*
*
*
بسم الله الرحمن الرحيم
السلام عليك ورحمة الله وبركاته
أسعد الله اوقات الجميع بالخير والمسرات 
بداية كلامي احب اعتذر عن قل مواضيعي في قسم الجمهور الهلالي
رغم من إن دمي أزرق والقلب أبيض , وكل نبظه تقول ياهلال احبك
إالا أن الاعضـاء ماقصروا وكفوا ووففوا ’ وأبدعوا في حبهم لهلالهم
لكن شي حلو إن الواحد يبوح ويطلع شوي من اللي بقلبه للي يحبــه 
فـ أنا لازم علي أصـارح محبوبي بوا سطة ( كيبـــوردي) المتواضع 
وأعلنها قويه وصريحه للي احبه وأفرحـه فيها وللحاقد واكتمه بها
أحـــبــــك يـــ هلالـ لـــوم مهمــا صــــ ــــار . فـ انت في القلب
أحـــبــــك يــ هلالـ وإن كثـرـوا عـــذالك وعــذالـي. فـ انت في القلب
أحـــبــــك يــ هلالـ يــاراعــــي الطـــولات وصاحب الصدارات
أحـــبــــك يــ هلالـ يامنبــــع الــذهبـ ويازعيمـــ البطـــــولا تـ
حبي لهلالي حب أبدي ومن عرفت الدنيـا وانا أسمع بشي اسمه الهلال
الهلال توج
الهلال حقق
الهلال أقصى
والــخ ........
رحت وساقني فضولي وشـول هـ الهلال , وليه بس ما أسمع الا بالهلال
أسئله كثيـره طرت على بالي . واستفاهمات وتعجبات . ورحت ابحث وانشد عنه
الين وصلت للي أبيه واذعوا ان فيه مباراة للهلال . وفتحت تلفزيوني وشفت جن الملاعب
واستوعبت حكاية هالعشق , وقلت تستاهل ياهلال , كل هالصجه واللجه وتستاهل هالحب
بعدها صار الهلال هو شغلي الشاغل من أيام الترنق الأزرق الكامل وفيه خطين بألابيض وبدون رقم
اللي يوزعونه المدارس ايام حصة البدنيـه واي شي اشوف فيه هلال على طول اشوف وش فيه
الين تطورت الأحداث .. وعاصرت الهلال من طفولتي . الين جـاء شعار ( الجوال ) على الفنيله الزرقـاء 
][][ الهلال قصــة عشق لن تنتهـــي ][][
الهلال قصة عشق ماتنتهي ويطلها قالوها , مالها الا ( هلالهـا )
لامنافس ولا وصيف ولا حتى اللي بازين بـه بعض الناس وهو يصارع شبح الهبوط 
ومع هذا اقول [ اللهم لا شماته ] ومع هذا بعد هم اللي جابوا الحكي لأانفهم
عموما ماأبي اطلع عن السريع وامسك خط الخدمه .. برجع لحبيب قلوبنا هلالنا حبيبنا وعشقنا
آه يالهلال , آه من نجـــوم الهلال , آه من جماهيــر الهلال , وآه وكمان آه .....!
إن حكيت كل شي تغنى بـ أسم الهلال
إن بكيت ردوها لي نجوم الهلال , وكنهم يقولون لي انسى مره انك شكيت
إن قلت وفيت . لقيت جماهير توفي , واحس اني ماقدمت ولاحتى عطيت
][][ الهلال شامخ ][][
ومثل ماقال الاستاذ صالح الورثان [ سيبقــى الهلال شامخـا في عريجــاه ]
وصح السانك يـ صالح على هـ المقوله اللي أشوف فيها الثقه والأصرار والقوه
وصح السانك يـ صالح على هـ المقوله اللي طرطعت بـ ناس وأفرحت نــاس
][][ دخله ع السـريع ][][
وهو ســؤال ع الطايـر [ وش اللي خلى هلالنا شـامخ ؟!؟ ]
_ بختصـر لكم الاجابات وبقولها في كم فقره مختصـره .
( الأجابه [ 1 ] )
إذا ضمنا احد بنفس مقومات هالرئيس البطل اللي بـ الصوره اعلاه ( ابو سلطان )
سيظل الهلال شامخا بأذن الله , مع احترامي للرؤساء اللي راحوا ولا أبخس حق احد منهم
لكن ابو سلطان يختلف ابو سلطان غيـر , الصغير بعمره . الكبيـر بعقله . وحقق الانجازات
وحسم اقوى الصفقات وانجحها . كذالك الجرئه والشخصيه القويه اللي يتمتع بها هـ الرجل
وإنسان حقاني يقول الحق . هي محسوبه عليه والا له . ( قايلها قايلها ) وهذي النتايج
واضحه للجميع ولاهوب لي انا الحالي . من تحسن لأحسن وبطولات وصدارات . والله لايغير علينا
( الأجابه [ 2 ] )
نجوم الهلال من أيام التلفزيونات الأسود والأبيض الين الملونه والين شاشات البلازما
نجوم يعتمد عليهم في كل الاحوال , طبعا الفضل والتوفيق من الله سبحانه قبل كل شي
الا ان هـ النجوم اذا قالوا كلمه كانوا قدهـا , لعب حماسي , لعب قتالي , نلمح فيه الأصرار
وحنا بعض الأحيان نحط ع اللعيبه ونلومهم وحنا ماندري وش ظروفهم . وكل شي له ظروفه
[[ لا يكلف الله نفسا إلا وسعهـا ]]
والحمد لله . حنا محظوظين بكوكبه من النجوم وان ذكرت اسامي هـ الكوكبه ماخلصت
( الأجابه [ 3 ] )
جماهيرنا الغفيره والعريضه بكل مكان أو مثل مايسمونه بـ ( الرقم الصعب ) وانا اشهد انه اسم على مسمى
جماهير بكل مكان وزمان موجوده , إن رحنا شمال لقيناها وإن جينـا جنوب لقيناها
شـرقنـا وغربــنــا , لقيناها حاظره , وواقفه مع هلالها في أوقات الرخاء والشده
وهذا العشم فيكم وصدق فيها ( ابو سلطان ) يوم قال ( جماهير الهلال هي سبب هـ الأنتصارات )
ويـ جماهيـر الهلال [ جعل هذا طبعكم . وحنــا من ربعكمـ ]
][][ همســه هلالــــيـــه ][][
انا ماودي أسميها همسه بعكس أنها تحذير وشديد اللهجه ( قف انت أمام الزعيم )
والكلام لأصحـاب الأضواء , والفلاشات لان الجميع اقتنع بخطوره وقوة الهلال
الأ انت يـ أبو ( 3 ) لكن اقــول ( والله وجابك زمانك ) والمفروض مهيب زمانك
بدال ماهي ( هياط جماهيرك ) ياللي تقول . وتصرح انكم متمسكين بالروح الرياضيه
والوعد قدام وبأذن الله بتاكل الثلاثه .. ثلاثه ثانيـه .. وتذكر زين ان الهلالي دايم بالعلالي
][][ اخيـــــرا ][][
ترى كل هـ اللي قلته مهوب شي بـ اللي وسط قلبي ولحبي للكيان الهلالي
بعكس ماهو شي يقرقع بقلبي وودي اطلعه واقـول لو بعضه ولاهوب كله
وابي دعواتكم لهلالي وهلالكم ,, والووقوف معه . بالدعم المعنوي والحضور الجماهيري
كل التوفيق لزعيم آسيـا ,, في كل مكان وزمان
لحظه ياحلوين .. تراني مبتعد مره عن الرسميه . وخليت كل شي بالعامي
12-02-2007, 12:16 PM
رد: ][][ ( الهلال ) عشــق كبــر من سنين الطفــوله . والوعد قدام ][][
العرض العادي
