بسم الله الرحمن الرحيم
.
.
.
..
.
السلام عليكم ورحمه الله وبركاته
.
.
.
ايش اخباركم ان شاء الله بخير


انا بتكلم عن موضوع صراحه هو مهم ويهم كل انسان وهي ظاهره منتشره في الخليج اكثر من كل الدول بالعالم

يعني ماتلاقي اهتمام كبير من الاهل لاولادهم

موضوع النحافه والسمنه: ياكثر مايتكلمون عنها بالقنوات الفضائيه بس الخليجيين ماهم معبرين الا قليل

وياكثر مانشوف بالشوارع بالعمل بالاسواق شباب وبنات يانحيف يامتين وماتلقى اللي جسمه متناسق الا واحد

بين ميه لا وحتى اللي جسمه متناسق كان بمحض الصدفه وعامل الوراثه.

الحلول صدقوني موجوده بس اكيد تحتاج صبر وتعب شوي مو كثير

لاحد يقول انا حاولت ومافي فايده ..لا هذا مو كلام .يمكن انت حاولت بس بطريقه خاطئه

انا ماني اخصائي تغذيه وجاي اقول لكم وش تاكلون وش ماتاكلون لا

بس احاول اعطي نصايح لاني انسان مجرب وبقول لكم تجربتي

اهم شي نفرق بين سوء التغذيه والنحافه يعني تلاقي ناس ماتاكل ويقول ليه انا نحيف او اكله مافيه فايده

انا كنت واحد نحيف جدا جدا

طولي 176 ووزني كان 54

طبعا الموضوع كان مايفرق معاي الين خلصت ثانوي ..انا كنت مثل اي نحيف

يقول انا ااكل ااكل ومايبين وماامتن يعني

المهم حاولت وحاولت وحاولت

مليت من جسمي وملابسي اللي يوم البسها احس انها معلقه على عصا

وماخليت موقع تغذيه وكل يوم مجرب وصفه قاعد في البيت تقول حامل خخ

المهم النتيجه ولا شي

على قول واحد في موقع تغذيه يقول كل النتيجه زياده كيلو ونقص كيلو هههههههه

وكان واحد من الشباب يدرس معاي ايام الكليه هو كان دب وفتره الا الولد ماشاء الله جسمه مرسوم رسم

قال لي اكل ياخي اكل << زي كل الناس...قلت والله اني اكل بس مافي فايده

قال ليش ماتجي تدخل معاي النادي... ترى تمتن

وماصدقت خبر ورحت معاه نادي وطبعا بالبدايه بديت تمارين لياقيه لمده اسبوعين

وبعدين بدأت في الحديد

اقول لك ليه حديد ينفع؟؟ لان النحاف اللي ياكلون ومايمتنون يسمونهم هارد قينر

صعب نمو يعني لو وش ياكل مايمتن .. والنحاف يكون حرقهم سريع جدا غير عن المتان وهذي نعمه.

بس من ناحيه العضلات كل انسان عنده عضلات واذا مرنها وغذاها صح بتكبر العضله ويتعبا جسمه.

صح في البدايه تعب شوي مو كثير بس شي طبيعي

يقول لك من كانت بدايته محرقه كانت نهايته مشرقه

مشكله الحديد في الخليج والسعوديه بالتحديد .. الافكار الخاطئه

يعني مثلا بعد مادخلت النادي كثير قالو لي

الاول :: ياخي وش تبي في الحديد لو تتركه يترهل جسمك

الثاني :: وش لك والتعب هذا احمد ربك انك نحيف تاكل اللي تبي

الثالث:: بيعطونك ابر وحبوب بروتين تذبحك

المشكله هي ان الثلاثه كلهم من هنا والرياضه كلها من هنا

بس اكيد يأثرون عليك.. رحت للمدرب قلت ياكابتن انا خايف اترهل

ضحك قال انت فيك شي عشان تترهل

واقول لكم حقيقه الترهلات بعد الحديد:: الحديد هذي لعبه تضخيم عضلات وتقسيمها وغيره

المهم اللي يبطل من الحديد يرجع جسمه زي ماكان نحيف بيرجع نحيف دب بيرجع دب.. واحد قال لي

محمد انا لعبت حديد وبطلت شوف كيف ترهلت قلت انت كنت دب والا نحيف قال لا كنت دب مره<< وش رايكم طيب

دب يلعب حديد يبي يبطل ويصير نحيف وين صارت هذي..وانا بنفسي لعبت فتره ضخمت العضلات ويوم تركته رجعت نحيف يعني ضمرت العضلات ماترهلت

واللي بيقول اجل وش الفايده لابطلت برجع زي ماكنت

بقول له وليه تفكر تبطل وهي ساعه باليوم اذا كثرت..وحتى لو انك مفكر تبطل ياخي عيش ايامك هذي وانت

جسمك حلو احسن من انها كلها تروح وانت زي ماانت..

لاتحسبون تمرينها طويل بالعكس من اقصر التمارين الرياضيه بس فيها بذل جهد ومو لازم تفكر انها شغل ورايح

تأديه بالعكس هي متعه زيها زي الكوره وغيرها

بس اهم شي وعلى كل باب نادي مكتوب .. الصبر.. الالتزام .. الاستمرار

يعني كل واحد يشوف شخص معضل بالشارع يحسبه لاعب حديد يعني يشيل حديد وبس

لا ترى هذا الشخص مهتم بغذائه ونومه وتمرينه وعنده جداول

الحين واحد بيقرا يقول يووه بقعد بجدول .. ترى والله اللي منظم جدوله يحس انه عايش

بس وش تستفيد تقعد للصبح سهران على الشات وتنام وتصحى المغرب وكذا بس وحالتك يرثى لها

......انا دخلت النادي وكان وزني 54 والان الحمدلله قربت السبعين وجسمي متناسق واكثر من رائع

يعني اذا تلعب حديد مو لازم تصير زي المصارعين لا بس يكون جسمك حلو ومتناسق

ياخي شوفو الاجانب شوفو الافلام الامريكيه ترى كلهم لاعبين حديد لاتحسبون ان اجسامهم انولدو كذا.

بس صحيح انه فيه تغيير في منطقة الخليج وشباب كثير توجهو للانديه وهذا شي حلو

الجزء الثاني:

طبعا كل الكلام اللي راح كان عن الحل الرياضي وهو صعب على البنات اما بنت تلعب حديد يع ههههه

بس في حلول كثيره للبنات وللشباب اللي مالهم بالرياضه:: خلي الوصفات كلها

اول شي لازم تكونين صادقه مع نفسك يعني لازم تحاولين بجديه

البدايه زياره اخصائي تغذيه وكل مستشفى فيه اخصائي تغذيه يعني مو شي تعجيزي

كميه الاكل ماهي مهمه تدرين ليه لانك لو تاكلين كثير جسمك بيستفيد من شوي والباقي بيروح فضلات اكرمكم

الله.. يعني ست وجبات صغيره احسن من ثلاث مهما كانت الوجبه صغيره بس المهم اننا ناكل كل شوي

عشان الجسم يستفيد من االاكل كله

مع ان ممارسه الرياضه تحفز الجسم عشان الاكل اما اللي بس نايم ماراح ياكل لو وجبه صغيره

ولازم تقطعين العادات الخاطئه مثل الروحه للمشى وكثره الروحه للاسواق لين ماتوصلين للوزن اللي تبينه

ليش ؟ لان النحيف يحرق اكثر من غيره يعني لو وش تاكلين وتمشين كم دقيقه يحترق كله ولاتستفيدين منه شي

هذا مو يعني انك ماتتحركين لا بس العبي لعبه السعرات

زبده الموضوع كله هو لعبه السعرات الحراريه << زمان كنا نسمع اللبنانيات يقولون كالوري وكالوري

وماندري وين الله حاطنا وش الكالوري ذا اذكر اني اخذته في العلوم مادري الفيزياء مدري مدري ههه

بس شفنا اجسامهم ليه حلوه لانهم محافظين على السعرات الحراريه اللي هي الكالوريز

طبعا كل طول انسان ووزنه له حاجته اليوم من الكالوري

مثلا انا طولي 176 ووزني 68 احتاج 2500 سعره حراريه باليوم عشان ابقى على وزني بس اذا ابغى زياده وزن

لازم اكل 3000 يعني الموضوع كله كذا والحين كل شي موجود في المحلات عليه عدد السعرات

انا من كثر ماطالعت فيها حفظتها هههههه

بالاخير لازم ست وجبات زي ماقلنا او اكثر يعني تاكلين مو لازم تعبين بطنك بس لازم بعد ساعتين او ثلاثه بالكثير

تاكلين وجبه زيها واهم شي يساعد بزياده الوزن ..كثره السوائل يعني خلي العصيرات رايحه جايه

ادري ان الطازجه بتكون صعبه بس فيه اشياء حلوه زي تروبيكانا سيزر و و و و.. تحسب دعايه على المنتدى ههه

المهم وبكل الطرق لازم نتجاوز حاجتنا للسعرات اليوميه

..واللي مو قادر ياكل كثير فيه شي اسمه بروتين بودره في الجي ان سي يزيد الوزن وهو يخلط مع الحليب

بس لا احد ياخذه الا لما يكلم طبيب لانه في ناس يضرهم لانه اكيد مو طبيعي .. بس بعد استشاره الطبيب ان شاء الله

بتزيد اوزانكم ... زي ماقلنا الصبر والعزيمه مو واحد ياكل زي ماقلنا وكل يوم ينط على الميزان

لا كذا ماينفع لازم كل شهر او شهرين وبس وحتى لو مازاد في البدايه لايتحطم هي كذا البدايات

انا والله وكثير من اصحابي كنا فاقدين الامل ابدا مستحيل انا اتعس انسان ماراح يتغير جسمي

بس لما صرت جاد وتعبت على نفسي وعزمت الحمدلله طلعت النتايج وعرفت ان every thing is possible

...طبعا الموضوع كبير واتمنى اني ساعدت احد

واللي عنده زياده على كلامي يكتبه ويساعد كل الاخوان والاخوات

واسف على الاطاله ومشكورين للقراءة

موهامد

مشكوووور اخوي موهامد على النصايح



انا احس ان الطريقة الرياضية أفضل بكثييير


المهم الفايدة

*

*

مرحبا أخوي

موضوعك حلو .. قريت نصه الصراحه .. ضروري اكمله

مستعجل اللحين

لك الورد ..

.. بنـدر ..

*

*

عواااافي عالموضوع الروووعه

لدووووبا

<< الرياضه والرجيم

<< والمشي احسن شي

اما العصقول .. وانا كل ما جا فبالي عصقول اتذكر شباب السعوديه خصوصا اهل الرياض

احسهم بس يدورون ما ياكلون ؟؟ حتى لو اكلو الاكل مدري وين يروح ؟؟

اقولهم كثرو ماكدونالدز وكودو وهاديز والاكلات الدسمه ... والمفطح و الكشري والشوكلاته

بالنسبه لي .. ما شاء الله تبارك الرحمن مو دوبا ولا نحيفه ..

وسط بس مدري ليه يقولون نحيفه

مع انه مو نحافه ( مرض ) ؟؟!!

انما رشاقه < ترقيعات هع

وشكرن ..

الله يحييكم ونورتو واتمنى تستفيدون من الشي البسيط اللي احاول اساعد فيه

عاشق تيغي اونغي:

الله يحييك واكيد الطريقه الرياضيه افضل لان الرياضه تحفز الجسم على الاكل وتشده وتخليه متناسق

بس تعرف البنات قليل اللي يروحون انديه والشباب فيه منهم اللي ماله بالرياضه فلازم حلول اخرى وشكرا

لمرورك .

خالديه دلع:

ننتظر عودتك ونتمنى ان فيها اللي يفيد كل من يقرىء وتستفيدين انتي كمان

بندر:

حياك الله وتعال كمل الموضوع واذا انت نحيف او متين حط حد والى متى الكسل وخلك انسان منظم

ترى السالفه ماهي مصيبه كل شي سهل وشكرا لمرورك.

سمر الجبيل:

الله يحييك وحلو كلامك جبتيها من الاخير للدب والنحيف وفعلا انا معك ان اكثر شباب السعوديه نحاف

اكثر من المتان وشكرا لمرورك.

ومثل ماقلت لكم الموضوع كبير جدا بس انا احاول وخصوصا اذا لقيت تقبل اني ازيدكم معلومات باللي تبون

يمكن المنتديات مليانه بمثل هالموضوع بس انا حبيت يكون الكلام بالعاميه ونفهم وش قاعدين نقول

لاني مثل اي واحد فيكم كنت ادخل المنتديات والاقي كلام مختصر او متوسع بدون ماافهم اي شي

او انواع اكلات ماهي موجوده او صعب تنفيذها بس مادامنا احنا بمجتمع واحد فاتوقع ان اكلنا واحد

وتصرفاتنا متقاربه .وانا انسان مجرب فاتمنى اني اقدر اساعد احد والله اني صرت يوم اشوف احد نحيف بالشارع

ودي امسكه وانصحه وادخله النادي بس تعرفون في ناس ماتتقبل .. والله يحييكم وننتظر مشاركاتكم

واي احد عنده مشكله ومايبي يكتبها هنا يكتبها لي برايفت وان شاء الله اساعده قد مااقدر

وصدقوني كل شي يجي بالعزيمه انا ماني زايد لايد ولا رجل عنكم وكنت بيوم يائس بس الحمدلله

وحياكم الله مره ثانيه

موهامد

يسلمو ..

مشكور أخوي

اخوي محمد ...

موووضوع رااائعه و ابداااع ...

يعطيك العااافيه ...

مشكووور ما قصرت ...

تســـ يمناااك ـــلـم ...

لا تحرمنا جديدك ...

تحياتي ...

اختك : عقد القصيد

السلام عليكم ورحمه الله وبركاته
بعد التحيه
موضوع ياكثر ترديده بمختلف اللغات!!!

بالنسبه لي ما عندي ولالالالالالا
مشكله ( الله يحفظني)
كلي حلا وطرى !!!ما شأاللهCC
نصيحتي:

تمارين+ راحه+ تغذيه الفكر با القراءة والأطلاع
والأهم التقيد بحديث الرسول الكريم(ثلث لطعامك
ثلث لشرا بك ثلث لنفسك) او كما قال عليه أفضل الصلاة والتسليم

وصدقوني تلقون النتيجه من أحسن ما يكون

تقبل تحياتيBBP
هلا ليه حا ئليه

انا الحمد لله متبع رياضه من زمااااااااان

وجسمي كيذا تمام بالنسبه لعمري 17 سنه

تمااااااااااااااااااااااااااااااااااااام


ويعطيك العافيه يامحمد

يسلمووووووووو خيوووووووووووCC CC

موضوع رائع بس طووووووووووووووووويييييييييييييييييييل

ويتعب


بصراحه ما قريته كله

اعذرني

بس صدعــــــــــــــــــــــــــت

.
.
.
.

مشكور يا خوي محمد على الموضوع الجيد
والنصائح المفيده

يعطيك الف عافية

ماقصرت

الف شكر لك على النصايح