بين الدايت في " احلامي " و الاختبارات و " جدول " الثنويه العامه .. !! - شبكة القناص

**عنود الغيد** · 13-04-2007, 07:04 PM

سلاام للمجلس و زواره .. "جُمعه مباركه"

والله اني مستحيه منكم مبطيه عنكم مره .. بس تخبرون البزنس و الدوامات وكذا ..

< - والتاريخ و الادب و كرف الدراسه

ما دفعنا للكتابه .. ليس " فضاوه "

لان ولكن ما دفعنا هو استنكارنا لتصرفات او حتى مواضيع تقهرنا

سنتطرق لها عبر مجموعه من السواليف ..

انا و انا سعوديه

بعد ان امتلأت تلك السفر الممدوده بكرم حاتمي و قد ضمت من اشهى ما تشتهيه العين من مأكولات ..
تجده قابع ليحتل المركز الرئيس جاذباً اهتمام كل من هم للجلوس حول تلك السفرة ..

لن ادعي المثاليه .. رغم ابتعادي عن كل ما هو مضر بالصحه في المأكل و المشرب ..
ولكن الا ترون انه يأخذ منا اكثر مما يعطينا .. !

قبل شهرين او اكثر .. انتشرت شائعه مفادها احتواء الـ " ببسي" على مستخلص زيت الخنزير ..
لا اهميه لتلك الشائعه لانه اتضح عدم صحتها مؤخراً .. ولكني ..
وبعد نصيحه من " وحده احبها مره "

قررت الابتعاد عن الـ "ببسي" رغم ان اكثر ما يفتتني فيه .. لونه الازرق ..
والا يومكم وانا ما اشربه ولا اشتهيه .. !

كتابتي هذه ليس رغبه مني في محاربه الـ "ببسي "
لان عندي قناعه .. ان "كل ازرق منتصر بإذن الله" ..
ولكنها رد فعل لـ تصرف استغرب منه .. !!

امام شاشه " روتانا خليجيه " مسمعين بتركيز لما يقوله " الفارس " و رأيه في الصدى الذي حققه البومه الجديد ...
ولا يحلى السهر قدام التلفزيون الا بالتشبسات و الشوكولاتات و الحلاو و الخرابيط ذي ..

الشاهد في الموضوع اني قمت بجيب لهم "ببسي " من الثلاجه ..
و كان الـ "ببسي الدايت " برا الثلاجه

.. المهم جبت لهم ببسي عادي ..

وما رأيت الا علامات استفهام استنكار منهم لعدم احضاري للـ "الدايت "
لان الببسي الـ "عادي " يسمن .. !! .. رغم تعليلي انه "حار " ..

المهم انهم حطوا لهم في الفريزر و شربوه مع التشبسات ..

الاستغراب هنا .. هل هنالك فرق اذا كان الـ "ببسي" بسعرات حراريه اقل ..
مع العلم بأني آكل من التشبسات دون ان احاسب نفسي ..

باختلاف نوعيه الاكل .. نصر على ان نشرب "الدايت "
لنشعر نفسنا بأننا نحاول التخفيف من الوزن ؟

يعني بالله باحرم نفسي وأنا آكل شي عن 3 علب ببسي عاديه ...

انا بربـ .. انا سعوديه سمي

أحم أحم ...

المايك تمام غيدوهـ وخري شوي ايه كذا .. وهـ بس

شسمه أول شي بقول لغيدوهـ اني كنت بيزي الأسبوع هذا

بس عشانك يعني وعشانك غالية علي ما بغيت اردك <<< انقلعي بس

نجي للجد..

هم وغثا ..

نكد وتعب ..

ضيقه وطفش ..

في ناس اذا جت الاختبارات قام يفتح في ها الثلاجة ويسكرها لين يخرب الصمغ حقها ..
واذا خلصت الاختبارات سامنه لها 4 كيلوا ..

وفيه ناس ما يطب في بطنها شي.. تقول اذا جاء الاختبارات قالوا لها صومي ولا تفطرين بعد ..
عاد جاكم الصنف الحركه... فيه بنات ما تزين الكشخه والأستشوار والتسريحات ودنيا ..
الا اذا جات الاختبارات..
< -هذي كنها انا

أحلى شي اللي ما يخلي شي ما يشوفه حتى اخبار القناهـ الاولى قناتنا الحبيبه يشوفها خخخ..
< -تشوف مضارب الباديه بعد ع الاولى

المهم بس انا انسانه داجة ماحب المذاكرهـ ابد ما ادنيها احسها شي شين يروع تجيني تكه
اذا جيت اذاكر.. وفي الاخير دراجتي تصير زينه الحمدلله والدليل ما دخلت الجامعه خخخخ

لا حرام عليهم جايبه 88% وش يبون بعد.. هذا وانا ما ذاكرت بسم الله علي<< برا بس خخخ
شسمه يعني ليش تنسد نفسنا اذا جينا نذاكر والله قهر...

الثلاثاء والأربعاء عندي اختبارات زيــن...

المهم اختبار الثلاثاء ما كان يبي مذاكرهـ لانه شي بديهي ماعليه
يوم جاء الثلاثاء في الليل المفروض اذاكر لاختبار الاربعاء بس ما قدرت صرت تعبانه ..
.. ما ذاكرت لازم ها المادهـ اذاكرها وان ما فلحت مشكله والله ..

رحت لم المعهد واقعد اقول للبنات اني ما ذاكرت قاموا عاد فزعات ولا يهمك ومدري وش
خلاص اجلسي جنب فلانه وانا بساعد ومدري وش صديقاتي فزعات بعدي والله ..

المهم يوم جاء الأختبار ويفرقونا خييييييير كله بسبة ذيك اللي راقبت علينا الله يخسها خخخ
فرقتنا ودخلت معنا بنات من مستوى ثاني حسبي الله ما خلتني احل خخخخ
ابد كتبت اللي اعرفه بس مليت لها الورقه..

وطلعت وانا اقول راسبه

أمس سألت وقالوا ناجحه جايبه " B+"

وش رايكم.. وقسماَ مدري وشلون جبتها .. بس حركه بغيت اموت الايام اللي فاتت من الرعب

المهم ... دعست واجد خخخخخ

1* اذا جت الاختبارت ليش تنسد أنفسنا للدراسه مع اننا نقول نبي نذاكر ونبي ونبي وفي الاخير ولا شي...؟

2* ليش كل شي شين في عيونا...و أيام الاختبارات يكون احلى شي ...؟

3* سؤال قوووي... ليش نختبر...؟

< -الله من الدجه فيك يا صديكتي

بربـ .. دوتس

اصبري منيب طالعه من موضوعك .. مدري ليه اذا احد تكلم عن الاختبارات هـ اليومين احسه يقصدني انا .. !

مدري عشاني ثالث .. والا عشان جدولنا نزل : (

قد شفتوا اخيس من كذا .. !!
الادب اليوم اللي قبل الاخير : |

خير ... !

يع استغفر الله

[09:15:41 م] *على يدينك اذا تسمح تكرم بدل اوضاعي .. !: قد غير حالته إلى " غير متصل "

للأسف امس بلكت وحده قهرتني ..

اقولها بطلع اذاكر .. تقول وشوله انتي ادبي .. !

البنت ماخذه فكره انه اللي داخله علمي بطله .. !

واللي داخله ادبي غبيه .. ! و داجه ولا تذاكر ولا شي ..

لا وفيه كلمه قالتها قهرتني .. بالحرف الواحد :

" اللي داخله ادبي ما تفكر بمستقبلها الوظيفي ! "

اخليكم مع محادثه قبل امس يومني قويه :

/

على يدينك اذا تسمح : طيب بسألك بالله

F.o.R.e.V.e.R : اسألي
على يدينك اذا تسمح : انتي علمي والا ادبي ؟
F.o.R.e.V.e.R : علمي طبعاً
على يدينك اذا تسمح : متخرجه صح ؟
F.o.R.e.V.e.R : ايه ..
على يدينك اذا تسمح : طيب وش تخصصتي في الجامعه موب لغه عربيه ؟
F.o.R.e.V.e.R : الا
على يدينك اذا تسمح : حلو حلو
على يدينك اذا تسمح : الحين انتي تعتبرين الادبي بايخ .. وماله مستقبل .. وهذاك داخله قسم ادبي .. يعني لوك وحده داخله ادبي و تخصصتي لغه عربيه يعني مشى حالك .. يعني صرتي مدرسه / دكتوره لغه عربيه متخرجه من ادبي .. !
على يدينك اذا تسمح : والا انتي تقيسين على نفسك و تشوفين ان مالك مستقبل ؟
F.o.R.e.V.e.R: بس انا داخله علمي !
على يدينك اذا تسمح : عشان يقولون فلانه داخله علمي ؟
على يدينك اذا تسمح : لعلمك انا آخر ما يهمني كلام ناس .. دامني القى نفسي في هالقسم .. ادخله .. محد نافعني اذا جبت نسبه واطيه لاني ادرس مواد علميه ما اواطنها : / واذا انتي تشوفين نفسك عشانك داخله علمي .. بيحق لي اشوف نفسي لاني داخله ادبي .. عن اذنك انا طالعه و2
F.o.R.e.V.e.R : لا تزعلين مني
على يدينك اذا تسمح :لا ما زعلت بس حبيت اوضح لك .. ادعي لي بس ربي يسهل علي ..
F.o.R.e.V.e.R : ان شالله ..
على يدينك اذا تسمح : سي ياااا
F.o.R.e.V.e.R : سي يو

* ليه الناس يعتبرون اللي داخلات ادبي غبيات : / والا مالهم و الدراسه ؟

انا سعوديه خذي

الحين اذا جلسنا وقالت وحده حلمت امس ,, كل البنات

يمه وشو ..واللي تقول شوفي يروع لا تقولين...واللي تسوي فيها خير ان شاء الله

ها قولي ... وتقعد تكج عليهم وهم يا حياتي مصدقين... وتخرط ومكمله خرط ..

خلصت ..شف البنات .. ان شاء الله بتتزوجين وتجيبين عيال...لالا لا هذي بنت ثانيه اوش اوش

لا تكلمني تفسرين على كيفك يمكن شر يمكن خير...

شفتوا البنات كيف ياحياتي فيهم لعانه مهيب في احد اجل يقالها بتسكتها تقولها يمكن شر خخخخ

خالتي الكبيرهـ سوالفها كلها حلووم اول ما نجلس احنا البنات نسولف معهم بس تبدا في سواليف

الحلوم ننحاش لا تقول محلمه فيكم خخخخ مشكله والله..
تصدقون احس اللي يفسر احلام مدري وش وحده من صديقاتي تقول كنه مشعوذ خخخ
استغفر الله بس....

امي قايله لي صدق والله ما اكذب خخخخ

تقول لي يومين محلمه انك مخطوبه

هههههههههههههههههههههههههههههههههههههههههه تخيلت شكلي

عاد انا خير ان شاء الله يمه خير بأذن الله <<< مصدقه خخخ

المهم معلومة صدق...

لاحد يفسر على كيفه ترى يصير صدق ويمكن يكون تفسيرهـ غير وهم يفسرون
بغير علم ..

وبس خلاص ماعندي شي عنود الغيد المايك معك ...
لحظه لحظه يصلح اغني..<<< برااا

خخخخ اطلعي براا

يختي الاحلام احبها انا : )
هي الشي الوحيد اللي تستمتعين فيه ولا يصيرون اخوانك معك : |
< - كارهتهم هـ اليومين

ع الطاري مره تقولنا استاذه الدين ان فيه واحد حلم حلم كان سبب في هدايته ..
ماشالله ..

المهم وشو الحلم ..

واحد راعي معاصي حلم انه يشوف الناس كلهم طالعين للشوارع يركضون .. سألهم : وش فيكم ؟
قالوا : يوم القيامه : /
و قام يركض معهم .. لين وصل لجدار مكتوب عليه اسماء ..
وسأل واحد جنبه عنها .. ورد عليه : هذي اسماء اهل الجنه ..
وقام الضعيف يدور اسمه معهم .. يمين .. يسار ..
ما لقا اسمه .. ويضيق صدره ..
قاله ذا الواحد : لا يضيق صدرك ترا فيه باقي اسماء من الجهه الثانيه من الجدار ..
ويروح يدور اسمه معهم و يلقاه ..
بس لقا مكتوب فوق بالخط العريض "اهل النار "
و من الروعه قام يركض .. بزعمه بينحاش
و يلقا باص .. ويركب فيه .. وهو قاعد سأل اللي جنبه : وين يودي ذا الباص ؟
قاله : يودي للنار ..

وقام فتح شباك الباص و طب ..

واثره في الصدق قايم و يركض و هو يحلم .. و طب من دريشه بيتهم و تكسر !!
يحسبها دريشه الباص .. خخخخخخخ

قالــوا الرجيم اليوم همـ البنيـات
قلـت الرجيم أدري يبيلـه فراغــه .. !!

شفنا كثير من الطرق و الوسائل .. ما بقى شي ما طلعوه و قالوا تراه ينحف .. !
والصحه زينه .. و المحافظه علهيا ازين ..
لكن اذا صار فيه استغلال وانا اخص البنات لان مالي علم بالشباب كتير

اشوف هـ " الرجيمات " منتشره بينهن بشكل مهوب صاحي : /

انا ما اقول اني ضدها ، بالعكس .. بالشي بالعقل يعني .. !

ذاك اليوم جيت بعطي وحده من البنات شاكلت .. قالت معليش مسويه " دايت "
آكل تفاحه و "نص " علبه زبادي الصباح ..
وفي الليل آكل باقي علبه الزبادي .. وبس !

وبس .. !!

معليه يعني بس "دايت " زي كذا يضر اكثر مما ينفع ..
يعني بالله وش بيفيدني اني اجوع نفسي و احرمها من المفيد ..
وانا في اي لحظه ممكن انفجر و آكل و آكل قد ما انحرمت ؟

والا رجيم يقولك .. فيه يوم مفتوح لك في الاسبوع تاكل اللي تبي و اللي تشتهي ..
حتى لو فاسد فود .. وش دعوه اخرب على عمري كل الايام اللي انا ماسكه نفسي فيهم طول الاسبوع في ذا اليوم :S

والادهى انك لما تنتقدهم و تنصحهم تواجه انت الانتقادات .. بحجه ان فلانه مشت على هـ " الرجيم"
و نحفت 5 كيلوا في اسبوعين .. هين بس

بعدين الاجسام تختلف تركيبتها من شخص لشخص .. و تختلف الاكلات اللي تسمنهم
انا وحده من الناس لو افطرو اتغدا و اتعشى كبسه ما ضرني .. بس تعال شفني اذا كثرت من الخبز .. !

يعني المفروض قبل لا الواحد يتخذ جدول رجيم او نظام غذائي معين .. يستشير اخصائي تغذيه ..
واحياناً تكون الرياضه كفيله بقطع اشواط من هـ " الرجيمات " و الشقا ..

اجل بالله فيه احد يقعد على وجبه وحده و هي زيتون و لبنه خخخخخخخخخ
صحيح فيها فيتامينات و كالسيوم ذا الوجبه ..
لكن وين الحديد ، البروتين ، الاياف ...... , غيرها ..
والا ماشين على سياسه " درء المفاسد على جلب المصالح" خخخخخـ

اهــداء قصيــدة : " متيــ’ـنه"

~ آخــر الـ ب ـو ح ~

اعتدت عدم التطرق للموضوع ابداً اجتناباً لتصادم وجهات النظر ولآراء الحاده ..
ولكن حدث مالم اكن ارضاه .. حيث انني في مره من المرات اعلنت حاجتي لسماع "خالد"
لأواجه وابل من الشتائم .. وصلت للـتعدي على "شخصي " .. فقط بسبب تصريح .. !
اكتفيت بقول " الناس اذواق " واعتذرت بذكر " طاري " خالد امام السامعين ..

عندما تكرر نفس الموقف و نفس الاشخاص بإستثناء اني كتمت رغباتي و حاجاتي ..
وقررت المواجهه .. ما كان مني لا ان "شغلت" المسجل بأعلى الصوت ...
ولم يكن بوسعهم سوا ترديد .. " عـود اللـيل "

اتمنى انكم تتقبلون سواليفنا برحابه صدر .. و تناقشوننا فيها
نقطـه ... " انتهى "

......

أخـ¦ــتــ¦ـيار¦ئ · 13-04-2007, 07:31 PM

الله يعينكم يا عنــود على بعض هذا لا صرتو بنات صاير بينكم كذا ... بس حلوة المواقف وسوالفكـ قاعد اخذ منها واحتفظ فيها للنفسي وللمعرفه عنكم يا بنات حواءءء

هلاليه فوق فوق · 13-04-2007, 07:59 PM

:

:

أقتباس

هلا وعليكم السلام . .

أقتباسوالله اني مستحيه منكم مبطيه عنكم مره .. بس تخبرون البزنس و الدوامات وكذا ..

اي والله من زمان عن مواضيعك ومشاركاتك معنا . . فقدنــاك

/

\

أقتباسقررت الابتعاد عن الـ "ببسي" رغم ان اكثر ما يفتتني فيه .. لونه الازرق ..

للأسف لو بيدنا كان تركناه من زمان

بس هو سبحان الله كأنـه " ادمان "

:(

:

:

أقتباسيعني بالله باحرم نفسي وأنا آكل شي عن 3 علب ببسي عاديه ...

صدقتي والله هالشي نشوفه كثيـر

بس بصراحه انا احب الدايت يمكن لاني اشوفه اخف واحب طعمه اكثر من العادي

مو قصة انه مايسمن !

/

\

أقتباسأحم أحم ...

اهليـن

أقتباس
في ناس اذا جت الاختبارات قام يفتح في ها الثلاجة ويسكرها لين يخرب الصمغ حقها ..
واذا خلصت الاختبارات سامنه لها 4 كيلوا ..

ههههههههه

ههههههههه

اي والله صادقه ماتنفتح الشهيه الا اذا شفنا الكتب

نحاول نصرف ارواحنا منها بأي شي

ومالنا الا الأكل

أقتباس
عاد جاكم الصنف الحركه... فيه بنات ما تزين الكشخه والأستشوار والتسريحات ودنيا ..
الا اذا جات الاختبارات..

احــم .. هاذي مثلي

مادري كذا يجيني شي احب اتكشخ مع انها ساعتين وراده البيت

بس ولووو لازم

:

:

أقتباس1* اذا جت الاختبارت ليش تنسد أنفسنا للدراسه مع اننا نقول نبي نذاكر ونبي ونبي وفي الاخير ولا شي...؟

صحيح والله قبل الاختبارات نحس بحماس غير طبيعي

بس اول ماتبدى ينطففففي :(

بالنسبه لي هالشي اقيسه على اول اختبار اذا فلحت فيه تنفتح نفسي والعكس

أقتباس2* ليش كل شي شين في عيونا...و أيام الاختبارات يكون احلى شي ...؟

اي والله ذيك الايام نحس بقيمة كل شي

يمكن لأنه ممنوعه علينا اشياء كثيره

ومن زود الضغط بس ذاكرو ذاكرو

أقتباس3* سؤال قوووي... ليش نختبر...؟

سوي اقتراح للوزاره انهم يلغون الإختبارات

/

\

أقتباس
قد شفتوا اخيس من كذا .. !!
الادب اليوم اللي قبل الاخير : |

أقتباس
خير .. !

يع استغفر الله

الله يعينكم

ويوفق الجميـع

:

:

أقتباس* ليه الناس يعتبرون اللي داخلات ادبي غبيات : / والا مالهم و الدراسه ؟

للأسف كثير ناس كذا تفكيرهم

واكيد 100% غلطانيين .. يعني زي ماهم يدرسون مواد علميه وحسابات ومسائل

حنا بعد ندرس وموادنا ماهي سهله يبيلها شده

ومثل ماقلتي اغلللب البنات يدخلون العلمي عشان يقولون فلانه بالعلمي

ولا هي ماعندها سالفه !

/

\

أقتباس
لاحد يفسر على كيفه ترى يصير صدق ويمكن يكون تفسيرهـ غير وهم يفسرون
بغير علم ..

صدقتـي

عشان كذا انا مااحب اقول احلامي لأحـد ..

:

:

أقتباسشفنا كثير من الطرق و الوسائل .. ما بقى شي ما طلعوه و قالوا تراه ينحف .. !

لا وطلعو له اسماء

رجيم الموز ورجيم البرتقال ووحده قبل اسبوعين تقولي

رجيم الآيس كريم

/

\

عنود الغيـد .. انا سعوديـه

يعطيكم الف عافيه

وسعتو صدري الله يوسع صدوركم بالعافيه

BBP BBP

لارا · 13-04-2007, 08:06 PM

.
.
هلا والله بــ ( عنود الغيد - أنا سعوديـة )

جيتي عالجرح مع الـ "ببسي" الشي الوحيد اللي يقدره السعوديين بالاجماع ..
قبل موضوعك بدقيقة كنت اتغدى واشرب بيبسي
انا بالنسبة ليا عادي ..لقيته شربت لاكن ماادور عليه ابد ..
وكثير اعرفهم مايشربونه ..
صحباتي يمكن لهم ثلاث اشهر مسوين مقاطعــة ( والله يثبتهم )

.
.

أقتباس امام شاشه " روتانا خليجيه " مسمعين بتركيز لما يقوله " الفارس " و رأيه في الصدى الذي حققه البومه الجديد ...

للحين مقهورة على الحلقة هذي فاتتني ..
البوم راشد الفارس << برااا الموضوع

أقتباس

1* اذا جت الاختبارت ليش تنسد أنفسنا للدراسه مع اننا نقول نبي نذاكر ونبي ونبي وفي الاخير ولا شي...؟

2* ليش كل شي شين في عيونا...و أيام الاختبارات يكون احلى شي ...؟

الحـــالة النفسية والضغط .. ورهبة الامتحانات ..
اتوقع سوء تنظيم الوقت .. ومذاكرة ليلة الاختبار ..
والهروب ردة فعل طبيعية للموقف هذا ..

اما الأحـــلام وتفسيرها تلقينها عند البنات شي مو طبيعي ..
وكل وحده مسويه نفسها ولا بن سيرين على غفله << ياحبي لنــا ..

.

أقتباس

يعني المفروض قبل لا الواحد يتخذ جدول رجيم او نظام غذائي معين .. يستشير اخصائي تغذيه ..
واحياناً تكون الرياضه كفيله بقطع اشواط من هـ " الرجيمات " و الشقا ..

اممم هنــا يطلع تخصصي

خطير جدا جدا انك تتبع اي نظام غذائي بدون استشارة ..
لأن لكل فصية دم غذاء معين ..
وخلايا وتركيب الجسم يختلف من شخص لأخر ..
وعلى حسب فصيلة الدم تعرف نوعية الغذاء اللي يتناسب مع جسمك ..

أقتباس ولم يكن بوسعهم سوا ترديد .. " عـود اللـيل "

مع " عـود اللـيل " الأستماع اجبــاري وليس اختيـــاري

.
.
الله يوفقكم بثالث وتتحقق لكم أمانيكم ..
يعطيكم العافية ..BBP

هلالي ss · 13-04-2007, 08:08 PM

.

كح .. احم .. اتشو ..
حياكم الله خشو

ماشاء الله من اروما الى كينو حتى ابو سلطان كل واحد صقع له إذاعه
عنود وانا سعوديه سوالف حلوه واشوا اني منيب مايك ياما انمعط منا ومنآك

" إقتبآس "

لان ولكن ما دفعنا هو استنكارنا لتصرفات او حتى مواضيع تقهرنا

سنتطرق لها عبر مجموعه من السواليف ..

انا و انا سعوديه

" إقتبآس "

وانا يعجبني اللي يشوف الغلط ولا يسكت عنه

= = = = = = = = = = = = = = = =

" 1 "

" PepSi "

مشكله بناتنا هـ اليومين مشكله ..
يعني ذاك اليوم قاعد عند جدتي اتقهوى معها وسواليف حفيد مع جدته
الزبده ان فيه بنآت جيرانا جايين عند بنات عمتي ومجتمعين بنآت يعني اعمارهم بين الـ 18 والـ 20

قسم اني سمعت شهقه ما عمري سمعتها بحياتي

لدرجه ان جدتي الي ما تسب قاله " ***** "

يوم جت وحده من البنات الصغار قلنا بتعجب وش فيهم عسى ما جاهم شي

قالت الصغيره وهي تضحك

" لا المهابيل واقفين على الميزان يشوفون اوزانهم "
اثر وحده منهم زايده كيلو

ههههههه اما قصه البيبسي قصه ..
يعني يشربون الـ " ريد بول " وفيه سعرات
قسم لو اتقحن زيت لين يطلع مع خشمي ما جاء ربع سعراته

وبعدين يقولون " لا يبيلنا دايت

" قسم لا سمعت هالحكي تحوم كبدي "

ناس ودها تسمن شوي

ونآس تصيح لا نزلت نص كيلو

الإختبارات

معليش ما ودي اتكلم عن هالموضوع اسمحولي
والله اني مأجل اختبارات الدنيا كلها

الله يستر بس

بس حلوه الأدب اليوم قبل الأخير

<< حقير

= = = = = = = = == = = == ==

" التـخصص "

انا معآك عنود .. يعني اللي عارف ان توجهه ادبي يدخل ادبي
مهوب عيب .. بس العيب انك تدرس علمي علشان كلام النآس ولما تدخل الجامعه تفتقد اولويات الأدبي
وقتها لا انت الي بديت مع الي بدوا ادبي .. ولا انت الي استمريت بالعلمي

مثلا انا

<< الله من زين المثال

داخل علمي .. بس لو علي دخلت " إداري " لأن توجهي اساسا ً علوم اداريه
بس طبعا ً لأني ولد ابوي يقول ابيك ترفع راسي وتدخل هندسه ! وامي صاجتني ودها طب

قسم احس بيهدرون دمي

ما اقول اني فاشل بالعلمي .. نسبتي حلوه والحمد لله ماشي كويس

بس تعرفين لما ما يكون ميولك علميه

وقتها اتمنى اني داخل اداري

= = = = = = = = = = = = = = = =

" 3 "

" الأحلام "

اي والله , ودي من زمآن اكتب عن هالسالفه << كذآب بعينك

لا والله جد من تالي كل ما طق عود بعصا جاني واحد وخشمه داخل بفمه ويقولي على الصبح
" يوووووه ياخي والله محلم فيك "

اعبنوا داركم وانا ابليس كل يوم ناط لواحد

يعني ابليس خلا العالم كله
وما يحلاله الا يتهيأ بخشتي " من زيني " يعني والله ما اسوى ان حتى ابليس يكون انا

فيه حديث او آيه بالقرآن تقول اللي يكذب بالأحلام جزاءه النآر انا من بعدها معد امزح بهالأشياء

اول كنت كل خميس اجيب عيال عمي واصفهم واقعد اكذب عليهم .. انت محلم فيك الأحد وانت الثلاثاء

ويا ويلي يا هم مدري " خايفين مني "

والا يسلكون لي

والا اللي بالقنوات الفضائيه كل يوم ناط لنا واحد وماحطله برنامج تحلفون انهم غطوا على برامج " الشعوذه "
استغفر الله بعضهم يكذب بالتفسير وبعضهم " لا تورط " قال عطنا فاصل

الموهم موضوع حلو " انا سعوديه " ينحسب لك يا بطله CC

برايفت \

اجمل ما قرأت منذ مبطي

لا تقطعون

**ملك روحي** · 13-04-2007, 08:44 PM

هـــلا بـ (( عنود الغيــد _ أنـا سعــوديه ))

والله ياهم عقدونا بنات الادبي يقولون الادبي اصعب وبنات العلمي يقولون العلمي اصعب
انا مو شايفه ان فيه تخصص اصعب من الثاني والبنت تتخذقرارها مو على اساس
السهوله او الصعوبه بل على اساس ايش التخصص الي تلقى نفسها فيه
والى تحـــــبه
بالنسبه لي انا دخلت التخصص الي احبه على الرغم من امــي ماكانت تبيه
والحمدلله كانت نسبتي اعلى نسبه في تاريخ عائلتنا
وكانت امـــــــــي بتطير من الفرحــــــــــه
واتصلـــت على الناس الي نعرفهم والي مانعرفهم
وبعد ماخلصت اتصالاتها حست بالذنب وخافت لايعطوني عيــــن وكنت انا الضحيه قعدت طويل اليوم ماسكتني تقرا علي قران واذكار

.................................................. ...............
اما بالنسبه للدايت انا مـــــــالي فيه ابــــــــــد
اكـل الي ابي وقت ما ابـــي لاني الحمدلله وزني حلــو ومايزيد ولاينقص الاكيلو اوكيلو وشوي
وانا شايفه ان اي بنـت تبي تنقص وزنــها كون وزنها موعاجبها هذا يشكل دافع لها
اما البيبسي :::: صـــديقي المفضل وحبــــيبي الدائم
وكــــون لونه ازرق زاده حــــــــــلا

والله سواليفكـــــمـ ممتعه لاعــــــــدمنــاكمــــــBBP

تقبــــــــــلو خالص حبـــــــــي CC

أوووب صاحيه · 13-04-2007, 09:57 PM

قررت الابتعاد عن الـ "ببسي" رغم ان اكثر ما يفتتني فيه .. لونه الازرق ..
والا يومكم وانا ما اشربه ولا اشتهيه .. !

وه يا لأزرق

ملابسي كلها زرقاه بدرجاتها الا السماوي لأني أكرهه << ليه مدري

وشكل ياسر يحبه دايم ببسي وشاني

ولا يحلى السهر قدام التلفزيون الا بالتشبسات و الشوكولاتات و الحلاو و الخرابيط ذي ..

ماربح بنده وكارفور الا أحنا

الاستغراب هنا .. هل هنالك فرق اذا كان الـ "ببسي" بسعرات حراريه اقل ..
مع العلم بأني آكل من التشبسات دون ان احاسب نفسي ..

هاذي انا <<

في ناس اذا جت الاختبارات قام يفتح في ها الثلاجة ويسكرها لين يخرب الصمغ حقها ..
واذا خلصت الاختبارات سامنه لها 4 كيلوا ..

أنا خبره في تفتيح القدور << تدور الدسم هالنحيفه

فيه بنات ما تزين الكشخه والأستشوار والتسريحات ودنيا ..
الا اذا جات الاختبارات..

< -هذي كنها انا ((شكلك انتي أنا))

لا لا ماعندك سالفه والله العظيم هاذي أنا
الثلاثاء والأربعاء عندي اختبارات زيــن...

أحنا بدينا الأربعاء << خلاص خنقتني العبره

أمس سألت وقالوا ناجحه جايبه " B+"

هاذا أكبر دليل على ذمه الدكاتره في التصحيح

1* اذا جت الاختبارت ليش تنسد أنفسنا للدراسه مع اننا نقول نبي نذاكر ونبي ونبي وفي الاخير ولا شي...؟

من الخميس الظهر ماسكه عمري كن لا علم ولا خبر

واليوم من العصر ولا بعد خلصت وهي كلها خمسه محاضرات

قال أيش قال الحمله الصليبيه << أنا وش دخلني تخصصي يمين والماده يسار أففففف

2* ليش كل شي شين في عيونا...و أيام الاختبارات يكون احلى شي ...؟

الممنوع مرغوب مايبي لها تفكير

3* سؤال قوووي... ليش نختبر...؟

اذا عرفتي علميني

قد شفتوا اخيس من كذا .. !!
الادب اليوم اللي قبل الاخير : |

قوة هالسؤال نفس قوة السؤال اللي قبله

خير ... !

طير <<بزران

اقولها بطلع اذاكر .. تقول وشوله انتي ادبي .. !

أقولها بكل فخر أنا أدبي

أقولها وراسي مرفوع أنا أدبي

أقول ورا ماتنقلعين تذاكرين أصرف لك

واللي داخله ادبي غبيه .. ! و داجه ولا تذاكر ولا شي ..

هي الغبيه أذا هاذا تفكيرها

قالــوا الرجيم اليوم همـ البنيـات
قلـت الرجيم أدري يبيلـه فراغــه .. !!

هاذي قصه لا تنتهي

واللي بي يهبل بالبنت يقولها يادبا وشوف رده الفعل

يعني المفروض قبل لا الواحد يتخذ جدول رجيم او نظام غذائي معين .. يستشير اخصائي تغذيه ..
واحياناً تكون الرياضه كفيله بقطع اشواط من هـ " الرجيمات " و الشقا ..

هالمره انتي أمي خخخخخخخخ

بس والله من جد أحس انا كاتبه الموضوع

نفس اللي يدور ببالي

أنا طلعت من مخبأي بغير جو ربع ساعه (( لي ساعه الحين))

وكأني داريه عن موضوعك

بربره وسعت خاطري حيل

انا قبل ماأطلع نفسي أسأل <<مدري وش أسمه اللي بسأله

ورا المونديال وكاس الخليج ومباراه النصر

مع الأمتحانات دائما ماهنا توقيت صح والجايات أكثر

أحنا ناقصين قله تفكير وتشتيت ذهن << أكتبي في هالموضوع وبردي تسبدي

خلاص بروح أذاكر

وقصم حبيتك يادايت BBP

**عنود الغيد** · 14-04-2007, 06:56 PM

مشكورين جميعـاً ع المرور .. BBP

لي عوده مع الردود بس خل تخلص الاختبارات

انا سعوديه وينك

Jessica · 15-04-2007, 01:25 PM

أقتباس

وعليكم السلام ورحمة الله وبركاته

الوالده الله يخليها لو تجوفه في البيت تسوي سالفه

لانها مسويه حضر للببسي أن أحد عيالها يشربه

بس مع ذالك نشربه

مع أن كل الدكاتره يقولون مضاره كثيره

وخاصه ع الكليه يضرها يشكل كبير

أقتباسوما رأيت الا علامات استفهام استنكار منهم لعدم احضاري للـ

أقتباس"الدايت "

أقتباس
لان الببسي الـ "عادي " يسمن .. !! .. رغم تعليلي انه "حار " ..

وع دايت ما أحبه مافيه سكر

الببسي الدايت أحسه كذبه بس لان فيه غازات أكثر من الببسي العادي

يعني ينفخ البطن ويسمن

يعني العادي أحسن يكثير

آآآآآآآآآآآآه أكرها بشكل مو معقول

أقتباسوفيه ناس ما يطب في بطنها شي.. تقول اذا جاء الاختبارات قالوا لها صومي ولا تفطرين بعد ..

والله هذي حالتي الأكل يحطونه في الغرفه ويجون يلاقونه مثل ما هو

النفسيه تكون مسدوده وأنتي مبطله الكتب المخيسه إلي تجيب العله..

أقتباسعاد جاكم الصنف الحركه... فيه بنات ما تزين الكشخه والأستشوار والتسريحات ودنيا ..

أقتباس
الا اذا جات الاختبارات..
< -هذي كنها انا

فيه مرات ضرب في راسي أني ما أخلي شي في الدولاب إلا أقيسه

لا وإذا كان الإمتحان كلش صعب أروح السوق وإذا رديت تنفتح نفسي شوي لدراسه

1*

أقتباس اذا جت الاختبارت ليش تنسد أنفسنا للدراسه مع اننا نقول نبي نذاكر ونبي ونبي وفي الاخير ولا شي...؟

مادري بس هذي حاله نفسيه أو خوف من الإمتحان يترجمه العقل إلى سدت نفس

2*

أقتباس ليش كل شي شين في عيونا...و أيام الاختبارات يكون احلى شي ...؟

هذي الطريقه الوحيده لتخلص من الكتب

ولنشغل عقولنا من التفكير في الإمتحان لاننا ما ذاكرنا له

3*

أقتباس سؤال قوووي... ليش نختبر...؟

علشان يغثونا ويحرون جبودنا

مو المهم من الدراسه أنك تتعلم وخلاص

عيل لازم يتعبونا بالحفظ والربكه يوم الإمتحان

أنا أقول إلي حط نظام الإمتحانات واحد فاضي ومعقد وما عنده سالفه

أقتباسقد شفتوا اخيس من كذا ..

أقتباس!!

أقتباس
الادب اليوم اللي قبل الاخير : |

فيه أخيس منه باجر عندي أمتحانين مع بعض

وما بينهم بريك كبير

لا ومن زين الحظ مباراة الهلال اليوم

يعني أدرس ولا أتابع المباراة

وعقلي من كبره علشان يحفظ مادتين وحده علمي ووحده أدبي

الإمتحانات أكرهج

أقتباس*

أقتباس ليه الناس يعتبرون اللي داخلات ادبي غبيات : / والا مالهم و الدراسه ؟

أختيار التخصص علمي أو أدبي هو ع حسب الميول

مو أختار التخصص علشان الناس لان الناس مو نافعيني إذا رسبت ولا أخذت نسبه مو حلوه

بصراحه أنا دخلت علمي لان أعشق المواد العلميه وما أحب المواد الادبية

يمكن نظرت الناس دوم أخذوا فكره أن العلمي أذكى من الأدبي وأن الأدبي حتى لو ما تدرسين

بتاخذين نسبه مرتفعه ويمكن أنتشار هذه الفكره من أن أكثر الطلاب يدخلون الأدبي

بس الصج أن الأدبي يمكن يكون أصعب من العلمي

أقتباسقالــوا الرجيم اليوم همـ البنيـات

أقتباس
قلـت الرجيم أدري يبيلـه فراغــه .. !!

المحافظه ع الوزن لازم خاصه للبنت

بس فيه بعضهن يصيبهم هوس في الرجيم يعني ماتخلي كتاب أو وصفه إلى تسويها

ولا هي عارفه هل الرجيم هذا يناسبها ولا

الرجيم مو أمنع نفسي من الأكل وخلاص بضعف

لا الرجيم لزم أنج تستشير دكتور التغذيه وهو بيحط لج تظام غذائي معين

عنود & أنا سعودية موضوع رائع ومميز

تطرقتن لمواضيع مهمه في حياتنا اليوميه

CC ربي يعطيكم العافيه CC

**عبدالرحمن القحطاني** · 15-04-2007, 05:46 PM

*

*

موضوع سابقة في فكرته
و إعجابي الشديد في طريقة الطرح و توصيل الأفكار BBP

محاور الموضوع اللي أعجبتني :
الببسي و أضراره ، نفسيات الطلبة أثناء الأختبارات
التخصص الأدبي و نظرة الناس للمنتسبين له
ناقصي الذوق و إنتقادهم الدائم لأبو نايف !

عنود الغيد ، أنا سعوديه
لي عوده بإذن الله للحديث عن هالمحاور
بس نخلي مباراة اليوم تخلص

أنا سعوديه · 15-04-2007, 05:59 PM

*
*

هاااااايز

ام هيـر

>>بيجيها جلد من عنود..

أول شي مشكورين كتير على ردودكم
اللي بتفتح النفس..CC

\
\

أخـ¦ــتــ¦ـيار¦ئ:

حياك الله أخوي..
نورت الموضوع
وشاكرين ردك..BBP

*
*

هلاليه فوق فوق:

أقتباس

صدقتـي

عشان كذا انا مااحب اقول احلامي لأحـد ..

تعجبيني..

أحسن لك عشان ما يفسرون لك على كيفهم..
وبها الطريقه توسوسين..

أقتباس

عنود الغيـد .. انا سعوديـه

يعطيكم الف عافيه

وسعتو صدري الله يوسع صدوركم بالعافيه

يعافيك ربي ..

وانتي بعد نورتينا بوجودك..

لا تحرمينا تواجدك الحلو.. BBP

*
*

لارا :

أقتباساما الأحـــلام وتفسيرها تلقينها عند البنات شي مو طبيعي ..

أقتباس

وكل وحده مسويه نفسها ولا بن سيرين على غفله << ياحبي لنــا ..

خخخخخخخخخخ

يا حبيلنا بس الله يخلينا لحبايبنا..>برا..

تواجد حلو ..

لاعدمناك..BBP

*
*

هلالي ss :

أقتباسوالا اللي بالقنوات الفضائيه كل يوم ناط لنا واحد وماحطله برنامج تحلفون انهم غطوا على برامج " الشعوذه "

أقتباس

استغفر الله بعضهم يكذب بالتفسير وبعضهم " لا تورط " قال عطنا فاصل

خخخخخخخخ

حلوه حلوه..

ايه من جد كل ماغيرت شي طلعلك..خرابيطهم
أنا صراحه من المعارضين لتفسير الاحلام اللي با القنوات الفضائيه

قسماَ ما عندهم سالفه ابد ابد
ماغير يكجون على خلق الله
وها الناس مخفات يصدقون..

أقتباسالموهم موضوع حلو " انا سعوديه " ينحسب لك يا بطله

عن جد احرجتني ...

أقتباس

برايفت \

اجمل ما قرأت منذ مبطي
لا تقطعون

هذا بس من ذوقك...
مسويه فيها ذربه..
لاتحرمنا تواجدك ..BBP

*
*

لي عودهـ ان شاء الله قريب..

\
\
\

عزوز_السندباد · 15-04-2007, 06:10 PM

*

*

قال تعالى : ( قل هل يستوي الذين يعلمون والذين لا يعلمون إنما يتذكر أولوا الألباب )

تم التحرير
الهرش

أنا سعوديه · 15-04-2007, 06:26 PM

أقتباس
موضوع ماله فآيدة ولا فهمت شي

*
*

الماله فايدهـ وجودك هنا..

وردك..

\
\

**عنود الغيد** · 15-04-2007, 06:57 PM

أقتباسموضوع ماله فآيدة ولا فهمت شي

مشكلتك

**TAMeeM** · 15-04-2007, 07:07 PM

اقتباس:

المشاركة الأصلية كتبت بواسطة عزوز_السندباد

موضوع ماله فآيدة ولا فهمت شي

بلا والله من الثواره ما فهمت شي ..,,

وشولة راد طيب

-
-

لي باك مع الموضوع الخرافي

13-04-2007, 07:04 PM	#1
عنود الغيد . . : زعيم القناصين : . .	بين الدايت في " احلامي " و الاختبارات و " جدول " الثنويه العامه .. !! سلاام للمجلس و زواره .. "جُمعه مباركه" والله اني مستحيه منكم مبطيه عنكم مره .. بس تخبرون البزنس و الدوامات وكذا .. < - والتاريخ و الادب و كرف الدراسه ما دفعنا للكتابه .. ليس " فضاوه " لان ولكن ما دفعنا هو استنكارنا لتصرفات او حتى مواضيع تقهرنا سنتطرق لها عبر مجموعه من السواليف .. انا و انا سعوديه بعد ان امتلأت تلك السفر الممدوده بكرم حاتمي و قد ضمت من اشهى ما تشتهيه العين من مأكولات .. تجده قابع ليحتل المركز الرئيس جاذباً اهتمام كل من هم للجلوس حول تلك السفرة .. لن ادعي المثاليه .. رغم ابتعادي عن كل ما هو مضر بالصحه في المأكل و المشرب .. ولكن الا ترون انه يأخذ منا اكثر مما يعطينا .. ! قبل شهرين او اكثر .. انتشرت شائعه مفادها احتواء الـ " ببسي" على مستخلص زيت الخنزير .. لا اهميه لتلك الشائعه لانه اتضح عدم صحتها مؤخراً .. ولكني .. وبعد نصيحه من " وحده احبها مره " قررت الابتعاد عن الـ "ببسي" رغم ان اكثر ما يفتتني فيه .. لونه الازرق .. والا يومكم وانا ما اشربه ولا اشتهيه .. ! كتابتي هذه ليس رغبه مني في محاربه الـ "ببسي " لان عندي قناعه .. ان "كل ازرق منتصر بإذن الله" .. ولكنها رد فعل لـ تصرف استغرب منه .. !! امام شاشه " روتانا خليجيه " مسمعين بتركيز لما يقوله " الفارس " و رأيه في الصدى الذي حققه البومه الجديد ... ولا يحلى السهر قدام التلفزيون الا بالتشبسات و الشوكولاتات و الحلاو و الخرابيط ذي .. الشاهد في الموضوع اني قمت بجيب لهم "ببسي " من الثلاجه .. و كان الـ "ببسي الدايت " برا الثلاجه .. المهم جبت لهم ببسي عادي .. وما رأيت الا علامات استفهام استنكار منهم لعدم احضاري للـ "الدايت " لان الببسي الـ "عادي " يسمن .. !! .. رغم تعليلي انه "حار " .. المهم انهم حطوا لهم في الفريزر و شربوه مع التشبسات .. الاستغراب هنا .. هل هنالك فرق اذا كان الـ "ببسي" بسعرات حراريه اقل .. مع العلم بأني آكل من التشبسات دون ان احاسب نفسي .. باختلاف نوعيه الاكل .. نصر على ان نشرب "الدايت " لنشعر نفسنا بأننا نحاول التخفيف من الوزن ؟ يعني بالله باحرم نفسي وأنا آكل شي عن 3 علب ببسي عاديه ... انا بربـ .. انا سعوديه سمي أحم أحم ... المايك تمام غيدوهـ وخري شوي ايه كذا .. وهـ بس شسمه أول شي بقول لغيدوهـ اني كنت بيزي الأسبوع هذا بس عشانك يعني وعشانك غالية علي ما بغيت اردك <<< انقلعي بس نجي للجد.. هم وغثا .. نكد وتعب .. ضيقه وطفش .. في ناس اذا جت الاختبارات قام يفتح في ها الثلاجة ويسكرها لين يخرب الصمغ حقها .. واذا خلصت الاختبارات سامنه لها 4 كيلوا .. وفيه ناس ما يطب في بطنها شي.. تقول اذا جاء الاختبارات قالوا لها صومي ولا تفطرين بعد .. عاد جاكم الصنف الحركه... فيه بنات ما تزين الكشخه والأستشوار والتسريحات ودنيا .. الا اذا جات الاختبارات.. < -هذي كنها انا أحلى شي اللي ما يخلي شي ما يشوفه حتى اخبار القناهـ الاولى قناتنا الحبيبه يشوفها خخخ.. < -تشوف مضارب الباديه بعد ع الاولى المهم بس انا انسانه داجة ماحب المذاكرهـ ابد ما ادنيها احسها شي شين يروع تجيني تكه اذا جيت اذاكر.. وفي الاخير دراجتي تصير زينه الحمدلله والدليل ما دخلت الجامعه خخخخ لا حرام عليهم جايبه 88% وش يبون بعد.. هذا وانا ما ذاكرت بسم الله علي<< برا بس خخخ شسمه يعني ليش تنسد نفسنا اذا جينا نذاكر والله قهر... الثلاثاء والأربعاء عندي اختبارات زيــن... المهم اختبار الثلاثاء ما كان يبي مذاكرهـ لانه شي بديهي ماعليه يوم جاء الثلاثاء في الليل المفروض اذاكر لاختبار الاربعاء بس ما قدرت صرت تعبانه .. .. ما ذاكرت لازم ها المادهـ اذاكرها وان ما فلحت مشكله والله .. رحت لم المعهد واقعد اقول للبنات اني ما ذاكرت قاموا عاد فزعات ولا يهمك ومدري وش خلاص اجلسي جنب فلانه وانا بساعد ومدري وش صديقاتي فزعات بعدي والله .. المهم يوم جاء الأختبار ويفرقونا خييييييير كله بسبة ذيك اللي راقبت علينا الله يخسها خخخ فرقتنا ودخلت معنا بنات من مستوى ثاني حسبي الله ما خلتني احل خخخخ ابد كتبت اللي اعرفه بس مليت لها الورقه.. وطلعت وانا اقول راسبه أمس سألت وقالوا ناجحه جايبه " B+" وش رايكم.. وقسماَ مدري وشلون جبتها .. بس حركه بغيت اموت الايام اللي فاتت من الرعب المهم ... دعست واجد خخخخخ 1* اذا جت الاختبارت ليش تنسد أنفسنا للدراسه مع اننا نقول نبي نذاكر ونبي ونبي وفي الاخير ولا شي...؟ 2* ليش كل شي شين في عيونا...و أيام الاختبارات يكون احلى شي ...؟ 3* سؤال قوووي... ليش نختبر...؟ < -الله من الدجه فيك يا صديكتي بربـ .. دوتس اصبري منيب طالعه من موضوعك .. مدري ليه اذا احد تكلم عن الاختبارات هـ اليومين احسه يقصدني انا .. ! مدري عشاني ثالث .. والا عشان جدولنا نزل : ( قد شفتوا اخيس من كذا .. !! الادب اليوم اللي قبل الاخير : \| خير ... ! يع استغفر الله [09:15:41 م] *على يدينك اذا تسمح تكرم بدل اوضاعي .. !: قد غير حالته إلى " غير متصل " للأسف امس بلكت وحده قهرتني .. اقولها بطلع اذاكر .. تقول وشوله انتي ادبي .. ! البنت ماخذه فكره انه اللي داخله علمي بطله .. ! واللي داخله ادبي غبيه .. ! و داجه ولا تذاكر ولا شي .. لا وفيه كلمه قالتها قهرتني .. بالحرف الواحد : " اللي داخله ادبي ما تفكر بمستقبلها الوظيفي ! " اخليكم مع محادثه قبل امس يومني قويه : / على يدينك اذا تسمح : طيب بسألك بالله F.o.R.e.V.e.R : اسألي على يدينك اذا تسمح : انتي علمي والا ادبي ؟ F.o.R.e.V.e.R : علمي طبعاً على يدينك اذا تسمح : متخرجه صح ؟ F.o.R.e.V.e.R : ايه .. على يدينك اذا تسمح : طيب وش تخصصتي في الجامعه موب لغه عربيه ؟ F.o.R.e.V.e.R : الا على يدينك اذا تسمح : حلو حلو على يدينك اذا تسمح : الحين انتي تعتبرين الادبي بايخ .. وماله مستقبل .. وهذاك داخله قسم ادبي .. يعني لوك وحده داخله ادبي و تخصصتي لغه عربيه يعني مشى حالك .. يعني صرتي مدرسه / دكتوره لغه عربيه متخرجه من ادبي .. ! على يدينك اذا تسمح : والا انتي تقيسين على نفسك و تشوفين ان مالك مستقبل ؟ F.o.R.e.V.e.R: بس انا داخله علمي ! على يدينك اذا تسمح : عشان يقولون فلانه داخله علمي ؟ على يدينك اذا تسمح : لعلمك انا آخر ما يهمني كلام ناس .. دامني القى نفسي في هالقسم .. ادخله .. محد نافعني اذا جبت نسبه واطيه لاني ادرس مواد علميه ما اواطنها : / واذا انتي تشوفين نفسك عشانك داخله علمي .. بيحق لي اشوف نفسي لاني داخله ادبي .. عن اذنك انا طالعه و2 F.o.R.e.V.e.R : لا تزعلين مني على يدينك اذا تسمح :لا ما زعلت بس حبيت اوضح لك .. ادعي لي بس ربي يسهل علي .. F.o.R.e.V.e.R : ان شالله .. على يدينك اذا تسمح : سي ياااا F.o.R.e.V.e.R : سي يو * ليه الناس يعتبرون اللي داخلات ادبي غبيات : / والا مالهم و الدراسه ؟ انا سعوديه خذي الحين اذا جلسنا وقالت وحده حلمت امس ,, كل البنات يمه وشو ..واللي تقول شوفي يروع لا تقولين...واللي تسوي فيها خير ان شاء الله ها قولي ... وتقعد تكج عليهم وهم يا حياتي مصدقين... وتخرط ومكمله خرط .. خلصت ..شف البنات .. ان شاء الله بتتزوجين وتجيبين عيال...لالا لا هذي بنت ثانيه اوش اوش لا تكلمني تفسرين على كيفك يمكن شر يمكن خير... شفتوا البنات كيف ياحياتي فيهم لعانه مهيب في احد اجل يقالها بتسكتها تقولها يمكن شر خخخخ خالتي الكبيرهـ سوالفها كلها حلووم اول ما نجلس احنا البنات نسولف معهم بس تبدا في سواليف الحلوم ننحاش لا تقول محلمه فيكم خخخخ مشكله والله.. تصدقون احس اللي يفسر احلام مدري وش وحده من صديقاتي تقول كنه مشعوذ خخخ استغفر الله بس.... امي قايله لي صدق والله ما اكذب خخخخ تقول لي يومين محلمه انك مخطوبه هههههههههههههههههههههههههههههههههههههههههه تخيلت شكلي عاد انا خير ان شاء الله يمه خير بأذن الله <<< مصدقه خخخ المهم معلومة صدق... لاحد يفسر على كيفه ترى يصير صدق ويمكن يكون تفسيرهـ غير وهم يفسرون بغير علم .. وبس خلاص ماعندي شي عنود الغيد المايك معك ... لحظه لحظه يصلح اغني..<<< برااا خخخخ اطلعي براا يختي الاحلام احبها انا : ) هي الشي الوحيد اللي تستمتعين فيه ولا يصيرون اخوانك معك : \| < - كارهتهم هـ اليومين ع الطاري مره تقولنا استاذه الدين ان فيه واحد حلم حلم كان سبب في هدايته .. ماشالله .. المهم وشو الحلم .. واحد راعي معاصي حلم انه يشوف الناس كلهم طالعين للشوارع يركضون .. سألهم : وش فيكم ؟ قالوا : يوم القيامه : / و قام يركض معهم .. لين وصل لجدار مكتوب عليه اسماء .. وسأل واحد جنبه عنها .. ورد عليه : هذي اسماء اهل الجنه .. وقام الضعيف يدور اسمه معهم .. يمين .. يسار .. ما لقا اسمه .. ويضيق صدره .. قاله ذا الواحد : لا يضيق صدرك ترا فيه باقي اسماء من الجهه الثانيه من الجدار .. ويروح يدور اسمه معهم و يلقاه .. بس لقا مكتوب فوق بالخط العريض "اهل النار " و من الروعه قام يركض .. بزعمه بينحاش و يلقا باص .. ويركب فيه .. وهو قاعد سأل اللي جنبه : وين يودي ذا الباص ؟ قاله : يودي للنار .. وقام فتح شباك الباص و طب .. واثره في الصدق قايم و يركض و هو يحلم .. و طب من دريشه بيتهم و تكسر !! يحسبها دريشه الباص .. خخخخخخخ قالــوا الرجيم اليوم همـ البنيـات قلـت الرجيم أدري يبيلـه فراغــه .. !! شفنا كثير من الطرق و الوسائل .. ما بقى شي ما طلعوه و قالوا تراه ينحف .. ! والصحه زينه .. و المحافظه علهيا ازين .. لكن اذا صار فيه استغلال وانا اخص البنات لان مالي علم بالشباب كتير اشوف هـ " الرجيمات " منتشره بينهن بشكل مهوب صاحي : / انا ما اقول اني ضدها ، بالعكس .. بالشي بالعقل يعني .. ! ذاك اليوم جيت بعطي وحده من البنات شاكلت .. قالت معليش مسويه " دايت " آكل تفاحه و "نص " علبه زبادي الصباح .. وفي الليل آكل باقي علبه الزبادي .. وبس ! وبس .. !! معليه يعني بس "دايت " زي كذا يضر اكثر مما ينفع .. يعني بالله وش بيفيدني اني اجوع نفسي و احرمها من المفيد .. وانا في اي لحظه ممكن انفجر و آكل و آكل قد ما انحرمت ؟ والا رجيم يقولك .. فيه يوم مفتوح لك في الاسبوع تاكل اللي تبي و اللي تشتهي .. حتى لو فاسد فود .. وش دعوه اخرب على عمري كل الايام اللي انا ماسكه نفسي فيهم طول الاسبوع في ذا اليوم :S والادهى انك لما تنتقدهم و تنصحهم تواجه انت الانتقادات .. بحجه ان فلانه مشت على هـ " الرجيم" و نحفت 5 كيلوا في اسبوعين .. هين بس بعدين الاجسام تختلف تركيبتها من شخص لشخص .. و تختلف الاكلات اللي تسمنهم انا وحده من الناس لو افطرو اتغدا و اتعشى كبسه ما ضرني .. بس تعال شفني اذا كثرت من الخبز .. ! يعني المفروض قبل لا الواحد يتخذ جدول رجيم او نظام غذائي معين .. يستشير اخصائي تغذيه .. واحياناً تكون الرياضه كفيله بقطع اشواط من هـ " الرجيمات " و الشقا .. اجل بالله فيه احد يقعد على وجبه وحده و هي زيتون و لبنه خخخخخخخخخ صحيح فيها فيتامينات و كالسيوم ذا الوجبه .. لكن وين الحديد ، البروتين ، الاياف ...... , غيرها .. والا ماشين على سياسه " درء المفاسد على جلب المصالح" خخخخخـ اهــداء قصيــدة : " متيــ’ـنه" ~ آخــر الـ ب ـو ح ~ اعتدت عدم التطرق للموضوع ابداً اجتناباً لتصادم وجهات النظر ولآراء الحاده .. ولكن حدث مالم اكن ارضاه .. حيث انني في مره من المرات اعلنت حاجتي لسماع "خالد" لأواجه وابل من الشتائم .. وصلت للـتعدي على "شخصي " .. فقط بسبب تصريح .. ! اكتفيت بقول " الناس اذواق " واعتذرت بذكر " طاري " خالد امام السامعين .. عندما تكرر نفس الموقف و نفس الاشخاص بإستثناء اني كتمت رغباتي و حاجاتي .. وقررت المواجهه .. ما كان مني لا ان "شغلت" المسجل بأعلى الصوت ... ولم يكن بوسعهم سوا ترديد .. " عـود اللـيل " اتمنى انكم تتقبلون سواليفنا برحابه صدر .. و تناقشوننا فيها نقطـه ... " انتهى " ...... التوقيع: Ask me anything HERE التعديل الأخير تم بواسطة عنود الغيد ; 13-04-2007 الساعة 08:36 PM سبب آخر: المسافات : /

13-04-2007, 07:31 PM	#2
أخـ¦ــتــ¦ـيار¦ئ قناص فوتوغرافي	رد: بين الدايت في " احلامي " و الاختبارات و " جدول " الثنويه العامه .. !! الله يعينكم يا عنــود على بعض هذا لا صرتو بنات صاير بينكم كذا ... بس حلوة المواقف وسوالفكـ قاعد اخذ منها واحتفظ فيها للنفسي وللمعرفه عنكم يا بنات حواءءء التوقيع:

13-04-2007, 07:59 PM	#3
هلاليه فوق فوق قناص مميــز	رد: بين الدايت في " احلامي " و الاختبارات و " جدول " الثنويه العامه .. !! : : أقتباس هلا وعليكم السلام . . أقتباسوالله اني مستحيه منكم مبطيه عنكم مره .. بس تخبرون البزنس و الدوامات وكذا .. اي والله من زمان عن مواضيعك ومشاركاتك معنا . . فقدنــاك / \ أقتباسقررت الابتعاد عن الـ "ببسي" رغم ان اكثر ما يفتتني فيه .. لونه الازرق .. للأسف لو بيدنا كان تركناه من زمان بس هو سبحان الله كأنـه " ادمان " :( : : أقتباسيعني بالله باحرم نفسي وأنا آكل شي عن 3 علب ببسي عاديه ... صدقتي والله هالشي نشوفه كثيـر بس بصراحه انا احب الدايت يمكن لاني اشوفه اخف واحب طعمه اكثر من العادي مو قصة انه مايسمن ! / \ أقتباسأحم أحم ... اهليـن أقتباس في ناس اذا جت الاختبارات قام يفتح في ها الثلاجة ويسكرها لين يخرب الصمغ حقها .. واذا خلصت الاختبارات سامنه لها 4 كيلوا .. ههههههههه ههههههههه اي والله صادقه ماتنفتح الشهيه الا اذا شفنا الكتب نحاول نصرف ارواحنا منها بأي شي ومالنا الا الأكل أقتباس عاد جاكم الصنف الحركه... فيه بنات ما تزين الكشخه والأستشوار والتسريحات ودنيا .. الا اذا جات الاختبارات.. احــم .. هاذي مثلي مادري كذا يجيني شي احب اتكشخ مع انها ساعتين وراده البيت بس ولووو لازم : : أقتباس1* اذا جت الاختبارت ليش تنسد أنفسنا للدراسه مع اننا نقول نبي نذاكر ونبي ونبي وفي الاخير ولا شي...؟ صحيح والله قبل الاختبارات نحس بحماس غير طبيعي بس اول ماتبدى ينطففففي :( بالنسبه لي هالشي اقيسه على اول اختبار اذا فلحت فيه تنفتح نفسي والعكس أقتباس2* ليش كل شي شين في عيونا...و أيام الاختبارات يكون احلى شي ...؟ اي والله ذيك الايام نحس بقيمة كل شي يمكن لأنه ممنوعه علينا اشياء كثيره ومن زود الضغط بس ذاكرو ذاكرو أقتباس3* سؤال قوووي... ليش نختبر...؟ سوي اقتراح للوزاره انهم يلغون الإختبارات / \ أقتباس قد شفتوا اخيس من كذا .. !! الادب اليوم اللي قبل الاخير : \| أقتباس خير .. ! يع استغفر الله الله يعينكم ويوفق الجميـع : : أقتباس* ليه الناس يعتبرون اللي داخلات ادبي غبيات : / والا مالهم و الدراسه ؟ للأسف كثير ناس كذا تفكيرهم واكيد 100% غلطانيين .. يعني زي ماهم يدرسون مواد علميه وحسابات ومسائل حنا بعد ندرس وموادنا ماهي سهله يبيلها شده ومثل ماقلتي اغلللب البنات يدخلون العلمي عشان يقولون فلانه بالعلمي ولا هي ماعندها سالفه ! / \ أقتباس لاحد يفسر على كيفه ترى يصير صدق ويمكن يكون تفسيرهـ غير وهم يفسرون بغير علم .. صدقتـي عشان كذا انا مااحب اقول احلامي لأحـد .. : : أقتباسشفنا كثير من الطرق و الوسائل .. ما بقى شي ما طلعوه و قالوا تراه ينحف .. ! لا وطلعو له اسماء رجيم الموز ورجيم البرتقال ووحده قبل اسبوعين تقولي رجيم الآيس كريم / \ عنود الغيـد .. انا سعوديـه يعطيكم الف عافيه وسعتو صدري الله يوسع صدوركم بالعافيه BBP BBP التوقيع: allah m3ak yal a5'9r ,, our hearts with u

13-04-2007, 08:06 PM	#4
لارا قناص مميــز	رد: بين الدايت في " احلامي " و الاختبارات و " جدول " الثنويه العامه .. !! . . هلا والله بــ ( عنود الغيد - أنا سعوديـة ) جيتي عالجرح مع الـ "ببسي" الشي الوحيد اللي يقدره السعوديين بالاجماع .. قبل موضوعك بدقيقة كنت اتغدى واشرب بيبسي انا بالنسبة ليا عادي ..لقيته شربت لاكن ماادور عليه ابد .. وكثير اعرفهم مايشربونه .. صحباتي يمكن لهم ثلاث اشهر مسوين مقاطعــة ( والله يثبتهم ) . . أقتباس امام شاشه " روتانا خليجيه " مسمعين بتركيز لما يقوله " الفارس " و رأيه في الصدى الذي حققه البومه الجديد ... للحين مقهورة على الحلقة هذي فاتتني .. البوم راشد الفارس << برااا الموضوع أقتباس 1* اذا جت الاختبارت ليش تنسد أنفسنا للدراسه مع اننا نقول نبي نذاكر ونبي ونبي وفي الاخير ولا شي...؟ 2* ليش كل شي شين في عيونا...و أيام الاختبارات يكون احلى شي ...؟ الحـــالة النفسية والضغط .. ورهبة الامتحانات .. اتوقع سوء تنظيم الوقت .. ومذاكرة ليلة الاختبار .. والهروب ردة فعل طبيعية للموقف هذا .. اما الأحـــلام وتفسيرها تلقينها عند البنات شي مو طبيعي .. وكل وحده مسويه نفسها ولا بن سيرين على غفله << ياحبي لنــا .. . أقتباس يعني المفروض قبل لا الواحد يتخذ جدول رجيم او نظام غذائي معين .. يستشير اخصائي تغذيه .. واحياناً تكون الرياضه كفيله بقطع اشواط من هـ " الرجيمات " و الشقا .. اممم هنــا يطلع تخصصي خطير جدا جدا انك تتبع اي نظام غذائي بدون استشارة .. لأن لكل فصية دم غذاء معين .. وخلايا وتركيب الجسم يختلف من شخص لأخر .. وعلى حسب فصيلة الدم تعرف نوعية الغذاء اللي يتناسب مع جسمك .. أقتباس ولم يكن بوسعهم سوا ترديد .. " عـود اللـيل " مع " عـود اللـيل " الأستماع اجبــاري وليس اختيـــاري . . الله يوفقكم بثالث وتتحقق لكم أمانيكم .. يعطيكم العافية ..BBP التوقيع: انتهينا ... التعديل الأخير تم بواسطة لارا ; 13-04-2007 الساعة 08:09 PM

13-04-2007, 08:08 PM	#5
هلالي ss قناص مميــز	رد: بين الدايت في " احلامي " و الاختبارات و " جدول " الثنويه العامه .. !! . كح .. احم .. اتشو .. حياكم الله خشو ماشاء الله من اروما الى كينو حتى ابو سلطان كل واحد صقع له إذاعه عنود وانا سعوديه سوالف حلوه واشوا اني منيب مايك ياما انمعط منا ومنآك " إقتبآس " لان ولكن ما دفعنا هو استنكارنا لتصرفات او حتى مواضيع تقهرنا سنتطرق لها عبر مجموعه من السواليف .. انا و انا سعوديه " إقتبآس " وانا يعجبني اللي يشوف الغلط ولا يسكت عنه = = = = = = = = = = = = = = = = " 1 " " PepSi " مشكله بناتنا هـ اليومين مشكله .. يعني ذاك اليوم قاعد عند جدتي اتقهوى معها وسواليف حفيد مع جدته الزبده ان فيه بنآت جيرانا جايين عند بنات عمتي ومجتمعين بنآت يعني اعمارهم بين الـ 18 والـ 20 قسم اني سمعت شهقه ما عمري سمعتها بحياتي لدرجه ان جدتي الي ما تسب قاله " ***** " يوم جت وحده من البنات الصغار قلنا بتعجب وش فيهم عسى ما جاهم شي قالت الصغيره وهي تضحك " لا المهابيل واقفين على الميزان يشوفون اوزانهم " اثر وحده منهم زايده كيلو ههههههه اما قصه البيبسي قصه .. يعني يشربون الـ " ريد بول " وفيه سعرات قسم لو اتقحن زيت لين يطلع مع خشمي ما جاء ربع سعراته وبعدين يقولون " لا يبيلنا دايت " قسم لا سمعت هالحكي تحوم كبدي " ناس ودها تسمن شوي ونآس تصيح لا نزلت نص كيلو الإختبارات معليش ما ودي اتكلم عن هالموضوع اسمحولي والله اني مأجل اختبارات الدنيا كلها الله يستر بس بس حلوه الأدب اليوم قبل الأخير << حقير = = = = = = = = == = = == == " التـخصص " انا معآك عنود .. يعني اللي عارف ان توجهه ادبي يدخل ادبي مهوب عيب .. بس العيب انك تدرس علمي علشان كلام النآس ولما تدخل الجامعه تفتقد اولويات الأدبي وقتها لا انت الي بديت مع الي بدوا ادبي .. ولا انت الي استمريت بالعلمي مثلا انا << الله من زين المثال داخل علمي .. بس لو علي دخلت " إداري " لأن توجهي اساسا ً علوم اداريه بس طبعا ً لأني ولد ابوي يقول ابيك ترفع راسي وتدخل هندسه ! وامي صاجتني ودها طب قسم احس بيهدرون دمي ما اقول اني فاشل بالعلمي .. نسبتي حلوه والحمد لله ماشي كويس بس تعرفين لما ما يكون ميولك علميه وقتها اتمنى اني داخل اداري = = = = = = = = = = = = = = = = " 3 " " الأحلام " اي والله , ودي من زمآن اكتب عن هالسالفه << كذآب بعينك لا والله جد من تالي كل ما طق عود بعصا جاني واحد وخشمه داخل بفمه ويقولي على الصبح " يوووووه ياخي والله محلم فيك " اعبنوا داركم وانا ابليس كل يوم ناط لواحد يعني ابليس خلا العالم كله وما يحلاله الا يتهيأ بخشتي " من زيني " يعني والله ما اسوى ان حتى ابليس يكون انا فيه حديث او آيه بالقرآن تقول اللي يكذب بالأحلام جزاءه النآر انا من بعدها معد امزح بهالأشياء اول كنت كل خميس اجيب عيال عمي واصفهم واقعد اكذب عليهم .. انت محلم فيك الأحد وانت الثلاثاء ويا ويلي يا هم مدري " خايفين مني " والا يسلكون لي والا اللي بالقنوات الفضائيه كل يوم ناط لنا واحد وماحطله برنامج تحلفون انهم غطوا على برامج " الشعوذه " استغفر الله بعضهم يكذب بالتفسير وبعضهم " لا تورط " قال عطنا فاصل الموهم موضوع حلو " انا سعوديه " ينحسب لك يا بطله CC برايفت \ اجمل ما قرأت منذ مبطي لا تقطعون التعديل الأخير تم بواسطة هلالي ss ; 13-04-2007 الساعة 08:32 PM

13-04-2007, 08:44 PM	#6
ملك روحي . . : زعيم القناصين : . .	رد: بين الدايت في " احلامي " و الاختبارات و " جدول " الثنويه العامه .. !! هـــلا بـ (( عنود الغيــد _ أنـا سعــوديه )) والله ياهم عقدونا بنات الادبي يقولون الادبي اصعب وبنات العلمي يقولون العلمي اصعب انا مو شايفه ان فيه تخصص اصعب من الثاني والبنت تتخذقرارها مو على اساس السهوله او الصعوبه بل على اساس ايش التخصص الي تلقى نفسها فيه والى تحـــــبه بالنسبه لي انا دخلت التخصص الي احبه على الرغم من امــي ماكانت تبيه والحمدلله كانت نسبتي اعلى نسبه في تاريخ عائلتنا وكانت امـــــــــي بتطير من الفرحــــــــــه واتصلـــت على الناس الي نعرفهم والي مانعرفهم وبعد ماخلصت اتصالاتها حست بالذنب وخافت لايعطوني عيــــن وكنت انا الضحيه قعدت طويل اليوم ماسكتني تقرا علي قران واذكار .................................................. ............... اما بالنسبه للدايت انا مـــــــالي فيه ابــــــــــد اكـل الي ابي وقت ما ابـــي لاني الحمدلله وزني حلــو ومايزيد ولاينقص الاكيلو اوكيلو وشوي وانا شايفه ان اي بنـت تبي تنقص وزنــها كون وزنها موعاجبها هذا يشكل دافع لها اما البيبسي :::: صـــديقي المفضل وحبــــيبي الدائم وكــــون لونه ازرق زاده حــــــــــلا والله سواليفكـــــمـ ممتعه لاعــــــــدمنــاكمــــــBBP تقبــــــــــلو خالص حبـــــــــي CC التوقيع: -

13-04-2007, 09:57 PM	#7
أوووب صاحيه قناص مميــز	رد: بين الدايت في " احلامي " و الاختبارات و " جدول " الثنويه العامه .. !! قررت الابتعاد عن الـ "ببسي" رغم ان اكثر ما يفتتني فيه .. لونه الازرق .. والا يومكم وانا ما اشربه ولا اشتهيه .. ! وه يا لأزرق ملابسي كلها زرقاه بدرجاتها الا السماوي لأني أكرهه << ليه مدري وشكل ياسر يحبه دايم ببسي وشاني ولا يحلى السهر قدام التلفزيون الا بالتشبسات و الشوكولاتات و الحلاو و الخرابيط ذي .. ماربح بنده وكارفور الا أحنا الاستغراب هنا .. هل هنالك فرق اذا كان الـ "ببسي" بسعرات حراريه اقل .. مع العلم بأني آكل من التشبسات دون ان احاسب نفسي .. هاذي انا << في ناس اذا جت الاختبارات قام يفتح في ها الثلاجة ويسكرها لين يخرب الصمغ حقها .. واذا خلصت الاختبارات سامنه لها 4 كيلوا .. أنا خبره في تفتيح القدور << تدور الدسم هالنحيفه فيه بنات ما تزين الكشخه والأستشوار والتسريحات ودنيا .. الا اذا جات الاختبارات.. < -هذي كنها انا ((شكلك انتي أنا)) لا لا ماعندك سالفه والله العظيم هاذي أنا الثلاثاء والأربعاء عندي اختبارات زيــن... أحنا بدينا الأربعاء << خلاص خنقتني العبره أمس سألت وقالوا ناجحه جايبه " B+" هاذا أكبر دليل على ذمه الدكاتره في التصحيح 1* اذا جت الاختبارت ليش تنسد أنفسنا للدراسه مع اننا نقول نبي نذاكر ونبي ونبي وفي الاخير ولا شي...؟ من الخميس الظهر ماسكه عمري كن لا علم ولا خبر واليوم من العصر ولا بعد خلصت وهي كلها خمسه محاضرات قال أيش قال الحمله الصليبيه << أنا وش دخلني تخصصي يمين والماده يسار أففففف 2* ليش كل شي شين في عيونا...و أيام الاختبارات يكون احلى شي ...؟ الممنوع مرغوب مايبي لها تفكير *3 سؤال قوووي... ليش نختبر...؟ اذا عرفتي علميني قد شفتوا اخيس من كذا .. !! الادب اليوم اللي قبل الاخير : \| قوة هالسؤال نفس قوة السؤال اللي قبله خير ... ! طير <<بزران اقولها بطلع اذاكر .. تقول وشوله انتي ادبي .. ! أقولها بكل فخر أنا أدبي أقولها وراسي مرفوع أنا أدبي أقول ورا ماتنقلعين تذاكرين أصرف لك واللي داخله ادبي غبيه .. ! و داجه ولا تذاكر ولا شي .. هي الغبيه أذا هاذا تفكيرها قالــوا الرجيم اليوم همـ البنيـات قلـت الرجيم أدري يبيلـه فراغــه .. !! هاذي قصه لا تنتهي واللي بي يهبل بالبنت يقولها يادبا وشوف رده الفعل يعني المفروض قبل لا الواحد يتخذ جدول رجيم او نظام غذائي معين .. يستشير اخصائي تغذيه .. واحياناً تكون الرياضه كفيله بقطع اشواط من هـ " الرجيمات " و الشقا ..** هالمره انتي أمي خخخخخخخخ بس والله من جد أحس انا كاتبه الموضوع نفس اللي يدور ببالي أنا طلعت من مخبأي بغير جو ربع ساعه (( لي ساعه الحين)) وكأني داريه عن موضوعك بربره وسعت خاطري حيل انا قبل ماأطلع نفسي أسأل <<مدري وش أسمه اللي بسأله ورا المونديال وكاس الخليج ومباراه النصر مع الأمتحانات دائما ماهنا توقيت صح والجايات أكثر أحنا ناقصين قله تفكير وتشتيت ذهن << أكتبي في هالموضوع وبردي تسبدي خلاص بروح أذاكر وقصم حبيتك يادايت BBP التعديل الأخير تم بواسطة أوووب صاحيه ; 13-04-2007 الساعة 10:35 PM

14-04-2007, 06:56 PM	#8
عنود الغيد . . : زعيم القناصين : . .	رد: بين الدايت في " احلامي " و الاختبارات و " جدول " الثنويه العامه .. !! مشكورين جميعـاً ع المرور .. BBP لي عوده مع الردود بس خل تخلص الاختبارات انا سعوديه وينك التوقيع: Ask me anything HERE

15-04-2007, 01:25 PM	#9
Jessica قناص مميــز	رد: بين الدايت في " احلامي " و الاختبارات و " جدول " الثنويه العامه .. !! أقتباس وعليكم السلام ورحمة الله وبركاته الوالده الله يخليها لو تجوفه في البيت تسوي سالفه لانها مسويه حضر للببسي أن أحد عيالها يشربه بس مع ذالك نشربه مع أن كل الدكاتره يقولون مضاره كثيره وخاصه ع الكليه يضرها يشكل كبير أقتباسوما رأيت الا علامات استفهام استنكار منهم لعدم احضاري للـ أقتباس"الدايت " أقتباس لان الببسي الـ "عادي " يسمن .. !! .. رغم تعليلي انه "حار " .. وع دايت ما أحبه مافيه سكر الببسي الدايت أحسه كذبه بس لان فيه غازات أكثر من الببسي العادي يعني ينفخ البطن ويسمن يعني العادي أحسن يكثير آآآآآآآآآآآآه أكرها بشكل مو معقول أقتباسوفيه ناس ما يطب في بطنها شي.. تقول اذا جاء الاختبارات قالوا لها صومي ولا تفطرين بعد .. والله هذي حالتي الأكل يحطونه في الغرفه ويجون يلاقونه مثل ما هو النفسيه تكون مسدوده وأنتي مبطله الكتب المخيسه إلي تجيب العله.. أقتباسعاد جاكم الصنف الحركه... فيه بنات ما تزين الكشخه والأستشوار والتسريحات ودنيا .. أقتباس الا اذا جات الاختبارات.. < -هذي كنها انا فيه مرات ضرب في راسي أني ما أخلي شي في الدولاب إلا أقيسه لا وإذا كان الإمتحان كلش صعب أروح السوق وإذا رديت تنفتح نفسي شوي لدراسه 1* أقتباس اذا جت الاختبارت ليش تنسد أنفسنا للدراسه مع اننا نقول نبي نذاكر ونبي ونبي وفي الاخير ولا شي...؟ مادري بس هذي حاله نفسيه أو خوف من الإمتحان يترجمه العقل إلى سدت نفس 2* أقتباس ليش كل شي شين في عيونا...و أيام الاختبارات يكون احلى شي ...؟ هذي الطريقه الوحيده لتخلص من الكتب ولنشغل عقولنا من التفكير في الإمتحان لاننا ما ذاكرنا له 3* أقتباس سؤال قوووي... ليش نختبر...؟ علشان يغثونا ويحرون جبودنا مو المهم من الدراسه أنك تتعلم وخلاص عيل لازم يتعبونا بالحفظ والربكه يوم الإمتحان أنا أقول إلي حط نظام الإمتحانات واحد فاضي ومعقد وما عنده سالفه أقتباسقد شفتوا اخيس من كذا .. أقتباس!! أقتباس الادب اليوم اللي قبل الاخير : \| فيه أخيس منه باجر عندي أمتحانين مع بعض وما بينهم بريك كبير لا ومن زين الحظ مباراة الهلال اليوم يعني أدرس ولا أتابع المباراة وعقلي من كبره علشان يحفظ مادتين وحده علمي ووحده أدبي الإمتحانات أكرهج أقتباس* أقتباس ليه الناس يعتبرون اللي داخلات ادبي غبيات : / والا مالهم و الدراسه ؟ أختيار التخصص علمي أو أدبي هو ع حسب الميول مو أختار التخصص علشان الناس لان الناس مو نافعيني إذا رسبت ولا أخذت نسبه مو حلوه بصراحه أنا دخلت علمي لان أعشق المواد العلميه وما أحب المواد الادبية يمكن نظرت الناس دوم أخذوا فكره أن العلمي أذكى من الأدبي وأن الأدبي حتى لو ما تدرسين بتاخذين نسبه مرتفعه ويمكن أنتشار هذه الفكره من أن أكثر الطلاب يدخلون الأدبي بس الصج أن الأدبي يمكن يكون أصعب من العلمي أقتباسقالــوا الرجيم اليوم همـ البنيـات أقتباس قلـت الرجيم أدري يبيلـه فراغــه .. !! المحافظه ع الوزن لازم خاصه للبنت بس فيه بعضهن يصيبهم هوس في الرجيم يعني ماتخلي كتاب أو وصفه إلى تسويها ولا هي عارفه هل الرجيم هذا يناسبها ولا الرجيم مو أمنع نفسي من الأكل وخلاص بضعف لا الرجيم لزم أنج تستشير دكتور التغذيه وهو بيحط لج تظام غذائي معين عنود & أنا سعودية موضوع رائع ومميز تطرقتن لمواضيع مهمه في حياتنا اليوميه CC ربي يعطيكم العافيه CC التوقيع:

15-04-2007, 05:46 PM	#10
عبدالرحمن القحطاني صحفي بجريدة الرياضية	رد: بين الدايت في " احلامي " و الاختبارات و " جدول " الثنويه العامه .. !! * * موضوع سابقة في فكرته و إعجابي الشديد في طريقة الطرح و توصيل الأفكار BBP محاور الموضوع اللي أعجبتني : الببسي و أضراره ، نفسيات الطلبة أثناء الأختبارات التخصص الأدبي و نظرة الناس للمنتسبين له ناقصي الذوق و إنتقادهم الدائم لأبو نايف ! عنود الغيد ، أنا سعوديه لي عوده بإذن الله للحديث عن هالمحاور بس نخلي مباراة اليوم تخلص التوقيع: لا تفتح الباب " شاخ " الباب بغيابك .. والصبر كذّاب واعدني و لا جابك

15-04-2007, 05:59 PM	#11
أنا سعوديه قناص مميــز	عنود الغيد..أحبك.. * * هاااااايز ام هيـر >>بيجيها جلد من عنود.. أول شي مشكورين كتير على ردودكم اللي بتفتح النفس..CC \ \ أخـ¦ــتــ¦ـيار¦ئ: حياك الله أخوي.. نورت الموضوع وشاكرين ردك..BBP * * هلاليه فوق فوق: أقتباس صدقتـي عشان كذا انا مااحب اقول احلامي لأحـد .. تعجبيني.. أحسن لك عشان ما يفسرون لك على كيفهم.. وبها الطريقه توسوسين.. أقتباس عنود الغيـد .. انا سعوديـه يعطيكم الف عافيه وسعتو صدري الله يوسع صدوركم بالعافيه يعافيك ربي .. وانتي بعد نورتينا بوجودك.. لا تحرمينا تواجدك الحلو.. BBP * * لارا : أقتباساما الأحـــلام وتفسيرها تلقينها عند البنات شي مو طبيعي .. أقتباس وكل وحده مسويه نفسها ولا بن سيرين على غفله << ياحبي لنــا .. خخخخخخخخخخ يا حبيلنا بس الله يخلينا لحبايبنا..>برا.. تواجد حلو .. لاعدمناك..BBP * * هلالي ss : أقتباسوالا اللي بالقنوات الفضائيه كل يوم ناط لنا واحد وماحطله برنامج تحلفون انهم غطوا على برامج " الشعوذه " أقتباس استغفر الله بعضهم يكذب بالتفسير وبعضهم " لا تورط " قال عطنا فاصل خخخخخخخخ حلوه حلوه.. ايه من جد كل ماغيرت شي طلعلك..خرابيطهم أنا صراحه من المعارضين لتفسير الاحلام اللي با القنوات الفضائيه قسماَ ما عندهم سالفه ابد ابد ماغير يكجون على خلق الله وها الناس مخفات يصدقون.. أقتباسالموهم موضوع حلو " انا سعوديه " ينحسب لك يا بطله عن جد احرجتني ... أقتباس برايفت \ اجمل ما قرأت منذ مبطي لا تقطعون هذا بس من ذوقك... مسويه فيها ذربه.. لاتحرمنا تواجدك ..BBP * * لي عودهـ ان شاء الله قريب.. \ \ \ التوقيع: { .. سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ .. } أذكروني بـ الخير

15-04-2007, 06:10 PM	#12
عزوز_السندباد قناص جديد	رد: بين الدايت في " احلامي " و الاختبارات و " جدول " الثنويه العامه .. !! * * قال تعالى : ( قل هل يستوي الذين يعلمون والذين لا يعلمون إنما يتذكر أولوا الألباب ) تم التحرير الهرش التعديل الأخير تم بواسطة عبدالرحمن القحطاني ; 16-04-2007 الساعة 02:27 AM

15-04-2007, 06:26 PM	#13
أنا سعوديه قناص مميــز	رد: بين الدايت في " احلامي " و الاختبارات و " جدول " الثنويه العامه .. !! أقتباس موضوع ماله فآيدة ولا فهمت شي * * الماله فايدهـ وجودك هنا.. وردك.. \ \

15-04-2007, 06:57 PM	#14
عنود الغيد . . : زعيم القناصين : . .	رد: بين الدايت في " احلامي " و الاختبارات و " جدول " الثنويه العامه .. !! أقتباسموضوع ماله فآيدة ولا فهمت شي مشكلتك التوقيع: Ask me anything HERE