تناولت معظم منتديات الأندية السعودية موضوع الربطة الموجودة في يد ياسر القحطاني
ماسرها ......؟
هل هو مصاب......؟
هل يعتقد أن الربطة هي سبب تفوقه .......؟
...........؟
.................؟
أسئلة كثيرة رددتها الجماهير السعودية عبر منتدياتها لماذا يضع ياسر الربطة في يده؟
البعض قال مالكم ومال ياسر هذا نجم وماأحد يتعرضه
والبعض قال انه يرتدي الذهب تحت هذه الربطة ويخفيها عن الحكام
والبعض قال يوجد في شراب ياسر رمز الصليب
والبعض قال ياسر لايرتديها في المبارياة الودية ولا في التدريبات وإنما يرتديها في المباريات المهمة
والبعض قال أنها موضة
والبعض قال ياسر يحب التميز ويحب يمز نفسه عن بقية اللاعبين
والبعض قال : في لاعبين يلبسون سلاسل ويحلقون قزع وماأحد تكلم عليهم وش معنى ياسر
والبعض من الحقاد قال انها موضة بنات
والبعض قال يريد يدفع بها عنه العين
واليكم بعض الصور التي تناولتها المنتديات السعودية


وهذه صور لياسر بالتدريبات بدون الربطة

بل حتى يقولون ياسر أحيانا لايقدم مستوى ولكن يجيب أهدف........
أرد عليهم قائلا ...... هذي نجومية ياسر يايقدم مستوى وأهداف أو يكتفي بالأهداف
ومن وجهت نظري فإنها قضية فعلاً تثير الإعجاب لتسكت كل الجماهير السعودية عن اتهاماتهم للنجم ياسر القحطاني
ومن وجهت نظري أيضا أن هذه الربطة يرتديها ياسر لتحمسه على اللعب أو ليمسح بها عرقه فقط لاأكثر ولاأقل
وأتمنى من المقربين لياسر يفيدنا بسر هذه الربطة لأعلنها في كل المنتديات دفاعاً عن ياسر

مشكور أخوي أبو كيمو ...

وخل الحساد والحاقدين يتكلمون ،، عندما قلنا نور و القزع قالوا بأنها حريه وهو حر بشعره وقصته ...

الأن ماذا يريدون بياسر هل لإنه مصخهرهم ولعب بحسبتهم يطلعون أعذار بالربطه ...

وياسر حر بما يلبس أو يربط ....

ثانكس خيو على الموضوع

ههههههههه سؤال محير فعلاً
بس لبسها ولا ما لبسها يبقى متميز
وكلام الحاقدين مجرد غيرة من ياسر
يسلمووو عالسؤال الي حيرنا
بس توقعي انها عشانه مصاب فقط لا غير
رم رم

.
.
.
.
تدري يا طويل العمر إنّ معاناة النصر تقتصر على ملاحقته لنادي الهلال و تتبع أخباره و لاعبيه
و هذا السبب الأول من أسباب سقوط النصر ..

نادي على وشك الهبوط و تلك هي مواضيعهم
أين ذهب ياسر ماذا يلبس ياسر لماذا ياسر ..

حالتهم يُرثى لها و أنا أخُوك
: )

اتركهم يقولون اللي يقولون...
لو ماكان ياسر عاجبهم ويتمنون انه في انديتهم..كان ما دققوا فيه
وفي لبسه حتى وصلوا ((شرابه))..
..لكن ما اقول الا الحمد لله اللي انعم علينا بالعقل..

الموضوع مكرر وتم قفله بواسطة حالي الذوق على ماعتقد

ماله داعي اننا نسوي رجه في المنتدى على أسباب تافهه من نادي زي نادي النصر

النصر يدور على اي شيء يثبته على الهـلال ..

وموب كل واحد لبس ربطه سوا شيء ..

لكـن على كـل حـال

الله يعطيهم العقل والصحـه ..

خلهم يلتفون حول ناديهم اللي مفشلنا قدام الخلايق ويشوفون وش الخلل في فريقهم

بدل الاتهامات الفاضيه

***

اللي مايطول العنب حامضن عنه يقول ....!!

***

فعلا الموضوع مكرر وتم قفلة بواسطة الفجرالبعيد
وقاال اذا تكررت مواضيع الربطة الموجودةفي ياسر يتعرض الكاتب للطرد
شكرااا لك ابو كيمو لاتعتبر اللي قلته لك لقافة بس حبيت اوضح لك BBP BBP
وياسر مايؤثر فيه كلام الحساد والعذااال
لنا ولياسر البطولات ولهم الكذب والافترأت

خيييييييييييييييييييير ان شاء الله..

لهالدرجه وصلت فيهم الحقاره ..اجل (( والبعض قال يوجد في شراب ياسر رمز الصليب ))

ليش وش شايفين ياسر ..هذا فيه قذف ولو اني بدال ياسر لارفع عليهم قضيه..

يشككون في اسلام ياسر ..اعوذ بالله من شرهم..

مو لهالدرجه عاد...ما تبون تفكرون في مصايب نادييكم واشغلكم ياسر لاتشككون في اسلامه ولا حتى في اخلاقه..

انا سمعت واحد يقول ..شوفو وش قال من كثر ما ياسر مهبل بهم..

قال...ليش شراب ياسر مخطط بازرق وابيض وقصير بينما الاخرين لا!!!!!

وبعدين ياسر حر وهو مميز خلقه ما يحتاج يحط ربطه ...

مشكور ابو كيمو..

سبق وان كرر وحذر وصرخ الفجر البعيد ولكن لا حياة لمن تنادي ..

الربطه اصبحت هاجس للبعض , واحيانا تكون اثارتها لحب الظهور لا اكثر ,

وتم اشبااااااااااااااااااااااعها ضحكا فأكتفينا بذلك ..

لذا انتظر الفجر البعيد بفارغ الصبر لحذف هذا الموضوع المخالف تماما في سلة المهملات ,,,


انتظرك .

ياربييييي ليه هم حاقدين عليه وش دخلهم وبعدين ياسر مو غبي يبيع
دينه عشان فلوس او جماهير لانه ييدري انه محصلهم بهالسحر او بدونه

الربطه اللي باصبعه عشان الدبله ممنوع يلعب فيها فلازم يغطيها
واللي بيده اتوقع عشان يمسح فيها العرق او شي
واللي برجلينه حركه تميز بها ياسر كما تميز بفنه ولعبه واخلاقه

مساكين على بالهم بهالكلام راح يؤثرون على قناصنا
وربي ينرحمون


وعندي وجهة نظر اتمنى تتقبلوها بكل صدر رحب

الاخوان اللي قالو ينحذف الموضوع ليش ينحذف؟؟؟

واي احد مقرب لياسر ياخذ الاجابه منه ويوافينا فيها عشان يخرسون كل حاقد وكل حاسد


== تقبلو مروري ولكم جل احترامي وتقديري ==