حي الله نو واي موضوعك دسم خصوصا إنه عن شقراء
شقراء لها مكانة تاريخية قديمة جدا تعود الى صدر الإسلام
كما لها مكانة تاريخيه في تاريخ السعودية الحديث .
شقراء تعد من أوائل المناطق التي دخلت في دعوة الشيخ محمد بن عبدالوهاب
بعد الدرعية و كان لها دور كبير في صد الهجمات العثمانية التي لا زال التاريخ يذكرها .
هذه بعض الاضافات لشقراء :- أحياءها , علماءها , قصائد . . . إلخ



بعض الأمثال :-

× هذي عييناتي يوم أدَيِّنك.

و معناه كما نقول بعض الأحيان ( على حطت يدك ) يعني مثلا تسأل واحد عن معاملة له في أحد الدوائر
وش صار عليها يقول هذي عييناتي يوم أدينك بمعنى ما صار شي .

× فلان صدره أوسع من المستوي

المستوي :- منطقة برية مترامية الأطراف , ويقصد بالمثل للشخص الي وسيع صدره و حبيب

× فلان تفوّحه الخوصة.

هذا المثل عكس المثل السابق و يقصد به الإنسان العصبي جدا و اللي يولع بسرعه و الخوصه معناه معروف
ما يحتاج له شرح .

× من أوفى دينه نامت عينه.

عز الله انه صدق و أعتقد المثل و القصد واضح .

× من غاب عن عنزه جابت تيس.

هههههههههههههههه هذا المثل أليم و واقعي جدا جدا

× ماهيب تخر بس فيها شقيق.

خلوني أشرح المثل لكم إذا جا شخص يعرض لك بضاعه او شي من هذا القبيل ويذكر لك إن فيها عيب بسيط
والا الباقي سليم هنا نقول ما هيب تخر بس فيها شقيق يعني بضاعتك مثل وجهك .

× المهتوي يقطع المستوي

مثل معروف و مشهور و معناه واضح .

× من وفا مع الناس شاركهم في حلالهم.

هذا المثل يكتب بماء الذهب و معناه واضح و مفهوم .

× مابعد جاك المكوى هذا حقك من الفحم.

هذا اذا قلنا ما بعد شفت شي الجاي أعظم .

× أنجس من صوف الكراع.

المعنى واضح ولا يحتاج الى شرح .

× أبعد عليك من حبَّة كوعك.
× لو ينبت الشعر في راحة يديك.

كناية عن الأعمال المستحيلة .

× الصعوة حول الحمار .

هذا اذا قلنا كل قرين بالمقارن يقتدي .

× اللسان مغراف القلب.

مثل راائع بكل ما تحمله الكلمة من معنى .

× لاتقوم من مكانك وعندك شقراوي.

طبعا يتميزون أهل شقراء بسعة صدرهم و الطرافه الي ما تخل بالوقار و الاحترام اذا عندك شقراوي في مجلسك
لا تقوم منه الا لين يطلع .



الأسواق التجارية و الأحياء :-

1- سوق المجباب :-

سوق صغير به اكثر من عشر دكاكين في وسط البلدة القديمة . وهذا السوق خصص لبيع الخضروات و الرطب
و المصنوعات اليدوية المختلفة و الاشياء الدقيقة و متلطبات البيوت اليومية .

وقد وصفه الشيخ محمد البواردي :

إنما المجباب كالهند لنا * * * * كلما رمنا به شيئا حصل
تجد الرمان و القثا بـــــه * * * * مع بيض و دجاج و بصل

2- سوق القطعة :-

هذا السوق مخصص للجزارين و بيع اللحوم التي تنحر خارج البلد لتبقى مخلفاتها خارج البلد حتى لاتضر
بصحة السكان ثم يجلب اللحم للمدينه .

3- السوق الكبير :-

ويسميه أهل الباديه "" الماقفة "" وعدد دكاكينه 70 دكان لصغار التجار والسماسرة وبائعو التجزئة أما
كبار التجار و الموردون و المصدرون فيشرفون على بضاعتهم وبيعهم وشرائهمفي بيوتهم ومجالسهم .

* * *

أما الأحياء فهي كالتالي :-

أ - الأحياء التي يشملها السور القديم :-

المدينه, أسفل السوق , ملوى , النعوش , الدويخل , باب المناخ , سكة البيزة , نقبة ابن ميش , الممسر
الوارش , دويغر , المدابغ , القطعه , حائط علا , المحتة , شدحه , المجباب , الحسيني , القعرة , الحفر
سوق جحيان , الصعيدا المهنية , سكة البن حمد , سوق شيخه, المقاديم , اللدمة . المحيتة , سوق أبو سلطان
سوق عقيدان , سوق بهي , سوق بن عطيان , سكة الجنيدل , سكة الدواسر , سوق جاسرة .

ب - القسم الثاني :-

المسعري , الجوفا , العشر , حليوة , حلوة , الشوذبي , الطريف , باب العطيفة , الحمدانية , هداج , المدي
خبزة , جفرة طاحوس , الزرعي , الكسلانية , الحبانية , الخيسية , العويسية , باب العقدة , الصبخة , خيس صعب
المسيل , سوق الجرعة , سديرة , أم التين , حويط حسين , الطويلعه , حويط عقيل , خيس عينا , البديع , الحميدية
ثلة رشيد .



الأكلات الشعبية : -

1/ الــــدقـــس

2/ المثلوث أو العصيد أو الملتوت

3/ مراصــيــع الــغــالي (( المــطــازيــز ))

4/ الــمــرقــوق

5/ الحـنــيــنــي

6/ الــعــفــيــس

7/ الجــريــش

8/ الــقــرصــان

9/ المــراهــيف

10/ الــمــخــامــيــر



في النهاية كل الشكر لموقع ( شقراء سيتي على المعلومات القيمة ) وايضا الشكر للدكتور محمد بن سعد الشويعر
مؤلف كتاب "" شقراء "" .
والشكر كل الشكر لك نو واي على الموضوع الرائع والي رجع لي ذكريات عشر سنوات مضت في شقراء يا رب
يرزقني روحتن لها يا انا ولهان عليها .

اسجـل حظـوري انا ..

مـدري وش ارد .. بس كفيتي ووفيتي بـ الموضوع ..

بعدين في شي بسم الله عليكم ماشـاء الله

حقيـن شقـراء دوافيـر في دراستهـم

بسم الله عليهم ما شـاء الله ..

السلام
اهلين نو وي من زمان عنك
يعطيك الف عافيه على الموضوع
شقراء والنعم فيها وباهلها
ناس والنعم والله عندي صديقتين من شقراء تحطينهم على الجرح يبرى

اما ذا الكلمه ابدااااااااع
صراحه انا اول ماسمعتها عجزت ابي افككها واستوعبها
نو وي يسلموBBP

يعطيك العافيه على الموضوع .........يكفي اني من اهل شقراء........اصلا حسيت انا المنتدى نور يوم كتبتي عن شقراء هههههههههه .........

اقتباس:

المشاركة الأصلية كتبت بواسطة L.F.C اسجـل حظـوري انا .. مـدري وش ارد .. بس كفيتي ووفيتي بـ الموضوع .. بعدين في شي بسم الله عليكم ماشـاء الله حقيـن شقـراء دوافيـر في دراستهـم بسم الله عليهم ما شـاء الله ..

يمه شكل عينك حاررره اذكر الله . لاتنظلهم اذا جاء في اخواني شي بقول منك ههههههههههههه

وش هالـموضووع اللـي بيعئـد

وسكـنها من بعدهم " بنـي زيد "


وحبيـت أضيـف بعضاً من كلمـاتنا" اللي كلها ملح ":-
مزدي / أحسنت صنعاً ..
مثال :- مزدين فيه ..

صيف / تـأخر ..
مثال :- وراه صيـف ؟! ..

بصره / على راحته ( بكيفه ) ..
مثال :- بصـره موب لازم يجي ..

سـاد / يستاهل ( أحسن ) ..
مثال :- سـاد تستـاهل ما جاك ..

واذا تذكـرت كلمـات زيـاده بجـي أكتبها ..

وباقـي الكلمات قالتـها ! No way اللـه يعافيـها BBP

وعـلى فكـره الشـلال اللـي بشقـراء يعتبـر أطول شـلال اصطنأعي بالشـرق الأوسـط قولو " ما شـاء اللـه "..

مشكووووره ! No way حبيبـة ألبـي عالمـوضوع اللي يجـنن CC ..

واللهـي قدعـه يالشقـراويـه ..

شقـــرا يا لبى قلوب اهلـــها . . .

ديرة مافيه أحسن منها أهلها بعاداتهم بتقاليدهم كلها على بعضها . . .

نو واي قسم بالله قلبتي المواجع . . .

بس ماجبتي صور لسوق حليوة <<< يقصد بحليوة سوق الخضار

برايفت لــروبن :.

وراها ما جابت صورة بيت أمي هيا يا شيخ

نو واي تسلمين يالغالية على الموضوع الجميل وعلى قولتهم مطول الغيبات جاب الغنايم . .

بس لي طلب للي يروح شقراء يجيب صورة للبيت الي جنب المقبرة وقدامه برحة . . . لأانه بيت جدتي

بعدي يا اهل شقراء
والله والنعم والف نعم باهل شقراء
ماعرف احد من اهل شقراء .. بس سمعتهم تكفي
نو واي الكلمات الي قلتيها اغلبها تستخدم عندنا بكثره يعني

ايه موصيه يعني اغسليه .. يعني مثلاً يقولون .. موصي الغضاره الي على التبسي < اتحدى احد يفهم : | .. هي صح الجمله ؟

أقتباس

( .. أهــوه .. )

هههههههههههههههههههههههههههههههههههه
هذي احلى كلمه
يمكن عشاني استخدمها كثير

أقتباس

( .. رخمـه .. )

هههههههههههههه احس ترجمتك غلط
خابره تطلق على الشخص الدلخ

أقتباس

( .. قـَـط .. )

ههههههههه ايه هالكلمه تحكي عند الحريم

أقتباس

مزدي / أحسنت صنعاً ..

معلومه جديده
فيه مثل يقول " ماكل مزدي بك مردي "
هو كذا ؟
المهم اني توي افهمه صح

أقتباس

سـاد / يستاهل ( أحسن ) ..

عندنا زود الهاء بس
نقول ساده < بس بشتديد الدال


،




يعطيكـ العافية نو واي .. موضوع متعوب عليه ومرتب ترتيب حلو
ماقصرتي BBP

موضوع اكثر من رائع ...
لناااااس اروع .. يالبى قلوبهم .. اهل شقراء ..
بصراحه ناس مرره اخلاق وحبوبين وماشفت منهم الا كل خير .. ويكفينا انتي يا نو واي ..

أقتباس

الشلال في صورته النهائيـه ..

والله حركات شلالكم .. مرره خطير ..

أقتباس

( .. دعـلـه .. )
تقال للشخص النشبـه
وفي رواية شديد الغثاء !

هههههههههههههههههههه .. اعجبتني الكلمه ..
على العموم يعطيك الف عاااافيه يالغلا .. على التنسيق الحلوو .. والموضوع الاحلى ..
ولا يهنووون الباقين اللي اضافوا .. الله يعافيهم ماقصروا ..
تحيـــ لكِ ــــــاتي ..,,.. BBP BBP