي بالدنيا حلال .. ايش أول ثلاث أشياء بتسوينها ؟؟

عاد اختكم في الله نست المباراة وقعدت تفكر،خيالات تجي وتروح،الله .. وناااسه .. ملاااااهي,,,
يااليل يااعين<<وش السالفه؟؟

السالفه ياحلوين،ومن منطلق هذه الرساله حبيت اسألكم كم سؤال,لهن مده يفحطن بقلبي ويسون خمسات بعقلي,,


&نبدأ على بركة الله،والأسأله موجهه للسحالي والتماسيح على حد سواء : >مستحيل


*نفس السؤال اللي فوق: فجأه صار كل شي بالدنيا حلال وش أول ثلاث أشياء تسوونه؟؟

قولوا بصراحه عادي لاتستحون


*لوقال لك أحد عندك ساعتين بالضبط حلال عليك تسوي بهن جريمه،وش المأساة اللي بترتكبونه وفي حق من؟؟


*لوجت فرصه,وصرت انت وشخص\أو شخصه من الأشخاص ماتواطنه بعيشة الله لحالكم وش راح تسوي به؟؟

الرجاء ذكر نوع الجريمه


*لوسقتي سياره .. وش أول مكان تروحين له _طبعا غير الشرطه_ ؟؟

^
^
خااااص للسحالي وبدون شماته يالتماسيح ..


*هل >>تؤيدين ان الحريم هن اللي يبعن بالمحلات النسائيه ؟؟
فشلونا اللبنانيين هيدا مآسك وهيدا مو مآسك !!
ولا الهنود يملا الماحي ابايه ابايه ابايه تقل طقاقات ,,


*وش رايكم بحايل ؟؟ بدون مجاملات
على طاري حايل وحده من معارفنا ساكنه بجده وعياله صغار أول مره يجون لحايل،،
لزقوا بامهم ووجيههم مستغربه يقولون ماما ,, ياماما ..شوفي الجبل عند بيتهم !!!!
يوم قالوه فطست من الضحك .. ياحبي لهم ..


*فيه وحده ارسلت لخطيبه بالعيد هديه بوك وقلم وعطر وهالخرابيط بألفين ريال...
يوم درت الاهو مرسل له شموووووووووع !!
السؤال: وش رايكن به يابنات رومنسي صح؟؟؟
خالاتي شبن بي يقلن ماعنده ذوق !! ناس لازم يعطون ذهب ولاطقم مواعين عشان يستانسون!


*طيب اكتشفت وبعد جهد جهيد ان اهلك راحوا وخلوك بالبر لحالك وجا الليل وطلعن لك الوحوش والعفاريت
والشعر صار ابيض من الخرعه والحاله مأساويه ..
السؤال : وش تسوي \ تسوين ؟؟
غير ذكريات ثلاثه نفر


*طيب اكتشفتوا ان سامي الجابر جيرانكم وش تسوون ؟؟
أنا أموت من الفرحه <<تكفين


*وش رايكم بمقولة :
لاليوث الشباب ولاتماسيح الأهلي ولا**** النصر .. كلهم رباهم الزعيم ..
عزيزي القارئ إذا خفت من أي حيوان اتصل فورا بالهلال >> قويه

على فكره : يسلم عليكم سيرجيو هريرا CC


أدري بتقولون الأسأله غير طبيعيه ، بس العذر والسموحه هذي آثار ضربة الشمس اللي صقعتن
بالشعيب >> وش القصه ؟؟

*قفله:
تذكر أن ربك يغفر لمن يستغفر .. ويتوب على من تاب ..
امسح دموعك بحسن الظن بربك .. واطرد همومك بتذكر نعم الله عليك ..
لاتنتظر المحن والفتن .. بل انتظر الأمن والسلام والعافيه ان شاء الله ..


ومع السلامه عصفور طلق حمامه ,,

فجأه صار كل شي بالدنيا حلال وش أول ثلاث أشياء تسوونه؟؟

اسافر برا افحط بس
*لوقال لك أحد عندك ساعتين بالضبط حلال عليك تسوي بهن جريمه،وش المأساة اللي بترتكبونه وفي حق من؟؟
احرق المدرسه
*لوجت فرصه,وصرت انت وشخص\أو شخصه من الأشخاص ماتواطنه بعيشة الله لحالكم وش راح تسوي به؟؟

ماكره احد ولله الحمد

*الملتمسه
أنا الحمد لله بخير ، الله يعافيتس على المرور

*ريكوووو اختي الكبيره
قسما بالله اني احبتس يالدبا
بعدين لاتقولين مااعرف اخوتس خالد هو اللي جانا هكالمره منذ مبطي>لاتصدقين
شوفي ابي أحقق معتس واسألتس كم سؤال ثانيات:

س1:ليه تبين تعيشين عند الحبيب 4 سنين ؟
س2:اللي تبين تخطفينه..و....>...استحيت. .. هو نفسه اللي بتعيشين عنده 4 سنين>>??

*سؤال لوجت فرصه....يعني ياحبي لوصرتي انتي واحد ماتحبينه لحالكم هل تقتلينه مثلا..
اوتسطرينه فقط؟؟؟
*ياااااااربي يهالحبيب اللي ذبحتينا به والله لوهو توم كروز>لاصار كل شي حلال ابروح
له تخاويني؟؟؟
*بعدين هم الرجال على كيفهم يروحون يشترون؟؟؟معصي هاللبنانيات الحين أنواع التميلح
بس تدرين نصدر قرار ممنوع دخول الرجال>>نسيت انه اصلا محل حريم..اكتشفت اننا غبيات !

*وانتي على كيفتس ماتجين لحايل؟؟ الخميس الجاي وانتي عندنا سامعه ؟؟
*بعدين اللي يبي يخطبك هو اللي تبين تعيشين عنده 4 سنين؟؟>>معليش بس غاثتن أربع سنين !

*مااااااااتخافين؟؟ عيني بعينتس أشوف ،، متأثره بهاري بوتر يوم انا اقولتس لاتشوفينه بس
ماطعتي ..>>لاياشيخه؟؟

*شف الدلاخه ،، انا اقول سامي ماأطريت ياسر تدخلينه بالسالفه عرض ليه؟؟؟
بس تراي كاشفه حركاتس وأدري انه هو اللي فوق^^
والله لااعلم ابوي وامي عليتس اخليهم يعلقونتس بالمروحه عظه وعبره..

حبيبة قلبي ريكوندرا أحييك بعنف شديد منبعه القلب وطريقه الشريان
ومخرجه القلب على ردودتس الونااااسه<...

*الظاهره
تبي تحرق المدرسه الله يعافيك أحرق مدرستنا معك واعطيك اللي تبي,,,
مشكور على المرور..BBP BBP

السلام عليكم ورحمة الله وبركاته
وعليكم السلام

يامعشر القناصين والقناصات،،الشنبات والشباصات :
ازيكو عاملين ايه؟؟BBP
انا تمام وانتي اخبارك ايه ؟؟ < صعايده الاخوات

فجأه صار كل شي بالدنيا حلال وش أول ثلاث أشياء تسوونه؟؟
امممم .. مدري . ما يحضرني شي ..
لحظه خليني افكر ..
؟
؟
؟
بسرق سياره افحط وارجعها
وابي اموت بوش وافجر امريكا < لا ما شاء الله قويه انا
والله مدري ما يحضرني شي


لوقال لك أحد عندك ساعتين بالضبط حلال عليك تسوي بهن جريمه،وش المأساة اللي بترتكبونه وفي حق من؟؟
جريمه ؟؟
مدري ما يحضرني شي

*لوجت فرصه,وصرت انت وشخص\أو شخصه من الأشخاص ماتواطنه بعيشة الله لحالكم وش راح تسوي به؟؟
بصراحه ما راح اذبحه .. لاني ضعيفه ما اقدر ..
وبعدين حتى لو قويه .. ما راح اذبحه اخاف اندم

لوسقتي سياره .. وش أول مكان تروحين له _طبعا غير الشرطه_ ؟؟
بدرو بكل المملكه من اولها والى اخرها

*هل >>تؤيدين ان الحريم هن اللي يبعن بالمحلات النسائيه ؟؟
ارفع صوتي بقوه واقول ايييييييييييييييييييييييييييييه
على الاقل بس الملابس النسائيه الخاصه ..
اما العبايات والاشياء الثانيه ما همني

وش رايكم بحايل ؟؟ بدون مجاملات
بصراحه ما زرتها بس قعدنا فيها 3 ساعات .. بس احسها حلوه

السؤال: وش رايكن به يابنات رومنسي صح؟؟؟
اذا كانت الشموع على كيكه عادي
بس شموع لحالها وش ابي فيها

السؤال : وش تسوي \ تسوين ؟؟



الله لا يحطني بهالموقف ان شاء الله ..

طيب اكتشفتوا ان سامي الجابر جيرانكم وش تسوون ؟؟
عادي وش بسوي يعني <

عوافي امل CC

سموووره حبيبتي مشكووره

بس وشو امل ؟؟؟

ريكوووووو ناويه تذبحيني
أحبتس ياقطوتي العزيزه<<تتهي تهو تها

**بعدين على كيفه الحبيب يذبحن>>أنا له بالمرصاد
وكان هو أطخم من توم كروز بالله حوليه علي ^__*

**الله يحييتس بحايل>>أسفرت وانورت واستهلت وامطرت
والله لااسوي لتس عزيمه هذا كبره (..................) واذبح
لتس عشر خرفان وحاشي واحد فقط واجيب لتس كل البطاطسات اللي
تحبينه وسفن أب وويسكي بعد اذا تبين>>ياخطيره

**بعدين لاتسبين هاري حبيب قلبي>>انكشفت..
ياحبي له هو ونظاراته اللي تقل صحون ..يذكرن
بوحده غبيه>>مهي انتي !!

**يالووووح ,, لاتطرين ياسر ,,
تبين تاخذين رقمه هاه ؟؟ اوريتس هين ,,

مع السلامه ،،

**أبو ملاك
**طلع الفضايح وشي البلاوي ؟؟؟
**بعدين تسلم يالغالي ,, أدري ان حايل رووعه
ووناااسه ,, عازمتك بالنفود على راس السيف
ولاطعس الشباب اختر واحد ،،

مشكوور على المرور وتشريفك صفحتي المتواضعه>>ماتصلح لي
السناعه

**سموووووره يالساحره,,
حسبتس تعرفين اسمي !!
شفتي أمل اقلبيه يصير لمى>>هذا اسمي ^_*

عواااافي عالمرور ...

**انا انت
وش ذا الكلام الله يهديتس
حطمتيني صرتي مثل أخواني
مطيحين فيني يقولون تقل أكل هندي,،

**تكبين بوجهه ماء حااااار؟؟؟ يالشنيعه
وش رايتس تكتبين بورقه (فلان بجد بجد مالك داااعي ,, اكرهك !!)
**ايه نسيت ابروح معتس للنادي ,, وابصور مع ابراهيم حقوي<<
ياااحبي له هالإنسان ^__*

**بعدين وش نعومي الله يفضحتس بدون ذكر أسماء مخجله
الله يخليكم ^__^

**ياحليلتس عندتس أمل تبقين على قيد الحياة وانتي لحالتس بالبر,,

**اعلان هام :
ذبحتني بياسر ,, أنا أقوووووووول ساااااااااااااامي
ماأطريت يااااااسر لاتصرن دلوخ ,,

مشكوره حبيبة قلبي على المرور ^__*

صباح الخير هلاواللة بنت خالتي وش هالموضوع الفلة واللة انة شي اناحبيت اسجل حضور ولي رجعة انشاللة مشكووووووووورة حياتي

*نفس السؤال اللي فوق: فجأه صار كل شي بالدنيا حلال وش أول ثلاث أشياء تسوونه؟؟

اممم والله احترت مثلك بس ماطلع معي شي


*لوقال لك أحد عندك ساعتين بالضبط حلال عليك تسوي بهن جريمه،وش المأساة اللي بترتكبونه وفي حق من؟؟


انا بسرق بنك واشوف واحد عند الباب معه تويكس لواحد مش لتنين واترك فلوسي معه

*لوجت فرصه,وصرت انت وشخص\أو شخصه من الأشخاص ماتواطنه بعيشة الله لحالكم وش راح تسوي به؟؟
اتنح بوجهه لما تخلص المده
الرجاء ذكر نوع الجريمه


*لوسقتي سياره .. وش أول مكان تروحين له _طبعا غير الشرطه_ ؟؟

امممم بروح البقاله
^
*هل >>تؤيدين ان الحريم هن اللي يبعن بالمحلات النسائيه ؟؟


بكل حماس نعم


*وش رايكم بحايل ؟؟ بدون مجاملات
انا من حايل بس مااروح لها كثير رحت مرتين من قبل سنه يمكن مررره حبيتها وانبسطت بس رحت لها بالصيف الله لا يعيد الشر بغيت امووت من الكابه انصدمت باشياء كثيره

عيال عمي اذا رحت لهم يقولون لي انتي مصريه

بس اشين شي اذا رحت لازم انحف 5 كيلو مافي شي احب اكله من الكرم الحاتمي كله ذبايح

بس تظل حايل بعد حيي


*فيه وحده ارسلت لخطيبه بالعيد هديه بوك وقلم وعطر وهالخرابيط بألفين ريال...
يوم درت الاهو مرسل له شموووووووووع !!
السؤال: وش رايكن به يابنات رومنسي صح؟؟؟

لا تعليق لاني ماافهم بالاشياء هذي

*طيب اكتشفت وبعد جهد جهيد ان اهلك راحوا وخلوك بالبر لحالك وجا الليل وطلعن لك الوحوش والعفاريت
والشعر صار ابيض من الخرعه والحاله مأساويه ..
السؤال : وش تسوي \ تسوين ؟؟
بنام


*طيب اكتشفتوا ان سامي الجابر جيرانكم وش تسوون ؟؟
اروح العب مع عياله




يسلمو بنت العم