بسم الله الرحمن الرحيم ,,،،,,
كيف حالكم أخواني / أخواتي القناصين / القناصات
عساكم بخير ,,،،,, ان شاء الله بخير << اعجل علينا
أول شي راح نعلمكم وشي فكرة هالقصه ,،،,, فكرة هالقصه هي عباره عن
شخصين يحبون بعض من الطفولة الى ...... عشان تعرفون إلى متى خلونا نقرا القصه
اصبروا اصبروا نسيت شي قبل ما تقرون ,,،،,,
أخواني الأعضاء عشان تفهمون القصة زين راح أقول لكم أول منهم شخصيات هالقصة :
الي بالقصة ,,،،,,
1- ريما ( عاشقة ابراهيم )
2- ابراهيم ( عاشق ريما )
3- أم ابراهيم ( صديقة < الروح بالروح > لام فيصل )
4- أم فيصل (صديقة < الروح بالروح > لام ابراهيم )
5- فيصل ( أخو ريما الغثة حقود يحقد على أي واحد ) << الحين يجيك فيصل ويقول أنا ؟؟
6- شغالة ام فيصل
7 – شغالة ام ابراهيم
القصة :
أم ابراهيم وام فيصل( الي هي ام ريما ) جارات الجدار بالجدار وصديقات الروح بالروح ,,،،,,
من كان عمرهن 10 سنين الى وقتنا هذا ,,،،,,
ومروا بمصيبة ما بعدها مصيبه هي ،، أن أزواجهم ماتوا مع بعض بحادث سيارة شنيع
كانن يزورن بعض دااايم ,,،،,, وكانت ريما بذاك الوقت عمرها 6 سنين ..،،..
زي ابراهيم بالضبط ,,،،,, بس اللهم ان ابراهيم اكبر 5 شهور ,,،،,,
وقرروا ام ابراهيم وام فيصل يوم من الايام يروحون منتزه ,,،،,,
فقالوا لازم نجيب ابراهيم وريما معنا ,,،،,, وفيصل لازم يجي اكييد الولد البكر ,,،،,,
فيوم راحوا تقابلوا وسولفوا ،، ولاحظت ام ابراهيم ان ابراهيم ما يزعج على عادته ,,،،,,
ولا تشوفه عينه بعين ريما ،، فتقول له : سلم على ريما هذي رفيقك ,,،،,,
فظحكت ام فيصل وقالت : الله يهديهم ان شاء الله نشوفهم كبار ,,،،,,
قال ابراهيم لامه : يمه انا جوعان ابي اروح للبوفيه ذاك ,,،،,,
قالت طيب رح وخذ معك ريما ,,،،,,
خافت ام فيصل وقالت : لاتكفين اخاف يظيعون ,,،،,,
قالت لا لاتخافين عليهم ابراهيم رجال ان شاء الله مهوب يا ابراهيم ،، ويهز ابرايهيم راسه
وهو فرحان ,,،،,, راحوا ابراهيم وريما للبوفيه ,,،،,, وأول كلمه كانت بينهم هي ,,،،,,
وش تبين تاكلين يا ريما ,,،،,, فاستحت ريما وقعدت تأشر على الحلويات الي تبيهن ,,،،,,
فقال له ابراهيم ,,،،,, لا تستحين ترانا أهل وجيران ،، فكانت أول كلمه من ريما لابراهيم ,,،،,,
جلكسي ,,،،,, وعصير راني ,,،،,, وحلاو مصاص ,,،،,,
قال له ابراهيم : بس هذا ،، قالت : ايه ,,،،,,
وطلب ابراهيم ,,،،,, ورجعوا عند اهاليهم ,,،،,,
ويوم اكلوا وخلصوا ,,،،,, قالت ام فيصل يالله روحو العبوا بالمراجيح ,,،،,,
فقام ابراهيم ومسك ايد ريما وفيصل يناظرهم بحقد ,,،،,,
ناوي على شر ,,،،,, وهم يلعبون ( ابراهيم وريما ) ,,،،,,
جا فيصل وقلب المرجيحه بابراهيم ,,،،,,
فقالت ريما ليش ,,،،,, قال قيصل ما لتس دخل وراح ,,،،,,
قات ريما ومسطت يد ابراهيم وقومته على حيله وقالت له : عساك ما تعورت ,,،،,,
قلا : ايه والله بس شوي ,,،،,, قالت ريما : قم قم خلنا نروح لامي نقول له عشان توريه شغله ,,،،,,
فلا : لا لا لا ما فيه داعي ابد خليه بحاله ,,،،,,
ومن عقبه ابراهيم بدا يحب ريما ,,،،,, وريما تبادله نفس الشعور ,,،،,,
بعد خمس ايام ,,،،,, عزمت ام ارباهيم ام فيصل لبيته ,,،،,,
فجت وجابت ريما ,,،،,,
استاااانس ابراهيم ,,،،,, واول ما دخلت ام فيصل مع الباب ,,،،,,
راح مسك ريما ورقاه فوق وقال له : امشي نلعب بالعابي ,,،،,,
قالت يالله ,,،،,, لعبوا واستانسوا ,,،،,, ويوم جت روحت ريما للبيت ,,،،,,
قال له ابراهيم ,,،،,, لا تنسين بكره الصبح تعالي بيتنا ,,،،,, قالت له : طيب ,,،،,,
وجا بكره طبعا ابراهيم اول واحد يقوم من اهل بيتهم ,,،،,, وانتظر وانتظر وانتظر ,,،،,,
لين ما سمع رنت الجرس // عاد هو فرح مررة ,,،،,, بغا يتشقق ,,،،,,
راح فتح الباب ,,،،,, والا يلقى ملكة جمال الدنيا عنده ,,،،,, قال له يالله داخلي ,,،،,,
دخلوا وقعدوا يناظرون تلفزيون ( سبايس تون )
ولعبوا مع بعض ,,،،,, خلاص الحين صاروا حبايب رسميا ,,،،,,
وجت الساعة 11 الظهر ,,،،,, قامت ام فيصل ولا ما تلقى ريما ,,،،,,
انهبلت هباااال ماخلت مكان بالبيت ما دورت فيه ,,،،,,
سألت الشغاله ما شفتي ريما ,,،،,, قالت الشغاله : لا ماما ,,،،,,
انهبلت مررره ام فيصل راحت وقومت فيصل وقالت له : امش ندور اختك ما ادري وينه ,,،،,,
فيصل وهو يحك عيونه قال : أي ريما ؟؟
فقالت له امه : فيه غيره قم يعل تقوم عليك الساعة ,,،،,,
فقال فيصل : ما عندتس الا بيت ام ابراهيم ,,،،,,
فقالت قم خلنا نروح لبيتهم نشوف كان ريما هناك ولا لا ,,،،,,
قال يلا هذاي اغسل والبس ,,،،,,
ام فيصل : يلا بس عجل علينا لا تقعد ساعه بالحمام ,,،،,, <<< لكم الكرامه
وبعدين طلعت ام فيصل ومعه فيصل في حملة البحث عن ريما ,,،،,,
رنوا جرس بيت ام ابراهيم ,,،،,,
ردت شغالة : ميييين ,,،،,,
ردت ام فيصل : انا ام فيصل افتحي ,,،،,, ردت الشغالة تيب ماما ,,،،,,
فتحت له الباب الشغاله فقالت له ام فيصل : عندكم ريما ,,،،,,
قالت الشغاله ,,،،,, ايوه ماما هو فوق مع ابراهيم ,,،،,,
قالت له : روحي ناديها ,,،،,, روحي ,,،،,,
وتروح الشغاله لم ريما ،، وتقول له : ريما ماما ابغى انتي تحت ,,،،,,
خافت مرره ريما وقالت بنفسها : يااااا ويليييي ,,،،,,
نزلت بكل براءه ريما ,,،،,, ولقت امه عند الباب ,,،،,,
قالت له امه : تعالي يا بنت الكلب ليش طلعتي دون ما تقولين لي ,,،،,, ليش
طاخ طاخ طرااااخ <<< صوت ثلالث كفوك على خد ريما ,,،،,,
والمسكينه تصاارخ وتصاايح خلاااص خلاااص ,,،،,,
كذا خليتيني انهبل كذا ,,،،,,
ولا تنزل ام ابراهيم : وش بكم وش بكم تتهاوشون عند عتبة بابي ,,،،,,
وش السالفه ,,،،,, وش صار ,,،،,,
قالت ام فيصل : اسألي المحروس ولدتس هو الي قال لبنتي تعالي لمنا ,,،،,,
ردت ام ابراهيم : اوريه هالكلب ان سواه مره ثانيه والله لاأحش رجلينه حش ,,،،,,
ويوم راحت ام فيصل لبيته ,,،،,, رقت ابراهيم لم غرفة ابراهيم وقالت له ,,،،,,
برهومي حبيبي ليش قلت لريما تجي عندنا المفروض تقول لي ولأمه أول ,,،،,,
رد بكل براءه : بس يمه انتم ما تقومون الا الساعه 11 وأنا اقوم 8 وش اسوي يعني اصحيكم ,,،،,,
ردت عليه : لا ،، المفروض تحتري لين ما نقوم وبعدين تسألني وريما تسأل أمه ,,،،,,
وإذا وافقت انا ووافقت ام ريما تجي عندنا ريما مب بس تقول له تعالي وبس ,,،،,,
قال له ابراهيم : خلاص ابشري ما راح اتعوده مره ثانيه ,,،،,,
ومرت الأيام ,,،،,, ومرت ومرت ,,،،,, لين ما عزمت ام فيصل ام ابراهيم ,,،،,,
فاكيييد راح يفرح ابراهيم لانه بيلتقي بعشيثته ريما ,,،،,,
واكيد ريما راح تفرح لانه تبي تلتقي بعشيقها ابراهيم ,,،،,,
وجا اليوم الي فيه العزيمه ,,،،,, تلبس وكشخ ابراهيم وقال لامه تطيبه << رومنسي هالولد
وراحوا بيت ام فيصل ,,،،,, أول ما دخوا بيتهم ,,،،,,
صار نفس الشي جت ريما مسكت يد ابراهيم وقال له امش لغرفتي ,,،،,,
وقعدوا يلعبون ويضحكون ,,،،,, فقالت ريما : وش رايك نقعد ننطط على سريري ,,،،,,
قال له ابراهيم يالله ,,،،,, نططوا ونططوا ,,،،,, والا وقعت الكارثة ,,،،,,
الكارثه الكبرى ,,،،,, ابراهيم تعكرف من البطانبة حقت ريما ,,،،,, وهو طايح دف ريما بالغلط
وطاحت هي برا السرير وانعكف الحوض حقه ,,،،,, وقعدت تصييييح صياااح ,,،،,,
وابراهيم منسدح على السرير ما يدري وش يسوي ,,،،,, وجا يبي يقول يساعد ريما ,,،،,,
والا يحس بوجع قووووي مررره بررجله ,,،،,, ما قدر يتحرك ,,،،,,
ولا يسمعون الصراخ ام ابراهيم وام فيصل ,,،،,,
ويروحون لغرفة ريما ويلقون ريما تصارخ وطايحة على الارض ,,،،,,
ونفس الشي مع ابراهيم طايح على السرير وما يقدر يتحرك ,,،،,,
ودوهم للمستشفى ,,،،,, والنتائج كالتالي ,,،،,,
ريما : شلل نصفي ,,،،,,
ابراهيم : اعوجاج بعظمة الرجل ,,،،,,
انهبلوا امهاتهم ,,،،,, وام فيصل ( الي هي ام ريما ) جاه انهيار عصبي ,,،،,,
كلهم ام ريما وريما مرقدين بالمستشفى ,,،،,,
ريما شلل نصفي وأم ريما انهيار عصبي ,,،،,,
بعد مرور شهر طلعوا من المستشفى ثنيناتهم ,,،،,, وكان ما فيه أمل من شفاء ريما ,,،،,,
لكن الشافي هو الله ,,،،,, ريما عاشت حياة طبيعية ,,،،,, جت عائلة ام فيصل ظروف خلتهم يروحون
يعيشون مع جدتهم ,,،،, وجدتهم تعيش بمدينة ثانيه بعيدة عن مدينتهم , فصارت ريما بعيدة عن
ابراهيم ,,،،,,
من عقب ذاك اليوم وابراهيم زعلان وظايق خلقه ,,،،,,
مرت السنين والسنين ,,،،,, وابراهيم ما شاف ريما ,,،،,,
ويوم من الايام قررت ام ابراهيم انه تروح لم بيت ام فيصل ,,،،,,
لكن يبيلهم سفر وطيارة ومصاريف ,,،،,, فشالت هالفكرة من راسه واكتفت بالتلفون ,,،،,,
ويوم من الايام دخل ابراهيم منتدى ,,،،,, ولقى يوزر مكتوب فيه ريووومه ,,،،,,
فشك الآدمي ,,،،,, بس قال الحين انا و ارسل له خاص اقول له انتي كنتي تعرفين
واحد اسمه ابراهيم ,,،،,, لا لا احسها غبيه افرض انها اسمها ريما ياكثر لاي اسماءهم ريما ,,،،,,
وهو كان اليوزر حقه برهوومي ,,،،,, يوم من الايام ,,،،,, ارسلت ريما خاص تقول فيه ,,،،,
انا ريما ,,،،,, وانت ابراهيم ,,،،,, ما قد مر عليك هالاسم ريما ,,،،,,
خلاااص ابراهيم قطع الشك باليقين ,,،،,,وارسل له خاص ,,،،,, الا قد مر علي هالاسم
بس معليش ايميلك ,,،،,, وارسلت له ايميلها ,,،،,, ودخلوا الماسنجر ,,،،,, وسولفوا ,,،،,,
وتذكروا ايام الطفولة ,,،،,, وبعدين جت العاصفه يوم قال ابراهيم : أنا السبب أنا الي خليتس
مشلوله ,,،،,, قالت : اذكر الله يا بان الحلال ,,،،,, لا مب من سببك قدر الله وما شاء فعل ,,،،,,
قال ونعم بالله بس انا كنت السبب الرئيسي ,,،،,, قالت ريما تبي تصك هالموضوع ولا أطلع ,,،،,,
فال ك لا لا لا خلاص نصك الموضوع ,,،،,, ولا يعم الصمت شوي ،، دقيقه دقيقتين ،، ثلاث ,,،،,,
ولا كتبت شي ريما ,,،،,, جا قال له ابراهيم : الووووو وين الناس ,,،،,, قال : باي باي باي اخوي فيصل
جا اخاف
يشوفني اكلمك ,,،،,, وهو قاعد يكتب باي الا يشوف ريووومه غير متصل ,,،،,,
عقب هالسواليف الي سولفها مع ريما ,,،،,, ما سولف بعدها معها أبد ,،،,,
مرت سنه ،، سنتين ،، أربع،، سبع ،، عشر ،، لين ما جا الوقت الي يبي يتزوج فيه ابراهيم ,,،،,,
قال ابراهيم لامه : يمه ابيتس تدورين لي عروسة ,,،،,,
قالت : أبشر يا وليدي ,,،،,, من تبي ؟؟
قال والله ما فيه وحده معينه ,,،،,,
قالت له امه : وريما ؟؟ قال: يا يمه ريما لو وشو بترضى فيني أن السبب الي خليتها تنشل
وبعد تبينها ترضى تتزوجني ,,،،,, قالت : بكيفك أنا ابدور لك ونشوف ,,،،,,
وبعد 5 شهور : ابراهيم : هاه يمه ما لقيتي لي عروس غير هالسبع ؟؟ << اوووووح
امه : لا والله يا وليدي,,،،,, اقول ما لك الا ريما ,,،،,,
قال : ما دامه ما فيه أمل اني اتزوج خلينا نجرب ,,،،,,
يمكن ترضى ,,،،,, وراحوا لم بيت ام فيصل بالطياره ,,،،,,
ودخلوا بيتهم ,,،،,, يالله حيهم ,,،، يالله يارب انك تحييهم << كذا رحبت بهم ام فيصل
افتتحت ام ابراهيم بالموضوع بسرعة وقالت : والله حنا يا ام فيصل جايين نطلب ايد بنتس ريما
لولدنا ابراهيم ,,،،,, سمعت هالكلام ريما من ورا الباب ,,،،,, وقالت ام فيصل عالبركة بس لازم راي البنت
أولى
فراحت ام فيصل لم ريما وقال له : يالله ادخلي بالشاهي والقهوة على ابراهيم ,,،،,,
ويوم دخلت بالشاهي والقهوة << اسمه الرؤيه الشرعيه الله يفشلك
تعدل بجلسته ابراهيم ,,،،,, واخذ الصينيه منه وقال له اجلسي ,,،،,,
وقعدوا يسولفون ,,،،,, ماخذين راحتهم ,,،،,,
لين ما تنحنحت ام فيصل يعني يكفي خلاص ,,،،,, ودخلوا مره ثانيه الامهات ,,،،,,
وجت ام فيصل سحبت ريما وقالت لها باذنها هاه تبينه ولا لا ؟؟
جت ريما وسحبت امها برا ,,،،,, وبدت تقول لها : يا يمه يا حبيبتي
انا ودي اتزوج ابراهيم اصلن ما نلقى ازين من ابراهيم بهالايام ,,،،,,
لكن انا اصلن شايله من راسي فكره الزواج ,,،،,, ما ابي اصير علة عليه ,,،،,,
بيتحملني شهر شهرين بعدين بيطلقني ,,،،,, ولا ناسية انتي اني مشلوله ,,،،,,
قالت امه : يا بنيتي الشلل ما يعني انتس ما تتزوجين ,,،،,, قاطعتها ريما وقالت ,,،،,,
يا يمه شيلي من راسس فكرة اني اتزوج ,,،،,, قال امه : والله بكيفتس ,,،،,,
راحت ام فيصل وراسه يناظر الارض ,,،،,,
وشرحت لهم القصه ,,،،,, فقام ابراهيم وقال : لا وش ذا الكلام ,,،،,, ان الي تسببت بذا الشلل ,,،،,,
وانا عندي عادي وانا راضي اني اتزوجه ,,،،,, حتى لو انه مشلوله ,,،،,, وراح اتحمله لاني لو ما تحملت
ريما
من الي راح يتحملها ,,،،,, طلعت ريما مره ثانيه وقال : لا يا ابراهيم ,,،،,, انت بالبدايه راح تفكر زي كذا ,,،،,,
لكن بعدين تبي تزهق مني ,,،،,, لا اعرف اطبخ ولا اكنس ولا انفخ ولا اعرف ولا شي ,,،،,,
قال له : انتي الحين اكبر همتس اشغال البيت ،، اشغال البيت خليهن على جنب ,,،،,,
تتدبر ,,،،,, وش بعد ,,،،,, قالت وش فايدة الزوجه اذا كانت متبطحه ما تسوي شي ؟؟
فقال له : يا بنت الحلال انا جاي استرتس ,,،،,, وراتس انتي كذا ,,،،,,
فقالت له : خلاص يا ابراهيم انا ما رضيت ولا نيب مغيره رايي ,,،،,,
ويوم جو يطلعون ابراهيم اومه همست ام فيصل باذن ام ابراهيم ,,،،,,
قالت له : ترا فيه بنت حليوة جارتنا قد ريما تقريبا وراه ما تروحون وتخطبونه ,,،،,,
سمع ابارهيم هالكلام وقال : لا لا يمكن اذا ما تزوجت ريما ما راح اتزوج ,,،،,,
ابد ابد ..//.. رجع ابراهيم مع امه لبيتهم ,,،،,,
ومرت الايام والليالي حتى توفت ام ابراهيم ,,،،,,
ومن شدة الصدمه لام فيصل دخلت المستشفى بين الحياة والموت ,,،،,,
وريما مع أخوها فيصل الي تزوج وجاه 3 عيال ,,،،,,
وابراهيم يشتغل وساترن حاله
النهاية .....
أرجو أن القصه قد حازت على اعجابكم ,,،،,,
ولا تجاملوني ،، انتقدوني ,,،،,,
واسفين طولت عليكم ,،،,, << والله يا تعبت ايدي
وشكرا // ابوفهد_20
02-04-2007, 10:53 PM
<< عشيقان منذ الصغر ,,،،,, ولكن ؟؟ >>
رد: << عشيقان منذ الصغر ,,،،,, ولكن ؟؟ >>
![الصورة الرمزية ][آلسـ ـمو آليآسـ ـري][](http://www.alqanas.com.sa/vb/robben/yasserphoto/qna9_6.jpg)
رد: << عشيقان منذ الصغر ,,،،,, ولكن ؟؟ >>
العرض العادي
